ပြင်ဆင်ဖို့ လိုအပ်တဲ့ ဖွဲ့စည်းပုံ အခြေခံဥပဒေ
VOA News, 20March 2013 —- (မျက်မှောက်ရေးရာ /သတင်းသုံးသပ်ချက်) ဒီတပတ် မြန်မာ့အရေး မျက်မှောက်ရေးရာ အစီအစဉ်မှာ ၂၀၀၈ ဖွဲ့စည်းပုံ အခြေခံဥပဒေ ပြင်ဆင်ကြဖို့ စဉ်းစားကြတဲ့အခါ တိုင်းရင်းသားတွေ တန်တူရေးနဲ့ ကိုယ်ပိုင်ပြဌာန်းခွင့်ကို အာမခံပေးနိုင်ရေးဟာ အဓိကကျတဲ့အချက်တချက် ဖြစ်တယ်ဆိုတာ တိုင်းရင်းသားခေါင်းဆောင်တစ်ဦးဖြစ်တဲ့ ဒေါက်တာတူးဂျာ က ပြောကြားလိုက်ပါတယ်။ KIO ဥက္ကဌဟောင်း ဒေါက်တာတူးဂျာနဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။
ဦးကျော်ဇံသာ ။ ။ အခု မြန်မာနိုင်ငံမှာ ဖွဲ့စည်းပုံ အခြေခံဥပဒေ ပြင်ဆင်ရေးနဲ့ ပတ်သက်ပြီးတော့ ကြံ့ခိုင်ဖွံ့ဖြိုးရေးပါတီက ဦးဆောင်ပြီးတော့ လွှတ်တော်မှာ အဆိုတင်သွင်းလာတာကို တွေ့ရပါတယ်။ ဒါနဲ့ ပတ်သက်ပြီး ကြိုဆိုသလား။ သတိထား ကြိုဆိုသလား စသဖြင့် အကြမ်းမျဉ်းပြောပါ ဆရာ။
ဒေါက်တာတူးဂျာ ။ ။ ၂၀၀၈ အခြေခံဥပဒေကို ပြင်ဖို့ဆိုတာကတော့ ကြိုဆိုသင့်ပါတယ်။ ပြင်ဆင်လိုအပ်တဲ့ ပုဒ်မတွေလည်း အများကြီး ရှိပါတယ်။ အဲဒီတော့ ပြင်တယ်ဆိုတဲ့ နေရာမှာတော့ ဘယ်အဆင့်အထိ ပြင်မလဲဆိုတဲ့အပိုင်းကို စဉ်းစားကြရမယ်။ ဥပမာ ဒီမိုကရေစီကျကျ ဖြစ်စေချင်တယ်ဆိုချင်တော့ ဒီမိုကရေစီနဲ့ ဆန့်ကျင်တဲ့ ပုဒ်မတွေကို ဦးစားပေးပြီးတော့ ပြင်ရမယ်။ ဥပမာဆိုရင် စစ်တပ်က ၂၅ ရာခိုင်နှုန်းပါထားတဲ့ကိစ္စတွေ။ နောက်ပြီး ဖယ်ဒရယ် စံချိန်စံနှုန်းမှီအောင် ပြင်ကြမယ်ဆိုလို့ရှိရင်လည်း ဒါက ဖယ်ဒရယ်စနစ်ရဲ့  ပုံစံကိုကြည့်ပြီးတော့ လိုအပ်တာတွေကို ပြင်ရင်တော့။ နောက်တခုကတော့ အခြေခံဥပဒေကို လွယ်လွယ်နဲ့ ပြင်နိုင်အောင်လို့ ပြင်တဲ့နေရာမှာ အခက်ကြီးမဖြစ်အောင် ဒါကိုလည်း စဉ်းစားဖို့လိုတယ်။
ဦးကျော်ဇံသာ ။ ။ ပြင်ပုံပြင်နည်း။ အစတုန်းကတော့ ၇၅ ရာခိုင်နှုန်း ထောက်ခံမှ ပြင်လို့ရနိုင်တယ်ဆိုတဲ့ ကိစ္စပြင်ဖို့လိုတယ်ဆိုတော့ အခု လွှတ်တော်မှာ မဲအများစုရထားတဲ့ ကြံ့ခိုင်ဖွံ့ဖြိုးရေးပါတီ ကိုယ်တိုင်က ဒီကိစ္စကို ဦးဆောင်ဦးရွက်ပြုပြီးတော့ ဆွေးနွေးလာတယ်ဆိုတော့ ၇၅ ရာခိုင်နှုန်း ရနိုင်မယ့် အလားအလာတော့ မြင်ရပြီပေါ့ ဆရာ။
ဒေါက်တာတူးဂျာ ။ ။ အဲဒါ သူတို့အပေါ်မှာ ဒီပါတီအပေါ်မှာ မူတည်မယ်ထင်တယ်။ ကြံ့ခိုင်ဖွံ့ဖြိုးရေးပါတီအနေနဲ့ တကယ် ပြည်သူလူထုအကျိုးကို ဖြည့်နိုင်မှ ဒီအခြေခံဥပဒေကို ပြည်သူလူထု လက်ခံနိုင်တဲ့ ပုံစံဖြစ်လာအောင် စေတနာမှန်မှန်ကန်ကန်နဲ့ ပြင်မယ်ဆိုလို့ရှိရင် ပြင်လို့ရနိုင်တယ်လို့ ထင်တယ်။
ဦးကျော်ဇံသာ ။ ။ ဆရာ အခုနပြောခဲ့တဲ့အထဲမှာ အဓိက နှစ်ချက်ကတော့ စစ်တပ်က ၂၅ ရာခိုင်နှုန်း ယူထားတဲ့ကိစ္စကို ဆရာထောက်ပြပါတယ်။ နောက်တခုက တိုင်းရင်းသားကိစ္စ။ စစ်တပ်က အာဏာယူထားတဲ့ကိစ္စကို အရင်ပြောကြရအောင်ပါ ဆရာ။ အဲဒီကိစ္စကို ဘယ်လောက်ဖြစ်နိုင်ပါသလဲ။ ဒီတကြိမ်ပြင်ရင် စစ်တပ်က ၂၅ ရာခိုင်နှုန်း ပါဝင်ခြင်းကို သူတို့ ရုတ်သိမ်းမယ် ထင်ပါသလား။ နောက်တခုက အဲဒါထက် ပိုအရေးကြီးတာက တိုင်းပြည်မှာ အရေးပေါ်အခြေအနေ ပေါ်ပေါက်တယ်ဆိုရင် စစ်ကာကွယ်ရေး ဦးစီးချုပ်က လိုအပ်မယ်ထင်ရင် သူကိုယ်တိုင် အာဏာသိမ်းယူနိုင်တယ်ဆိုတဲ့ အခွင့်အရေးတရပ်လည်း ပါနေပါတယ်။ ဒီ နှစ်ရပ်လုံးဟာ ကြံ့ခိုင်ဖွံ့ဖြိုးရေးအဖွဲ့အနေနဲ့ တကယ် လှိုက်လှိုက်လဲလဲ ပြင်နေတယ် ထင်ပါသလား။ စစ်တပ်ကရော လက်ခံနိုင်မယ် ထင်ပသါလား။
