ရွှေဖြူ နှင့် အခြားသတ္တုတွင်းကြောင့် တာချီလိတ်ကျေးလက်များအခက်တွေ့

ရွှေဖြူ နှင့် အခြားသတ္တုတွင်းကြောင့် တာချီလိတ်ကျေးလက်များအခက်တွေ့

by bniwebmaster@yahoo.com (သျှမ်းသံတော်ဆင့်)

သျှမ်းပြည်အရှေ့ပိုင်း တာချီလိတ်ခရိုင် ကျေးလက် ဒေသခံများ ရွှေဖြူ ရွှေဝါ သတ္တုတွင်းကြောင့်  သုံးရေခက်၊ စပါးခင်းပျက်ကာ ၀မ်းရေးအတွက်ပါ အခက်အခဲဖြစ်နေကြောင်းဒေသခံများက ပြောပါသည်။
“မနှစ်ကလဲ စပါးစိုက်လို့မရဘူး၊ ဒီနှစ်ပိုဆိုးတယ်၊ သတ္တုကနေ ထွက်တဲ့ ဓါတုဆေးရေတွေ အညစ်အကြေး တွေက ချောင်းရေ နဲ့လယ်ကွင်း စိုက်ခင်းတွေထဲကို ၀င်ကုန်တယ်။ နွေတုန်းကလဲ ချောင်းရေ လုံးဝသုံးလို့ မရဘူး၊ နွေဘက်ဆိုရင် ကျနော်တို့ကျေးလက်တွေက ချောင်းရေကို ဘဲ သုံးကြတယ်လေ” - ဟု မိုင်းလင်းဒေသ ခံတဦးက ပြောပါသည်။
ရွှေဖြူ ရွှေဝါ သတ္တုတွင်းကြောင့် တာချီလိတ်မြို့နယ် မုံးကိုးကျေးရွာအုပ်စုအပြင် တာလေမြို့ နယ်ခွဲအတွင်းရှိ နားဟိုင်းလုံရွာ၊ နားဟိုင်းနွဲ့ရွာ၊ မိုင်းလင်းကျေးရွာအုပ်စုဝင် နမ့်ခင်းရွာ၊ ပါလျောင်း၊ ကျိန်းလပ်၊ ဒေသခံများ လယ်ယာ စိုက်ပျိုးရေးအတွက် အခက်အခဲကြုံတွေ့နေရ ကြောင်း၊ ဒေသခံအာဏာပိုင်များထံတိုင်ကြားထား သော်လည်း အရေးယူဖြေရှင်းပေးခြင်း မရှိကြောင်း ဒေသခံများက ပြောပါသည်။
“ကျနော်တို့ မိမိလယ်ယာ စိုက်ခင်းမထိခိုက်အောင်၊ အဲဒီသတ္တုတွင်းပိတ်ပေးဖို့ တောင်းဆိုခဲ့တယ်။ ထွေအုပ်ဆီ၊ အနိုင်ရပါတီဝင်တွေဆီ တိုင်တန်းထား တယ်။ အခုလဲ ဆိုင်ရာလက်နက်ကိုင်အဖွဲ့အစည်းတွေကို ပါတိုင်တန်းထားတယ်၊ လာရောက် ဖြေရှင်းပေးလိမ့်မယ်လို့မျှော်လင့်တယ်” - ဟု ဒေသခံ စိုင်းကျောဝ်(က်) က ပြောပါသည်။
ထို့အပြင် သတ္တုသယ် ၁၀ ဘီး ၊ ၁၈ ဘီး ၊ ၂၆ ဘီး ကားများကြောင့် လမ်းများပျက်စီးကုန် ကြောင်း၊ အထူး သဖြင့် ကျောင်းသူ/သားများ ကျောင်းတက်/ဆင်း ရေးအတွက် အဓိကအခက် အခဲဖြစ်နေကြောင်း ဒေသခံ ကျောင်းသားမိဘ နန်းအွန် က ပြောပါသည်။
တာချီလိတ်မြို့ မြောက်ဘက် ၁၃ ကီလိုမီတာ( ၈ မိုင်ခန့်)အကွာ မိုင်းကိုးကျေးရွာအုပ်စုအတွင်း ရွှေဖြူတူး ဖော်မှုကြောင့် ရွာပေါင်း ၈ ရွာ(လားဟူ၊ အခါ၊ သျှမ်း) ၊ အိမ်ခြေ ၃၉၃ အိမ်၊ လူဦးရေ ၂၀၀၀ ခန့် ဆိုးကျိုး ခံစားရပြီး အနည်းဆုံး လယ်မြေဧက ၉၂ ဧက ပျက်စီးသွားပြီဖြစ်ကြောင်း၊ ဒေသခံများ၏ လယ်မြေများ ကိုလည်း ကုမ္မဏီက ဈေးနှိမ်ဝယ်ယူကြောင်း၊ တချို့ခြံများကို ကန့် သတ်နယ်မြေအဖြစ် သတ်မှတ် လိုက် သောကြောင့် ခြံပိုင်ရှင်များ လုပ်ကိုင်ခွင့်မရဖြစ်နေကြောင်း လားဟူ အမျိုးသမီးအစည်းအရုံး (LWO) က အစီရင်ခံစာထုတ်ပြန်ဖူးပါသည်။
အဆိုပါဒေသအတွင်း ၂၀၀၇ ခုနှစ်မှစ၍ စိုင်းလောင်ဟိန်း၊ မြင့်ဦးအောင်၊ ဟိန်းလင်းစံ၊ စံပါရမီ၊ ၀ဏ္ဏသိန်းသန်း ကုမ္မဏီ က ရွှေဖြူတူးဖော်ပြီး ထိုင်းနှင့်တရုတ်နိုင်ငံသို့ တင်ပို့ရောင်းချလျက်ရှိ ကြောင်း၊ ယခုနှစ်အတွင်း ရွှေဖြူတူးဖော်ရေး ကုမ္မဏီ ၁၅ ခု ရှိလာ ပြီဖြစ်ကြောင်း၊ ရွှေဖြူကုန် ကြမ်း ၁ တန်ကို ဒေါ်လာ ၃၀၀ ရရှိကြောင်း ယခုနှစ် မေ ၂၈ ရက် နေ့က ထုတ်ပြန်သည့် အဆိုပါအစီရင်ခံစာကရေးသားပါသည်။

အိမ်မပြန်နိုင်သေးသည့် ဘားအံမြို့ ရေဘေးဒုက္ခသည်များ ကျန်းမာရေးကောင်းမွန်

အိမ်မပြန်နိုင်သေးသည့် ဘားအံမြို့ ရေဘေးဒုက္ခသည်များ ကျန်းမာရေးကောင်းမွန် 

by bniwebmaster@yahoo.com (ကေအိုင်စီ)

ပြီးခဲ့သည့်ဇူလိုင်လကုန်ပိုင်းက သံလွင်မြစ်ရေ မြှင့်တက်လာကာ ရေကြီးမှုကြောင့် ယာယီ ကယ်ဆယ်ရေး စခန်းများသို့ ပြောင်းရွှေ့နေထိုင် နေရသည့် ကရင်ပြည်နယ် ဖားအံမြို့ပေါ်ရှိ ရပ်ကွက်အချို့မှရေဘေး ဒုက္ခသည် များမှာ ယနေ့အချိန်ထိ အိမ်မပြန်နိုင်သေးသော်လည်း ကျန်းမာရေးကောင်းမွန်လျှက်ရှိကြောင်း ကယ်ဆယ်ရေးစခန်းများက ပြောသည်။
ကြားတောရ ကယ်ဆယ်ရေးစခန်းမှ တာဝန်ရှိသူ မထားထားနွယ်က “ရေဘေးဒုက္ခသည်တွေ ကျန်းမာရေးက ကောင်းပါတယ်။ ဒီမှာက ဆရာဝန်တွေ၊ သူနာပြုဆရာမတွေလည်း ရှိနေတယ်လေ။ လောလောဆယ်တော့ သူတို့တွေ အိမ်မပြန်နိုင်သေးတာ တစ်ခုပါပဲ”ဟု ယနေ့ နေ့လည်ပိုင်းက ကရင်သတင်းဌာနသို့ ပြောသည်။
အဆိုပါရေဘေးဒုက္ခသည်များကို ဖားအံမြို့ရှိ ယာယီကယ်ဆယ်ရေးစခန်းများတွင် ပြီးခဲ့သည့် ဇူလိုင်လ ၂၉ရက်နေ့၊ မွန်းလွဲပိုင်းကတည်း က နေရာချထားပေးခြင်းဖြစ်ပြီး ၎င်းကြားတောရကျောင်းတွင် အမှတ်(၁)ရပ်ကွက် အုတ်ဖိုမှ လူဦးရေ ၉၉ဦး ယာယီခိုလှုံနေကြောင်း သိရ သည်။
အဆိုပါသတင်းစာ၌ ဖားအံမြို့ရှိ ကြားတောရဘုန်းတော်ကြီးကျောင်း၊ မိုးလုံလေလုံ အားကစားရုံ၊ အောင်သံ လွင် အားကစားကွင်း၊ ပရဟိ တဘုန်းတော်ကြီးကျောင်း၊ ရွှေရင်မျှော်ကျောင်းတိုက်၊ အမှတ်(၃) အခြေခံပညာ အထက်တန်းကျောင်း စသည့်ကယ်ဆယ်ရေးစခန်း ၇ခု တွင် ရေဘေးဒုက္ခသည်များကို နေရာချထားသည်ဟု ဖော်ပြထားသော်လည်း အမက(၁)မူလွန်၊ အမက(၂)မူလွန်နှင့် အစ္စလာမ်ကျောင်း များလည်း ပါဝင်သေး ကြောင်း ရွှေရင်မျှော်ကယ်ဆယ်ရေးစခန်းမှ တာဝန်ခံက ပြောသည်။
ရေဘေးဒုက္ခသည်များကို ပြည်နယ်အစိုးရအဖွဲ့နှင့် ကျန်းမာရေး၊ မီးသတ်နှင့် ကြက်ခြေနီအဖွဲ့များ၊တပ်ဖက် ဆိုင်ရာ အာဏာပိုင်များက ဆန်၊ ဆီ၊ ခေါက်ဆွဲခြောက်၊ ကြက်ဥနှင့် အ၀တ်အထည်များကို မိသားစုအလိုက် ခွဲဝေလှူဒါန်းပေးသည့်အပြင် မြို့ပေါ်ရှိ စေတနာရှင်၊ ရပ်မိ ရပ်ဖများမှလည်း ကူညီထောက်ပံ့ပေးကြောင်း အဆိုပါ တာဝန်ရှိသူမှ ဆက်လက် ပြောကြားသည်။
မထားထားနွယ်က “ကျမတို့ဆီက ဒုက္ခသည်တွေကို အမှတ်(၈) အုပ်ချုပ်ရေးမှူးက ဒီမနက်မှာ ဆန်ပြုတ်လာ တိုက်ပါတယ်။ နောက်ပြီး ဦးစောထားလုံနဲ့ အဖွဲ့ကလည်း ခေါက်ဆွဲခြောက်တွေ လာဝေပေးပါတယ်”ဟု ပြောဆိုသည်။
ယမန်နေ့ထုတ် မြန်မာ့အလင်းစာ၌ သံလွင်မြစ်ရေသည် ဇူလိုင်လ ၂၉ရက်နေ့မှ စတင်ကာ စိုးရိမ်ရေမှတ် ၇၅၀စင်တီမီတာကို ကျော်လွန်၍ မြှင့်တက်လာမှုကြောင့် မြို့ပေါ်ရှိ ရပ်ကွက်(၁)၊ ရပ်ကွက်(၂)နှင့် ရပ်ကွက်(၅)တို့မှ ရေဘေးဒုက္ခသည်များကို ယာယီကယ်ဆယ်ရေးစခန်း ၇ ခု ဖွင့်လှစ်ပေးထားပြီး အိမ်ထောင်စု ၇၈၇စုမှ မိသားစုဝင်ပေါင်း ၄,၁၇၇ဦးကို ပြောင်းရွှေ့နေရာချထားပေးသည်ဟု ဖော်ပြထားသော်လည်း အစိုးရအဖွဲ့၏ အချက်အလက် ကောက်ခံမှုအရ ရေဘေးဒုက္ခသည်များမှာ ယမန်နေ့ညနေပိုင်းအထိ စုစုပေါင်း ၄,၈၀၀ ကျော်သွား ပြီဖြစ် ကြောင်း သိရသည်။
အမှတ်(၃)ရပ်ကွက်ရှိ မြေနိမ့်ပိုင်းတွင် နေထိုင်သူ ဦးစောလွန်းရှိန်က “ကျနော်တို့အိမ်အောက်ထပ်မှာ ရေက ခါးလည်လောက်ရှိနေပြီ။ အိမ် ကလူတွေအားလုံး အပေါ်ထပ်မှာပဲ နေလို့ရတော့တယ်။ ဒီနေ့ဟာ စိုးရိမ်ရေမှတ် ခေါင်ထိပ်ကို ရောက်မှာမို့ ရေကျဖို့တော့ မရှိသေးဘူး”ဟု ဆိုသည်။
လက်ရှိအချိန်တွင် ရေကြီးသည့် ဖားအံမြို့ရှိ မြေနိမ့်ပိုင်းရပ်ကွက်များတွင် လှေများဖြင့် သွားလာနေရသော် လည်း ရေဘေးကြောင့် သေ ကြေပျက်စီးမှုများ မရှိကြောင်း သိရသည်။ ဖားအံမြို့သည် သံလွင်မြစ်ရေလျှံကာ နှစ်စဉ် ရေကြီးလေ့ရှိပြီး ယမန်နှစ်ကလည်း မြို့တွင်းရှိ အထက(၁)ကျောင်းကိုပါ ရက်အတန်ကြာ ပိတ်ထား ခဲ့ရသည်။
မြန်မာပြည်တွင် ယခုလို မိုးတွင်းရာသီ၌ သံလွင်မြစ်၊ ဧရာဝတီမြစ်၊ စစ်တောင်းမြစ်၊ င၀န်မြစ် အပါအ၀င် မြစ်ချောင်းအတော်များများမှာ မြစ် ရေလျှံလေ့ရှိပြီး နီးစပ်ရာ မြို့ရွာများမှာ နှစ်စဉ် ရေကြီးမှုနှင့် ကြုံဆုံနေ ရသည်။

ဒေသဖွံ့ဖြိုးရေးအကောင်အထည်ဖော် သွားမည်ဟု ပြည်နယ်အစိုးရပြော

ဒေသဖွံ့ဖြိုးရေးအကောင်အထည်ဖော် သွားမည်ဟု ပြည်နယ်အစိုးရပြော 

by bniwebmaster@yahoo.com (ကေအိုင်စီ)

ကရင်နီ(ကယား)ပြည်နယ် အစိုးရက ပြည်သူလူထုတို့နှင့် ဇူလိုင်လ ၂၈ရက်နေ့က တွေ့ဆုံခဲ့ကြရာလူထုတောင်း ဆိုသည့် ပြည်နယ်အ တွင်း ဒေသဖွံ့ဖြိုးရေးလုပ်ငန်းများကို အကောင်အထည်ဖော် ဆောင်ရွက်ပေး သွားမည်ဟု ပြောကြားသွားခဲ့သည်။
ကရင်နီပြည်သူလူထုတို့က ပညာရေး၊ လမ်းပန်းဆက်သွယ်ရေးနှင့် လျှပ်စစ်မီးရရှိရေး အစရှိသည့် ဒေသဖွံ့ဖြိုး ရေးလုပ်ငန်းများ ဖြည့်ဆည်း ဆောင်ရွက်ပေးရန် လွိုင်ကော်မြို့၌ ကျင်းပခဲ့သည့် အဆိုပါ ပြည်နယ်အစိုးရ အဖွဲ့နှင့် လူထုတို့ တွေ့ဆုံပွဲတွင် ပြောကြားခဲ့ခြင်းဖြစ်သည်ဟု KNPP လွိုင်ကော်ဆက်ဆံရေးရုံးတာဝန်ခံ ခူဒယ်နီယာက ပြောသည်။
“ပွင့်လင်းလာတယ်လို့ ပြောလို့ရတာပေါ့နော်။ ဘာလို့လဲဆိုတော့ ကျနော်တို့ အဖွဲ့အစည်းအားလုံးကိုလည်း ဖိတ်တယ်။ ပြည်သူလူထုတွေ ဘက်ကလည်း ဘာတွေလိုအပ်တာလည်း တင်ပြခိုင်းတယ်။ ပွင့်ပွင့်လင်းလင်းပဲ တင်ပြခိုင်းတယ်။ ကျနော်တို့လည်း လူထုတွေ ဘာတွေလို အပ်နေလဲဆိုတာကိုလည်း သိရတယ်”ဟု ၎င်းက ပြောသည်။
ပြည်နယ်အစိုးရမှ ဦးဆောင်ကျင်းပသည့် ထိုတွေ့ဆုံဆွေးနွေးပွဲတွင် ကရင်နီပြည်သူလူထုများသာမက ကရင်နီအမျိုးသား တိုးတက်ရေးပါ တီ(KNPP) အပါအဝင် ကရင်နီအဖွဲ့အစည်းတချို့လည်းတက်ရောက်ခဲ့ သည်ဟု သိရသည်။
တွေ့ဆုံဆွေးနွေးပွဲမှ ကရင်နီပြည်သူလူထုတို့၏ တောင်းဆိုချက်များအပေါ် လက်ရှိအချိန်တွင် ပြည်နယ် အစိုးရအနေနှင့် အကောင်အထည် ဖော်နေသလို ဆက်လက်၍လည်း တတ်နိုင်သလောက် ဆက်လက် လုပ်ဆောင်သွားမည်ဖြစ်ပြီး တချို့ကို ဗဟိုအစိုးရထံ ထပ်မံ တင်ပြ သွားမည်ဟု ပြောဆိုခဲ့သည်။
တွေ့ဆုံပွဲသို့ တက်ရောက်ခဲ့သူ လွိုင်ကော်မြို့ခံ အမျိုးသမီးတဦးက “လူထုဘက်ကတော့ မီးတွေပေးဖို့ လမ်း၊ တံထားတွေ နောက်ပြီးတော့ စာသင်ကျောင်းတွေ တည်ဆောက်ပေးဖို့ တောင်းဆိုကြတာတယ်။ သူတို့ (ပြည်နယ်အစိုးရ) ဘက်ကလဲ ဒီဟာတွေ သူတို့ လုပ်ပေးပြီးပြီ။ ဘယ်ဟာတွေ ဆက်လုပ်ပေးဖို့ရှိလည်း အဲဒါတွေ ပြောသွားတာပေါ့”ဟု ဆိုသည်။
ထိုတွေ့ဆုံဆွေးနွေးပွဲတွင် ပြည်နယ်အစိုးရ ဝန်ကြီးအဖွဲ့ အပါအဝင် လွိုင်ကော်ရှိ ကျေးရွာအုပ်စု ၂၄အုပ်စုမှ ကရင်နီပြည်သူလူထု စုစုပေါင်း လူဦးရေ ၃၀၀ကျော် တက်ရောက်ခဲ့ကြခြင်းဖြစ်သည်။

ကလေးစစ်သား ပပျောက်ရေး KNPP လက်မှတ်ရေးထိုး

ကလေးစစ်သား ပပျောက်ရေး KNPP လက်မှတ်ရေးထိုး 

by bniwebmaster@yahoo.com (ရွှေဟင်္သာ)

ကရင်နီ တိုးတက်ရေး ပါတီ (KNPP) သည် ကလေးစစ်သားအသုံး မပြုရေးအတွက် ဆွစ်ဇာလန်နိုင်ငံ ဂျီနီဗာမြို့ရှိ ကလေးစစ်သား ပံ့ပျောက်ရေး (Geneva call) ဌာနချုပ်တွင် သြဂုတ် (၃) ရက်နေ့တွင် လက်မှတ် ရေးထိုး ခဲ့သည်ဟု KNPP အတွင်းရေးမှူး (၂) ဖြစ်သူ ဦးအောင်စန်းမြင့်က ပြောပါသည်။

“လက်မှတ်သွားထိုးတာက တိုင်းရင်းသား အဖွဲ့ဆိုရင် မွန်ပြည်သစ်ပါတီ (MNSP) ရယ် ကျနော်တို့ KNPP ရယ်ပေါ့။ မွန်ပြည်သစ်ကတော့ မနက်ပိုင်း ကတည်း ကထိုးပြီးတာ ကျနော်တို့ကတော့ ဆွစ်ဇလန် ဒေသ စံတော်ချိန်နဲ့ဆိုရင် ညနေ (၄)နာရီ ပေါ့” ဟု ဆိုပါသည်။
လက်မှတ်ထိုးကြသည့် အချက်များမှာ -
(၁) စစ်ပွဲတွင် ကလေးများ မပါဝင် မပတ်သတ်စေရန်နှင့် အသုံးမပြုရန်။
(၂) ကရင်နီဒေသ၌ စစ်ဆင်သည့်အခါ ကလေးနေရာများကိုရှောင်ရှားရန် နှင့် စစ်ဇုံအတွင်း၌ ကလေးများမပါဝင်ရန်။
(၃) ပဋိပက္ခဖြစ်နေသည့်အချိန်၌ အဖွဲ့စည်းများသည် လိုအပ်မှုအတွက် ကလေးများကို ထိန်းချုပ်ခြင်း၊ ချုပ်နှောင်ထားရလျှင်လည်း ကလေးများကို လူသားဆန်စွာ ဆက်ဆံရမည့်အပြင် ကလေးများကို သေဒဏ်မပေးမိရန်။
(၄) ကလေးများအား ကာကွယ်စောင့်ရှောက်မှုနှင့်ပတ်သတ်ပြီး အကျိုးပြုဆောင်ရွက်နေသည့် လူပုဂ္ဂိုလ် အဖွဲ့စည်း များနှင့် ဆက်သွယ်ဆောင် ရွက်ရန် သဘောတူသည်။
(၅) ကရင်နီဒေသအတွင်း၌ရှိသော ကလေးများကို စနစ်တကျပြုစုစောင့်ရှောက်မှုပေးရမည်။ ၄င်းတို့မှာ - အစားစား၊ ကျန်းမာရေး၊ ပညာရေး၊ အပန်းဖြေမှု၊ ယဉ်ကျေးမှု၊ လိင်မှုဆိုင်ရာ ပုံစံအမျိုးမျိုးအကြမ်းဖက်မှုမှကာ ကွယ်ပေးရန်နှင့် လူသားခြင်းဆိုင်ရာ အကူညီရရှိနိုင်ဖို့ မိသားစု တွေနဲ့ ပြန်လည်စုံစည်းနိုင်ဖို့ ယင်းကိစ္စနှင့် ပတ်သတ်ပြီးအကူညီပေးရန်။ စာသင်းကျောင်းများ၌ စစ်ရေးပဋိပက္ခ ဖြစ်သောနေရာ၌အသုံးမပြုရန်။
(၆) ယင်းစာချွန်လွှာကို လက်မှတ်ရေးထိုးပြီးသည့် အချိန်တွင် (Geneva call)အဖွဲ့မှ လာရောက်ပြီး သဘော တူညီချက်အတိုင်း မှန်မမှန် စစ်ဆေး နိုင်ရေးကို ခွင့်ပြုပေးရန်အတွက် ပူပေါင်းဆောင်ရွက်ပေးရန်။ ထို့အပြင် လူမှု အချက်လက် အစီရင်ခံစာ များကိုလည်း တင်ပြပေးရမည် စသည့် အချက်များကို လက်မှတ်ရေးထိုးခဲ့ကြ ပါသည်။
(Geneva call)အဖွဲ့သည်၊ ကလေးများဆိုင်ရာ အခွင့်ရေးနှင့်ပတ်သတ်ပြီး KNPP၏ တပ်မှူး၊ မြို့နယ်မှူး၊ လက်နက်ကိုင်အဖွဲ့စည်းများကို သင်တန်း ၂ ကြိမ်ပေးခဲ့ပြီးဖြစ်ပါသည်။ ထိုအပြင်ကရင်နီဒေသရှိ တပ်အတွင်း၊ အုပ်ချုပ်ရေးအတွင်းတွင်လည်း ကလေးများဆိုင်ရာ အခွင့်ရေးနှင့် ပါတ်သက်သည် များကို ရှင်းပြခြင်း ပညာပေးခြင်းကိုလည်း အခါအားလျှော် ပြုလုပ်ခဲ့ပါသည်။
“ကျနော်တို့ကလည်း ကလေး စစ်သား အသုံးမပြုဘူးလေ အဲဒါနဲ့ ပတ်သတ်ပြီးမကြာ ခဏအငြင်းပွားခဲ့ရတယ်။ ၁၉၉၀ အစောပိုင်းကတော့ ကလေး တွေရဲ့မိဘတွေ အသတ်ခံရတော့ မကြေနပ်မှုကနေ  အစိုးရ စစ်တပ်ကို စိတ်နာပြီး KNPP ကိုလာကြတယ်။ ကျနော်ကလည်း အဲဒီကလေးတွေကို ပညာဆက်သင်ခိုင်းတယ်။ တချို့ကလေးကတော့ သူတို့ဆန္ဒနဲ့ သူတို့ကျောင်း မတက်ချင်ဘူး KNPP မှာပဲနေမယ်လို့ပြောတယ်။ အခုတော့အဲဒီ ကလေး တွေ မတွေ့ရတော့ဘူးလေ။ ကလေးတွေကို စစ်သားအဖြစ်စုဆောင်းဖို့ဆိုတာ KNPP မှာ ဥပဒေမရှိပါဘူး” ဟု ဦးအောင်ဆန်းမြင့်က ဆိုပါသည်။
ကုလ သမဂ္ဂသည် ကလေးစစ်သားနှင့် အရွယ်မရောက်သေးသူများကို စစ်မှုထမ်းအဖြစ် အသုံးပြုနေသည်မှာ မြန်မာစစ်တပ်တခုတည်း မဟုတ်ကြောင်း၊ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA)၊ ကချင်လွတ်မြောက်ရေး တပ်မတော် ( KIA)၊ ကရင်အမျိုးသား လွတ်မြောက်ရေးတပ် (KNLA)၊ ကရင်အမျိုး သား လွတ်မြောက်ရေးတပ်- ငြိမ်းချမ်းရေး ကောင်စီ (KNLA- Peace Council)၊ ကရင်နီ အမျိုးသား တိုးတက်ရေး ပါတီ (KNPP)၊ ရှမ်းပြည်တပ်မတော် တောင်ပိုင်းတပ် (SSA-S)၊ “၀” ပြည် သွေးစည်း ညီညွတ်ရေး တပ်မတော် (UWSA) တို့၌လည်း အသက် ၁၈ မပြည့် သေးသည့် ကလေးကို အသုံးပြုနေသည် ဟု ၄င်း၏ အစီရင်ခံစာတွင် ရေးထားပါသည်။
 KNPP သည် ကလေး စစ်သားကို အသုံးပြုနေခြင်း မရှိကြောင်းငြင်းဆိုပြီး ဤကိစ္စကိုလေ့လာစစ်ဆေးရန်  UN ကိုယ်စားလှယ်များအား အကြိမ်ကြိမ် ဖိတ်ခေါ်ခဲ့သော်လည်း လာရောက်ခြင်း မရှိခဲ့ဟု ဦးအောင်စန်းမြင့် ဆိုပါသည်။ အတွင်းရေးမှူး (၁)ဖြစ်သူခူဦးရယ်က ဦးဆောင်ပြီး အမြဲတမ်း ဗဟိုကော်မီတီဝင် ရီမင်ထူးလည်း ပါဝင်ခဲ့ပါသည်။
ကုလသမဂ္ဂ၏ ကလေးများ ရံပုံငွေအဖွဲ့ (UNICEF) သည် ၂၀၁၄ ခုနှစ်တွင် မြန်မာနိုင်ငံအတွင်း၌ ကလေးစစ် သား လုံးဝပပျောက်ရေး ကြိုးပမ်း ဆောင်ရွက်သွားမှာ ဖြစ်ကြောင်း အတိအလင်း ကြေညာ ထားခဲ့ပါသည်။