အစိုးရ တပ်ဖွဲ့၏ ရာဇသံကို SSA-N က အာခံသည်

အစိုးရ တပ်ဖွဲ့၏ ရာဇသံကို SSA-N က အာခံသည်:
ဇူလိုင် (၂၆) ရက်နေ့ နောက်ဆုံးရက် အဖြစ် ထားပြီး ရာဇသံ ပေးခဲ့သည့် နမ့်မဂွင်မှ ဆုတ်ခွာပေးရန် ရှမ်းပြည် တိုးတက်ရေး ပါတီ (SSPP/ SSA-N) အား အမိန့်ပေး ထားခြင်းကို ယနေ့အထိ အာခံနေဆဲဖြစ်သည်ဟု အမည် မဖေါ်လိုသည့် SSA-N ဗိုလ်မှူးကြီး တဦးက ပြောပါသည်။



“ အပစ်ရပ်တုန်းကတော့ ကိုယ့်နေရာ ကိုယ်နေကြလို့ သဘောတူထားတယ်။ နောက်မှ တန့်ယန်းနဲ့ မိုင်းရှူးက ကျနော်တို့ နေရာကို အကြောင်းမကြားဘဲနဲ့ အရင်ဝင်တိုက်တယ်။ အဲဒီနည်းနဲ့ နှစ်ကြိမ်တိုင် ၀င်တိုက်ပြီးတော့ ကျနော်တို့ရဲ့ စခန်း (၃) နေရာ စလုံး ဆုတ်ပေးရပါတယ်။ ဒါတောင် မပြီးသေးဘူး။ အဲဒီ (၂၆)ရက်နေ့ကို နောက်ဆုံးထားပြီးတော့ နမ့်မဂွင်ထဲမှာ ရှိတဲ့ ကျ နော်တို့ တပ်ဖွဲ့တွေကို ထပ်ဆုတ်ခိုင်းပြန်ပါတယ်။ ဒီတခါမှာတော့ ကျနော်တို့ ဗဟိုကနေ လုံးဝမဆုတ် ရဘူးလို့ အမိန့်ထုတ် ခဲ့ တယ်။ ။ အဲဒီလိုလည်း ထုတ်လိုက်ရော အခုရက်ချိန်း လွန်သွားတာတောင် သူတို့က ဆက်မတိုက်တော့တာ တွေ့ရပါတယ်”
ဟု ဆိုပါသည်။

နမ့်မဂွင် ဆိုသည်မှာ ရှမ်းပြည်နယ် မြောက်ပိုင်း သီပေါမြို့၏ အရှေ့မြောက်ဖက်၊ လားရှိူးမြို့တောင်ဖက်နှင့် မိုင်းရယ်မြို့နယ်၏ မြောက်ဖက်၌ ရှိသော နယ်မြေကို ဆိုလိုခြင်းဖြစ်ပါသည်။ အဆိုပါနေရာတွင် SSA-N ၏ တပ်မဟာ (၁)ဧရိယာနှင့် ကချင်ပြည် လွတ်မြောက် အဖွဲ့(KIA) ၏ တပ်မဟာ (၄) ဧရိယာဖြစ်ပါသည်။ ထို့အပြင် ပလောင် လွတ်မြောက်ရေး အဖွဲ့ (PSLO) တပ်ဖွဲ့တို့ လှုပ်ရှားနေသော ဧရိယာလည်း ဖြစ်ပါသည်။

ဤအခြေအနေတွင် SSA-N သည် နောက်ဆုတ်ပေးတော့မှာ မဟုတ်သည့် အတွက် အစိုးရ တပ်ဖွဲ့များသည် အပစ် အခတ်ရပ် စဲရေးကို တမင်ဖျက်ဆီးရာ ရောက်မှာကို စိုးရိမ်ဟန်ရှိသည့်အတွက် ဆက်မတိုက်တော့ဘဲ တမင် ရပ်စဲလိုက်ဖွယ် ရှိသည်ဟု ဝေဖန်သူများက ဆိုပါသည်။

SSA-N သည် ရှမ်းပြည်နယ်ရှိ မိုင်းရှူး၊ မိုင်းယန်း၊ သီဘော၊ မန်ဖန်နှင့် မိုင်းရယ် မြို့နယ်များ၌ လှုပ်ရှားနေပြီး၊ ၀မ်းဟိုင်း၌ ဌာန ချုပ်ထားရှိခဲ့ပါသည်။ ထို့အပြင် SSA-N သည် “၀” ပြည် သွေးစည်း ညီည့တ်ရေး ပါတီ အပါဝင် မိုင်းလား အဖွဲ့တို့နှင့်လည်း မဟာမိတ် ဖွဲ့ထားပါသဖြင့် ၄င်းတို့ လျို့ဝှက် ဌာနချုပ် စခန်းကို “၀”နှင့် မိုင်းလား ဖက်၌လည်း ထားရှိခဲ့သည်ဟု အဆိုပါ SSA-N ဗိုလ်မှူးကြီးက ဆိုပါသည်။

အစိုးရ၏ တိုင်းရင်းသား အပေါ် သဘောထားသည် သစ်ဆန်းမှု မရှိဟု နေပြည်တော် အဆင့် ငြိမ်းချမ်းရေး ဖေါ်ဆောင်ရေး ဗဟိုအဖွဲ့၏ သဘောထားကို ကြည့်ခြင်းအားဖြင့် သိသာနိုင်သည်ဟု သုံးသပ်သူများက ဆိုပါသည်။ ဤသို့ကြောင့် အစိုးရ သည် တပြည်လုံး အပစ်အခတ် ရပ်စဲရေးကို မကြေညာသည့်အပြင် နည်းဗျူဟာ သစ်ခင်းပြီး၊ အပစ်ရပ်သော အဖွဲ့၊ အပစ်မ ရပ်သောအဖွဲ့နှင့် ချေမှုန်းသင့်သော အဖွဲ့ဟူ၍ အမျိုးမျိုး သွေးခွဲထားပြီး အချိန်အခါပေါ်မူတည်၍ အားလုံးကို ချေမှုန်းသွားလိမ့် မည်ဟု အကဲခတ်များက ဆိုပါသည်။