ဒေါ်စောမြရာဇာလင်းရဲ့ ပြည်တွင်း ခရီးစဉ် အပေါ် ရတပ ပါတီ အတွင်းရေးမှူးရဲ့ အမြင်

ဒေါ်စောမြရာဇာလင်းရဲ့ ပြည်တွင်း ခရီးစဉ် အပေါ် ရတပ ပါတီ အတွင်းရေးမှူးရဲ့ အမြင် 

by bniwebmaster@yahoo.com (နိရဉ္စရာ)

ALP ဗဟို အလုပ်အမူဆောင် ကော်မီတီဝင်လည်းဖြစ် ရခိုင်အမျိုးသမီး အစည်းအရုံး ဥက္ကဌလည်းဖြစ်တဲ့  ဒေါ်စောမြရာဇာလင်း ပြည်တွင်း ခရီးစဉ်နဲ့ ပတ်သက်ပြီး ပြည်တွင်းက ပါတီတွေရဲ့ သဘောထားတွေကို သိရှိနိုင်အောင် ရခိုင်တိုင်းရင်းသားများ တိုးတက်ရေးပါတီက အထွေထွေအတွင်းရေးမှူး ဦးဦးလှစောကို နိရဉ္စရာရဲ့ ရန်ကုန် သတင်းထောက် မင်းခိုင်မိုက်က သွားရောက် မေးမြန်းတဲ့ အခါ သူက အခုလို စပြောပါတယ်။
မင်းခိုင်မိုက် (ရန်ကုန် မေးမြန်းသည်)
ALP ဗဟို အလုပ်အမူဆောင် ကော်မီတီဝင်လည်းဖြစ် ရခိုင်အမျိုးသမီး အစည်းအရုံး ဥက္ကဌလည်းဖြစ်တဲ့  ဒေါ်စောမြရာဇာလင်း ပြည်တွင်း ခရီးစဉ်နဲ့ ပတ်သက်ပြီး ပြည်တွင်းက ပါတီတွေရဲ့ သဘောထားတွေကို သိရှိနိုင်အောင် ရခိုင်တိုင်းရင်းသားများ တိုးတက်ရေးပါတီက အထွေထွေအတွင်းရေးမှူး ဦးဦးလှစောကို နိရဉ္စရာရဲ့ ရန်ကုန် သတင်းထောက် မင်းခိုင်မိုက်က သွားရောက် မေးမြန်းတဲ့ အခါ သူက အခုလို စပြောပါတယ်။
-       ကျနော်တို့ကတော့  ကြိုဆိုပါတယ်။ ပထမ တစ်ခေါက် ဒုဥက္ကဋ္ဌ ဦးခိုင်စိုးနိုင်အောင် လာတုန်းကလည်း ကျနော်တို့က ကိုယ့်ရှေ့က တကယ့် အမျိုးသားရေး အတွက်  ရှေ့က အလံကိုင်ပြီး တိုက်ပွဲဝင်နေတဲ့ ရဲဘော်ကြီး တွေ အဖြစ် သဘောထားပြီး  ကျနော်တို့က နွေးနွေး ထွေးထွေး ကြိုဆိုခဲ့ပါတယ်။ နောက်ပြီးတော အယူဆ အမြင် သဘောထားတွေကိုလည်း ဖလှယ်ကြပါတယ်။  တွေ့ဆုံရတဲ့ အတွက်ကြောင့် ကျနော်ထင် ပါတယ်။  ကျနော်တို့အတွက်လည်း အကျိုးရှိပါတယ်။  သူတို့ အတွက်လည်း အကျိုးရှိပါတယ်။ အဓိက ကျနော်တို့ စဉ်းစားနေတာကတော့ ဒီရခိုင်ပြည် လူ့အဖွဲ့ အစည်းကြီးကို ကျနော်တို့ ဂုဏ်သိက္ခာတွေမြင့်တင် အောင် ဖွံ့ဖြ်ိုး တိုးတက်အောင် ဘယ်လို လုပ်ကြမှာလဲ။  ဘယ်လိုနည်းလမ်းတွေ ရှာကြမလဲ ဆိုတာကို ကျနော်တို့ အမြင်ချင်း ဖလှယ်ကြတာပါ။
မေး – ဆရာတို့ သူတို့နဲ ပြောဖြစ်ခဲ့တဲ့၊ ဆွေးနွေးဖြစ်ခဲ့တဲ့ အကြောင်းအရာတွေကို ပြည်သူကို  နည်းနည်းလောက် ချပြပေးလို့ ရမလား။

-        ဒေါ်စောမြရာဇာလင်းနဲ့ ကျနော်တို့ကတော့ လူချင်း မတွေ့ဖူးပေမဲ့ ကျနော်တို့ ညီတွေနဲ့၊ ရဲဘော်တွေနဲ့ ရဲဘော် ရဲဖက်တွေ တိ်ုက်ဖေါ် တိုက်ဖက်တွေပါ။ အဲဒီအကြောင်းတွေကို ပထမပိုင်းမှာတော  ကျနော်တို့ ရခိုင်ပြည်မှာ ကျနော်တို့ သူတို့ ဖြတ်သန်းခဲ့ကြတာတွေကို ပြောကြတယ်။ မိတ်ဟောင်း ဆွေဟောင်း တွေလို  ပြောကြတယ်။ ပြီးတော့ သူတို့လာတဲ့ အကြောင်းရင်း၊  နောက်တစ်ခုက ငြိမ်းချမ်းရေးနဲ့  ပတ်သက်ပြီးတော သူတို့ရဲ့ သဘောထား ဘယ်လိုရှိ သလဲ ဒါတွေကို ပြောကြပါတယ်။ ကျနော်တို့ အနေနဲ့လည်း ခုနားကကျနော် ပြောသလို  ရခိုင်ပြည်လူ့အဖွဲ့အစည်းကြီးကို ဒီလို နိုင်ငံရေး အခြေ အနေထဲမှာ ဘယ်လို ဆက်လက်ပြီး သွားကြမလဲ ဆိုတာကို ကျနော်တို့ ဆွေးနွေး ဖြစ်ကြ ပါတယ်။
မေး- သူတို့က အခု ရခိုင်ပြည်နယ်မှာ ဖြစ်နေတဲ့ အရေးအခင်းနဲ့ ပတ်သက်ပြီးတော့ သူတို့ အမြင် သဘောထားတွေကို ပြောပြသွားတာတွေ ရှိပါသလား။

-       – သူတို့ပြောသွားတာကတော အခု ရခိုင်အရေးနဲ့ ဖြစ်နေတာကိုတော အဲဒီကိစ္စကို ကျနော်တို့ အသေးစိတ်မပြောဖြစ်ကြပါ။  သို့သော် ကျနော်တို့ ဒီမယူတောင်တန်းဒေသ မယူကမ်းရိုးတန်းပေါ့။  နောက် ဘူးသီးတောင်၊ မောင်တောနယ်မြေမှာ ရခိုင်ပြည် ရခိုင်လူမျိုးတွေရဲ့  အနာဂတ်ကို ဘယ်လို ကယ်တင်ကြမှာလဲ ဆိုတဲ့ ကိစ္စကို ကျနော်တို့ အလေးနက်ထားပြီး ဆွေးနွေးကြပါတယ်။ ဆွေးနွေး ကြတဲ့ အခါ ကျနော်တို့ကလည်း အကြံပေးတယ် ဒီနေရာမှာ ကျနော့်အနေနှင့်ဆိုရင် ကျနော်က သမ္မတကြီးနဲ့ တွေ့တဲ့ အချိန်ကလည်း ကျနော် ရခိုင်အမျိုးသားကာကွယ်ရေးတပ်တစ်ခုကို ကျနော် တောင်းခဲ့ပါတယ်။ အမျိုးသားကာကွယ်ရေးတပ် တစ်ခုမရှိလို့ မဖြစ်ဘူး မြန်မာ စစ်တပ်လောက်နဲ့ ကျနော်တို့ မလုံလောက်ဘူး။  ကျနော်တို့ငြိမ်းချမ်းရေးယူထား တဲ့ ALP အနေနဲ့လည်း ဒီနေရာမှာ ရခိုင် လူ့အဖွဲ့အစည်းက လိုအပ်နေတဲ့ ဘူးသီးတောင်၊ မောင်တော နယ်မြေကို ကာကွယ်ဖို့  တပ်အနေနဲ့တော့ ကျနော်တို့ကတော့ ALP ကို အားကိုးပါတယ်။ သို့သော် ALP မှာလည်း အကန့် အသတ်တွေရှိမှာပါ။  သို့သော် အဲဒီ အကန့်သတ်တွေကို ညှိနှိုင်း ဆွေးနွေးပြီးတော့ ဒီ လစ်ဟာနေတဲ့ ကွက်လပ်ကို ALP ၀င်လာ နိုင်မယ် ဆိုရင် ရခိုင်ပြည်လူထု တစ်ရပ်လုံးကလည်း ၀မ်းသာကြမယ်။ ကျနော်တို့ အနေနဲ့လည်း အထူး ကျေးဇူးတင်မှာပါ။
မေး- ဒေါ်စောမြရာဇာလင်းတို့  သဘောထားကိုကော ပြောပြသွားတာရှိပါသလား။

-       သူတို့ကတော့ ဒါကို စိတ်ဝင်စားပါတယ်။ သူတို့အဲဒါကို တသီး ပုဂ္ဂလအနေနဲ့ သဘောကျပုံရပါတယ်။ သို့သော် သူတို့မှာလည်း ပါတီ အဖွဲ့အစည်းဆိုတော့ ဒါတွေကို ပါတီမှာအားလုံး ဗဟိုကော်မတီ မျက်နှာစုံညီ အစည်းအဝေးမှာ ဆွေးနွေးရမယ်ထင်တယ်လို့ ပြောပါတယ်။
မေး- အခုလို ALP ရဲ့ ဒီကနေ့ အစိုးရနဲ့  ပြုလုပ်နေတဲ့  ငြိမ်းချမ်းရေး အပေါ်မှာကော ဘယ်လို မြင်ပါသလဲ။

-       ကျနော်တို့ကတော့ ဒီ ALP ဆိုဒါလည်း တကယ့် အဖိနိပ်ခံနေရတဲ့၊  ကျွန်ဖြစ်နေရတဲ့ ရခိုင် လူ့အဖွဲ့အစည်းကို ကယ်တင်မယ်ဆိုတဲ့ ရည်မှန်းချက်နှင့် ထူထောင်လာတဲ့ အဖွဲ့အစည်းပါ။ သူတို့လည်း သမိုင်း တာဝန်ကို တတ်နိူင်သမျှ ထမ်းရွက်ခဲ့တယ်၊ ထမ်းဆောင်နေဆဲ အဖွဲ့အစည်း တစ်ခုဖြစ်ပါတယ်။ ကျနော်တို့ အနေနဲ့တော ALP သည် ရခိုင်အမျိုးသားတို့ရဲ့ အကျိုးစီးပွားကို ဦးထိပ်ထားတဲ့ အဖွဲ့ အစည်း တစ်ခု ဖြစ်တဲ့ အတွက် သမိုင်းတစ်ကွေ့ မှာ ဘယ်သော အခါမှ ရခိုင့် လူ့အဖွဲ့အစည်းကို သစ္စာ ဖောက်လိမ့်မှာ မဟုတ် ဘူးလို့ ယုံကြည်ပါတယ်။ တခြား ရခိုင်ပြည်လူ့အဖွဲ့အစည်းကို တိုးတက်ရာ တိုးတက်ကြောင်း လုပ်နေတဲ့ ကျနော်တို့ RNDP လို ဒီမိုကရေစီ အရေး တိုက်ပွဲ ၀င်နေတဲ့ ပါတီ တွေကိုလည်း နားလည် ပေးနိုင် လိမ့်မယ်လို့  ကျနော်တို့ ယူဆပါတယ်။  ဒေါ်စောမြရာဇာလင်း တို့ပြောတဲ့ စကား၊  ဦးခိုင်စိုးနိုင်အောင်တို့ ပြောတဲ့စကားဆိုရင် ALP ပါတီဟာ  ကျနော်တို့ RNDP ကို ကိုယ့်ညီ ပါတီ တစ်ခုလို တန်ဖိုးထားတာကို ကျနော်တို့ တွေ့ရပါတယ်။ ALP ပါတီလည်း အကောင်းဆုံး လုပ်သွားနိုင်မယ်လို့ ထင်ပါတယ်။ ကျနော်တို့ ဆွေးနွေးတဲ့ အထဲမှာ  တကယ်လို့ ALP ပါတီအနေနဲ့  ရုံးတွေ ဖွင့်လာမယ်။ ကျနော်တို့ ရခိုင်အမျိုးသား လက်နက်ကိုင်တပ် အနေနဲ့ ဘူုးသီးတောင်၊ မောင်တော နယ်မှာ အခြေချလာမယ်။  နောက်ပြီး ဒေသ  ဖွံ့ဖြိုးရေးလုပ်ငန်းတွေ လုပ်လာမယ် ဆိုလို့ရှိရင် ကျနော်တို့ RNDP နှင့် ပူးတွဲပြီးတော့  ဥပမာ ဘင်္ဂလီအရေး၊ ရခိုင်သားဖွံ့ဖြိုးရေး၊ ရခိုင် လူငယ်တွေ ပညာရေး၊ လယ်ယာမြေပြဿနာ၊ တခြား ကပ်ဘေးတွေကို အားလုံးတွဲပြီးတော့ လုပ်နိုင်မှာပါ။ သူတို့ဖက်ကလည်း အဲဒါတွေကိုအများကြီး မျှော်လင့်နေပါတယ်။
မေး- ဆွေးနွေးပွဲကို ဘယ်သူတွေ တက်ရောက်ခဲ့ပါသလဲ ။

-       RNDP က ကျနော်ရယ်၊ ရခိုင်တိုင်းရင်းသားရေးရာဝန်ကြီး ဦးဇော်အေးမောင်ရှိပါတယ်။  ဘဏ္ဍာရေးမှုး CEC အဖွဲ့ဝင် ဦးမြင့်နိုင်ရှိပါတယ်။ ရန်ကုန်တိုင်းက ဦးကျော်သန်းနိုင် ရှိပါတယ်၊ ALP ဘက်ကတော့ ဒေါ်စောမြရာဇာလင်းနဲ့ ခင်ပွန်း ဦးဦးချစ်မောင်ရှိပါတယ်၊ နောက် တော်လှန်ရေးထဲမှာ နှစ်ပေါင်းများစွာ ကျင်လည်လာတဲ့ ရခိုင်အမျိုးသမီး တစ်ယောက်နဲ့ တကယ့်ကို တက်တက်ကြွကြွ ရှိနေတဲ့ မိန်းကလေး တစ်ယောက်ကို ကျနော်တွေ့ရပါတယ်။ နောက် ဒေါ်စောမြရာဇာလင်း၏ ယုံကြည်စ်ိတ်ချရတဲ့ ကိုယ်ရံတော် တစ်ယောက်ကိုလည်း ကျနော် တွေ့ရပါတယ်။

(ပြီး)

ပတ်စ်ပို့အတုဖြင့် မြန်မာနိုင်ငံမှ မွတ်ဆလင် ၁၆ဦး ဒက္ကားလေဆိပ်တွင် ဖမ်းဆီးခံရ

ပတ်စ်ပို့အတုဖြင့် မြန်မာနိုင်ငံမှ မွတ်ဆလင် ၁၆ဦး ဒက္ကားလေဆိပ်တွင် ဖမ်းဆီးခံရ 

by bniwebmaster@yahoo.com (နိရဉ္စရာ)

ဘင်္ဂလာဒေခ်ျ့  ပတ်စ်ပို့ အတုကိုင်ဆောင်ပြီး နိုင်ငံခြား တိုင်းပြည်များသို့ ထွက်ခွာရန် ကြိုးစားသူ မြန်မာနိုင်ငံသား မွတ်ဆလင် ၁၆ဦးကို ဘင်္ဂလားဒေ့ခ်ျ ရဲတပ်ဖွဲ့မှ ဒက္ကားမြို့ နိုင်ငံတကာ လေဆိပ်တွင် ယမန်နေ့က  ဖမ်းဆီးလိုက်သည်။

ဘင်္ဂလာဒေခ်ျ့ထုတ် သတင်းများတွင်  ရိုဟင်ဂျာများ ဟု ဖေါ်ပြပြီး မြန်မာနိုင်ငံ အစိုးရက ဘင်္ဂလီများဟု ခေါ်ဆိုသူ ၁၆ ဦးအား  ဒက္ကားလေဆိပ်မှနေ၍ မလေးရှားနှင့် ကမ္ဘောဒီးယားနိုင်ငံသို့ မထွက်ခွာမီ ဒက္ကား လေဆိပ်သို့ အ၀င်တွင် ဘင်္ဂလာရဲက ဖမ်းမိခြင်း ဖြစ်သည်။
သူတို့အား နိုင်ငံခြားသို့ ထွက်ခွာနိုင်ရန် စီစဉ်ပေးသူ ပွဲစား (၅) ဦးအားလည်း ဘင်္ဂလာရဲက ဖမ်းဆီးခဲ့ပြီး သူတို့အထဲမှ အမ်းဒီ န၀က်ခန် ဆိုသူထံမှာ တာကာငွေ ၂၆ သိန်း နှစ်သောင်း တစ်ထောင်တန်ဖိုးရှိ နိုင်ငံခြား ငွေများကို ဖမ်းဆီးမိခဲ့သည်ဟု ဆိုသည်။
သူတို့နည်းတူ ဘင်္ဂလာဒေခ်ျ့ နိုင်ငံသား (၇) ဦးကိုလည်း ပတ်စ်ပို့ အတုဖြင့် ယမန်နေ့က ဖမ်းမိခဲ့သည်ဟု ရဲက ဆိုသည်။
ကမ္ဘောဒီးယားနိုင်ငံ ဖနွမ်းပင်နှင့် မလေးရှားနိုင်ငံ ကွာလာလာမ်ပူ မြို့ရှိ ယူအန်အိပ်ခ်ျစီအာရ် ရုံးများသည် ရိုဟင်ဂျာ ဆိုသူများကို ဒုက္ခသည်များ အဖြစ် အဆောတလျင် အသိအမှတ်ပြုပြီး  တတိယနိုင်ငံများသို့ ပို့ပေးသည်ဟု ဆိုသည်။
ကမ္ဘောဒီးယား ဖနွမ်းပင်ရှိ ယူအန်အိပ်ခ်ျစီအာ ရုံးသည် အမေရိကန် အပါအ၀င် တတိယနိုင်ငံသို့  ထွက်ခွာရန် အတွက် အလွယ်ကူဆုံး စခန်းတစ်ထောက်နားရာ နေရာဖြစ်သဖြင့် ကမ္ဘောဒီးယားသို့ သွားနေကြခြင်း ဖြစ်သည်ဟု သိရသည်။
ယခုလအတွင်း ဘင်္ဂလာဒေခ်ျ့ ပတ်စ်ပို့ အတုဖြင့် နိုင်ငံခြားတိုင်းပြည်များသို့ ထွက်ခွာရန် စီစဉ်ရာမှ ဖမ်းဆီးခံရသူ မြန်မာနိုင်ငံသား ရိုဟင်ဂျာဆိုသူ  ၃၈ ဦးထိ ရှိသွားပြီ ဖြစ်ကြောင်း The Daily Star သတင်းစာတွင် ဖေါ်ပြသည်။
သြဂတ်စ်လ ၁၁ ရက်နေ့ကလည်း ဒက္ကားလေဆိပ်မှ ပတ်စ်ပို့ အတုဖြင့် နိုင်ငံခြားသို့ ထွက်ခွာရန် စီစဉ်သူ မြန်မာနိုင်ငံသား မွတ်ဆလင် ၇ ဦးကို ဖမ်းမိကြောင်း ဒက္ကား လေဆိပ် လုံခြုံရေး တာဝန်ယူထားသော ပုလိပ်မင်းကြီး အာတီးကွာ ရာဟမန်က ပြောသည်။
ရိုဟင်ဂျာဆိုသူများသည် ဘင်္ဂလာဒေခ်ျ့ ပတ်စ်ပို့ဖြင့် နိုင်ငံခြားကို ထွက်ခွာသွားပြီးနောက် ရာဇ၀တ်မူများကို ကျူးလွန်ကြသည်ဟု အာတီးကွာ ရာဟမန်ကို ကိုးကားပြီး ယနေ့ထုတ် The Daily Star သတင်းစာက ဆိုသည်။
ဘင်္ဂလာဒေခ်ျ့ နိုင်ငံခြားရေး ၀န်ကြီးဌာနနှင့် လူဝင်မူကြီးကြပ်ရေး အရာရှိများကလည်း ရိုဟင်ဂျာ ဆိုသူများသည် ဘင်္ဂလာဒေခ်ျ့ ပတ်စ်ပို့ကို ကိုင်ပြီး နိုင်ငံခြားတွင် ရာဇ၀တ်မူများကို ကျူးလွန်ကြသဖြင့် ဘင်္ဂလာဒေခ်ျ့နိုင်ငံ၏ နာမည်နှင့် ဂုဏ်သိက္ခာကို အကြီးအကျယ် ထိခိုက်နေကြောင်း ပြောကြားသည်ဟု သတင်းစာက ရေးသားသည်။
ယခုအခါ ဆော်ဒီးအရေးဗီယား နိုင်ငံတွင် ဘင်္ဂလာဒေခ်ျ့ ခရီးသွား အထောက်အထားများဖြင့် ဖမ်းဆီးခံထားရသူ ရိုဟင်ဂျာ (၇၀၀) ရှိပြီး ထိုသူများကို ပြန်လည် လက်ခံယူရန် ဘင်္ဂလာဒေခ်ျ့ကို ဆော်ဒီ တာဝန်ရှိသူများက ဖိအားပေးလျှက် ရှိနေကြောင်း ရေးသား ဖေါ်ပြထားပါသည်။

သွားလာရန်အခက်ခဲဆုံးမြို့၏ လမ်းမစတင်ပြုပြင်မည်

သွားလာရန်အခက်ခဲဆုံးမြို့၏ လမ်းမစတင်ပြုပြင်မည်

by bniwebmaster@yahoo.com (ကန္တာရ၀တီတိုင်း(မ်))

ကရင်နီပြည်နယ် ကားလမ်းသွားလာမှုအခက် အခဲဆုံးမြို့ဖြစ်တဲ့ ရှားတောမြို့ကိုသွားတဲ့လမ်းမ ကြီးကို အထူးပြင်ဆင် ထိန်းသိမ်းတဲ့အနေနဲ့ စီမံကိန်းတွေ စတင်အကောင်အထည်ဖော်နေတာ ကိုတွေ့ရ ပါတယ်။

ဆောက်လုပ်ရေးဌာနမှ ဝန်ထမ်းတဦးက “မြို့နယ်အဆင့်ဆိုတော့ လက်ရှိ အနေအထားကိုတော့ နည်းနည်း လေး တိုးတက်ကောင်း မွန်လာအောင် လုပ်ပေးတဲ့ အဆင့်လောက်ဘဲ အထူးပြုပြင် ထိန်းသိမ်းခြင်းပေါ့ အဆင့်မြင့်ဆိုတဲ့ အမျိုးအစား မျိုးမဟုတ်ဘူး။” လို့ ပြောပါတယ်။

၂၀၁၂- ၂၀၁၃ ခုနှစ်အတွင်း လမ်းတွေကို မြို့နယ်ဆောက်လုပ်ရေး ဌာနကနေ တဆင့် ပြည်ထောင်စု ဆောက်လုပ်ရေး ဝန်ကြီးဌာနသို့ ဘတ်ဂျက်တွေ တင်ပြထား ပြီးဖြစ်တယ်လို့ သိရပါတယ်။ စီမံကိန်း အစပျိုးအနေနဲ့ ကျောက်ထုတ် တာတွေ စတင်လုပ်ဆောင်နေပါတယ်။

ရှားတောမြို့ကိုသွားတဲ့ ကားလမ်းမမှာ အမာခံလမ်း ၁၃ မိုင်ရှိတဲ့အထဲမှာ ကတ္တရာလမ်းတင်ဖို့ လေးမိုင်လေးဖာ လုံလောက် ဆက်လက်လုပ် သွားဖို့အစီအစဉ်ရှိပြီး အန္တာရာယ်ရှိတဲ့အကွေ့တွေမှာ လမ်းတွေကိုချဲ့သွားမယ်လို့ သိရပါတယ်။

ဆောက်လုပ်ရေးဌာနမှ အင်ဂျင်နီယာနှင့် နီးစပ်သူတဦးက “အဓိကတော့သွားလာရတာ အရင် ၆ နာရီခရီးက နေ ၄ နာရီ ခရီး မောင်းချိန်တိုးတက် လာမှု ပြင်ဆင်ထိန်းသိမ်းလာမှု အဲလိုအဆင့်ရည်ရွယ်တာ။ ပြည်မကလို တကယ့်သွားရေး လာရေး  ကောင်းတဲ့ လမ်းအတိုင်းနဲ့တော့ နှိုင်းယှဉ်လို့မရသေးဘူးပေါ့။ တကယ်လုပ်မယ် ဆိုရင်လဲ ကျနော်တို့ အင်အားနဲ့ မရပါဘူး။ တကယ့်စီမံကိန်းအကြီးစားတွေ ဝင်လာမှလျှောခနဲဆိုပြီးသွားမှာပါ။” လို့ ပြောပါတယ်။

လွိုင်ကော်မြို့နယ်ကနေ ရှားတောမြို့ အကွာအဝေးမိုင် ၄၀ ရှိတဲ့ အထဲမှာ ကျောက်ချော လမ်းကစုစုပေါင်း ၂၆ မိုင်၊ အမာခံလမ်းက ၁၃ မိုင် ကတ္တရာလမ်းက ၁ မိုင်ရှိပါတယ်။ လွိုင်ကော်မြို့ကနေ ရှားတောမြို့ ကိုသွားတဲ့ ကားလမ်းမကြီးမှာ ကတ္တရာလမ်း မရှိသေးပါဘူး။ ရှားတောမြို့အဝင် တမိုင်လောက်မှ သာလျှင် ပျက်စီးနေတဲ့ ကတ္တရာလမ်း ခင်းကိုတွေ့ရတာပါ။ ရှားတောမြို့မှ သံလွင်မြစ်ဘက်ကို ၉ မိုင်ကျော်လောက် ဆက်သွားရတဲ့ တာတမော့ အထိ ရှိတဲ့ မြေလမ်းကိုလည်း ပြုပြင်နိုင်ဖို့ အစီအစဉ်ရှိတယ်လို့သိရပါတယ်။

အစိုးရ ၀န်ထမ်းအလုပ်ရရှိဖို့ ကျပ်ငွေ ၅ သိန်းလိုအပ်

အစိုးရ ၀န်ထမ်းအလုပ်ရရှိဖို့ ကျပ်ငွေ ၅ သိန်းလိုအပ်

by bniwebmaster@yahoo.com (ခိုနူမ်းထုန်)

ချင်းပြည်နယ်အစိုးရ အထွေထွေအုပ်ချုပ်ရေးရုံးက ရုံးဝန်ထမ်း ၁၅ ဦးခန့်အတွက် အလုပ်ခေါ်ယူ ထားရာ ဦးရေ ၂၀၀ ကျော် လျှောက်လွှာတင်ထား ပြီး အလုပ်ရရှိဖို့ ကျပ်ငွေ ၅ သိန်းလိုအပ်သည် ဟု ပြောကြသည်။
“ ကျတော်အလုပ်လျှောက်ထားတယ်၊ ပြည်နယ်ထွေအုပ်ရုံးမှာပေါ့၊ ဒါပေမဲ့ ၅ သိန်းလိုအပ်တယ်၊ နိုင်ငံခြားက ညီအကို တွေ ကို ပိုက်ဆံ မှာတာ မရဘူး၊ ဒါပေမဲ့ အင်တာဗျူးတော့ လုပ်ထားပါတယ်” ဟု ဘွဲ့ရလူငယ်တဦးက ပြောသည်။
ပြီးခဲ့တဲ့ သြဂုတ်လ ၁၃ ရက်နေ့က စပြီး သက်ဆိုင်ရာက အငယ်တန်းစာရေး၊ ရုံးအကူ နှင့် ယာဉ်မောင်းနေရာများအတွက် လျှောက်လွှာခေါ်ယူ ထားခြင်းဖြစ်ပြီး ပြီးခဲ့တဲ့ ၂၂ သြဂုတ်အထိ အလုပ်လျှောက်လွှာတင်ထားသူ ၂၀၀ ကျော် ရှိသည်ဟု ဒေသထုတ် Hakha post တွင်လည်းဖော်ပြ ထားသည်။
ယခုကဲ့သို့ ၀န်ထမ်းနေရာခေါ်ယူရခြင်းမှာ ဌာနအတွင်း အထက်တန်းစာရေး ( B C) , စာရေးကြီး ( UD) နေရာများတွင် အငယ်တန်းစာရေးများအား ရာထူးတိုးမြှင့်မှာဖြစ်ပြီး အဆိုပါ လစ်လပ်နေရာ များအတွက် ခေါ်ယူ ထားခြင်းဖြစ်ကြောင်း သိရ သည်။
“ BC က ၅ နေရာ၊ UD က ၇ နေရာတွေမှာ အဆင့်လိုက် ရာထူးတိုးမှာဖြစ်တယ်၊ယာဉ်မောင်း ၃ ဦး အပါအ၀င်ပေါ့၊  ရာထူး တိုးပြီးတဲ့ LD နေရာတွေ အတွက် ခေါ်ယူတာဖြစ်တယ်” ဟု အလုပ်လျှောက် ထားသူ တဦးက ပြောကြောင်း ဆက် လက် ဖော်ပြသည်။
ဝန်ထမ်းရွေးချယ်ရေးတာဝန်ရှိများသည်  LD အတွက် ကြိုတင်လုပ်အားပေးနေသူများကို ပြီးခဲ့တဲ့ သြဂုတ်လ ၁၈ ရက်တွင် လည်းကောင်း BC အတွက် လျှောက်ထားသူများကို သြဂုတ်လ ၂၂ ရက်တွင် ၄င်း အင်တာဗျူးလုပ်ထားပြီးဖြစ်သည်။
“LD နေရာနဲ့ ယာဉ်မောင်းနေရာအတွက် ပြင်ပကနေ လျှောက်ထားသူတွေကို ဘယ်တော့ အင်တာဗျူးလုပ်မယ်ဆိုတာ မသိရသေးဘူး” ဟု သက်ဆိုင်သူတဦးကပြောသည်။
အသက်သတ်မှတ်ချက်မှာ UD နေရာအတွက် ဘွဲ့ရအဆင့် ( စက်တင်ဘာလ ၁ ရက်အထိ အသက် ၂၅ နှစ် မကျော် လွန်သူ )၊ LD နေရာအတွက် ၁၀ တန်းအောင် ( စက်တင်ဘာ ၁ ရက်အထိ အသက် ၃၀ မကျော်လွန်သူ) ယာဉ်မောင်း အတွက် အလယ်တန်းအဆင့် ( စက်တင်ဘာ ၁ ရက်အထိ အသက် ၂၅ နှစ် မကျော်လွန်သူ)ဖြစ်ရမည်ဟု သတ်မှတ်ထား သည်။

ထောင်ချောက်တွင်း မဆင်းမိစေရန် ရွှေဝါရောင် ခေါင်းဆောင် သတိပေး

ထောင်ချောက်တွင်း မဆင်းမိစေရန် ရွှေဝါရောင် ခေါင်းဆောင် သတိပေး 

နေမျိုး | ကြာသပတေးနေ့၊ သြဂုတ်လ ၃၀ ရက် ၂၀၁၂ ခုနှစ် ၂၂ နာရီ ၀၆ မိနစ်

နယူးဒေလီ (မဇ္ဈိမ) ။         ။ မြန်မာပြည်သူများ လူမျိုးရေး၊ ဘာသာရေး အဓိကရုဏ်း ထောင်ချောက်တွင်း မသက်ဆင်းမိစေရန် ရွှေဝါရောင် သံဃာ့လှုပ်ရှားမှုတွင် ‘အရှင်ဂမ္ဘီရ’ အဖြစ် ဦးဆောင်ခဲ့သည့် ကိုညီညီလွင် က သတိပေးလိုက်သည်။
အစိုးရ အာဏာပိုင်များသည် ပြည်သူလူထုအတွင်း အမျိုးမျိုးသွေးခွဲခဲ့သည့် သမိုင်းကြောင်း အတွေ့အကြုံများကို
ထောက်ပြထားသည့် မိတ်ဆွေတဦးထံ ပေးစာတွင် ၎င်းက ရေးသားထားခြင်း ဖြစ်သည်။
“မြန်မာပြည်သူလူထုဟာ အခွင့်အရေးတွေ ရပိုင်ခွင့်တွေအတွက် ဒေသဆိုင်ရာ ဆန္ဒပြပွဲတွေ ပေါ်ပေါက်လာတဲ့အခါ စစ်အာဏာရှင်တွေရဲ့ ထုံးစံအတိုင်း အဓိကရုဏ်း တခုကို ဖန်တီးပေးလိုက်ကြပြန်ပါတော့တယ်။ အဲဒါကတော့ ရခိုင်-ရိုဟင်ဂျာ အဓိကရုဏ်း ပဲဖြစ်ပါတယ်” ဟု ဇွန်လအတွင်း ဖြစ်ပွားခဲ့သည့် ရခိုင်ပြည်နယ်အတွင်း လူမှုအဖွဲ့ ပဋိပက္ခများ ကို ထောက်ပြလိုက်သည်။
ဂျပန်နိုင်ငံရှိ ယုယုကို ထံ သြဂုတ်လ ၂၆ ရက်နေ့ နေ့စွဲဖြင့် ပေးပို့သည့် အဆိုပါ ပေးစာအား The Best Friend အင်တာနက် စာမျက်နှာတွင် ဖော်ပြထားသည်။
ယုယုကိုသည် ၂ဝ၁၂ ခုနှစ် အစောပိုင်းက ဦးဂမ္ဘီရမိသားစုထံ လာရောက်လည်ပါတ်ခဲ့ပြီး နောက်ပိုင်းတွင် မြန်မာ အစိုးရ၏ အမည်မဲ Black list စာရင်းတွင် ပါဝင်ကာ ဗီဇာပိတ်ပင်ခြင်း ခံထားရသည်။
ထို့ပြင် “ရိုဟင်ဂျာဆန့်ကျင်ရေး ဆန္ဒပြပွဲတွေမှာ ရဟန်းတော်တချို့ ပါဝင်လာနေကြတာကို တွေ့ရတော့ ကိုယ်တော် ဝမ်းနည်းလို့ မဆုံးပါဘူး။ ၂ဝဝ၇ စက်တင်ဘာမှာ မြန်မာ ရဟန်းတော်တွေဟာ ဓမ္မရဲ့ မီးရူးတန်ဆောင်အဖြစ် ကမ္ဘာကြီး တခုလုံးသိအောင် ထွန်းလင်းပြခဲ့ပြီးပါပြီ။ ဗုဒ္ဓရဲ့ မိန့်ဆိုချက်တွေ ဖြစ်တဲ့ မေတ္တာ၊ ဓမ္မ၊ ငြိမ်းချမ်းမှု၊ အဟိံသ၊ သစ္စာအာဂရဟ တို့ရဲ့ အနက်အဓိပ္ပါယ်တွေကို အားလုံးသိအောင် ရှင်းပြနေရဦးမှာလား” ဟု ဦးဂမ္ဘီရ/လှိုင်ဘွား၏ စာတွင် မေးခွန်းထုတ်ထားသည်။
ပြစ်မှုကျူးလွန်သူများအား ဥပဒေအရ စီရင်ရမှာသာဖြစ်ပြီး လူမျိုးရေး ဘာသာရေး  အဖြစ် စစ်အာဏာရှင်တို့၏ ပုံဖော် မီးမောင်းထိုးပြဖွယ် မဖြစ်စေရန် ရှောင်ရှားသင့်ကြောင်းလည်း ဖော်ပြ ပါရှိသည်။
မြန်မာနိုင်ငံတွင် အသက် ၅၀ အရွယ်ရှိသူ တယောက်တလေမျှ ဒီမိုကရေစီ၊ လူ့အခွင့်အရေး၊ လွတ်လပ် တရားမျှတမှု ဆိုသည့် အရသာများ ငတ်မွတ် ခေါင်းပါးခဲ့ရကြောင်းလည်း ဆိုထားသည်။
၂ဝဝ၇ ရွှေဝါရောင် သံဃာ့လှုပ်ရှားမှု၏ မေတ္တာ၊ ဓမ္မ၊ ငြိမ်းချမ်းမှု၊ လူ့အခွင့်အရေး သရုပ်သကန် မှန်ကန်သည့် ထင်ဟပ် ချက်များကို စစ်အစိုးရက အကြမ်းဖက် နိမ်နှင်းခဲ့သည့်အတွက် ကုလသမဂ္ဂက လူသားမျိုးနွယ်ထုအပေါ် ကျူးလွန်သည့် ရာဇဝတ်မှုအဖြစ် အတိအလင်း ပြောဆိုထားသည်ဟု ဆိုသည်။
ဓမ္မာစရိယတန်း စာသင်သား ဘွဲ့အမည် ဦးဂမ္ဘီရ သည် သက်တော် ၂၉ နှစ်အရွယ်၌ ၂ဝဝ၇ ခုနှစ်၊ စက်တင်္ဘာလတွင် သံဃာ့ တပ်ပေါင်းစု၏ ဦးဆောင် ကိုယ်တော်တပါး အဖြစ် ပါဝင်ခဲ့ရာ အာဏာပိုင်များ၏ ဖမ်းဆီးမှုကို ခံခဲ့ရသည်။
အီလက်ထရောနစ် ပုဒ်မ အပါအဝင် ပုဒ်မ ၁၃ ခုဖြင့် ၂ဝဝ၈ ခုနှစ်၊ ဒီဇင်ဘာလတွင် ထောင်ဒဏ် ၆၈ နှစ် ချမှတ်ခံခဲ့ ရပြီးနောက် ၂ဝ၁၂ ခုနှစ်၊ ဇန်နဝါရီလတွင် သမ္မတ၏ လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာခဲ့သည်။
ယခုအခါ အကျဉ်းထောင် အတွင်းနှိပ်စက်ညှင်းပန်းမှုကြောင့် ရရှိလာသည့် ရောဂါဝေဒနာများ ခံစားနေရပြီး ကျန်းမာရေး အခြေအနေ ပုံမှန်ကောင်းမွန်ခြင်း မရှိသေးကြောင်း သိရသည်။

တိုက်ပွဲများကြောင့် ဖားကန့်မြို့နယ် လောင်စာဆီ သိုလောင်ရုံတခု ပေါက်ကွဲ

တိုက်ပွဲများကြောင့် ဖားကန့်မြို့နယ် လောင်စာဆီ သိုလောင်ရုံတခု ပေါက်ကွဲ 

ဖနိဒါ | ကြာသပတေးနေ့၊ သြဂုတ်လ ၃၀ ရက် ၂၀၁၂ ခုနှစ် ၁၉ နာရီ ၃၀ မိနစ်

ချင်းမိုင်(မဇ္စျိမ) ။        ။ ကချင်လွတ်လပ်ရေးအဖွဲ့ KIO နှင့် အစိုးရတပ်တို့အကြား ပစ်ခတ် တိုက်ခိုက်မှုများကြောင့် ဖားကန့်မြို့နှင့် နှစ်မိုင်အကွာ ဆိုင်းဂျာဘွမ် ကျေးရွာရှိ ဝေအောင်ကမ္ဘာ အကျိုးတူ ကုမ္ပဏီပိုင် လောင်စာဆီ သိုလောင်ရုံထဲသို့ လက်နက်ကြီး ကျကာ ပေါက်ကွဲမှု ဖြစ်ခဲ့ကြောင်း သိရသည်။
အနောက်မြောက်တိုင်း စစ်ဌာနချုပ် လက်အောက်ခံ ခလရ ၂၆၉ တပ်ဖွဲ့များနှင့် KIO ၏ တပ်မဟာ ၂ လက်အောက်ခံ တပ်ရင်း ၆ တပ်ဖွဲ့တို့ ဗုဒ္ဓဟူးနေ့ မွန်းလွဲပိုင်း ၂ နရီမှစတင်၍ တိုက်ပွဲဖြစ်ပွားခဲ့ရာ ညနေ ၅ နာရီခွဲချိန်တွင် အဆိုပါ သိုလောင်ရုံပေါက်ကွဲခဲ့သဖြင့် ဖားကန့်မြို့ တမြို့လုံး တုန်ခါသွားခဲ့သည်ဟု ဒေသခံများက ဆိုသည်။
“လက်နက်ကြီး သွားကျတာလေ။ ကျည်ဆံက ယမ်းတိုက်ပေါ်မှာ သွားကျတာ။ ဝေအောင်ကမ္ဘာ မိသားစု အကျိုးတူ ကုမ္ပဏီလေ။ အဲဒီကုမ္ပဏီရှိတဲ့ နေရာက နှစ်ဖက် တပ်တွေရဲ့ အလယ်မှာ ဖြစ်နေတယ်။ အဲတော့ ယမ်းတိုက်ပေါ်ကျတဲ့ လက်နက်ကြီး ကျည်ဆံက ဘယ်ဘက်က ကျည်ဆံဆိုတာ ခန့်မှန်းလို့ မရဘူးလေ” ဟု အမျိုးသား ဒီမိုကရေစီအဖွဲ့ချုပ် NLD ဖားကန့်ရုံး တာဝန်ခံ ဦးခင်မောင်ချင်း က ပြောသည်။
ပေါက်ကွဲမှုနှင့် အနီးတဝိုက်ရှိ ကျေးရွာများမှ ဒေသခံရွာသားများမှာ ဖားကန့်မြို့ပေါ် ပြောင်းရွှေ့သွားကြသဖြင့် ထိခိုက်သေဆုံးမှု မရှိကြောင်း သိရသည်။
“သူတို့လည်းပစ်၊ ကျနော်တို့လည်း ပစ်ဆိုတော့ ဂိုဒေါင်ထဲက ခဲယမ်းတွေ ပေါက်သွားတယ်။ ဒီမနက် ပြန်သွားကြည့်
တော့ အပိုင်းအစတွေပဲ တွေ့ရတယ်” ဟု KIO ၏ ရှေ့တန်းမှ အရာရှိတဦးက ပြောသည်။ ကုမ္ပဏီဝင်းအတွင်း
မြေတူးစက်ကြီး (ဘက်ဖိုး) ငါးစီးနှင့် တချို့ ကားကြီးများ အပါအဝင် ၁ဝ ထက်မနည်း ပျက်ဆီးဆုံးရှုံးသွားသည်ကို
တွေ့ရပြီး သေဆုံးမှုအချို့လည်း တွေ့ခဲ့ရသည်ဟု ဆိုသည်။
အဆိုပါ ပေါက်ကွဲမှုနှင့် ပတ်သက်၍ စုံစမ်းမေးမြန်းရန် ဖားကန့်မြို့နယ် ရဲစခန်းသို့ မဇ္ဈိမက တယ်လီဖုန်းဖြင့် ဆက်သွယ်မေးမြန်းရာ “အဲဒါ ကျနော်တို့ မသိပါဘူးခင်ဗျာ” ဟု စခန်းမှ ဒု-ရဲအုပ် တဦးက ဖြေကြားခဲ့သည်။
ယင်းပေါက်ကွဲမှုကြီးဖြစ်ပွားပြီးနောက် အရောင်းအဝယ်နှင့် စက်ယန္တယားများ ရပ်ဆိုင်းထားရသည်ဟု သိရသည်။
အစိုးရ တပ်အင်အား ၃ဝဝ ခန့် ထိုးစစ်ဆင်လာရာမှ သြဂုတ်လ ၂၇ ရက်နေ့က ရှစ်နာရီကြာ တိုက်ပွဲတွင် အနည်းဆုံး ၈ဝ ခန့် ထိခိုက်ဒဏ်ရာရကာ ဗိုလ်မှူးတဦး၊ ဗျူဟာမှူးတဦး ကျဆုံးခဲ့သည်ဟု KIO အရာရှိက ဆိုသော်လည်း သီးခြား အတည်ပြုချက် မရယူနိုင်သေးပါ။
KIO တပ်နှင့် ပေ ၁,ဝဝဝ အကွာအဝေးရှိ မျောက်ဖြူကျေးရွာ အနီးတွင် အစိုးရတပ်ဖွဲ့များ ရှိနေသဖြင့် နှစ်ဖက်တင်းမာ
နေဆဲ ဖြစ်သည်ဟု ထိုအရာရှိက ပြောသည်။
ဖားကန့်ရှိ ကုမ္ပဏီအချို့က KIO ၏ တပ်ရင်း ၆ လက်အောက်ခံ လမောင်ကုန်း စခန်းအား သိမ်းယူရန် နေပြည်တော်ထိ သွားရောက်၍ တိုက်တွန်းမှုများ ရှိသည်ဟု သတင်းရရှိကြောင်း “အကျိုးတူကုမ္ပဏီ စီးပွားရေးလုပ်ငန်းရှင် ခြောက်ခုက ဒီနေရာကို ရှင်းပေးဖို့ နေပြည်တော်ထိ သွားပြောထားတယ်။ ဒါကြောင့် သူတို့က ကုမ္ပဏီတွေရဲ့ ကြေးစားလို စီးပွားရေး သမားတွေရဲ့ စကားကို နားထောင်ပြီး လုပ်လာတယ်ဆိုတော့ ကျနော်တို့လည်း စောင့်ကြည့်ပြီး ခုခံတိုက်နေတာ ခုလို ဖြစ်သွားတာပဲ” ဟု KIO အရာရှိက ပြောသည်။
သြဂုတ်လ ၁၉ ရက်နေ့မှစတင်၍ KIO တပ်နှင့် အစိုးရတပ်များအကြား တင်းမာမှုများ ရှိခဲ့ရာ မှော်မောင်ကုန်း၊
တောင်ပြို၊ သူဌေးချောင်း၊ ဆိုင်းဂျာဘွမ်၊ မနားချောင်း၊ ဗလခ၊ မှော်ဝမ်းကြီး၊ မှော်ဝမ်းကလေး၊ ရှရော်ခ၊ ဇွပ်ငိုင်၊
မျောက်ဖြူ၊ မှော်မောင်းလယန် စသည့် ရွာများမှ ဒုက္ခသည်များ ဖားကန့်မြို့ပေါ်သို့ ထွက်ပြေးတိမ်းရှောင်ခဲ့သည်။
ဘုန်းကြီးကျောင်းနှင့် ဘုရားရှိခိုးကျောင်း များ၌ ဖွင့်လှစ်ထားသော ဒုက္ခသည်စခန်း ၃၁ တွင် လူဦးရေ ၉,ဝဝဝ ကျော် ရှိနေပြီ ဖြစ်ကြောင်း ဖားကန့် NLD ရုံးမှ ဦးခင်မောင်ချင်း က ပြောသည်။
NLD ပါတီက စစ်ပြေးဒုက္ခသည်များအတွက် ဆန် ၂၇ဝ အိတ်နှင့် ကျပ်ငွေ ၂၈ သိန်းကျော် ဗုဒ္ဓဟူးနေ့တွင် လှူဒါန်းခဲ့ပြီး လက်ရှိတွင် ဒေသခံ လူမှုအဖွဲ့အစည်းများသာ ကူညီ ထောက်ပံ့ပေးနေသည်ဟု ၎င်းက ဆိုသည်။

သိမ်းထားသော ဟူးကောင်းချိုင့်ဝှမ်း လယ်များ ယုဇနက ပြန်ပေးမည်ဟုဆို

သိမ်းထားသော ဟူးကောင်းချိုင့်ဝှမ်း လယ်များ ယုဇနက ပြန်ပေးမည်ဟုဆို 

ကျော်ဖုန်းကျော်၊ အောင်မြတ်ထွန်း | ကြာသပတေးနေ့၊ သြဂုတ်လ ၃၀ ရက် ၂၀၁၂ ခုနှစ် ၁၈ နာရီ ၄၅ မိနစ်

ရန်ကုန် (မဇ္ဈိမ) ။         ။ ကချင်ပြည်နယ်၊ ဟူးကောင်းချိုင့်ဝှမ်းဒေသမှ ယုဇန ကုမ္ပဏီက သိမ်းယူထားသော မြေများ ထဲမှ လယ်ဧက တထောင်ကျော်ကို မူလပိုင်ရှင် တောင်သူများထံ ပြန်လည်ပေးအပ်သွားမည်ဟု ကုမ္ပဏီပိုင်ရှင် ဦးဌေးမြင့်က ကတိပြုလိုက်ကြောင်း တောင်သူများကိုယ်စား ဗုဒ္ဓဟူးနေ့က သွားရောက် ညှိနှိုင်းခဲ့သည့် ဒေါ်ဘောက်ဂျာ က မဇ္ဈိမကို ပြောသည်။
လွန်ခဲ့သော ခြောက်နှစ်က ပီလောပီနံနှင့် ကြံ စိုက်ပျိုးရန်တွက်ဟုဆိုကာ ယုဇန ကုမ္ပဏီက သိမ်းယူခဲ့သည့် ဧက
နှစ်သိန်းကျော် အနက်မှ ဖားကန့်မြို့နယ်အတွင်းရှိ လယ်ယာမြေများကို ပြန်ပေးမည်ဟု ဦးဌေးမြင့်က ကတိပြုလိုက်ခြင်း
ဖြစ်သည်။
“သိမ်းဆည်းထားတဲ့ လယ်မြေတွေကိုလည်း ပြန်ပေးမယ်။ မစိုက်ပျိုးခဲ့ရတဲ့ အချိန်တွေအတွက် နစ်နာမှုကိုလည်း ညှိနှိုင်းပေးမယ်လို့ ဦးဌေးမြင့်က ပြောတယ်” ဟု အမျိုးသားဒီမိုကရေစီအင်အားစု NDF ပါတီမှ ဒေါ်ဘောက်ဂျာ က ဆိုသည်။

ကြာသပတေးနေ့က လယ်သိမ်းခံရသည့် ကချင်တောင်သူအချို့သည် လယ်ယာမြေများ ပြန်လည် ရရှိရေးအတွက် ရန်ကုန်မြို့၊ ဗဟန်းမြို့နယ်၊ အနောက် ရွှေဂုံတိုင်လမ်းပေါ်ရှိ ယုဇန ဟိုတယ်ရှေ့တွင် ဆန္ဒပြရန် စုရုံးခဲ့ကြသော်လည်း လယ်ယာမြေများ ပြန်လည်ရရှိမည်ဆိုသည့် ဒေါ်ဘောက်ဂျာထံမှ သတင်း စကားကြောင့် ဆန္ဒပြပွဲကို ဆိုင်းငံ့ခဲ့သည်။
NDF ပါတီမှ ရန်ကုန်တိုင်း အတွင်းရေးမှုး ဦးထက်အောင်ကျော် ၏ အဆိုအရ လယ်ယာမြေများကို ပြန်ပေးမည့်အပြင် မှတ်ပုံတင် မရှိသော မြေများအတွက် လယ်ယာမြေ မှတ်ပုံတင်ရရှိသည်အထိ တောင်သူများကို ဦးဌေးမြင့်က
ဆောင်ရွက်ပေးမည်ဟုလည်း သိရသည်။
ယုဇနကုမ္ပဏီက သိမ်းယူထားသည့်အတွက် ဝါရာဇွပ်၊ နမ်ဆိုင်၊ ဘန်ကောက်၊ လဂျာပါ၊ အာန်ရာယန်၊ ရှဒူးဇွတ်
ကျေးရွာများမှ လယ်ယာစိုက်ပျိုးခွင့် မရခဲ့သည့် ကာလအတွက် ပေးမည်ဆိုသည့် လျော်ကြေးကိုမူ နှစ်ဘက်ညှိနှိုင်းမှု လုပ်နေဆဲ ဖြစ်သည်ဟု ဦးထက်အောင်ကျော် က မီဒီယာများကို ပြောကြားခဲ့သည်။
ဝါရာဇွပ်ရွာမှ လယ်ယာအသိမ်းခံရသည့် တောင်သူတဦးဖြစ်သူ ဦးဇော်ဆိုင်း က ၎င်းပိုင် ယာမြေပေါ်ရှိ သီးပင်စားပင် များကို ယုဇနကုမ္ပဏီက မြေညှိစက်များဖြင့် ထိုးကော် ဖျက်ဆီးလိုက်သည်မှာ လေးနှစ်ခန့်ရှိပြီဖြစ် သဖြင့် ၎င်းအနေဖြင့် လယ်ယာကို ပြန်လည် ရရှိလျှင်ပင် ထိုမြေသည် နောင် ရှစ်နှစ်ခန့်ကြာမှ အသိမ်းမခံရမီ အခြေအနေအတိုင်း ပြန်လည်
ရောက်ရှိနိုင်မည် ဖြစ်သည်ဟု ဆိုသည်။
မြန်မာနိုင်ငံ တဝှမ်းတွင်လည်း တောင်သူများထံမှ လယ်ယာမြေများကို ကုမ္ပဏီများနှင့် စစ်တပ်မှ သိမ်းယူမှုများ
ဖြစ်ပွားလျက်ရှိကာ တောင်သူများက ပြန်လည်ရလိုမှု ဆန္ဒပြပွဲများ ဆင်နွှဲလျက်ရှိသည်။
ထင်ရှားသေူ သူဌေးကြီးတဦးဖြစ်သူ ဦးတေဇ ပိုင်ဆိုင်သည့် ဧရာရွှေဝါ ကုမ္ပဏီမှ သိမ်းယူထားသော လယ်ယာမြေ ဧက လေးသောင်းကျော်ကို တောင်သူများထံ ပြန်ပေးနိုင်ရန်အတွက် လွန်ခဲ့သော သီတင်းပတ်နှစ်ပတ်ခန့်က အစိုးရ ထံ ပြန်လည် အပ်နှံခဲ့ရသည်။