ဖမ်းဆီးထားသူတွေကို ထောင်အာဏာပိုင်က အဓမ္မ ခိုင်းစေ 

2012-09-06

မကြာသေးခင်က ရခိုင်ပြည်နယ် ကျောက်တော်မြို့နယ်မှာ ဖြစ်ပွားခဲ့တဲ့ ပဋိပက္ခတွေနဲ့ ပတ်သက်ပြီး စစ်တွေ အကျဉ်းထောင်အတွင်းမှာ ဖမ်းဆီး ထိန်းသိမ်းခံထားရသူတွေကို ထောင်အာဏာပိုင်တွေက အဓမ္မလုပ်အားပေး ခိုင်းစေနေတယ်လို့ သိရပါတယ်။

RFA

စစ်တွေအကျဉ်းထောင် ဖြစ်ပါသည်။

ဒါနဲ့ပတ်သက်ပြီး အခုရက်ပိုင်းအတွင်း ထောင်ဝင်စာ သွားရောက်တွေ့ဆုံခဲ့တဲ့ အထိန်းသိမ်းခံ တစ်ယောက်ရဲ့ မိသားစုဝင် တစ်ဦးက RFA ကို အခုလို ပြောပြပါတယ်။

“ကျွန်တော် ၃ ရက်နေ့ ထောင်ဝင်စာ သွားတွေ့တဲ့အခါ ကျောက်တော်မြို့နယ်က ကသစ်တောကျေးရွာက ဖမ်းဆီးခံထားရတဲ့ ရခိုင် ၉ ဦးတို့ဟာ အကျဉ်းထောင် ဝန်ထမ်းတွေရဲ့ မတရား အလုပ်စေခိုင်းမှု ခံနေရတယ်ဆိုပြီး တိတိကျကျကို ပြောပါတယ်။ ပိုက်ဆံလည်းမပေးရတဲ့အတွက် အလုပ်ကိုပဲ ဖိခိုင်းနေတာ နိုင်ငံတော်အစိုးရက ထုတ်ပြန်ထားတဲ့ လူသားချင်းစာနာ ကိစ္စတွေ၊ ဘာတွေ ဆိုတာကတော့ တလွှဲစီ ဖြစ်နေပါတယ်။ တတ်နိုင်မယ်ဆိုရင် အခုအတင်း အလုပ်စေခိုင်းခြင်း ခံနေရတဲ့ လူသားတွေကို အချုပ်ကာလအတွင်း အလုပ်စေခိုင်းမှု မပြုပဲ စီစဉ်ပေးဖို့ လိုပါတယ်”

ကျောက်တော်မြို့နယ်မှာ ဖြစ်ပွားခဲ့တဲ့ ပဋိပက္ခ ဖြစ်စဉ်တွေဟာ မောင်တော၊ စစ်တွေ ပဋိပက္ခတွေအပြီး တစ်လကျော်ခန့် အကြာမှာ ပေါ်ပေါက်ခဲ့တာဖြစ်ပြီး လူ ၇ ဦး သေဆုံးခဲ့ရပါတယ်။
အဲဒီဖြစ်စဉ်တွေနဲ့ ပတ်သက်ပြီး ကျောက်တော်မြို့နယ် ရွှေလှိုင်၊ ဂုတ်ဘီထောင့်၊ ရွာသစ်ကေ၊ ကျောက်ဖြူရွာသစ်၊ တောင်ဘွေ၊ ကသစ်တော စတဲ့ကျေးရွာတွေက ဒေသခံ ၃၁ ဦးကို အာဏာပိုင်တွေက ဖမ်းဆီး ထိန်းသိမ်းခဲ့တာလည်း ဖြစ်ပါတယ်။ အဲဒီထဲက တချို့ကို အာဏာပိုင်တွေက အာမခံနဲ့ ပြန်လွှတ်ပေးခဲ့ပြီး စစ်တွေ အကျဉ်းထောင်ထဲ မှာတော့ ၂၄ ဦး ဆက်လက် ချုပ်နှောင်ခံထားရဆဲ ဖြစ်ပါတယ်။

Copyright © 1998-2011 Radio Free Asia. All rights reserved.

အဖမ်းခံထားသူများပြန်လည်လွတ်မြောက်ရေး သျှမ်းတပ်ဖွဲ့ကူညီပေးဖို့ ရွာသူကြီးများတောင်းဆို

အဖမ်းခံထားသူများပြန်လည်လွတ်မြောက်ရေး သျှမ်းတပ်ဖွဲ့ကူညီပေးဖို့ ရွာသူကြီးများတောင်းဆို 

by bniwebmaster@yahoo.com (သျှမ်းသံတော်ဆင့်)

အပစ်ရပ် ငြိမ်းချမ်းရေးလုပ်ငန်းစဉ် တနှစ်ပြည့်ပြီဖြစ်သည့်တိုင် ဒေသခံလူထုတို့ လူ့အခွင့်အရေးချိုးဖောက်ခံနေရ ဆဲဖြစ် သဖြင့် ငဲ့ညာသောအားဖြင့် နှစ်ဉီးနှစ်ဖက်နားလည်မှုအမြန်ရယူကြရန် ၊ သျှမ်းတပ်ဖွဲ့မှကူညီဖြေရှင်းပေး ရန် သျှမ်းပြည်မြောက်ပိုင်း ကျေးရွာအုပ်ချုပ်ရေးမှူး များကပြောသည်။
“နှစ်ဦးနှစ်ဘက်ကြားမှာ ကျနော်တို့ ဒေသခံတွေကဘဲ ခံနေရတယ်။ ကျနော်တို့ တအားကြီး ဒုက္ခရောက်နေရပါ တယ်။ အခုအခြေအနေဟာ လယ်ယာဆင်းဖို့တောင်မှ မရဲတော့တဲ့အခြေအနေရောက်နေပါပြီ။ သျှမ်းနဲ့ဗမာ စစ်တပ် ဘက်က အကြီး အကဲ တွေ အမြန်ဆုံးတွေ့ဆုံဆွေးနွေးပြီးတော့ ကျနော်တို့ရွာသားတွေခံစားနေရ တဲ့ဒုက္ခကိုအမြန်ဆုံးကူညီဖြေရှင်းပေးပါလို့ တောင်းဆိုချင်ပါတယ်” သျှမ်းပြည်မြောက်ပိုင်း နမ္မတူမြို့နယ် မန်စံအုပ်စုအတွင်းရှိကျေးရွာအုပ်ချုပ်ရေးမှူးတဦးက ပြောသည်။
သျှမ်းပြည်မြောက်ပိုင်းနမ္မတူမြို့နယ် မန်စံအုပ်စုအတွင်း၌ ကျေးလက်ဒေသခံ ၁၀ ဦးထက်မနည်းကို မြန်မာအစိုးရ၏ စစ်ကြောင်းက သျှမ်းပြည်တပ်မတော်အမာခံများဟုစွပ်စွဲကာ ယခင်လ ၂၃ ရက်က စတင်၍လှည့်လည်ဖမ်းဆီးခဲ့သည်။ ၎င်းတို့အနက် တချို့တဝက်မှာ ပြန်လည်လွှတ်မြောက်လာပြီး တချို့တဝက်မှာလည်း ပျောက်ဆုံးနေသဖြင့် မိသားစု ဆွေမျိုးများနှင့် ရွာသားများက စိတ်ပူနေကြကြောင်း အဆိုပါ အုပ်ချုပ်ရေးမှူးကသျှမ်းသံတော်ဆင့်အား ဆက်ပြောသည်။
“ တကယ်တော့ အပစ်ရပ်သဘောတူပြီးကြပြီဘဲဗျာ။ ဘာကြောင့်ရွာသားတွေကိုဓါးစာခံလုပ်နေတာလဲ။  အခုလိုဖမ်း သွား ပြီးနှိပ်စက်သတ်ဖြတ်နေတာ မကောင်းဘူးဗျာ။ ကျနော်တို့က ဘယ်ဘက်ကိုမှမလွန်ဆန်နိုင် ပါဘူး။ နှစ်ဘက်စလုံးက တောင်းသမျှပေးရတယ်။ ခိုင်းသမျှလုပ်နေရတာဘဲ။ သူတို့အချင်းချင်းမြန်မြန်ပြေ လည်စေချင်တယ်ဗျ” ဟု ဆိုပါသည်။
၂၃ ရက်က စတင်အဖမ်းခံရသူမှာ ပိန်းထောန်ရွာဥက္ကဌ စိုင်းအောင်ညွန့်၊ ရွာသား စိုင်းကျော်အေး၊ နောင်အော့ရွာသား စိုင်းကမ်၊ နမ့်ပိုင်ရွာသူကြီး စိုင်းထွေးညွန့်၊ ပိန်းလုံရွာသား စိုင်းလ၊ နားကေးရွာသား စိုင်းအိုက်တင်း၊ လုံးနွံ၊ စိုင်းဆော၊ ကွန်ကျောင်းရွာသူကြီး စိုင်းစံမိန်းနှင့် ရွာသားစိုင်းမြ တို့ဖြစ်သည်။
၎င်းတို့အနက် ပိန်းထောန်ရွာသား စိုင်းကျော်အေး၊ နောင်အော့ရွာသားစိုင်းကမ်၊ ပိန်းလုံရွာသား စိုင်းလ၊ နားကေးရွာ သားစိုင်းအိုက်တင်း တို့လေးယောက်မှလွဲ၍ ကျန် ရွာသားများအား ပြန်လွှတ်ပေးလိုက်ပြီဖြစ် ကြောင်း၊ထို ၄ ဦးကိုမူ အသေ အရှင် သတင်းပင်မကြားရကြောင်း၊ ပစ်ခတ်တိုက်ခိုက်မှုမရှိပါက ၊ သို့မဟုတ် သျှမ်းပြည်တပ်မတော်ဘက်မှ လိုက်လံဖြေရှင်း ပေးမည်ဆိုပါက အသက်ရှင်လျက်ပြန် လည်လွှတ်မြောက်လာ မည်ဟုယူဆကြောင်း ၎င်းတို့၏ မိသားစုဝင် များပြောပါသည်။
၎င်းနှင့်ပတ်သက်၍ သျှမ်းပြည်တပ်မတော် SSPP/SSA မှ တရာရှိတဦးက “ ကျနော်တို့ရွာသားတွေကို မြန်မာစစ်တပ်က အဲလိုလိုက်ဖမ်းနေလို့ ကျနော်တို့သျှမ်းတပ်ဖွဲ့ကလည်း ဩဂတ်စ်လ ၃၁ ရက်နေ့က မြန်မာစစ်တပ်ရဲ့ ခမရ ၃၂၂ က ဗိုလ်ကြီးသက်စိုးနဲ့ နောက်လိုက်တပည့်တဦးကို ဖမ်းလိုက်တယ်။ သို့ပေမယ့် ရမခ တိုင်းရုံးကနေ ပြန်လွှတ်ပေးဖို့ တောင်းလာတယ်။ ကျနော်တို့ရွာသားတွေကိုလွှတ်ပေးရင် မြန်မာစစ်ဗိုလ်ကိုလဲ ကျနော်တို့ပြန်လွှတ်ပေးမယ်လို့ ပြောတော့ ရွာသားတချို့ကို သူတို့ပြန်လွှတ်လိုက်တယ်။ ကျနော်တို့ဘက်က လည်း မြန်မာစစ်ဗိုလ်နဲ့သူ့တပည့် ကိုပြန်လွှတ်ပေးလိုက် တယ်” ဟု သျှမ်းသံတော်ဆင့်သို့ အတည်ပြုပြောဆိုပါ သည်။

စစ်ပြေးဒုက္ခသည် အမျိုးသမီးငယ်များ လူကုန်ကူးခံနေရ 

2012-09-06

အစိုးရစစ်တပ်နဲ့ KIA ကချင်တပ်တွေအကြား စစ်ရေးတင်းမာမှုကြောင့် ကချင်ပြည်နယ် အတွင်းက ဒုက္ခသည် စခန်းတွေမှာ ထွက်ပြေး တိမ်းရှောင်နေကြတဲ့ အမျိုးသမီးငယ်တွေ အပါအဝင် ဒေသခံ ကချင်အမျိုးသမီးငယ်တွေဟာ လူမှောင်ခို ပွဲစားတွေရဲ့ ပစ်မှတ်ထားပြီး တရုတ်ပြည်ဘက်ကို ရောင်းစား ခံနေရတယ်လို့ လူကုန်ကူးခံရတဲ့ အမျိုးသမီးတွေအရေး ကူညီဆောင်ရွက်ပေးနေတဲ့ အဖွဲ့အစည်းတွေက ပြောပါတယ်။

KIO

ကချင်ပြည်နယ်အတွင်း အစိုးရတပ်ရဲ့ ထိုးစစ်ကြောင့် တရုတ်-မြန်မာနယ်စပ်မြို့ ဖြစ်တဲ့ လိုင်ဇာကို ထွက်ပြေးခိုလှုံလာတဲ့ ကချင် တိုင်းရင်းသား ဒေသခံတွေကို ကချင်လူမှုရေးအဖွဲ့က စီစဉ်ပေးထားတဲ့ ခိုလှုံရေး စခန်းတွေမှာ ဇွန်လလယ်ပိုင်းမှာ တွေ့ရပုံ။

လူမှောင်ခို ပွဲစားတွေဟာ စီးပွားရေး ကျပ်တည်းမှု၊ အကြားအမြင် ဗဟုသုတ နည်းပါးမှုတွေအပေါ်မှာ အခွင့်ကောင်းယူပြီး တရုတ်နယ်စပ် ဒုက္ခသည်စခန်းတွေက အမျိုးသမီးငယ်တွေကို တရုတ်ပြည်မှာ သွားရောက် ရောင်းစားနေတယ်လို့ လူကုန်ကူးခံရတဲ့ အမျိုးသမီးတွေအရေး ကူညီ ဆောင်ရွက်ပေးနေတဲ့ လိုင်ဇာ အခြေစိုက် ကချင်အမျိုးသမီး အဖွဲ့ (Kachin Women Association) ရဲ့ အဖွဲ့ဝင်တစ်ဦးက RFA ကိုပြောပါတယ်။
လိုင်ဇာမြို့ အခြေစိုက် ကချင်အမျိုးသမီး အဖွဲ့အနေနဲ့ ၂၀၀၆ ခုနှစ်ကနေ ဒီနှစ်အထိ တရုတ်နိုင်ငံထဲကို ရောင်းစားခံရတဲ့ အမျိုးသမီး ၂၉၀ ဦးရဲ့ အရေးကိစ္စတွေကို စုံစမ်းဖော်ထုတ် ကူညီပေးနိုင်ခဲ့ပြီး အခုနှစ် ဇန်နဝါရီကနေ သြဂုတ်လကုန်ထိ လိုင်ဇာ ပတ်ဝန်းကျင်မှာရှိတဲ့ ဒုက္ခသည်စခန်းအချို့က အမျိုးသမီးငယ် ၉ ဦး လူမှောင်ခို ပွဲစားတွေရဲ့ ရောင်းစားတာ ခံခဲ့ရတယ်လို့ သိရပါတယ်။
အဲဒီ ဒုက္ခသည်စခန်းတွေက အမျိုးသမီးငယ် အများစုဟာ ယူနန်ပြည်နယ်၊ ယင်ကျန်း၊ ထိန်ချုန်း စတဲ့ မြို့တွေမှာရှိတဲ့ ဆင်းရဲသား တရုတ်လယ်သမားတွေနဲ့ အဓမ္မ လက်ထပ်ဖို့ ရောင်းစားခံရတာဖြစ်ပြီး ရောင်းစားမခံရခင်မှာ လူပွဲစားတွေရဲ့ လိင်ပိုင်းဆိုင်ရာ စော်ကားမှုတွေ၊ လူ့အခွင့်အရေး ချိုးဖောက်မှုတွေ ခံကြရတယ်လို့ ကချင်အမျိုးသမီးအဖွဲ့က ပြောပါတယ်။
မြန်မာအမျိုးသမီး တစ်ယောက်ကို တရုတ် ယွမ်ငွေ တစ်သောင်း ကနေ ငါးသောင်းကြား မြန်မာကျပ်ငွေနဲ့ဆိုရင် ၁၅ သိန်းကနေ သိန်း ၄၀ကြား လူမှောင်ခိုပွဲစားတွေက ရယူ ရောင်းစားနေကြတယ်လို့ နယ်စပ်ဒေသခံတွေက ပြောပါတယ်။
ကချင်အမျိုးသမီးအဖွဲ့ အနေနဲ့ လူကုန်ကူးခံနေရမှုတွေကို အနည်းအကျဉ်းလောက်ကိုသာ ကူည်ီပေးနိုင်တာဖြစ်ပြီး လွယ်ဂျယ်၊ မိုင်းဂျားယန်၊ ဆဒုံး၊ ပန်ဝါစတဲ့ နေရာတွေကလည်း အမျိုးသမီးငယ်တွေ နည်းမျိုးစုံနဲ့ ရောင်းစား ခံနေရတယ်လို့ သိရပါတယ်။

Copyright © 1998-2011 Radio Free Asia. All rights reserved.

အိန္ဒိယက မြန်မာနိုင်ငံတွင် ကုန်သွယ်ရေးနှင့် ရင်းနှီးမြှုပ်နှံမှု တိုးချဲ့မည်

အိန္ဒိယက မြန်မာနိုင်ငံတွင် ကုန်သွယ်ရေးနှင့် ရင်းနှီးမြှုပ်နှံမှု တိုးချဲ့မည် 

နေလင်းအောင် | ကြာသပတေးနေ့၊ စက်တင်ဘာလ ၀၆ ရက် ၂၀၁၂ ခုနှစ် ၁၉ နာရီ ၀၂ မိနစ်

ရန်ကုန် (မဇ္ဈိမ) ။        ။ မြန်မာနှင့် အိန္ဒိယနှစ်နိုင်ငံအကြား ရင်းနှီးမြှုပ်နှံမှုနှင့် ကုန်သွယ်ရေး ဆက်ဆံမှု တိုးမြှင့်ရန် ရည်ရွယ်၍ အိန္ဒိယမှ လုပ်ငန်းရှင်များသည် ယခုသီတင်းပတ်အတွင်း ရန်ကုန်မြို့တွင် ကုန်စည်ပြပွဲတစ်ခုကို ပြုလုပ်ခဲ့ သည်။
“ဈေးကွက် မြှင့်တင်မှုတွေ လာလုပ်တာပါ။ အိန္ဒိယကုမ္ပဏီတွေအများစုက မြန်မာနိုင်ငံက လုပ်ငန်းရှင်တွေနဲ့ ပူးပေါင်း
ဆောင်ရွက်နိုင်ဖို့ရယ်၊ ဖက်စပ်လုပ်ကိုင်မယ့် လုပ်ငန်းရှင်တွေ ရှာဖို့အတွက်လည်း ရည်ရွယ်ပါတယ်။” ဟု ပြပွဲကို ဦးစီးဆောင်ရွက်သူ အိန္ဒိယ ပို့ကုန်လုပ်ငန်းအဖွဲ့များ ဖက်ဒရေးရှင်း Federation of Indian Export Organizations (FIEO) မှ ဒုတိယ အထွေထွေ ညွှန်ကြားရေးမှူးချုပ် မစ်စစ် ဒယ်လ်ဒက်တာ နန်ဝါနီ Mrs. Deldatta Nandwani က ပြောသည်။
မြန်မာနိုင်ငံတွင် ဈေးကွက်ချဲ့ထွင်ရန်အတွက် စက်တင်ဘာ ၄ ရက်နှင့် ၅ ရက်နေ့များတွင် မြန်မာနိုင်ငံ ကုန်သည်များ
နှင့် စက်မှုလက်မှုလုပ်ငန်းရှင်များအသင်း အဆောက်အအုံတွင် ကျင်းပသည့်ပြပွဲတွင် ဒယ်လ်ဒက်တာက ယင်းကဲ့သို့
ပြောကြားသည်။
ဆေးရုံသုံးပစ္စည်း၊ ကြွေပြား ကျောက်ပြား၊ အဝတ်အထည်၊ ဆန်စက်နှင့် ပတ်သက်သော ပစ္စည်းများ၊ ဓါတ်မြေသြဇာနှင့် အခြား စက်ပစ္စည်းများ ထုတ်လုပ်ရောင်းချနေသည့် ကုမ္ပဏီပေါင်း ၂၈ ခု ပါဝင်ပြသခဲ့သည်။
မြန်မာနိုင်ငံ၏ နိုင်ငံခြား ရင်းနှီးမြှုပ်နှံမှု ဥပဒေကို အသေးစိတ် မသိသေးကြောင်းနှင့် မြန်မာနိုင်ငံသို့ ရောက်ရှိနေစဉ် အတွင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက တာဝန်ရှိသူများနှင့်လည်း တွေ့ဆုံရန်ရှိကြောင်း မစ်စစ် ဒယ်လ်ဒက်တာ က ယင်းကဲ့သို့ ပြောသည်။
ပြပွဲဝင် ANAND Group  ဆေးရုံသုံးပစ္စည်းနှင့် ဆေးဝါးများ ထုတ်လုပ်သည့် လုပ်ငန်းမှ အထွေထွေမန်နေဂျာ မစ္စတာ ရာကီးရှနန်ဒ် Mr. Rakeshanand ကလည်း “မြန်မာနိုင်ငံရဲ့ အနာဂါတ် စီးပွားရေးအလား အလာကောင်းတယ်လို့ ရှုမြင်တယ်။ ပိုပြီး လစ်ဘရယ်ကျမယ်၊ နိုင်ငံတကာက ပိတ်ဆို့မှုတွေအားလုံး ရုတ်သိမ်းသွားအောင် လုပ်နိုင်မယ်ဆိုရင် တကယ့်ကောင်းမွန်တဲ့ လမ်းကြောင်းပေါ် ရောက်လာမှာပါ” ဟု ပြောသည်။
ထို့ပြင် ၎င်းကို့ကုမ္ပဏီမှ ထုတ်ကုန်များကို မြန်မာနိုင်ငံတွင် ဖြန့်ချီသွားမည်ဖြစ်ပြီး ယင်းကိစ္စအတွက်လည်း ပြည်းတွင်းက ပူးပေါင်းဆောင်ရွက်လိုသူများ လိုအပ်ကြောင်းနှင့် ယင်းသို့ လုပ်ကိုင်နိုင်ရန်အတွက်လည်း ထွက်ပေါ်လာမည့် နိုင်ငံခြား ရင်းနှီးမြှုပ်နှံမှု ဥပဒေပေါ်တွင် မူတည်ကြောင်းလည်း ရာကီးရှနန်ဒ်က ကပြောသည်။
အိန္ဒ်ိယနိုင်ငံမှ အသေးစား၊ အလတ်စားနှင့် အကြီးစား ကုမ္ပဏီများ လာရောက်ရင်းနှီးမြှုပ်နှံလိုကြောင်းနှင့် ယခုပြပွဲသည် ၂၀၁၂ အတွင်း FIEO ကပြုလုပ်သည့် ပထမဦးဆုံးပွဲ ဖြစ်သလို၊ တတိယအကြိမ်မြောက် အိန္ဒိယကုန်စည်ပြပွဲ
ဖြစ်ကြောင်း မြန်မာနိုင်ငံဖက်မှ စီစဉ်ပေးသည့် NMT Ltd မှ အထွေထွေ မန်နေဂျာ မစ္စတာ ဒယ်နီယယ် ရာဂျစ် Mr.Daniel Rajiv က ပြောသည်။
မြန်မာနှင့် အိန္ဒိယနှစ်နိုင်ငံ ကုန်သွယ်မှု ပမာဏမှာ ၂၀၁၀-၁၁ ဘဏ္ဍာနှစ်တွင် အမေရိကန်ဒေါ်လာ သန်းပေါင်း ၁၀၇၀ ဒဿမ ၈၈ ရှိခဲ့ပြီး၊ ၂၀၀၉-၁၀တွင် ဒေါ်လာသန်းပေါင်း ၁၄၉၇ ဒဿမ ၇၇ ရှိခဲ့ရာ၊ မြန်မာဘက်က အသာစီးရှိနေ
ကြောင်း ဗဟိုစာရင်းအင်း အဖွဲ့စာရင်းများက ဆိုသည်။
ယခုနှစ် မတ်လတွင် ကုန်ဆုံးခဲ့သည့် ၂၀၁၁-၁၂နှစ် ဘဏ္ဍာနှစ်စာရင်းများအရ အိန္ဒိယနိုင်ငံက မြန်မာနိုင်ငံတွင် ရင်းနှီးမြှုပ်နှံမှုမှာ အမေရိကန်ဒေါ်လာသန်းပေါင်း ၁၈၉ ရှိကြောင်း ရင်းနှီးမြှုပ်နှံမှုနှင့် ကုမ္ပဏီများ ညွန်ကြားမှုဦးစီး ဌာနထုတ်ပြန်ချက်အရ သိရသည်။
အိန္ဒိယ၏ အဓိက ရင်းနှီးမြှုပ်နှံမှုနယ်ပယ်များတွင် ပို့ဆောင်ဆက်သွယ်ရေး၊ ရေအားလျှပ်စစ်၊ ရေနံ သဘာဝဓါတ်ငွေ့နှင့် စွမ်းအင်တို့ ပါဝင်သည်။

ဖားကန့်တွင် လူစုလူဝေးဖြင့် လုယက်မှု ပစ်ခတ်နှိမ်နင်း တဦးသေ

ဖားကန့်တွင် လူစုလူဝေးဖြင့် လုယက်မှု ပစ်ခတ်နှိမ်နင်း တဦးသေ

ဖနိဒါ | ကြာသပတေးနေ့၊ စက်တင်ဘာလ ၀၆ ရက် ၂၀၁၂ ခုနှစ် ၁၉ နာရီ ၀၈ မိနစ်

ချင်းမိုင်(မဇ္စျိမ) ။       ။ မကြာသေးခင်က တိုက်ပွဲကြီးများဖြစ်ပွားခဲ့သော ကချင်ပြည်နယ် ဖားကန့်တွင် လူအုပ်စုဖြင့် လုယက်ဖျက်စီးမှုများ အနည်းဆုံး နေရာငါးခုတွင် ဖြစ်ပွားခဲ့သည်ဟု ဒေသခံများက ပြောသည်။
အနယ်နယ်အရပ်ရပ်မှ လာရောက်လုပ်ကိုင်နေကြသော ထောင်နှင့်ချီသည့် ကျောက်တူးသမားများနှင့် ကျောက်ရှာ သူများ ရှိနေထိုင်ရာ ဖားကန့်မြို့မှော်ဆီစာ၊ ရှရော်ခ၊ မျောက်ဖြူ၊ မိုးပြင်းနှင့် ကထန်မှော် စသည့် ကျောက်စိမ်းမှော် ငါးနေရာတွင် အခင်းဖြစ်ပွားခဲ့ခြင်းဖြစ်သည်။
စက်တင်ဘာလ ၃ ရက်နေ့က မှော်စီဆာရှိ အမျိုးသားစီးပွားတိုးတက်ရေးကုမ္ပဏီနှင့် ကျောက်စိမ်းတောင် ကုမ္ပဏီများ ၏ လုပ်ကွက်တွင် ခွင့်ပြုချက် မရဘဲ ဝင်ရောက်ကာ ရေမဆေးကျောက်ရှာသဖြင့် ကုမ္ပဏီ၏ တိုင်ကြားချက်ဖြင့် ရဲက ဖမ်းဆီးကာ ယင်းတို့ပိုင် မော်တော်ဆိုင်ကယ်နှင့် သုံးဘီးကားများကို သိမ်းဆည်းခဲ့သည်။ နောက်ပိုင်းတွင် မကျေနပ်
သော လူအုပ်စုက အဆောင်ကိုမီးရှို့ကာ ကုမ္ပဏီပိုင်ပစ္စည်းများကို လုယက်ကြသည်။
"ကျနော်သွားကြည့်လိုက်တဲ့အခါမှာ လမ်းမှာ သွားသွားလာလာ ကျောက်သယ်တဲ့သူ၊ သွပ်သယ်တဲ့လူ၊ ပျဉ်တွေ သယ်တဲ့လူတွေ တွေ့ရတယ်" ဟု ရိုမင်ကက်သလစ် အသင်းတော်မှ သင်းအုပ်ဆရာ နော်ဂျာက ပြောသည်။
အလားတူပင် မျောက်ဖြူမှော်ရှိ ကုမ္ပဏီတခုတွင်လည်း ညအချိန်တွင် ကျောက်စိမ်းများ၊ သိုလှောင်ထားသော
လောင်စာဆီများ လုယက်ခံရပြီး အဆောင်ကိုလည်း ဖျက်စီးသွားခဲ့ကြကာ လုံခြုံရေးတပ်ဖွဲ့ဝင်များက ပစ်ခတ်လူစုခွဲခဲ့ သည်ဟု ဆိုသည်။
"ကုမ္ပဏီ လုပ်ငန်းရှင်တွေရော သူတို့အဆောင်တွေကို ကြီးကြပ်တဲ့လူ မရှိဘူးဆိုတော့ ဥပဒေ စိုးမိုးမှု အပိုင်းမှာလဲ မလုပ်နိုင်တဲ့အခါကျတော့ ကျောက်တူးသမားတွေ၊ ရေမဆေးသမားတွေ၊ သူတို့ လုပ်ချင်တာလုပ်၊ မီးရှို့ဖျက်ဆီး၊ ရှိတဲ့ကျောက်တွေ သယ်ယူကြတယ်ဆိုတော့ ဟိုဘက်က တပ်က ရမ်းပစ်တယ်။ အဲဒီမှာ တယောက်က ထိလို့
သေသွားတယ်" ဟု ဆရာ နော်ဂျာက ပြောသည်။
ဖားကန့်မြို့နယ်တွင် မေလ ၃ဝ ရက်နေ့က ကချင်လွတ်လပ်ရေးတပ်မတော် KIA တပ်များနှင့် အစိုးရတပ်များ တိုက်ပွဲကြီးများ ဖြစ်ပွားခဲ့ပြီးနောက် ကျောက်မျက်ရှာဖွေရေးကုမ္ပဏီများ၏ လုပ်ငန်းများ ရပ်ဆိုင်းထားခဲ့သည်။ သို့သော်လည်း တရားမဝင် သို့မဟုတ် သိုသိုသိပ်သိပ်ဖြင့် ဆက်လက်လုပ်ဆောင်သည်များလည်း ရှိနေခဲ့သည်။
ဗုဒ္ဓဟူးနေ့ညက ယူမာနှင့် ဆိုင်းတောင်အကြားတွင် KIO နှင့် အစိုးရတပ်ဖွဲ့များအကြား တိုက်ပွဲငယ်ဖြစ်ပွားခဲ့ပြီး လက်နက်ကြီး ပစ်ခတ်သံများကိုပင် ကြားရသည်ဟု သင်းအုပ်ဆရာတော်က ပြောသည်။
ထို့ပြင်ညပိုင်းတွင် ဆိုင်းတောင်မြို့အဝင် ဒေါ်တင်လှ ဓါတ်ဆီဆိုင်အနီး ကားလမ်းပေါ်တွင် အစိုးရ စစ်ကြောင်းပါ စစ်သား ၁၀ ဦးကျော်သည် ယင်းတို့ သယ်ဆောင်လာသည့် ဗုံးပေါက်ကွဲ၍  အနည်းဆုံး သုံးဦး ပြင်းပြင်းထန်ထန် ဒဏ်ရာရသွားခဲ့ပြီး အန်ဂျီအိုဝန်ထမ်း လင်မယားနှစ်ဦးလည်း ဒဏ်ရာရသွားခဲ့သည်ဟု အမျိုးသားဒီမိုကရေစီအဖွဲ့ချုပ် ပါတီဝင် ဒေါ်နေဂျာရှန်က ပြောသည်။
အဆိုပါ ပစ်ခတ်မှုဖြစ်စဉ်နှင့် ပတ်သက်၍ ဖားကန့်မြို့ ရဲစခန်းအား မဇ္စျိမက ဆက်သွယ်မေးမြန်းခဲ့ရာ အကြောင်း
ပြန်ကြားခြင်း မရှိပေ။
အင်္ဂါနေ့နံနက်ကလည်း ဖားကန့်မြို့နယ် မှော်ဝမ်းမြို့ ရပ်ကွက် ၂ နေ အသက် ၂၇ နှစ်အရွယ် ဦးကရင်နော်ကျန်းသည်
ရေမဆေးရှာရန် သွားသည့်လမ်း မျောက်ဖြူနှင့် ရှရော်ခဘက်သို့ သွားခဲ့ရာလမ်းတွင် ဗုံးဆံထိမှန်ကာ သေဆုံးသွားခဲ့ သည်။
"အစိုးရတပ်ကနေ ဗုံးပစ်ပေးလိုက်တာ မိုင်းစထိမှန်သွားတယ်၊ အဲဒီမိုင်းစက အဆုတ်မှာ ထိသွားတယ်။ မနေ့က ကျမ သူ့မိသားစုနဲ့ သွားတွေ့တယ်။ အဲဒီနေ့မှ အဲဒီရှရော်ခဘက်ကို သွားတာတဲ့။ ရေမဆေးလိုက်ကောက်တဲ့။ တခါမှ မသွား
တော့ဘူး။ အဲဒီနေ့မှ သွားလို့ ရပြီဆိုပြီး သွားလိုက်တာ အဲဒီလို ဖြစ်သွားတာတဲ့" ဟု ဒေါ်နေဂျာရှန်က ပြောသည်။ ဦးကရန်နော်ကျန်းတွင် သူက သားသမီး နှစ်ဦးရှိပြီး ဇနီးဒေါ်ဒေါင်နန်းတို့ ကျန်ရစ်သည်။
ပြီးခဲ့သည့်လ ၁၉ ရက်နေ့မှစတင်၍ နှစ်ဖက်တပ်များ တင်းမာမှုကြောင့် ဖားကန့်မြို့နယ်အတွင်းရှိ မှော်မောင်ကုန်၊
တောင်ပြို၊ သူဌေးချောင်း၊ ဆိုင်းဂျာဘွမ်၊ မနားချေား၊ ဗလခ၊ မှော်ဝမ်းကြီး၊ မှော်ဝမ်းကလေး၊ ရှရောခ၊ ဇွပ်ငိုင်၊
မျောက်ဖြူနှင့် မှော်မောင်းလယန် စသည့်ကျေးရွာများက ဒေသခံများသည် အိုးအိမ်များစွန်ကာ ဖားကန့်မြို့ပေါ်သို့ ထွက်းပြေး တိမ်းရှောင်နေရဆဲပင် ဖြစ်သည်။
လက်ရှိ ဖားကန့်မြို့ပေါ်တွင် အစိုးရတပ်အင်အား တဖြည်းဖြည်း ပိုမိုများပြားလာနေပြီး ကချင်လွတ်လပ်ရေးတပ်မတော် KIA တပ်များနှင့် တိုက်ပွဲများ ဖြစ်ပွားခြင်း မရှိသေးသော်လည်း နှစ်ဘက် သတိနှင့် စောင့်ကြည့်နေကြသည်ဟု KIA ၏ တပ်မဟာ ၂ လက်အောက်မှ တပ်ရင်း ၆ တပ်ဖွဲ့မှ အရာရှိ တဦးက ပြောသည်။ 
သြဂုတ်လ ၂၉ ရက်နေ့က အစိုးရတပ်နှင့် KIA တပ်ဖွဲ့များ တိုက်ပွဲဖြစ်ပွားခဲ့သဖြင့် ဝေအောင်ကမ္ဘာ အကျိုးတူ ကုမ္ပဏီ တခုထဲ လက်နက်ကြီး ကျကာ ယင်းကုမ္ပဏီအတွင်းမှ သိုလောင်ထားသော လောင်စာဆီ ပေါက်ကွဲမှုဖြစ်ပွားခဲ့သဖြင့် အစိုးရတပ်ဘက်မှ ကျဆုံးသူဦးရေ ၅ဝ အထိပင်ရှိသည်ဟု သတင်းများ ထွက်ပေါ်ခဲ့သည်။