ခွင့်တူညီမျှ ဝါဒဖြူစင်တဲ့ မြေဆီသို့

ဧရာဝတီ| April 19, 2013 | Hits:1,752

မတ်လနှင့် ဧပြီလဆန်းအထိ ဖြစ်ပျက်ခဲ့သော သွေးထွက်သံယို ပဋိပက္ခများ၊ ခါးသည်း တင်းမာမှုများက ဖန်တီးပေးခဲ့သော ကောလဟာလများနှင့် မယုံသင်္ကာမှုများဖြင့် သင်္ကြန်ကာလကို စိုးတထိတ်ထိတ် ဖြတ်သန်းကာ ယခုအခါ မြန်မာနှစ်သစ်ကို ကူးခဲ့ကြပြီ။ သို့သော် နှစ်ဟောင်းမှ အညစ်အကြေးများ အတာရေဖြင့် မစင်ကြယ်ခဲ့ပေ။ အတာရေသည်လည်း မအေးချမ်းခဲ့ပါ။

အကြောင်းမှာ ဗုဒ္ဓဘာသာ မဟုတ်သော ဘာသာခြားများနှင့် နိုင်ငံခြားသားများပါ အတူတကွ ပျော်ရွှင်ကြလေ့ရှိသော သင်္ကြန်အချိန်တွင် အက်ဆစ်ဖြင့် ပက်မည် ဆိုသော ကောလဟာလ များနှင့် သွေးစွန်းသည် အထိ ဖြစ်ခဲ့ရသော ကြေကွဲဖွယ် ဘာသာရေး အဓိကရုဏ်း များကြောင့် မြန်မာ မွတ်စလင် အများစုမှာ ယခင်ကလို မြန်မာသင်္ကြန်ကို ဝင်ရောက် ဆင်နွဲခြင်း မပြုခဲ့ကြသဖြင့် နိုင်ငံရေး၊ စီးပွားရေး ပြုပြင်ပြောင်းလဲ မှုများကို ရှေးရှုဦးတည်စေရေးနှင့် ဘာသာပေါင်းစုံ၊ လူမျိုးပေါင်းစုံဖြင့် မိသားစုသဖွယ် အခြေပြုကြရမည့် မြန်မာနိုင်ငံတွင် အရုပ်ဆိုး အကျည်းတန်သည့် နောက်ထပ် သွေးကွဲမှုအဖြစ် မြင်တွေ့ခဲ့ရ၍ ဖြစ်သည်။
ယခင် စစ်အုပ်ချုပ်ရေးစနစ်မှ လမ်းခွဲပြီး “သန့်ရှင်းသော အုပ်ချုပ်ရေး” စနစ် တည်ဆောက်ရန် ကြိုးပမ်းနေသော သမ္မတဦးသိန်းစိန်ဦးဆောင်သည့် အရပ်သားတပိုင်း အုပ်ချုပ်ရေး၏ ဒုတိယသက်တမ်းတွင် အဓိက ရင်ဆိုင်ရမည့် စိန်ခေါ်မှုမှာ “မွန်မြတ်သည့် ကိုးကွယ် ယုံကြည်မှုကို ခုတုံးလုပ်ပြီး အယူသီး အစွန်းရောက်များနှင့် ကိုယ်ကျိုးစီးပွားနှင့် ယှဉ်သည့် နိုင်ငံရေး၊ စီးပွားရေးအမြတ်ထုတ်” သူများဟု မတ်လ ၂၈ ရက်နေ့တွင် ပြည်သူလူထုထံ ပြောကြားသောမိန့်ခွန်းတွင် ဦးသိန်းစိန်ကလည်း ပြောကြားထားပြီးဖြစ်သည်။
ယခု စိန်ခေါ်မှုကို ရင်ဆိုင်ဖြေရှင်းရန် သတ္တိ ဗျတ္တိနှင့် ပြည့်ဝသော ခေါင်းဆောင်များ လိုပါသည်။ နှစ်ပေါင်းများစွာ အကြောက်တရား၊ ဆင်းရဲဒုက္ခနှင့် ခါးစည်းလာခဲ့ရခြင်းမှ တစုတစည်းတည်း ရုန်းထွက်ရန် ခိုင်မာပြတ်သားသည့် ခေါင်းဆောင်မှုကို ငြိမ်းချမ်းရေးနှင့် ဖွံ့ဖြိုးတိုးတက်ရေး လိုလားသူ မြန်မာများနှင့်တကွ လူနည်းစု တိုင်းရင်းသားများနှင့် ဘာသာကွဲ နိုင်ငံသားများကလည်း လိုလားကြပါသည်။
အမှန်တကယ်လည်း လူနည်းစုတို့၏ စိတ်ထဲတွင် လူများစု၏ ခွဲခြားဆက်ဆံခြင်း ခံနေရသည်ဆိုသည့် အတွေးများ ဝင်ရောက်ခဲ့ပြီဆိုပါက ဒီမိုကရက်တစ်လူ့အဖွဲ့အစည်းတခု တည်ဆောက်ရန် အလှမ်းဝေးသွားမည်ဖြစ်သည်။ ဒီမိုကရေစီဆိုသည် လူများစု၏ ဆုံးဖြတ်ချက်ကို လေးစားဆောင်ရွက်ရုံမက လူနည်းစုအခွင့်အရေးကိုလည်း ကာကွယ်စောင့်ရှောက်ရမည်။ အင်အားကြီးသူသာ အနိုင်ဆိုသည်မှာ ရိုင်းစိုင်းကြမ်းတမ်းသော တောတွင်းဥပဒေသာဖြစ်သည်။
ယခု ရင်ဆိုင်ကြုံတွေ့နေရသော လူမျိုးရေး ဘာသာရေးခွဲခြားနှိမ်ချမှု ရောဂါ၏ ဇာစ်မြစ်ကို သေသေချာချာ သိရှိနားလည်ရန် လိုအပ်သကဲ့သို့ ကုသနည်းမှန်ကန်ရန်လည်း အရေးကြီးသည်။ ယင်းပြဿနာသည် သေးငယ်သော ပြဿနာ မဟုတ်ပါ။ ဖုံးဖိ၍လည်း မဖြစ်နိုင်တော့။ ထိုအရေး ဖြေရှင်းရာတွင် တိုင်းပြည်ခေါင်းဆောင်များအနေဖြင့် ဇာစ်မြစ်ကို ရှာဖွေရာတွင် နှောင့်နှေးကြန့်ကြာမနေစေလိုဘဲ ဆေးမြီးတိုဖြင့်သာ ကြိတ်ကုသကဲ့သို့ ဖြစ်နေမည်ကိုလည်း စိုးရိမ်သည်။ ပုံစံတကျ ထိန်းချုပ်ဖြေရှင်းရန် မကြိုးပမ်းလျှင် လူနည်းစု တိုင်းရင်းသားများနှင့် ငြိမ်းချမ်းရေးတည်ဆောက်ရန် ယုံကြည်မှုတည်ဆောက်နေသည့် လုပ်ငန်းစဉ်တွင် သံသယတိုးစရာလည်း ဖြစ်လာပေမည်။
ခေတ်မီတိုးတက်သော နိုင်ငံကို တည်ဆောက်ရန်မှာ ကျိုးကြောင်း ခိုင်လုံ ဆက်စပ် တွေးခေါ်တတ်သည့် သိပံ္ပနည်းကျမှုကိုသာ အလေးထားရမည်ဖြစ်သည်။ နိုင်ငံရေးသည် ဘာသာရေးဩဇာခံ မဖြစ်သင့်။ ဘာသာရေးဩဇာ နိုင်ငံရေးအပေါ် လွှမ်းမိုးမှုကြောင့် သိပံ္ပ၊ အနုပညာနှင့် အတွေးအခေါ် ဖွံ့ဖြိုးတိုးတက်မှုမဲ့ဖြစ်ခဲ့ရပြီး အမှောင်ခေတ် ရောက်ခဲ့ရသည်ကို ကမ္ဘာ့သမိုင်းတွင် သင်ခန်းစာ ရှိဖူးပြီးပြီ။ အစိုးရအနေဖြင့် ပြည်တွင်း လုံခြုံရေးဆိုင်ရာ အစီအမံများကို ချမှတ် အကောင်အထည် ဖော်ရာတွင် မညီမျှမှုများ၊ တရားလက်လွတ် ပြုမူမှုများ၊ လူ့အခွင့်အရေး ချိုးဖောက်များ မဖြစ်ပွားစေရေးကို အာမခံရပေလိမ့်မည်။

ငြိမ်းချမ်းရေးရဖို့ တရားဥပဒေ စိုးမိုးရမည်

ဧရာဝတီ| March 25, 2013 | Hits:1,671

Share on linkedin Share on facebook Share on twitter

ရှမ်းပြည်နယ် အဖွဲ့အစည်းပေါင်းစုံ ညီလာခံ ကျင်းပခဲ့ပြီးပြီ။ ထိုညီလာခံ၏ ခေါင်းစဉ်က “ငြိမ်းချမ်းရေးအတွက် ယုံကြည်မှု တည်ဆောက်ခြင်း” ဖြစ်သည်။

တိုင်းရင်သားလူမျိုးစုကြီး တစုအောက်တွင် နှစ်ပေါင်းများစွာ အကွဲကွဲ အပြားပြား ဖြစ်ခဲ့ကြသော လူမျိုးစုနွှယ်များကို  ပထမဆုံးကြိမ် တပေါင်းတစည်းတည်း မြင်တွေ့ရပြီး ရှမ်းမျိုးနွယ်စုများ ဖြစ်သည့် လားဟူ၊ ပအိုဝ်း၊ တောင်သူ၊ ဝ၊ ကိုးကန့်၊ ပလောင် အစရှိသဖြင့် အကွဲကွဲအပြားပြား ဖြစ်ခဲ့ကြရာမှ ယခုကျင်းပမည့် ညီလာခံသို့ စိတ်တူကိုယ်တူ တက်ရောက်လာကာ ညီညွတ်မှုနှင့် ငြိမ်းချမ်းရေး အဖြေတခုကို ရာဖွေရန်ကြိုးစားခဲ့သည့် ပွဲဟု ဆိုချင်သည်။
ရှမ်းတိုင်းရင်းသားများသာ မကဘဲ တခြားသော တိုင်းရင်းသား လူမျိုးစုကြီးတချို့ အတွင်းတွင်လည်း မတူကွဲပြားမှု၊ အယူ ခြားနားမှုများကြောင့် အဖွဲ့များ ကွဲကာ အချင်းချင်း ရန်စောင်တိုက်ခိုက်မှုများ ဖြစ်ခဲ့ဖူးသည်၊ ရလဒ်က ဒေသခံ ပြည်သူလူထု၏ အသက်အိုးအိမ်စည်းစိမ်များ ပျက်သုဉ်းရပြီး ရည်မှန်းချက်ပန်းတိုင် ပျောက်ဆုံးရခြင်းသာ အဖတ်တင် ကျန်ခဲ့ကြောင်း တွေ့ကြရပြီ။
အယူကွဲပြားမှု အစွန်းရောက်ခြင်း၊ ညီညွတ်မှု မရှိခြင်းတို့ကြောင့် အကျိုးမဲ့ကြရသည့် ဖြစ်ရပ်များကို ဥပမာ၊ ဥပမေယျများ ပြကာ ပြောရန် လိုမည်မထင်ပါ။
လတ်တလောတွင် အယူအဆ အစွန်းရောက်မှုမှ ပေါ်ထွက်လာသည့် ရိုင်းပြခဲ့မှု များကြောင့် အလွန်စည်ကားခဲ့သော လမ်းဆုံမြို့ကြီးတမြို့ဖြစ်သည့် မိတ္ထီလာမြို့ကြီး ပျက်စီးသွားခဲ့ရပြီ။ မလိုလားအပ်သော ရိုင်းပြသည့် ဖြစ်ရပ်များက ငြိမ်းချမ်းရေး လိုလားသည့် ပြည်သူအားလုံးကို စိတ်ဆင်းရဲစေခဲ့ပါသည်။
ငြိမ်းချမ်းရေးအတွက် ယုံကြည်မှုတည်ဆောက်ခြင်း အခမ်းအနား ဖြစ်မြောက်ရေးကော်မတီက ၎င်းတို့၏ ကြေညာချက်တွင် “တရားဥပဒေ စိုးမိုးရေးနှင့် ငြိမ်းချမ်းရေး လုပ်ငန်းစဉ်များကို ထိခိုက် ပျက်ပြားစေသော လူမျိုးရေး၊ ဘာသာရေး အဓိကရုဏ်း ဖြစ်ပွားစေရန် ဖန်တီးလှုံ့ဆော်သော မည်သည့် ပုဂ္ဂိုလ်၊ အဖွဲ့အစည်းကိုမဆို ရှုတ်ချပါကြောင်း” ထည့်သွင်း ဖော်ပြထားသည်။
အချင်းချင်း ခွဲခြားမှု၊ ကြီးနိုင်ငယ်ညှဉ်း ပြုမူခဲ့မှုတို့ကြောင့် သွေးစွန်းခဲ့ရသည့် ဖြစ်ရပ်များ ရပ်တန်းက ရပ်သင့်ပေပြီ။
ရှမ်းပြည် ငြိမ်းချမ်းရေးပါတီ/ ရှမ်းပြည်နယ် တပ်မတော်၏ နာယက၊ ဒုတိယဗိုလ်ချုပ်ကြီး ဆေထင်က ငြိမ်းချမ်းရေးအတွက် ယုံကြည်မှု တည်ဆောက်ရေး အခမ်းအနားတွင် “တရားဥပဒေစိုးမိုးမှု မရှိလျှင် ယုံကြည်မှု တည်ဆောက်၍ မဖြစ်နိုင်” ကြောင်း ပြောသွားသည်။
တရားဥပဒေ စိုးမိုးရေး ကင်းမဲ့လျှင် ငြိမ်းချမ်းရေး မရနိုင်ကြောင်း တိုင်းရင်းသား ပြည်သူ တရပ်လုံး လက်သင့်ခံရပေလိမ့်မည်။

လက်ပံတောင်းမှာ နောက်ထပ် သွေးမစွန်းပါစေနှင့်

လက်ပံတောင်းမှာ နောက်ထပ် သွေးမစွန်းပါစေနှင့် 

by Nyatasay

 

မတ်လ ၁၃ ရက်နှင့် ၁၄ ရက်နေ့တွင် အများစိတ်လှုပ်ရှားခဲ့ရသော လက်ပံတောင်း ကြေးနီစီမံကိန်းတဝှိုက် ကျေးရွာများသို့ စုံစမ်းရေးကော်မရှင် ဥက္ကဌ ဒေါ်အောင် ဆန်းစုကြည်နှင့် အဖွဲ့ သွားရောက်၍ မတ်လ ၁၂ ရက်တွင် လူထုထံ ထုတ်ပြန်ခဲ့သော အပြီးသတ်အစီရင်ခံ စာ အား ရှင်းလင်းတင်ပြရာတွင် ဆန္ဒပြကန့်ကွက်မှုများ ကြုံတွေ့ခဲ့ရခြင်းမှာ မြန်မာ့နိုင်ငံရေး အကူး အပြောင်းတွင် စိန်ခေါ်မှု ကြီးမားစွာရှိနေကြောင်း ထပ်မံ သက်သေပြခြင်းပင်။
တိကျ ရှည်လျားပြီး ပညာရှင်ဆန်လွန်းလှသည့် အစီရင်ခံစာတွင် စီမံကိန်းသည် ပွင့်လင်းမြင်သာမှု ကင်းမဲ့ကြောင်း ပြောဆိုပြီး တရုတ်ဝမ်ပေါင်ကုမ္ပဏီနှင့် စစ်တပ်ဦးပိုင် ကုမ္ပဏီများက လုပ်ဆောင်ရ မည့် နိုင်ငံတကာ စံချိန်စံညွှန်းမီ သဘာဝပတ်ဝန်းကျင် ထိန်းသိမ်းရေး အစီအမံများ၊ ဒေသခံတို့၏ လူမှုဘ၀ ကောင်းကျိုးအတွက် ရေရှည်အစီအမံများ ထည့်သွင်းရန် အကြံပြု သုံးသပ်ထားသည်ကို သက်ဆိုင်ရာတို့က သဘောတူပြီး လက်ခံဆောင်ရွက်မည်ဟု ဆိုသော်လည်း ယင်းသို့ ကတိပြုဆောင် ရွက်မှု များ မည်သို့အကောင်အထည်ဖော်ပြီး မည်မျှရေရှည်ခံအောင် လုပ်ဆောင်မည်ကိုမူ မရှင်းလင်း လှပေ။
သမ္မတ ဦးသိန်းစိန်က ဖွဲ့စည်းပေးသော စုံစမ်းရေးကော်မရှင်၏ အကြံပြုချက်များကို အကောင်အထည်ဖော် မည့် ကော်မတီအဖွဲ့မှာလည်း အုပ်ချုပ်ရေးဝန်ထမ်းများနှင့် ကုမ္ပဏီများ၏ ကိုယ်စားလှယ်များသာ ပါဝင်ပြီး လွတ်လပ်သော အရပ်ဘက်အဖွဲ့အစည်းများမှ ကိုယ်စားလှယ်များ မပါဝင်သောကြောင့် မည်မျှ ပွင့်လင်းမြင်သာမှု ရှိပြီး မည်သို့ထိရောက်စွာ အကောင်အထည်ဖော် မည်ကိုလည်း မရေရာလှသေးပေ။

ခြစားမှု တိုက်ဖျက်ရေး ပွင့်လင်းမြင်သာရမည်

ခြစားမှု တိုက်ဖျက်ရေး ပွင့်လင်းမြင်သာရမည် 

by minkoko110

ဆက်သွယ်ရေး ဝန်ကြီးဌာနမှ အရာရှိကြီးတချို့၏ အလွဲသုံးစား ပြုမှုများ ကို ဖော်ထုတ် စစ်ဆေးနေသည့် သတင်းကြောင့် သမ္မတ ဦးသိန်းစိန် လက်ထက် အစိုးရ၏ လာဘ်ပေး လာဘ်ယူမှု တိုက်ဖျက်ရေး လုပ်ငန်းစဉ် အရွေ့ကို မြင်တွေ့ရသည်ဟု ဆိုနိုင်သော်ငြား အများပြည်သူ အတွက် အစိုးရက တရားဝင် သတင်းထုတ်ပြန်မှု အားနည်းနှေးကွေးလွန်းနေပြီး တရားစီရင်ရေးနှင့် ဥပဒေစိုးမိုးရေးတွင်လည်း မည်သို့မည်ပုံ ကိုင်တွယ်ဆောင်ရွက်မည်ကို ရှင်းလင်းစွာ မသိရှိရသေးချေ။
ဇန်နဝါရီလ ၁၈ ရက်နေ့ က စပြီး မိမိဆန္ဒနှင့် မိမိဘာသာ နှုတ်ထွက်သွားခဲ့သည်ဟု ဆိုသော ဆက်သွယ်ရေး ဝန်ကြီးအပါအဝင် ဝန်ထမ်း ၄၀ ကျော်အား နေပြည်တော်တွင် ခေါ်ယူ စခန်းသွင်း စစ်ဆေးမှုများ လုပ်ခြင်းမှာ ကမ္ဘာပေါ်တွင် ခြအစားဆုံးနိုင်ငံ တနိုင်ငံအဖြစ် သတ်မှတ်ခံထားရ သည့် မြန်မာနိုင်ငံ၏ အစိုးရ ဗျူရိုကရေစီ ယန္တရားကို သန့်ရှင်းပြီး အစွမ်းထက်လာစေရေး သမ္မတ ဦးသိန်းစိန်က အလေးအနက်ထား မိန့်ခွန်းပြောကြားပြီး တလနီးပါးအကြာ ဖြစ်ပေါ်လာခြင်းဖြစ်သည်။

ပိုမိုအောင်မြင်သည့် နှစ်သစ်ဖြစ်ပါစေ

ဧရာဝတီ| January 1, 2013 | Hits:83

၂၀၁၃ ခုနှစ်သည် မင်္ဂလာအပေါင်းနှင့် ပြည့် စုံပြီး အောင်မြင် တိုးတက်မှုများ အတိပြီးကာ မြန်မာပြည်သူပြည်သား အားလုံး ပျော်ရွှင် စိတ်ချမ်းသာရသော နှစ်တနှစ် ဖြစ်ပါစေဟု ဧရာဝတီက နှစ်သစ် ဆုတောင်း ပြုလိုပါသည်။
မြန်မာပြည်တွင် စစ်အုပ်ချုပ်ရေး ကာလတလျှောက်လုံး မကြုံခဲ့ဘူးသော တိုင်းပြည်ခေါင်းဆောင် သမ္မတ ဦးသိန်းစိန်နှင့် အတိုက်အခံ ခေါင်းဆောင် ဒေါ်အောင်ဆန်းစုကြည်တို့ နှစ်ဦးစလုံး ကလည်း ပြည်သူပြည်သားများ အတွက် နှစ်သစ် ဆုမွန်ကောင်းများ တောင်းပေးသည်ကို ၂၀၁၃ ခုနှစ် အဝင်တွင် မြင်ခဲ့ကြားခဲ့ကြရပြီ။