| ကချင်ပြည်နယ်အတွင်း တစ်နှစ်ကျော်ကြာဖြစ်ပွားနေသည့်စစ်ပွဲများကြောင့် ကယ်ဆယ်ရေးစခန်းများတွင် နေထိုင်သူဒုက္ခသည်ဦးရေ ၉၀၀၀၀ ကျော်အထိရှိလာ၊ လက်ရှိကြုံတွေ့နေရသည့် ကဏ္ဍစုံ လူ့အခွင့်အရေးချိုးဖောက်ခံရမှုများကြောင့် စစ်ပွဲများအမြန်ဆုံး ရပ်ဆိုင်းရန် ဒေသခံပြည်သူများလိုလား |
| Sunday, 02 September 2012 22:51 |
ကချင်ပြည်နယ် တရုတ်နယ်စပ်ရှိ ဒုက္ခသည်စခန်းများအား တွေ့မြင်ရစဉ်
ကချင်အမျိုးသားအစည်းအရုံး၊ ကချင်အမျိုးသမီးအစည်းအရုံး၊ ကချင်သတင်းဋ္ဌာန၊ ကချင်လူမှုဖွံ့ဖြိုးရေးကွန်ယက်၊ ကချင်သဘာဝပတ်ဝန်းကျင်ထိန်းသိမ်းရေးအဖွဲ့နှင့် အခြားသော ကချင်အဖွဲ့အစည်းများမှ ကချင်လွတ်မြောက်ရေးအဖွဲ့၊ ကချင်လွတ် မြောက်ရေးတပ်မတော်တို့၏ တပ်စခန်းများကို ဦးတည် ထိုးစစ်ဆင်နေသည့် တပ်ရင်းပေါင်း ၈၀ ကျော်၏ ထိုးစစ်များ ရပ်တန့်ပေးရန်၊ အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့်ကို ဖော်ဆောင်သည့် စစ်မှန်သော နိုင်ငံရေးတွေ့ဆုံဆွေးနွေးပွဲများအား ကချင်လွတ် မြောက်ရေးအဖွဲ့၊ ကချင်လွတ်မြောက်ရေးတပ်မတော်နှင့် အခြားသော ကချင်အဖွဲ့အစည်းများပါဝင်သည့် တွေ့ဆုံဆွေးနွေးပွဲများ ပြုလုပ်ပေးစေလိုသည်ဟု ထုတ်ပြန်ခဲ့ကြောင်း သိရှိရပါသည်။ "အခုကျွန်တော်ရပ်နေတဲ့ နေရာကနေကြည့်ရင်ကိုပဲ မီးလောင်နေတဲ့ ရွာတွေ လက်နက်ကြီးတွေ ကျတဲ့အသံတွေ ကြားနေရပါတယ်။ ဖားကန့်မြို့ ပေါ်မှာလည်း အနီးဝန်းကျင်ရွာတွေ ကမနေရဲတော့လို့ စစ်ပြေးလာတဲ့လူ တွေ ၁၀၀၀၀ ကျော်လောက် ဖြစ်နေပါပြီ၊ ဒီစစ်ပွဲတွေ အမြန်ရပ်ဖို့ကိုလည်း သက်ဆိုင်ရာ တာဝန်ရှိသူတွေ အမြန်ဆုံး ဆောင်ရွက်စေချင်ပါတယ်"ဟု ဒေသခံတစ်ဦးဖြစ်သူ ကိုအောင်ကျော် မိုးက ပြောကြားခဲ့ပါသည်။ ကချင်အဖွဲ့အစည်းများ၏ ထုတ်ပြန်ချက်တွင် လူ့အခွင့်အရေး ချိုးဖောက်ခံရမှုများအား နိုင်ငံတကာ အဖွဲ့အစည်းများမှ စုံစမ်းစစ်ဆေးပေးရန်၊ ဒုက္ခသည် ၉၀၀၀၀ ကျော်အတွက် လူသားချင်း စာနာမှုဆိုင်ရာကူ ညီထောက်ပံ့မှုများ ရရှိရန် နှစ်ဖက်တာဝန်ရှိသူများမှ ညှိနှိုင်းဆောင်ရွက်ပေးရန်၊ စစ်ပဋိပက္ခများကြောင့် လယ်ယာလုပ်ငန်း မလုပ်ကိုင်နိုင်ခြင်းနှင့် ဆန်သယ်ယူခွင့် ပိတ်ထားသဖြင့် ပူတာအို၊ မချမ်းဘော၊ နောင်မွန်နှင့် ခေါင်လန်ဖူးမြို့နယ်များတွင် ဇွန်လမှစတင်၍ ဆန်ရှားပါးနေသဖြင့် စားနပ်ရိက္ခာ အခက်တွေ့နေသော ပြည်သူများအား ကူညီပေးရန်၊ ကချင်ဒေသအတွင်း ထိုးစစ်ဆင်ခြင်းအား ရပ်တန့်မှုမရှိသည့် တပ်ရင်းများအား အရေးယူပေးရန် ၊ စစ်ပဋိပက္ခအတွင်း ဒေသခံအမျိုးသမီးများအပေါ် လိင်အကြမ်းဖက်မှုများနှင့် အဓမ္မပြုကျင့်ခံရသူများမှထက်ဝက်ကျော် သတ်ဖြတ်ခံရမှုအား စနစ်တကျ ဖော်ထုတ်စစ်ဆေး အရေးယူပေးရန်၊ တရုတ်နိုင်ငံအတွင်း ရောက်ရှိနေသည့် ဒုက္ခသည်များအား မောင်းထုတ်နေမှု ရပ်တန့်ပေးရန်နှင့် လူသားခြင်းစာနာမှုဆိုင်ရာ ကူညီမှုများအား တရုတ်အစိုးရမှ ဆောင်ရွက်ပေးရန် စသည့်အချက် များနှင့် အခြားသောအချက်များ ပါဝင်ခဲ့ကြောင်း သိရှိရပါသည်။ တိုင်းရင်းသားရေးရာနှင့် ပြည်တွင်းငြိမ်းချမ်းရေး ဖော်ဆောင်မှုကော်မတီ၊ အတွင်းရေးမှူး၊ ကချင်ပြည်နယ်မှ လွှတ်တော်ကိုယ်စားလှယ်တစ်ဦးဖြစ်သူ ဒေါ်ဒွဲဘူက "ကျွန်မတို့ လက်နက်မကိုင်တဲ့သူတွေ ဘယ်လောက်ပဲ စစ်ပွဲတွေရပ်ဖို့ လိုလား လိုလား၊ KIA နဲ့ တပ်မတော်က မရပ်ချင်ရင် ဘာမှဖြစ်မလာပါဘူး။ နှစ်ဖက်စလုံးက ခေါင်းဆောင်တွေအနေနဲ့ ပြည်သူလူထု ခံစားနေရတဲ့ ဒုက္ခတွေကို တကယ်သိဖို့ လိုပါမယ်။ နောက်ပြီး လက်ရှိဖြစ်နေတဲ့ တိုက်ပွဲတွေမှာ ကျဆုံးခဲ့ရတဲ့ တပ်မတော်သားတွေနဲ့ KIA အဖွဲ့ဝင်အား လုံးဟာပြည်သူတွေပါ။ နှစ်ဖက်တာဝန်ရှိသူတွေ ပြည်သူတွေကို တကယ်ငဲ့ညှာပေးမယ်ဆိုရင် အမြန်ဆုံး တွေ့ဆုံဆွေးနွေးပြီး စစ်ပွဲတွေ ရပ်ပေးစေချင်ပါတယ်"ဟု စက်တင်ဘာလ ၂ ရက်နေ့က ပြောကြားခဲ့ပါသည်။ |
+16
#2
myanmayatanar
2012-09-03 17:16
အာဏာနဲ့
လုပ်ပိုင်ခွင့်တွေ လက်လွှတ်ရမှာ ကြောက်တာကိုး။ နှစ်ဖက်စလုံးရဲ့ အကြောင်းကို
လေ့လာသူတစ်ယောက်အနေနဲ့ သိနေတာပါ။ ခက်တာက တိုင်းရင်းသားတွေကို
အမြင်ကျယ်အောင်၊ ပညာတတ်တွေဖြစ်အောင် သင်မပေးနိုင်တာက အဓိကပြဿနာဖြစ်နေတာ။
နိုင်ငံရေးအရ တွေ့ဆုံဆွေးနွေးပြီး လွှတ်တော်ထဲကို ၀င်ရင်တော့
အကောင်းဆုံးပေါ့။ လွှတ်တော်တွေထဲရောက်မှ ကြိုက်တဲ့ ၀န်ကြီးဌာနကို
ကြိုက်တဲ့မေးခွန်းတွေ တရားဝင်မေးခွင့်ရှိမှာလေ။ အပြင်မှာ လက်နက်ကိုင်ပြီး
ဟိုဟာ ပေးပါ၊ ဒီဟာပေးပါ လုပ်နေရင်တော့ ရွှေပြည်တော်
မျှော်တိုင်းဝေးနေမှာကတော့ အမှန်ပါပဲ။
+51
#1
ကျောင်းသားကြီး
2012-09-03 05:47
ကချင်ပြည်နယ်မှာ ဘာလို
့စစ်ဆက်ဖြစ်နေလဲ ဆိုတာကို ယခု အစိုးရ သတင်းအတိကျထုတ်ပြန်သင့်တယ်။
အထူးသဖြင့် ကာကွယ်ရေးဝန်ကြီး ထုတ်ပြန်ရလိမ့်မယ်။ ပြည်သူကို ရှုင်းပြဖို့ ရာ
သူ့ မှာတာဝန်ရှိတယ်။ ဘာကြောင့် ဘယ်သူ့ ကြောင့် ပြည်တွင်းမှာ
စစ်ဆက်ဖြစ်နေတာလဲ။ ပြည်သူတွေ သိချင်တယ် လွှတ်တော်ကိုယ်စားလှယ်တွေ ဘာလို
့မမေးလဲ စစ်ဖြစ်နေတယ်ဆိုတာချည်းပဲ ကြားနေတယ် အကြောင်းရင်းကို
ဘယ်သူမှမရှာကြဘူး။ ဒါဟာ မြန်မာ့ရိုးရာလိုဖြစ်နေတယ်။ မကောင်းဘူး။
