အိုလံပစ် အမျိုးသမီးရေကူးပြိုင်ပွဲ အမေရိကန် ရွှေတံဆိပ်ရ

အိုလံပစ် အမျိုးသမီးရေကူးပြိုင်ပွဲ အမေရိကန် ရွှေတံဆိပ်ရ

ဗွီအိုအေ (မြန်မာဌာန)

29.07.2012

နွေရာသီ လန်ဒန် အိုလံပစ် အမျိုးသမီး မီတာ ၁၀၀ ရေကူးပြိုင်ပွဲမှာ အမေရိကန်က Dana Vollmer က ကမ္ဘာ့စံချိန်ချိုးပြီး ရွှေတံဆိပ် ရရှိသွားပါတယ်။ Dana Vollmer က မီတာ ၁၀၀ ကို ၅၅.၈၉ စက္ကန့်နဲ့ ပထမ၊ တရုတ်နိုင်ငံက Lu Ying က ဒုတိယနဲ့ သြစတြေးလျ နိုင်ငံသူ Alicia Coutts က တိတယ အသီးသီး ရရှိခဲ့ကြတာပါ။
မီတာ ၁၀၀ လက်ဆင့်ကမ်း ရေကူးပြိုင်ပွဲမှာ ပြင်သစ် အမျိုးသား ရေကူးအသင်းက လွန်ခဲ့တဲ့ ၄ နှစ်က သီသီလေး ကပ်ရှုံးခဲ့တဲ့ အမေရိကန်အသင်းကို ကျော်တက်ပြီး ရွှေတံဆိပ် ဆွတ်ခူးသွားပါတယ်။ ရုရှားအသင်းက တတိယ ကြေးတံဆိပ် ရရှိသွားပါတယ်။
အမျိုးသမီး ၅၂ ကီလိုတန်း ဂျူဒို ပွဲစဉ်မှာ မြောက်ကိုရီးယားက An Kum Ae က ကျူးဘားက Yanet Bermoy Acosta ကို အနိုင်ရခဲ့ပြီး ရွှေတံဆိပ် ရရှိသွားပါတယ်။ အမျိုးသား အလေးမ ပြိုင်ပွဲမှာလည်း မြောက်ကိ်ုရီးယားက Om Yun Chol က ရွှေ၊ တရုတ်နဲ့ အဇာဘိုင်ဂျန်က ငွေနဲ့ ကြေး အသီးသီး ဆွတ်ခူးနိုင်ခဲ့ကြပါတယ်။ အမျိုးသား ၆၆ ကီလိုတန်း ဂျူဒိုပွဲစဉ်မှာ ဂျော်ဂျီယာ နိုင်ငံက Lasha Shavdatuashvili က ရွှေတံဆိပ် ရရှိပါတယ်။
အမျိုးသား Basket Ball အဖွင့် ပွဲစဉ်တွေမှာ NBA နံမည်ကြီး ကစားသမားတွေပါဝင်တဲ့ အမေရိကန် အသင်းနဲ့ ပြင်သစ်အသင်းတို့ ယှဉ်ပြိုင်ရာမှာ အမေရိကန်အသင်းက ၉၈-၇၁ နဲ့ အနိုင်ရရှိခဲ့ပါတယ်။

အိုလံပစ်အမျိုးသားရေကူး အမေရိကန် ရွှေတံဆိပ် ဆွတ်ခူး

အိုလံပစ်အမျိုးသားရေကူး အမေရိကန် ရွှေတံဆိပ် ဆွတ်ခူး 

အိုလံပစ် မီတာ ၄၀၀ အမျိုးသားအလွတ်ကူးပြိုင်ပွဲမှာ ၄ မိနစ်၊ ၅.၁၈ စက္ကန့်နဲ့ ရွှေတံဆိပ်ရသွားသူ Ryan Lochte ( ဌူလိုင် ၂၈၊ ၂၀၁၂။)

ဗွီအိုအေ (မြန်မာဌာန)

28.07.2012

လန်ဒန်အိုလံပစ်အားကစားပြိုင်ပွဲက စနေနေ့ည အမျိုးသားမီတာ (၄၀၀) တစ်ဦးချင်း အလွတ်ကူးပြိုင်ပွဲ နောက်ဆုံးဗိုလ်လုပွဲမှာ အိုလံပစ် ရေကူး ရွှေတံဆိပ် (၁၆) ခု ပိုင်ရှင် ကမ္ဘာကျော် အမေရိကန် ရေကူးချန်ပီယံ မိုက်ကယ် ဖယ့်လ်ပ် (စ်) (Michael Phelps) ဟာ စတုတ္ထ နေရာ ကနေ ပန်းဝင်ခဲ့တာကြောင့် ဒီပွဲမှာ ရွှေတံဆိပ်နဲ့ လွဲခဲ့ရပါတယ်။
နောက်ထပ်အမေရိကန် ရေကူးသမားဖြစ်တဲ့ ရိုင်ယင် လော့က်တီး (Ryan Lochte)က  ၄ မိနစ် ၅.၁၈ စက္ကန့်နဲ့ ရွှေတံဆိပ် ရရှိသွားခဲ့ပါတယ်။ နောက်ထပ် အများမျှော်လင့်သလို ဖြစ်မလာတဲ့ ပြိုင်ပွဲကတော့ အမျိုးသား ကီလိုမီတာ ၂၅၀ စက်ဘီးပြိုင်ပွဲပါ။ ဗြိတိသျှပရိဿတ် အကြီး အကျယ် မျှော်လင့်ထားကြတဲ့ မာ့ခ်ကေဗင်ဒစ်ရှ် (Mark Cavendish) ဟာ တံဆိပ်တစ်ခုမှ မရရှိဘဲ ဒီပွဲမှာ ခါဇက်ခ်စတန် (Kazakhstan) နိုင်ငံက အလက် ဇန္ဒား ဗီနိုခူရော့ဗ် (Alexander Vinokourov) က ၅ နာရီ ၄၅ မိနစ် ၅၇ စက္ကန့်နဲ့ ပန်းဝင်ပြီး ရွှေတံဆိပ်ရရှိသွားပါတယ်။
တင်းနစ်ပြိုင်ပွဲမှာတော့ ဆွစ်ဇာလန်က ရော်ဂျာဖယ်ဒါရာ (Roger Federer) အမျိုးသားပြိုင်ပွဲမှာ အနိုင်ရပြီးတော့ အမေရိကန်ပြည်ထောင်စုက ဆယ်ရီနာဝီလီယမ်စ် (Serena Williams) အမျိုးသမီးပြိုင်ပွဲမှာ အနိုင်ရသွားပါတယ်။ ကီလို (၆၀) အောက် အမျိုးသား ဂျူဒိုပြိုင်ပွဲမှာ ရုရှက အာဆီးန်ဂါစတီးလ်ယန်း (Arseen Galstyan) က အနိုင်ရပါတယ်။
အားလုံးကမျှော်လင့်ထားတဲ့ အမေရိကန်အမျိုးသမီး ဘတ်စကက် ဘောအသင်းက ခရိုအေးရှားအသင်းကို (၈၁)မှတ် (၅၄) မှတ်နဲ့ အနိုင်ရခဲ့ ပါတယ်။ အယ်လ် ဘေးနီးယား အလေးမသမား ဟိုစိန်ပူလာကူ (Hysen Pulaku) ဟာ တားမြစ်ဆေး steroids အသုံးပြုတာ စစ်ဆေးတွေ့ရှိ ရလို့ ပြိုင်ပွဲကနေ အထုတ်ခံခဲ့ရပါတယ်။
မလေးရှားက အသက် (၂၉) နှစ်အရွယ် (၈) လ ကိုယ်ဝန်ဆောင် အမျိုးသမီး နာဆူယာနီ မိုဟာမက်ထိုင်ဘီ (Nur Suryani Mohamad Taibi) ကတော့ (၁၀) မီတာ လေသေနတ်ပစ်ပြိုင်ပွဲမှာ  ပြိုင်ပွဲဝင် (၅၆) ဦးထဲမှာ အဆင့် (၃၄) ရရှိပြီး သူဟာ လာမယ့် စက်တင်ဘာ (၁၃) ရက်နေ့မှာ မီးဖွားမှာ ဖြစ်ပါတယ်။

အိုလံပစ် ပထမနေ့ပွဲစဉ် ကြည့်ချင်သူတွေ မကြည့်ရ

အိုလံပစ် ပထမနေ့ပွဲစဉ် ကြည့်ချင်သူတွေ မကြည့်ရ

ဗွီအိုအေ(မြန်မာဌာန)

29.07.2012

လန်ဒန် အိုလံပစ်ပြိုင်ပွဲ ပထမနေ့ အားကစားပွဲ အတော်များများမှာ ပွဲကြည့်စင်တွေပေါ်မှာ နေရာ အလွတ်တွေ အများကြီးကျန်နေတာဟာ ဘယ်လိုကြောင့်လဲ ဆိုတာကို အိုလံပစ်ပြိုင်ပွဲ စီစဉ်ကြီးကြပ်သူတွေက စုံစမ်းစစ်ဆေးနေပါတယ်။ တီဗွီရုပ်သံတွေမှာတော့ Wimbledon တင်းနစ်ကွင်း၊ ရေကူးကန်တွေ၊ အားကစားရုံတွေ နဲ့ တခြား အားကစားကွင်းတွေမှာ နေရာ အတော်များများ လွတ်နေတာတွေကို ပြသခဲ့ပါတယ်။ အဲဒါကြောင့် လက်မှတ်ဝယ်လို့မရတဲ့ အားကစားဝါသနာရှင်တွေဟာ ဒေါသထွက်ပြီးတော့ လက်မှတ်တွေ ၀ယ်မရတဲ့အပေါ်မှာ မကျေမနပ် ဖြစ်ခဲ့ကြပါတယ်။
ဗြိတိန်နိုင်ငံရဲ့ ယဉ်ကျေးမှုဝန်ကြီး Jeremy Hunt ကတော့ အဲဒီလွတ်နေတဲ့ ခုံတွေဟာ ပွဲအတွက် ကမကထ လုပ်သူတွေအတွက် ပေးထားတဲ့နေရာတွေ ဖြစ်ကြောင်း၊ တကယ်လို့ အဲဒီလူတွေအနေနဲ့ ပွဲကိုမကြည့်နိုင်ရင် လက်မှတ်တွေကို ပွဲတကယ်ကြည့်ချင်တဲ့ အားကစားဝါသနာရှင်တွေ ၀ယ်လို့ရအောင် လုပ်ထားပေးသင့်တယ်လို့ ပြောပါတယ်။
ဒီကနေ့မှာတော့ Kobe Bryant နဲ့ Lebron James တို့လို့ နံမည်ကြီးတွေ အများအပြား ပါဝင်တဲ့ အမေရိကန် ဘတ်စကတ်ဘော အသင်းဟာ လန်ဒန်အိုလံပစ်ပြိုင်ပွဲ ပွဲဦးထွက်ပွဲစဉ် အဖြစ် ပြင်သစ်အသင်းနဲ့ ကစားရမှာဖြစ်ပါတယ်။
အခုသတင်းကြေညာချိန်အထိ နောက်ဆုံးသိရသလောက် ဆုတံဆိပ်ရတဲ့ အနေအထားကတော့ တရုတ်နိုင်ငံက ရွှေ ၅ ခု၊ ငွေ ၁ ခု ၊ ကြေး ၂ ခု ရထားပြီး ပထမ၊ အမေရိကန်က ရွှေ ၂ ၊ ငွေ ၂ ၊ ကြေး ၂ နဲ့ ဒုတိယ၊ အီတလီက ရွှေ ၂၊ ငွေ ၂၊ ကြေး ၁ နဲ့ တတိယ ၊ အဲဒီနောက်မှာမှ တောင်ကိုရီးယားက စတုတ္ထ၊ ဘရာဇီးက ပဉ္စမ ရထားပါတယ်။ အိမ်ရှင် Great Britain ကတော့ အခုချိန်ထိ ဆုတံဆိပ်တခုမှ ရထားခြင်းမရှိသေးပါဘူး။

မြန်မာ့နိုင်ငံရေး အင်အားစုတွေနဲ့ ကင်တားနားတွေ့မည်

မြန်မာ့နိုင်ငံရေး အင်အားစုတွေနဲ့ ကင်တားနားတွေ့မည် 

မဆုမွန်

29.07.2012

ကုလသမဂ္ဂရဲ့ မြန်မာနိုင်ငံ ဆိုင်ရာ လူ့အခွင့်အရေး အထူးကိုယ်စားလှယ် သောမတ်စ်အိုဟေး ကင်တာနားဟာ ရခိုင်ပြည်နယ်တွင်း ပဋိပက္ခအရေးစုံစမ်း လေ့လာဖို့ အတွက် မြန်မာပြည်ခရီးစဉ် စတင်တော့မှာ ဖြစ်ပါတယ်။ မြန်မာအစိုးရရဲ့ဖိတ်ကြားချက်နဲ့ ရောက်ရှိလာတဲ့ ကုလသမဂ္ဂ အထူးကိုယ်စားလှယ်ရဲ့ ခရီးစဉ်အတွင်း မစ္စတာကင်တာနားဟာ အစိုးရတာဝန်ရှိသူတွေ၊ နိုင်ငံရေး အင်အားစုတွေ၊ ရခိုင် အဖွဲ့အစည်းတွေနဲ့ တွေ့ဆုံဖို့ရှိသလို အကြမ်းဖက်မူတွေ ဖြစ်ပွားခဲ့တဲ့ ရခိုင်ဒေသတွေ ကိုလည်း သွားရောက် လေ့လာဖို့ရှိပါတယ်။ ဒီအကြောင်း အသေးစိတ်ကို မဆုမွန်က တင်ပြပေးပါမယ်။

မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် မစ္စတာကင်တာနားဟာ မနက်ဖြန် တနင်္လာနေ့ ဇူလိုင်လ ၃၀ ရက်နေ့မှာ မြန်မာနိုင်ငံကို ရောက်ရှိမှာဖြစ်ပါတယ်။ မြန်မာပြည် ခရီးစဉ်အတွင်း နေပြည်တော်က ထိပ်တန်း အစိုးရ တာဝန်ရှိသူတွေနဲ့ တွေ့ဆုံမှာဖြစ်သလို အမျိုးသား လွှတ်တော်ကိုလည်း သွားရောက်ပြီး လွှတ်တော်ကိုယ်စားလှယ်တွေနဲ့ တွေ့ဆုံဖို့ရှိပါတယ်။
မြန်မာပြည်ကို လာတဲ့မစ္စတာ ကင်တာနားရဲ့ ခရီးစဉ်အတွင်း ရခိုင်ဒေသမှာ ဖြစ်ပျက်ခဲ့တဲ့ အခြေအနေတွေနဲ့ ပတ်သတ်ပြီး ကုလသမဂ္ဂ အထူး ကိုယ်စားလှယ် နဲ့ ရခိုင်အဖွဲ့အစည်းက တာဝန်ရှိသူတွေ ရန်ကုန်မြို့ ကုလသမဂ္ဂ ဖွံ့ဖြိုးမှု အစီအစဉ် UNDP ရုံးမှာ လာမယ့်သြဂုတ်လ ၂ ရက်နေ့ နေ့လယ်ပိုင်းမှာ တွေ့ဆုံ ဆွေးနွေးဖို့ ရှိတယ်လို့ ရခိုင် တိုင်းရင်းသားများ တိုးတက်ရေးပါတီ ဥက္ကဋ္ဌ ဒေါက်တာ အေးမောင်က ဗွီအိုအေမြန်မာပိုင်းကို ပြောပါတယ်။ 
“ရန်ကုန်မှာ UNDP ရုံးမှာ တွေ့ဖို့ ချိန်းထားတာ ရှိတယ်။ သူ့ရဲ့ မေးခွန်းတွေ၊ သူ့ရဲ့ သုံးသပ်ချက်တွေ အပေါ်မှာ အပြန်အလှန် တုံ့ပြန်ပြီး ဆွေးနွေးကြမယ့် သဘောပါပဲ။ မစ္စတာ ကင်တားနား ကိုယ်တိုင်က လူ့အခွင့်အရေးနဲ့ ပတ်သက်လို့ အစီရင်ခံစာတွေ အများကြီး ရေးခဲ့တာ။ သူ ရေးခဲ့တဲ့ အထောက်အထားတွေ အများစုက ပြည်ပကနေ များတာကိုး။ ပြည်တွင်းကို သူ ၀င်နိုင်သေးတာလည်း မကြာသေးတာမျိုး ရှိတယ်။ အဲဒီတော့ ပြည်ပကရတဲ့ သတင်းအချက်အလက်တွေက ဘယ်လောက် အရင်းအမြစ် မှန်လဲ၊ မမှန်ဘူးလဲ ဆိုတာပေါ့နော်။ အခု လာတဲ့ အကြောင်းရင်းက ပြည်ပမှာ ထွက်နေတဲ့သတင်းတွေ ရှိတာပေါ့နော်။ ဒီပဋိပက္ခရဲ့ နက်ရှိုင်းမှုကို သူ သဘောပေါက်ဖို့ လိုပါလိမ့်မယ်။”
ကုလသမဂ္ဂ အထူးကိုယ်စားလှယ် မစ္စတာကင်တာနားကို မြန်မာနိုင်ငံရဲ့ သမိုင်းကြောင်း အစစ်အမှန်တွေ၊ ဒေသတွင်း လက်ရှိဖြစ်ပျက်နေတဲ့ အခြေအနေ အမှန်တွေနဲ့ ဖြစ်ပျက်ခဲ့တဲ့ အကြမ်းဖက်မှုတွေရဲ့ ဇစ်မြစ်ရင်းခံ တွေကိုလည်း ရှင်းပြဖို့ရှိတယ်လို့ ဒေါက်တာအေးမောင်က ပြောပါတယ်။
“ဒီ ဒေသတလျှောက်လုံး ဘူးသီးတောင် မောင်တော လွင်ပြင်မှာ တိုင်းရင်းသားတွေ၊ အထူးသဖြင့် ရခိုင်မျိုးနွယ်စုတွေ အရင်တုန်းက ရွာကြီးပေါင်း များစွာ ရှိတယ်။ အခုချိန်ခါမှာ ၂ ရာခိုင်နှုန်း၊ ၃ ရာခိုင်နှုန်းလောက်ပဲ ရှိတော့တယ် ဆိုတဲ့သဘောကို ပြန်ကြည့်ရင် ဒီအခြေချနေထိုင်လာတဲ့ ပုဂ္ဂိုလ်တွေရဲ့ ရည်မှန်းချက် ရှိရှိနဲ့ နိုင်ငံရေး၊ နိုင်ငံတကာအရေး၊ ခုနကလို နိုင်ငံတကာနဲ့ ချိတ်ဆက်ထားတဲ့ UN အေဂျင်စီကအစ INGO အဆုံး ချိတ်ဆက်ပြီးကာမှ ပြည်ပက အင်အားစုတွေ အများစုကို ယူနိုင်ခဲ့တယ် ဆိုတာကအစ၊ စပြီးတော့ ဖြစ်လာတဲ့ ကွင်းဆက် အကုန်လုံးကို ဆက်နွယ်ပြီးတော့ ကျနော်တို့က တင်ပြဖို့ ရှိတယ်လို့တော့ ကျနော်တို့ သိရပါတယ်။”
ရခိုင်ဒေသတွင်း ဖြစ်ပျက်ခဲ့တဲ့ အဓိကရုဏ်းတွေနဲ့ ပတ်သတ်ပြီး ပြည်ပနိုင်ငံတချို့ရဲ့ ခြိမ်းခြောက် သတိပေးနေမှုအပေါ် ကုလသမဂ္ဂ အနေနဲ့ အလေးထား စဉ်းစားသင့်တဲ့ အကြောင်း ကုလသမဂ္ဂ အထူး ကိုယ်စားလှယ်ကို ဆွေးနွေးတင်ပြမယ်လို့လည်း ဒေါက်တာအေးမောင်က ပြောပါတယ်။
“အထူးသဖြင့် ဘာသာမတူတဲ့ နိုင်ငံတွေက ကုလသမဂ္ဂကို တင်တာရှိတယ်။ ကုလသမဂ္ဂက ၀င်ရောက် စွက်ဖက်ဖို့ ညွှန်းတယ်လို့ ကြားပါတယ်။ ဆိုတော့ ဒီဖြစ်ရပ်မှန်တွေကို ကျနော်တို့က နိုင်ငံတကာ ဆိုတာတွေ၊ ဘာသာစုံ ကိုးကွယ်ကြတဲ့ နိုင်ငံတွေကို သိစေချင်တယ်။ အစ္စလာမ် တိုင်းပြည်တွေကိုလည်း သိစေချင်တယ်။ အဲဒီလိုပဲ ခရစ်ယာန်ဘာသာကို ကိုးကွယ်တဲ့ နိုင်ငံတွေကို သိစေချင်တယ်။ ဒီပြဿနာရဲ့ ဇစ်မြစ်ကို အဖြစ်မှန်တွေကိုလည်းပဲ လာတဲ့ပုဂ္ဂိုလ်တွေက နက်နက်ရှိုင်းရှိုင်း တွေးတောပြီးမှသာ သုံးသပ် ဆုံးဖြတ်တာကို ကျနော်တို့ ဖြစ်စေချင်တယ် ဆိုတာကို တွေ့ဆုံ ဆွေးနွေးတဲ့အခါမှာ ပြောဖို့ရှိပါတယ်။”
မစ္စတာကင်တာနားရဲ့ ဇူလိုင်လ ၃၀ ရက်နေ့ကနေ သြဂုတ်လ ၄ ရက်နေ့အထိ မြန်မာနိုင်ငံခရီးစဉ် အတွင်းမှာ လူထုခေါင်းဆောင် ဒေါ်အောင်ဆန်းစုကြည်နဲ့ တွေ့ဆုံမှာဖြစ်သလို ၈၈ မျိုးဆက် ကျောင်းသား ခေါင်းဆောင်တွေ အပါအ၀င် နိုင်ငံရေး အင်အားစုတွေနဲ့လည်း လက်ရှိ နိုင်ငံရေးအခြေအနေနဲ့ ရခိုင်ပြည်နယ်အရေး တွေ့ဆုံဆွေးနွေးမှာဖြစ်ပါတယ်။  
မစ္စတာ ကင်တာနားဟာ ရခိုင်ပြည်နယ်ကိုလည်း သွားရောက်ပြီး ဒေသခံအဖွဲ့အစည်းတွေနဲ့ တွေ့ဆုံမှာဖြစ်သလို အကြမ်းဖက်မှု ဖြစ်ပွားနေတဲ့အတွက် အိုးအိမ်စွန့်ခွာ ထွက်ပြေးနေရတဲ့ ဒုက္ခသည်တွေနဲ့လည်း တွေ့ဆုံမေးမြန်းမှာ ဖြစ်ပါတယ်။  ဒါ့အပြင် တိုက်ပွဲတွေဖြစ်ပွားနေတဲ့ ကချင်ပြည်နယ်ကိုလည်း သွားရောက်ဖို့ ရှိပါတယ်။
ရခိုင်ပြည်နယ်တွင်း အကြမ်းဖက်မူတွေနဲ့ပတ်သတ်ပြီး လွတ်လပ်တဲ့ စုံစမ်းစစ်ဆေးမှုတစ်ရပ် လုပ်ဆောင်ဖို့ ကုလသမဂ္ဂ လူ့ အခွင့်အရေးကောင်စီရဲ့ မဟာမင်းကြီး နာဗီပီလေး (Navi Pillay) ကလည်း သောကြာနေ့ကပဲ တောင်းဆိုခဲ့ပါတယ်။
မစ္စတာကင်တာနားရဲ့ အခုခရီးစဉ်အတွင်း ဒေသတွင်း အခြေအနေတွေကို ကုလ အထူးကိုယ်စားလှယ် အနေနဲ့ ကိုယ်တိုင် လေ့လာနိုင်သလို အကြမ်းဖက်မူ ပဋိပက္ခတွေနဲ့ ပတ်သတ်ပြီး အခြေအနေမှန်ကို ကုလသမဂ္ဂမှာ တင်ပြသွားနိုင်မယ် လို့လည်း မြန်မာ့အရေး လေ့လာသုံးသပ်သူတွေက မျှော်လင့်နေကြပါတယ်။ ကုလသမဂ္ဂ အထူးကိုယ်စားလှယ် မစ္စတာကင်တာနားရဲ့ ခရီးစဉ် အဆုံးသတ်တဲ့နေ့ သြဂုတ်လ ၄ ရက် နေ့မှာတော့ သူ့ရဲ့ ခရီးစဉ်နဲ့ပတ်သတ်ပြီး သတင်းစာရှင်းလင်းပွဲ လုပ်မှာဖြစ်သလို သတင်းကြေညာချက်လည်း ထုတ်ပြန်ဖို့ရှိပါတယ်။

မြောက်ကိုရီးယားမုန်တိုင်း လူ ၈၀ ကျော်သေဆုံး

မြောက်ကိုရီးယားမုန်တိုင်း လူ ၈၀ ကျော်သေဆုံး 

North Korea Flood

ဗွီအိုအေ(မြန်မာဌာန)

29.07.2012

မြောက်ကိုရီးယားနိုင်ငံမှာ တိုင်ဖုန်းမုန်တိုင်းဝင်ရောက် တိုက်ခတ်ခဲ့ပြီး၊ မိုးသည်းထန်စွာ ရွာသွန်းခဲ့တာကြောင့် အနည်းဆုံး လူ ၈၈ ယောက် သေဆုံးပြီး ၁၃၄ ယောက် ဒဏ်ရာရခဲ့တဲ့အပြင် လူထောင်ပေါင်းများစွာလည်း အိုးမဲ့အိမ်မဲ့ဖြစ်ခဲ့ရတယ်လို့ မြောက်ကိုရီးယားနိုင်ငံက ပြောပါတယ်။
ဇူလိုင်လ ၁၈ ရက်နေ့က စတင်ဖြစ်ခဲ့တဲ့ ရေကြီးမှုတွေကြောင့် အိမ်ခြေ ၅,၀၀၀ ကျော်ပျက်စီးခဲ့ပြီး၊ လူပေါင်း ၆ သောင်း ၃ ထောင် လောက် အိုးမဲ့အိမ်မဲ့ ဖြစ်ခဲ့ရတယ်လို့ မြောက်ကိုရီးယား အစိုးရရဲ့ ဗဟိုသတင်းအေဂျင်စီက စနေနေ့မှာ ပြောကြားလိုက်ပါတယ်။
မြောက်ကိုရီးယားနိုင်ငံ တ၀ှမ်းမှာ ဇူလိုင်လ ၂၃ နဲ့ ၂၄ ရက်နေ့တွေမှာ တိုင်ဖုန်း ခါနွန် ၀င်ရောက် တိုက်ခတ်ခဲ့တာကြောင့် မြေဟက်တာပေါင်း ၄,၈၀၀ လောက် ရေမြှုပ်ခဲ့ရပါတယ်။
မြောက်ကိုရီးယားရဲ့ ဗဟိုသတင်းအေဂျင်စီက ဒီကနေ့နဲ့ မနက်ဖြန် တနင်္လာနေ့တွေ မှာလည်း မိုးသည်းထန်စွာ ရွာသွန်းမယ်လို့ သတိပေးထားပါတယ်။
မကြာသေးခင်က ထုတ်ပြန်လိုက်တဲ့ ကုလသမဂ္ဂ အစီရင်ခံစာမှာတော့ မြောက်ကိုရီးယားနိုင်ငံ လူဦးရေ ၂၄ သန်းရဲ့ ၃ ပုံ ၂ ပုံ လောက်ဟာ စားနပ်ရိက္ခာ ပြတ်တောက်မှုနဲ့ ကြုံနေရလို့  ပြောပါတယ်။ အခုနောက်ဆုံးဖြစ်လိုက်တဲ့ ရေကြီးမှုတွေက အခြေအနေကို ပိုဆိုးသွားစေတယ်လို့ အကဲခတ်တွေက ပြောပါတယ်။

သံအမတ်ကြီးဖြေကြားတဲ့ အမေရိကန်-မြန်မာ ဆက်ဆံရေး

သံအမတ်ကြီးဖြေကြားတဲ့ အမေရိကန်-မြန်မာ ဆက်ဆံရေး

VOA Interview with Derek Mitchell

29.07.2012

ဒီတပတ် မြန်မာ့ဒီမိုကရေစီရေးရာ ဆွေးနွေးခန်းမှာ ဦးသန်းလွင်ထွန်းက ဝါရှင်တန်မြို့ တော်ကို ခေတ္တပြန်လည် ရောက်ရှိနေတဲ့ မြန်မာနိုင်ငံဆိုင်ရာ အမေရိကန်သံအမတ်ကြီး Derek Mitchell ကို အမေရိကန်ပြည်ထောင်စု - မြန်မာပြည် ဆက်ဆံရေး နဲ့ မြန်မာပြည် ပြုပြင်ပြောင်းလဲရေးဆိုင်ရာများကို ဆွေးနွေးသုံးသပ်တင်ပြထားပါတယ်။

ဦးသန်းလွင်ထွန်း ။ ။ မင်္ဂလာပါ။
Derek Mitchell ။ ။ မင်္ဂလာပါ။

ဦးသန်းလွင်ထွန်း ။ ။ မြန်မာနိုင်ငံကို အနှစ် (၂၀) အတွင်း အမေရိကန်သံအမတ်ကြီးအဖြစ် ခန့်အပ်ခံရတယ်ဆိုတာ မြန်မာ့အရေးနဲ့ ပတ်သက်ပြီး တဖြည်းဖြည်းနဲ့ တိုးတက်ဆက်ဆံလာတဲ့ အမေရိကန်နိုင်ငံခြားရေး မူဝါဒအရဆိုရင် ထူးခြားတဲ့ တိုးတက်မှုဖြစ်စဉ်တရပ်လို့ ဆိုရပါလိမ့်မယ်။ ဒီ ခန့်အပ်မှုနဲ့ တချိန်တည်းမှာပဲ အမေရိကန်အစိုးရက မြန်မာနိုင်ငံအပေါ် စီးပွားရေးဒဏ်ခတ်ပိတ်စို့မှုတွေကို ဆိုင်းငံ့ပေးခဲ့ပါတယ်။ အဲဒီတော့ မြန်မာနိုင်ငံနဲ့ ပတ်သက်လို့ အမေရိကန်အစိုးရရဲ့  မူဝါဒအခြေအနေအကြောင်းကို ပထမဦးဆုံး ရှင်းပြပါလား။

Derek Mitchell ။ ။  ဒါက တဖြည်းဖြည်းခြင်း တိုးတက်လာတဲ့ဖြစ်စဉ်လို့ပဲ ပြောရပါလိမ့်မယ်။ ၂၀၀၉ ခုနှစ် ဒီလို ဆက်ဆံရေးမူဝါဒအသစ်ကို စတင်ခဲ့တဲ့အချိန်ကတည်းက မြန်မာနိုင်ငံမှာ လက်တွေ့ဖြစ်ပေါ်နေတဲ့ အခြေအနေတွေပေါ်မှာ မူတည်ပြီး ကျနော်တို့ဖက်ကလည်း လက်တွေ့တဆင့်ချင်း တုံ့ပြန်တိုးမြှင့်လုပ်ဆောင်သွားမှာဖြစ်တယ်လို့ ရှင်းရှင်းလင်းလင်း ဖော်ပြထားပြီး ဖြစ်ပါတယ်။
အခုဆိုရင် ပြုပြင်ပြောင်းလဲရေးလုပ်ငန်းတွေဖြစ်နေတာကို မြင်နေရတယ်ဆိုတော့ ဒီအရှိန်အတိုင်း လုပ်သွားဖို့ပဲ ဖြစ်ပါတယ်။ ကျနော်ကို သံအမတ်ကြီး ခန့်အပ်လိုက်တယ်ဆိုတာကလည်း ပြည်တွင်းပြောင်းလဲမှုတွေကို အသိအမှတ်ပြုပြီး နှစ်နိုင်ငံအဆင့်မြှင့် ဆက်ဆံလာတယ်ဆိုတဲ့ သဘောပါ။ ကွန်ဂရက်လွှတ်တော်မှာရှိတဲ့ သူတွေအနေနဲ့ မြန်မာနိုင်ငံနဲ့ ဆက်ဆံရေးမှာ ဘယ်လိုဆက်ပြီး လုပ်ဆောင်သွားကြမယ်ဆိုတာကို ဆက်ပြီးဆွေးနွေးနေကြပါတယ်။ အဓိကတော့ မြန်မာနိုင်ငံအတွင်း ပြုပြင်ပြောင်းလဲရေးတွေ အရှိန်မပျက်ဖြစ်နေရေးနဲ့ နှစ်ဖက် နားလည်းရေးတွေ ပိုပြီးရလာဖို့ ဖြစ်ပါတယ်။

ဦးသန်းလွင်ထွန်း ။ ။ သံအမတ်ကြီးအဖြစ် ခန့်အပ်လွှာပေးအပ်ပြီး မကြာခင်မှာပဲ ရန်ကုန်မြို့ မှာ လုပ်ခဲ့တဲ့ သတင်းစာရှင်းလင်းပွဲမှာ သံအမတ်ကြီးအနေနဲ့ မြန်မာနိုင်ငံအပေါ် ပိတ်စို့ဒဏ်ခတ်မှုကို နောက်ထပ် (၃) နှစ် သက်တမ်းတိုးခဲ့တဲ့ အမေရိကန် ကွန်ဂရက်လွှတ်တော်ရဲ့  ဆုံးဖြတ်ချက်နဲ့ ပတ်သက်ပြီး အမေရိကန်အစိုးရရဲ့  သမ္မတအမိန့်အာဏာနဲ့ လုပ်ပိုင်ခွင့်ရှိတဲ့ ဒီ ပိတ်စို့မှု၊ တားမြစ်မှုတွေကို ရုတ်သိမ်းပိုင်ခွင့်ဆိုင်ရာကို ရှင်းပြခဲ့တာ ရှိပါတယ်။ ဒါဟာ အမေရိကန်လွှတ်တော်နဲ့ အစိုးရကြားမှာ သဘောထားကွဲလွဲမှုကို ပြနေတယ်လို့ ပြောလို့ရမလား။ ထပ်ပြီး ရှင်းပြပါ။

Derek Mitchell ။ ။ လွှတ်တော်နဲ့ အစိုးရကြား လုပ်ရပ်တွေက တခုနဲ့တခု မကွဲလွဲပါဘူး။ ဆက်စပ်မှုရှိပါတယ်။ အရင်တုန်းက အမေရိကန်-မြန်မာ မူဝါဒ ညှိနှိုင်းခံအဖြစ်နဲ့ဆိုရင်လည်း ကျနော် မြန်မာပြည်က ပြန်လာပြီးတိုင်းမှာ သက်ဆိုင်ရာအဖွဲ့ဝင်တွေနဲ့ တွေ့ဆုံပြီး ညှိနှိုင်းမှုတွေ လုပ်ပါတယ်။ လွှတ်တော်အနေနဲ့ အမေရိကန်အစိုးရ မူဝါဒကို ထောက်ခံကြောင်းလည်း ပြောပြီးသာပါ။ အထူးသဖြင့် မြန်မာနိုင်ငံကို ပိတ်စို့အရေးယူမှု ဥပဒေ နောက်ထပ်သက်တမ်း (၃) နှစ် တိုးလိုက်ပြီဆိုတာကလည်း ကျနော်တို့ရဲ့  မူဝါဒနဲ့ တထပ်တည်းပါ။ ကျနော်တို့အနေနဲ့ အမေရိကန်အပေါ် အရေးယူမှုတွေကို ဆိုင်းငံ့ပြီး တဆင့်ဆီ စောင့်ကြည့်နေတဲ့အချိန်မှာ တဖတ်မှာလည်း လိုအပ်ရင်ပြန်ပြီး အရေးယူနိုင်ဖို့ ဥပဒေတရပ်က အဆင်သင့်ရှိနေဖို့ ဖြစ်ပါတယ်။ ဒါဟာ ကျနော်တို့ရဲ့  လက်တွေ့ကြတဲ့ ဆက်ဆံရေးမူဝါဒအတွက် အမာခံချက်တခုလို့ ပြောလို့ရပါတယ်။ ဒီအချက်ကို မြန်မာနိုင်ငံဖက်က နားလည်းဖို့လည်း အလွန်အရေးကြီးပါတယ်။

ဦးသန်းလွင်ထွန်း ။ ။ မြန်မာနိုင်ငံက ပြောင်းလဲမှုနဲ့ ပြုပြင်ပြောင်းလဲမှု အသွင်ကူးပြောင်းကာလကို ပြောမယ်ဆိုရင် အခုဆိုရင် ပြုပြင်ပြောင်းလဲရေးကို တစိုက်မတ်မတ် လုပ်ပါမယ်။ ပွင့်လင်းမြင်သာမှုနဲ့ တာဝန်ခံမှုတွေ ရှိလာစေရပါမယ်လို့ ပြောနေတဲ့ ဦးသိန်းစိန် ခေါင်းဆောင်တဲ့ အစိုးရအဖွဲ့လည်း မြန်မာပြည်မှာရှိနေပါပြီ။ တက်တက်ကြွကြွ လှုပ်ရှားနေတဲ့ လွှတ်တော်လည်းရှိလာတဲ့အပြင်ကို အဓိက အတိုက်အခံဖြစ်တဲ့ ဒေါ်အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ဝင်တွေပါ လွှတ်တော်ထဲမှာ ရောက်နေပါပြီ။ ဒါတွေကိုကြည့်ပြီး တချို့ က မြန်မာနိုင်ငံက ပြောင်းလဲမှုတွေဟာ အခုခေတ်ကာလမှာ တခြား နိုင်ငံတွေမှာ မြင်နေရတာတွေနဲ့ဆရင် အကောင်းဆုံးနမူနာတခုလို့တောင် ပြောနေကြပါတယ်။ တချို့ က အဲဒီလိုပြောဖို့ စောနေသေးတယ်။ တိုင်းရင်းသားတွေနဲ့ ငြိမ်းချမ်းရေးကိစ္စ၊ လူ့အခွင့်အရေး နဲ့ လူမျိုးဘာသာ နှိပ်ကွပ်မှုတွေကိစ္စ၊ အစိုးရအဖွဲ့အတွင်း အာဂတိလိုက်စားမှု ပပျောက်ရေးကိစ္စ စတဲ့ လက်တွေ့မြင်ရမယ့် အခြေအနေတွေ အများကြီးရှိနေသေးတယ်။ ဒီလို ချီးကျူးဂုဏ်မြောက်နေတာတွေဟာ သိပ်စောလွန်းသေးတယ်လို့ ဆိုပါတယ်။ အဲဒီတော့ သံအမတ်ကြီးရဲ့  အမြင်ကို သိပါရစေ။

Derek Mitchell ။ ။ နှစ်ဖက်စလုံးကပြောတာတွေ မှန်တယ်လို့ပဲ ယူဆပါတယ်။ ပြည်တွင်းမှာ မြင်နေရတဲ့ ပြုပြင်ပြောင်းလဲမှုတွေ၊ နိုင်ငံရေး၊ စီးပွားရေးအပိုင်းက လှုပ်ရှားတက်ကြွလာမှုတွေ။ ဒါတွေဟာ အပေါင်းလက္ခဏာဆောင်တဲ့ အခြေအနေတွေပါ။ ဒေသတွင်းနဲ့ ကမ္ဘာ့နိုင်ငံရေးမှာ ဇာတ်လမ်းကောင်းတပုဒ် ဖြစ်ပါတယ်။ ဒါပေမဲ့လည်း ရှေ့ ဆက်ပြီး ရင်ဆိုင်ရမယ့် ပြဿနာတွေက အများကြီးရှိနေသေးတာမို့ ဒါတွေကိုပဲ ကြည့်ပြီး အားလုံးကောင်းသွားပါပြီ။ ကောင်းနေပါပြီလို့ ပြောရင်တော့ စောလွန်းသေးတယ်လို့ ဆိုရပါမယ်။ အဓိကတော့ ရှေ့ ကိုတဆင့်ချင်းဆီ တက်လှမ်းသွားဖို့ ပွင့်လင်းမြင်သာမှု၊ တာဝန်ခံမှု စတာတွေအပြင် ပြည်တွင်းပြည်ပ လက်တွဲလုပ်ဆောင်မှုတွေနဲ့ ရည်မှန်းထားတဲ့ အခြေအနေကိုရောက်အောင် ကြိုးစားကြဖို့ပါ။ ဖန်ခွက်တခွက်ထဲမှာ ရေတဝက်တောင် ရှိနေပြီလို့ ပြောမလား။ ပြည့်ဖို့တဝက် လိုနေသေးတယ်လို့ ပြောမလား။ နှစ်မျိုးစလုံးတော့ ကျနော်မပြောလိုပါဘူး။ သံတမန်တယောက်အနေနဲ့တော့ အပြုသဘောဆောင်တာတွေကို ကြည့်နိုင်ဖို့နဲ့ အပြုသဘောဖက်ကို တွန်းပို့ပေးသွားနိုင်ဖို့ လုပ်ရမှာပါ။ ရင်ဆိုင်ဖြေရှင်းရမယ့် ပြဿနာတွေ အများကြီးဆိုတာကိုလည်း ကျနော်တို့ မမေ့ပါဘူး။

ဦးသန်းလွင်ထွန်း ။ ။ ဒါဆိုရင် မြန်မာပြည်ထဲ တိုးတက်မှုတွေကို ဘယ်လိုစံနှုန်းနဲ့ တိုင်းတာမလဲခင်များ။

Derek Mitchell ။ ။ နိုင်ငံရေးလုပ်ငန်းစဉ်ထဲမှာ ပါဝင်နေတဲ့လူတွေအားလုံး ဆက်လက်တိုင်ပင်သွားပြီး ပွင့်လင်းမြင်သာမှုတွေ ရှိလာအောင် အထူးသဖြင့် မီဒီယာနဲ့ ပတ်သက်လို့ ထုတ်ဖော်ပြောဆိုပိုင်ခွင့် ရှိလာအောင် ဒါတွေကို အားပေးပြီး လေ့လာသွားရမှာပါ။ ဒါအပြင် အမျိုးသားရင်ကြားစေ့ရေး လုပ်ငန်းစဉ်တွေကို စောင့်ကြည့်ဖို့လည်း အရေးကြီးပါတယ်။ အပစ်အခတ်ရပ်စဲရေး၊ ပြည်မနဲ့ တိုင်းရင်းသားဒေသတွေကြား အားလုံးတန်တူပါဝင် ညှိနှိုင်းနိုင်မယ့် နိုင်ငံရေးစနစ်တရပ် ပေါ်ထွန်းဖော်ထုတ်လာမှု။ စီးပွားရေးလုပ်ငန်းနဲ့ အပစ်ရပ်ရေးတင်မကဘဲ တကယ့် နိုင်ငံရေးအရ ရေရှည်ပြေလည်အောင် လုပ်နိုင်ရေး ညှိနှိုင်းဖို့ စတာတွေဟာ အရေးကြီးပါတယ်။ လူမျိုးရေး၊ ဘာသာရေး ပဋိပက္ခတွေ၊ အကြမ်းဖက်မှုနဲ့ နဂိုက ပြည်တွင်းမှာ နေထိုင်သူနဲ့ တဖက်က ဝင်ရောက်လာသူဆိုပြီး အမြင်မကြည်၊ မုန်းတီးမှုတွေ။ ဒါတွေဟာ နိုင်ငံရဲ့  တည်ငြိမ်အေးချမ်းမှုအတွက် ခြိမ်းခြောက်နေတဲ့ ပြဿနာတွေပါ။ ဒါတွေကိုလည်း ကြည့်ရပါလိမ့်မယ်။

ဦးသန်းလွင်ထွန်း ။ ။ မြန်မာနိုင်ငံမှာ ရှိနေမယ့် သံအမတ်ကြီးတဦးအနေနဲ့ အခု ဒီကိစ္စတွေမှာ အထူးသဖြင့် အမျိုးသားရင်ကြားစေ့ရေးကိစ္စ၊ ကချင်ပြည်ထဲက လက်နက်ကိုင်ပဋိပက္ခ၊ ရခိုင်ပြည်ထဲက အခြေအနေတွေ စတာတွေမှာ အမေရိကန်ပြည်ထောင်စုရဲ့  တိုက်ရိုက်။ ဒါမှမဟုတ် တိုးမြှင့်ပြီး ပါဝင်ဆောင်ရွက်မှုတွေကို မြင်ရဖို့ရှိပါသလား။

Derek Mitchell ။ ။ ဒီ မေးခွန်းအတွက် အဖြေကတော့ အဆင့်အမျိုးမျိုးရှိပါတယ်။ အခြေခံအားဖြင့်တော့ လူသားချင်းစာနာတဲ့ အကူအညီတွေ ပေးဖို့ပါ။ လက်နက်ကိုင် ပဋိပက္ခတွေကြောင့် ဒုက္ခမျိုးစုံ ရင်ဆိုင်နေကြရတဲ့ အရပ်ဖက်ပြည်သူတွေကို ကူညီနိုင်ရေး အရေးကြီးပါတယ်။ ကချင်ပြည်နဲ့ ရခိုင်ပြည်က အခြေအနေမျိုးတွေဆိုရင် ကုလသမဂ္ဂအဖွဲ့တွေ။ ဒေသခံ လူထုလူတန်းစားအဖွဲ့တွေနဲ့ လက်တွဲပြီး ဆောင်ရွက်နေပါတယ်။ ကျနော်တို့မှာ ဒီလို အခက်အခဲ ကြုံတွေ့နေသူတွေကို အကူအညီပေးချင်သလို၊ ကူညီနိုင်တဲ့ အစွမ်းအစလည်း ရှိပါတယ်။ အမျိုးသားရင်ကြားစေ့ရေးပေါ်မှာတော့ ကျနော်တို့အနေနဲ့ တကယ်တမ်း သက်ဆိုင်သူတွေကြား ညှိနှိုင်းပြီး သဘောတူညီချက်တွေ ကျေကျေလည်လည် ရသွားအောင် ဖေးမကူညီပေးတဲ့ သဘောမျိုးပဲ တတ်နိုင်ပါလိမ့်မယ်။ ဘာပဲပြောပြော အမေရိကန်ပြည်ထောင်စုအနေနဲ့ အခုလို အပြုသဘောဆောင်တဲ့ အခန်းကဏ္ဍကနေ ပါဝင်ကူညီနိုင်တယ်ဆိုတာကို ဘက်ပေါင်းစုံနဲ့ ပြည်သူတွေကြား နားလည်းသဘောပေါက်ပြီး လက်ခံလာမယ့် အခြေအနေကို ရောက်လာမှာပါလို့ ယူဆပါတယ်။  

ဦးသန်းလွင်ထွန်း ။ ။ အထူးသဖြင့် ရခိုင်ပြည်ဖက်က ရိုဟင်ဂျာပြဿနာမှာ အမေရိကန်အစိုးရအနေနဲ့ ဒေသတွင်းက ဖိနှိပ်ခံနေရတဲ့ လူမျိုးစုတွေရဲ့  ပြဿနာကို စာနာဖြေရှင်းပေးပါလို့ မြန်မာအစိုးရကို တိုက်တွန်းပေးခဲ့ပေမယ့် သမ္မတ ဦးသိန်းစိန်အစိုးရကတော့ ဒီကိစ္စကို ပြည်တွင်းကို ခိုးဝင်လာသူတွေရဲ့  အရေးလိုပဲ သတ်မှတ်ပြီးတော့ ခိုးဝင်လာသူတွေကို ပြန်ပြီးနှင်ထုတ်မယ့်ပုံစံမျိုးနဲ့ပဲ ဖြေရှင်းမယ်လို့ ပြောနေတာတွေ ရှိပါတယ်။ ဒါကို အမေရိကန်အနေနဲ့ ပြန်ပြီး အကြောင်းပြမလဲ။ ဒါဟာ သိပ်ပြီးဆတ်ဆတ်ထိမခံတဲ့ အရေးများဖြစ်နေမလား။

Derek Mitchell ။ ။ ဟုတ်ပါတယ်။ ဒီကိစ္စက သိပ်ပြီးသိမ်မွှေ့တဲ့ အတိမ်အစောင်းမခံတဲ့ ပြဿနာတရပ်ပါ။ မြန်မာအစိုးရတင် မကပါဘူး။ ဒီကိစ္စမှာ ပြည်သူလူထုကြားထဲက အမြင်ပေါင်းစုံတွေလည်း ပါဝင်နေပါတယ်။ ဒီကိစ္စကို လူသားချင်းစာနာတဲ့အမြင်ကပဲကြည့်ပြီး စိုးရိမ်းနေတဲ့ နိုင်ငံတကာအသိုင်းအဝိုင်းလည်း ရှိပါတယ်။ ဒီအထဲမှာ အမေရိကန်ပြည်ထောင်စုလည်း ပါပါတယ်။ ဒီပြဿနာဟာ တခါတခါမှာ ဘာသာရေးအရ တဦးနဲ့တဦး ရန်လိုမုန်းတီးမှု အနေအထားအထိ ရောက်လာတတ်တာမို့၊ ဒီလို အခြေအနေမျိုးကိုတော့ အမေရိကန်ပြည်ထောင်စုက လုံးဝဆန့်ကျင်ပါတယ်။ ဒါဟာ မြန်မာပြည်တခုတည်း မဟုတ်ပါဘူး။ ကမ္ဘာတဝှမ်း ဘယ်မှာပဲဖြစ်ဖြစ် အမေရိကန်က ဆန့်ကျင်ရှုတ်ချသွားမှာပါ။ အဲဒီတော့ ကျနော်တို့အနေနဲ့ အခြေအနေကို သေချာနားလည်းအောင် ကြိုးစားပြီး ပြဿနာတွေကို တဖတ်နဲ့တဖတ် ညှိနှိုင်းကြဖို့ ကူညီပေးနိုင်မယ့် အခန်းကဏ္ဍတရပ် ရှိလာမယ်လို့ မျှော်လင့်ပါတယ်။ ဒါပေမဲ့ ပြောခဲ့သလိုပါပဲ အခြေအနေက သိပ်ကို အတိမ်အစောင်းမခံတဲ့ အနေအထားပါ။ အခြေခံအားဖြင့်တော့ လူသားချင်းစာနာတဲ့ အထောက်အကူတွေ ရသင့်တဲ့နေရာတွေကို ရောက်သွားဖို့ပါပဲ။ နောက်ပိုင်းမှာတော့ ပြဿနာဟာ တကယ့်ကို ကြီးထွားလာမယ်ဆိုရင် မြန်မာနိုင်ငံရဲ့  နယ်နိမိတ်တွေကို ဖြတ်ကျော်ပြီး ဒေသတွင်း ပြဿနာတခု ဖြစ်လာမယ့် အနေအထားကိုလည်း ကျနော်တို့ စိုးရိမ်ပါတယ်။

ဦးသန်းလွင်ထွန်း ။ ။ တကယ်တမ်းမှာတော့ ဒီပြဿနာဟာ ဒေသတွင်းမှာတောင် ရိုက်ခတ်လာပါပြီ။ အိမ်နီးချင်း  ဘင်္ဂလားဒေ့ရ်ှတင်မကဘဲနဲ့ အာဆီယံအဖွဲ့ထဲက အင်ဒိုနီးရှား၊ မလေးရှား၊ ဘရူးနိုင်း စတဲ့နိုင်ငံတွေမှာလည်း ဒီပြဿနာကို ဘာသာရေး ခွဲခြားနှိပ်ချမှုအဖြစ် ထောက်ပြပြီး မြန်မာနိုင်ငံအပေါ် ဝေဖန်လာတာတွေကို တွေ့ရပါတယ်။ ဒါဟာ အမေရိကန် နဲ့ အာဆီယံ ဆက်ဆံရေးမှာ မြန်မာကြောင့် ထိခိုက်လာနိုင်မယ့် အခြေအနေထိတောင် ရောက်လာနိုင်သလား။

Derek Mitchell ။ ။ အာဆီယံ နဲ့ အမေရိကန် ဆက်ဆံရေးအထိ ပြဿနာဖြစ်လာမယ့်ပုံ မရှိသေးဘူးလို့ ထင်ပါတယ်။ အာဆီယံအဖွဲ့ကြီးအတွင်းမှာ စည်းလုံးညီညွှတ်မှု၊ အတူပူးပေါင်းလုပ်ဆောင်နိုင်မှုတွေဆိုတာတွေကိုတော့ ကျနော်တို့ လိုလားပါတယ်။ ဒါတွေဟာ အရှေ့ တောင်အာရှမှာ တည်ငြိမ်မှုနဲ့ ငြိမ်းချမ်းမှုအတွက် အရေးပါပါတယ်။ ဒီအချက်တော့ ကျနော်တို့ စိတ်ဝင်စားပါတယ်။ မြန်မာပြည်ထဲက ဘာသာရေးပဋိပက္ခနဲ့ တခြား အကြမ်းဖက်မှုတွေ နယ်စပ်ဖြတ်ပြီး တခြားဖက်ကို ကူးစက်လာရင် အရှေ့ ဖက်တင်မက အနောက်ဖက်က ဘင်္ဂလားဒေ့ရ်ှနဲ့ တောင်အာရှနိုင်ငံတွေမှာပါ သက်ရောက်မှုတွေ ရှိလာမှာပါ။ ဒါက စိုးရိမ်ရမယ့်ကိစ္စပါ။ ဒါပေမဲ ဒီအခြေအနေထိတော့ မရောက်သေးပါဘူး။ အခု ပြဿနာတွေက အာဆီယံအတွင်း ပြဿနာတွေ ဖြစ်လာပြီလို့ ကျနော် မပြောနိုင်သေးပါဘူး။ အန္တရာယ်ရှိတာတော့ အမှန်ပါပဲ။

ဦးသန်းလွင်ထွန်း ။ ။ ဒါဆိုရင် အမေရိကန်-မြန်မာ တခြားဆက်ဆံမှုကဏ္ဍတခုအကြောင်း မေးချင်ပါတယ်။ ပြီးခဲ့တဲ့ လအနည်းငယ်တုန်းကပဲ အမေရိကန် ကာကွယ်ရေးဝန်ကြီးက အမေရိကန် စစ်တပ်နဲ့ မြန်မာစစ်တပ်ကြား ပိုမိုပူးပေါင်းဆောင်ရွက်မှုတွေလုပ်မယ်လို့ ပြောကြားခဲ့ပါတယ်။ အထူးသဖြင့် ဒုတိယ ကမ္ဘာစစ်အတွင်းက မြန်မာပြည် စစ်မျက်နှာပြင်မှာ သေဆုံးခဲ့တဲ့ အမေရိကန်စစ်သား ရုပ်ကြွင်းတွေပြန်ပြီး ရှာဖွေရယူရေးလုပ်ငန်းတွေမှာ ပိုပြီးပူးပေါင်းလုပ်ဆောင်မယ် ပြောတာတွေ ရှိပါတယ်။ ဒါအပြင် မကြာခင် လုပ်ဆောင်ဖို့ရှိတဲ့ ဒေသတွင်း မဟာမိတ်တွေနဲ့ အမေရိကန်တပ်ဖွဲ့တွေကြား Cobra Gold လို့ခေါ်တဲ့ ရွှေမြွေဟောက် ပူးတွဲစစ်ဆင်ရေး၊ စစ်ရေးလေ့ကျင့်မှု့မျိုးတွေမှာ မြန်မာပြည်ကို ပါဝင်လာခွင့် ဒါတွေကို တွေ့ရဖို့ ရှိပါသလား။

Derek Mitchell ။ ။ စစ်တပ်အချင်းချင်း ပိုပြီးပူးပေါင်းဆက်ဆံလုပ်ဆောင်ဖို့ဆိုတာကို ကျနော်တို့ အသေးစိတ် လေ့လာနေပါတယ်။ အမေရိကန်စစ်သား ရုပ်ကြွင်းတွေပြန်ပြီး ရှာဖွေဖို့ဆိုတာလည်း တော်တော်လေး ခရီးရောက်နေပါပြီ။ မေလတုန်းကလည်း အမေရိကန်စစ်တပ်ကိုယ်စားလှယ်အဖွဲ့ မြန်မာပြည်ကို သွားရောက်လည်ပတ်ပြီး တဖတ်နဲ့တဖတ် ပိုပြီးနီးနီးကပ်ကပ် ဆက်ဆံနားလည်းနိုင်ရေး ကြိုးပမ်းနေကြပါတယ်။ မြန်မာစစ်တပ်နဲ့ ပတ်သက်လို့တော့ ကျနော်တို့အနေနဲ့ စိုးရိမ်မှုတွေ ရှိနေဆဲပါ။ မြန်မာစစ်တပ်ဟာ ဒီမိုကရေစီစနစ်ရဲ့  ဘောင်အတွင်းမှာ ရှိနေရဲ့ လား။ ပြည်သူ့အစိုးရစနစ်နဲ့အညီ ကျင့်ကြံလိုက်နာနေရဲ့ လား။ ဒါအပြင် ရှေ့ တန်းဒေသ၊ ကချင်ပြည်နယ်လို နေရာမျိုးတွေမှာ ဘယ်လို့ လက်တွေ့လုပ်ဆောင်တာမျိုးတွေ ရှိနေသလဲ စတာတွေကို လေ့လာနေရပါတယ်။ မြန်မာစစ်တပ်ဟာ ရက်စက်ကြမ်းကြုတ်မှုတွေကို ဆက်ပြီးကျူးလွန်နေအုံးမယ်ဆိုရင်တော့ နှစ်ဖက်ပူးပေါင်းဆက်ဆံမှုတွေ တိုးမြှင့်ဖို့ဆိုတာ မဖြစ်နိုင်သေးပါဘူး။ ဒါပေမဲ့လည်း မြန်မာစစ်တပ်ကို ထိတွေ့ဆက်ဆံမှုတွေ လုပ်ဆောင်သွားမှုဆိုတာဟာ အမေရိကန်ပြည်ထောင်စုအတွက် အရေးကြီးတဲ့အချက်တခုလို့ ပြောလို့ပါတယ်။ ဒါတွေဟာ တဆင့်ပြီးတဆင့် လုပ်ဆောင်သွားရမှာ ဖြစ်ပြီး နောက်ပိုင်းမှာ လွန်ခဲ့တဲ့ ၁၉၈၈ မတိုင်မီ မြန်မာစစ်တပ်က အရာရှိတွေ အမေရိကန်စစ်တက္ကသိုလ်တွေ၊ ဌာနတွေကို ပညာသင်အပြန်အလှန်ရောက်ပြီး နှစ်ဖက်နားလည်းမှုတွေ တည်ဆောက်ဖို့ လူအများလေးစား ယုံကြည်တဲ့၊ လူထုအပေါ် တာဝန်ခံတဲ့ သိက္ခာရှိတဲ့ စစ်တပ်တခုဖြစ်လာအောင် ဘယ်လိုရပ်တည်မလဲ စတဲ့အကြောင်းအရာတွေကို လေ့လာ စတာတွေကို လုပ်နိုင်မယ့်နေ့ ရောက်လာလိမ့်မယ်လို့ ကျနော်မျှော်လင့်ပါတယ်။

ဦးသန်းလွင်ထွန်း ။ ။ ဝါရှင်တန်မြို့ တော်ကို ခေတ္တပြန်လည် ရောက်ရှိနေတဲ့ မြန်မာနိုင်ငံဆိုင်ရာ အမေရိကန်သံအမတ်ကြီး Derek Mitchell ကို တွေ့ဆုံမေးမြန်းခဲ့တာ ဖြစ်ပါတယ်။

သတင်းစာတစ်စောင်နှင့် ပုဂ္ဂလိကပိုင်ရုပ်သံမှသတင်းမှားယွင်းမှုအား မြန်မာ့အာမခံက ထောက်ပြ

သတင်းစာတစ်စောင်နှင့် ပုဂ္ဂလိကပိုင်ရုပ်သံမှသတင်းမှားယွင်းမှုအား မြန်မာ့အာမခံက ထောက်ပြ

စောဇင်ညီ (မြစ်မခ)
by Myit Makha Mediagroup on 26 Jul, 2012

ဇူလိုင်လ(၂၀)ရက်နေ့ထုတ် သတင်းစာတစ်စောင်၏ မျက်နှာဖုံးပါ “တင်သွင်းလာသောကားသစ်များအတွက် အလုံးစုံအာမခံ ပရီမီယံကြေး ထားရှိနိုင်ပြီ” ဟူသော သတင်းနှင့်ပုဂ္ဂလိကပိုင် ရုပ်သံအချို့၏ပရီမီယံကြေးနှင့် ပတ်သက်၍ စာတမ်းထိုးသတင်းတိုမှာလည်း မှားယွင်းမှုများရှိနေကြောင်း မြန်မာ့အာမခံ လုပ်ငန်းက ပြောသည်။

အဆိုပါမှားယွင်းမှုများမှာ အနိမ့်ဆုံး ကျပ်သိန်း(၁၀၀)မှအမြင့်ဆုံးကျပ်သိန်း(၂၀၀)အထိ အာမခံထားနိုင်သည်၊

ပရီမီယံကြေးများထားရှိနိုင်ပြီစသည့် အချက်များကို မြန်မာ့အာမခံလုပ်ငန်းအထွေထွေမန်နေဂျာက သတင်းစာ ရှင်းလင်းပွဲတွင်ပြောဆိုသည် ဆိုသောအချက်အလက်များမှာ မှားယွင်းနေကြောင်း သိရှိရသည်။

အမှန်မှာ ၂၀၁၁ခုနှစ်၊ ကားတင်သွင်းခွင့် ပြုချိန်မှစ၍ မြန်မာအာမခံတွင် ကားအာမခံများထားရှိနိုင်ခြင်း၊ အာမခံ ထားရာ၌ ကားတန်ဖိုးအတိုင်းသာဖြစ်သည်ဟု ပြန်ကြားရေးဌာန၏ ၂၀၁၁ခုနှစ် စက်တင်ဘာလ (၂၉) ရက် ထုတ်ပြန်ချက်အရ သိရှိရသည်။

‘ဇူလှိုင်(၁၃)ရက်နေ့က ကျွန်တော် သတင်းစာရှင်းလင်းပွဲမလုပ်ဘူး။ ကျွန်တော် အိပ်နေတာဗျ။”ဟု မြန်မာ့အာမခံလုပ်ငန်းမှ အထွေထွေမန်နေဂျာ ဒေါက်တာဦးမောင်မောင်သိန်းက ဆိုသည်။

“ဒီမှားယွင်းမှုပာာ ပြည်သူတွေအတွက် မှတ်ယူစရာအမှားတွေ ရရှိနိုင်ပါတယ်။ တကယ်အာမခံဝင်မဲ့သူတွေအတွက်လည်း အခက်အခဲတွေဖြစ်နိုင်ပါတယ်။” ပာု ၄င်းကဆက်ပြောသည်။

နံပါတ်အနက် မော်တော်ယာဉ်များအလုံးစုံအာမခံကြေး လျှောက်ထားရာတွင် တစ်နှစ်လျှင်ကျပ်-၇၅၀၀၀ (သို့ ) ကျပ် ၈၅၀၀၀ ပေးသွင်းရခြင်းဖြစ်ကြောင်း နံပါတ်အနီ မော်တော်ယာဉ်များအနေဖြင့် တစ်နှစ်လျှင် ကျပ် (၁၆၀၀၀၀)   ပေးသွင်းရမည်ဖြစ်ကြောင်း သိရသည်။