မဟာဗျူဟာမြောက်အရေးပါသော မြန်မာအပေါ် ရိုဟင်ဂျာကို ခုတုံးလုပ်လေသလား

မဟာဗျူဟာမြောက်အရေးပါသော မြန်မာအပေါ် ရိုဟင်ဂျာကို ခုတုံးလုပ်လေသလား - ရေးသူ-Myo Set

by than htut

အာရှပစီဖိတ်စိုးမိုးရေးအတွက် အမေရိကန်အနေဖြင့် နိုင်ငံရေး၊ စစ်ရေးအရ လွှမ်းမိုးချုပ်ကိုင်နိုင်ရန်လိုလာသည်။ သို့အတွက် မဟာမိတ်နိုင်စာချုပ်နိုင်ငံများ ကို ပြုလုပ်ခဲ့သည်။ သို့သော်ငြားလည်း စစ်အေးခေတ်ကာလအတွင်းနှင့် စစ်အေးခေတ်လွန်ဆယ်စုနှစ်အတွင်းတွင် အမေရိကန်သည် အာရှ-ပစိဖိတ်ဆိုင်ရာမဟာဗျူဟာကို အကောင်အထည်မဖော်နိုင်ခဲ့။ သူ့အတွက် မမျှော်လင့်ဘဲ လက်သီးချက်ပြင်းပြင်းမိသွားခဲ့သည်။ ထိုလက်သီးချက်မှာ 9/11 အရေးအခင်းဖြစ်လေသည်။ ထို့ကြောင့် War on Terror ဟုကြေငြာကာ အရှေ့အလယ်ပိုင်းနှင့်အာဖဂန်သို့ အာရုံလှည့်သွားခဲ့သည်။ ထိုဆယ်စုနှစ်နှစ်စုနီးပါးအတွင်းတွင် တိန့်ရှောင်ပင်၏ ပေါ်လစီနှင့်အတူ နိုးထလာခဲ့သောတရုတ်နဂါးကြီးက တဖြည်းဖြည်း ကြီးထွားလာခဲ့ပေသည်။
အိန္ဒိယနှင့် Strategic Partnership ကို ထူထောင်ထားနိုင်သော်လည်း အာရှပစိဖိတ်စိုးမိုးရေးအတွက် အဓိက ကျသော နေရာဖြစ်သည့် ဘင်္ဂလားပင်လယ်အော်နှင့် ကမ်းရိုးတန်းဒေသကို အမေရိကန် ဝင်မစွက်နိုင်သေးဘဲ ဖြစ်နေသည်။ ထိုအတွက် အမေရိကန်သမ္မတ အိုဘားမား တက်လာချိန်တွင် မဟာဗျူဟာမြောက် မျဉ်းကြောင်းဖြစ်သည့် အိန္ဒိယ-ဘင်္ဂလားဒေ့ရှ်-မြန်မာ တို့အတွက် နိုင်ငံရေးအရ ချဉ်းကပ်မှု ပြောင်းလဲ ရန်ကြိုးစားလာပါသည်။ တရုတ်အပေါ် ကြွေးမှီတင်မှု များပြားနေသော ဘင်္ဂလားဒေ့ရ်ှနှင့် ပိုမိုထိတွေ့ဆက်ဆံလာခဲ့သည်။ ဘင်္ဂလားဒေ့ရ်ှမှာ အိန္ဒိယ၊ ပါကစ္စတန်တို့ရန်မှ တွန်းလှန်ရန် တရုတ်ကို စစ်ရေး၊ စီးပွားရေးအရများစွာ မှီခိုအားထားနေရသည်။ ထိုကိစ္စကို အမေရိကန်က မနှစ်မြို့လှချေ။ အဘယ်ကြောင့်ဆိုသော် အမေရိကန် ရေတပ် ကျက်စားလျှင် များစွာ စစ်ရေးအရ အသာစီးရနိုင်သည့် ဘင်္ဂလားပင်လယ်အော်ကို စိုးမိုးရန်မှာ ဘင်္ဂလားဒေ့ရှ်-မြန်မာတို့နှင့် ပိုမို နီးကပ်ထိစပ်သော ဆက်ဆံရေးရှိမှ သာဖြစ်လာနိုင်ပေမည်။ထိုအချိန်တွင် ဘင်္ဂလားဒေ့ရ်ှတွင် ဘာသာရေးအစွန်းမေ၇ာက်သော ရှိတ်ဟာစီနာ၏ အစိုးရအဖွဲ့တက်လာသည်။ ထိုအချက်သည် အမေရိကန်အတွက် လမ်းစများကို ပွင့်သွားစေသည်။ သို့၇ာတွင် လိပ်ခဲတည်းလဲ ဖြစ်နေသော ကိစ္စရပ်မှာကား မြန်မာ၏ ခေါင်းမာသော စစ်ဗိုလ်ချုပ်များပင်တည်း။

မြန်မာသည် ပထဝီအရ ကိုလိုနီခေတ်ကပင် အလွန်အရေးပါခဲ့သည်။ ဗြိတိန်တို့သည် ရခိုင်နှင့် တနင်္သာရီကမ်းရိုးတန်းကို ဝင်ရောက်သိမ်းပိုက်ခဲ့ခြင်းမှာ ၄င်းတို့ ကိုလိုနီလုပ်ထားသော အရှေ့အိန္ဒိယကို ကာကွယ်ရန်အတွက် ကမ်းရိုးတန်းနှင့် ရေလမ်းကို ထိန်းချုပ်လိုက်ခြင်းဖြစ်သည်။ ထို့ပြင် တရုတ်ပြည်သို့ ဂျပန်များကျူးကျော်လာသောအခါ မြန်မာနိုင်ငံသည် ချန်ကေရှီတ်အစိုးရကို အနောက်အစိုးရများ အထောက်အကူပေးရန် အဓိကနေရာဖြစ်လာကြောင်း ပိုမိုထင်ရှားလာရသည်။

ဆိုလိုသည်မှာ အာရှပင်မကုန်းမြေသို့ ဆက်သွယ်ထားသော လမ်းကြောင်းမှန်သမျှကို မြန်မာနိုင်ငံထဲမှ အကောင်အထည်ဖော်ဆက်သွယ်နိုင်သည်။သို့အတွက် ဂျပန်က မရမက မြန်မာပြည်ကို သိမ်းပိုက်ရန်အားထုတ်လာရပေသည်။ ထို့သို့အရေးပါသော နေရာကို လက်ဦးမှုရယူထားနိုင်ရန်အတွက် အက်တလီခေတ် ဗြိတိန်ကာကွယ်ရေးဝန်ကြီးက မင်္ဂလာဒုံလေဆိပ်နှင့် မြန်မာ့ သင်္ဘောဆိပ်များကို ဗြိတိန်ပိုင် စစ်လေယာဉ်၊ ရေယာဉ်များ ဝင်ထွက်သွားလာခွင့်ရ၇ှိနိုင်ရေး ကြိုးစားခဲ့ဖူးသည်။ လွတ်လပ်ရေး၇ပြီးခေတ်တွင်လည်း ကွန်မြူနစ်သူပုန်ထသည့်အချိန်တွင် ကွန်မြူနစ်တစ္ဆေကိုကြောက်သည့် အနောက်ပါဝါနိုင်ငံများသည် ရန်ကုန်အစိုးရ (ဦးနုအစိုးရ) အား များစွာ ထောက်ပံ့ပေးခဲ့ကြသည်။ မြန်မာသည် ဗီယက်နမ်နှင့် တစ်ကြောတည်း အရေးကြီးသည့် နိုင်ငံအဖြစ် ဒိုမီနိုသီဝရီတွင် တွက်ဆခြင်းခံခဲ့ရပေသည်။အဘယ်ကြောင့်ဆိုသော်မြန်မာပြိုသွားပါက တရုတ်အတွက် မြန်မာပြည်မြောက်ပိုင်းမှ အာသံအထိ လွယ်ကူစွာ ချေမှုန်းနိုင်သည့်အပြင် မလက္ကာရေလက်ကြားကို အလွယ်တကူ ခြိမ်းခြောက်လာနိုင်သောကြောင့် မြန်မာနိုင်ငံကို ကျဆုံးခံ၍ မဖြစ်ခြင်းဖြစ်သည်ဟု မဟာဗျူဟာ ဂရုများက ရှုမြင်ကြလေသည်။ ဤတွင် မြန်မာ၏ အရှေ့အနောက် အိုင်ဒီယိုလိုဂျီပဋိပက္ခများနှင့် စစ်ရေး၊ စီးပွားရေးအားပြိုင်မှုများကြား မည်မျှ အန္တရာယ်ကြီးသည်ကို ရှုမြင်နိုင်ပေပြီ။ထိုသို့သော အရေးပါမှုအားလုံးသည် ဦးနေဝင်း၏ တံခါးပိတ်စီးပွားရေးဝါဒအောက်တွင် မှေးမှိန်သွားခဲ့ပါသည်။

တရုတ်အတွက် မြန်မာသည် အလွန်အရေးပါသောနေရာတစ်ခုဖြစ်နေသည့်အချိန်တွင် အိန္ဒိယအတွက်လည်း အရေးကြိးသော နိုင်ငံဖြစ်နေသည်။ မြန်မာ့ရေပိုင်နက်တွင် တရုတ်သင်္ဘောများကျက်စားပါက အိန္ဒိယများစွာ အခက်ကြုံနိုင်သည်။ မြန်မာသည် အရှေ့တောင်အာရှနှင့် တရုတ်ပြည်တောင်ပိုင်းပြည်နယ်များအတွက် Buffer Zone သဖွယ်ကြားခံပေးထားသော နိုင်ငံဖြစ်နေသည်။ ထို့ပြင် အိန္ဒိယအတွက် ဒုတိယမြောက်အကြီးဆုံး အိမ်နီးချင်းနိုင်ငံလဲဖြစ်နေသည်။

မြန်မာကို တရုတ်လက်သို့ပါ၍ မရချေ။ ထိုသိုံ့ဖြစ်သွားလျှင် ပါကစ္စတန်၊ ဘင်္ဂလားဒေ့ရှ်၊ မြန်မာ၊ သီရိလင်္ကာ၊ နီပေါလ်တို့နှင့် ဆက်စပ်ကာ တရုတ်သည် အိန္ဒိယကို ပတ်ချာလည် ဝိုင်းရံထားပေလိမ့်မည်။ သို့အတွက်ကြောင့် ၁၉၈၈ အုံကြွမှုအပြီး နိုင်ငံတော်ငြိမ်ဝပ်ပိပြားရေးကောင်စီခေတ်တွင် မြန်မာစစ်တပ်သည် ယခင်နှင့်မတူ သူ၏ တိုင်းပြည်အစွန်အဖျားများကိုပါ ထိထိရောက်ရောက်ချုပ်ကိုင်လာနိုင်ခဲ့သောကြောင့် အိန္ဒိယအနေဖြင့် ထိတွေ့ဆက်ဆံမှုပြုလုပ်လာခဲ့ရပါသည်။
ထိုသို့သောအနေအထားတွင် မြန်မာသည် တရုတ်ဖက်ယိမ်းမည်လော၊အနောက်ဖက်ယိမ်းမည်လောဟူသည့် မေးခွန်းမှာ စကော်လာများအတွက် အတွေးပွားစရာဖြစ်ခဲ့သည်။ သို့သော် မငြင်း၊နိုင်သည်က မြန်မာအစိုးရ၏ လက်ထဲတွင်သာ အဖြေရှိသည်ဟူ၍ ဖြစ်ပါသည်။ ထိုမှန်းဆချက်များမှာ လွန်ခဲ့သော ဆယ်နှစ်ကျော်ကဖြစ်သည်။ ယခုအချိန် ယခုအစိုးရသစ်လက်ထက်တွင် အနည်းငယ်ဖွင့်ဟလိုက်သောအခါ မြန်မာ၏ မဟာဗျူဟာအရ အရေးပါမှုအတွက် လက်ဦးမှုရယူရန် အမေရိကန်နိုင်ငံခြားရေးဝန်ကြီးလာရောက်ခဲ့သည်ကို တွေ့ရှိနိုင်ပေသည်။
အိန္ဒိယ၏ အမျိုးသားလုံခြုံရေး၊ တရုတ်၏ စွမ်းအင်လုံခြုံရေးနှင့် မလက္ကာရေလက်ကြားအန္တရာယ်၊ ဘင်္ဂလားပင်လယ်အော်ကို စိုးမိုးရလျှင် အရှေ့အာရှကုန်းမြေကို ခြိမ်းခြောက်နိုင်မည့် အခွင့်အလမ်း စသည်တို့ကို တွက်ချက်စဉ်းစားကြည့်လျှင် ၇ခိုင်ကမ်းမြောင်ဒေသနှင့် ထားဝယ်ရေနက်ဆိပ်ကမ်းကိစ္စများသည် လေးလေးနက်နက်စဉ်းစားချင်စရာများဖြစ်လာပါသည်။ ရခိုင်ကမ်းမြောင်ဒေသ မတည်မငြိမ်ဖြစ်လျှင် လူ့အခွင့်အရေးနှင့်ပတ်သက်၍ အမေရိကန်မှ အကြောင်းပြ၍ ရနိုင်ပါသည်။ မတည်မငြိမ်ဖြစ်နေသော ဒေသသည် ဆက်ဆံရေးတိုးမြှင့်လာသော မြန်မာ-အမေရိကန် သံတမန်အခင်းအကျင်းတွင် မျက်စပစ်စရာနေရာကောင်းတစ်ခုဖြစ်နေသည်မဟုတ်ပါလော။

မွတ်စလင်များကို ထိ၍ အကြမ်းဖက်သမားများက ခြိမ်းခြောက်သည်။ အကြမ်းဖက်သမားများက ခြိမ်းခြောက်ရုံမျှမက ဝင်ရောက်ဖောက်ခွဲလျှင် အမေရိကန်အတွက် ပို၍ပင် ကောင်းဦးမည်။ အဘယ်ကြောင့်ဆိုသော် အမေရိကန်၏ War on Terror မှာ ပြီးဆုံးသေးသည်မှ မဟုတ်ဘဲ။ ထိုအခါ အကြမ်းဖက်နှိမ်နင်းရေးဟု ကြွေးကြော်လျက် မြန်မာအစိုးရနှင့် ပူးပေါင်းလိုသည်ဟု အကြောင်းပြကာ ရခိုင်နှင့် တနင်္သာရီကမ်းရိုးတန်းကို ဝင်ရောက်နိုင်မည်မဟုတ်လား။ မြန်မာအစိုးရကရော ဒီလို အကြမ်းဖက်နှီမ်နင်းရေးတွင် အတွေ့အကြုံရှိသည်မှမဟုတ်ဘဲ။ အမေရိကန်နှင့်ပူးပေါင်းဖို့သာ များမည်။ ဒီလိုဆိုရင် ကြားထဲက ဖိညှပ်သေရမည့်သူများမှာ ရခိုင်များသာ ဖြစ်လိမ့်ဦးမည်။

မွတ်စလင်များကို မည်သို့ နှိပ်ကွပ်ရမည်ဟု စစ်ကျောင်းများတွင် သင်ကြားသော အမေရိကန်သည် မွတ်စလင်အခွင့်အရေးကို စိတ်ဝင်စားသည်မဟုတ်။ စိတ်ဝင်စားမည်လည်းမဟုတ်။ သို့သော် ဒုတိယကမ္ဘာစစ်၊ ဗီယက်နမ်စစ်ကတည်းက ပထဝီအရ မဟာဗျူဟာမြောက်နေသော မြန်မာကိုကား အလွန်စိတ်ဝင်စားသည်။ အဘယ်ကြောင့်ဆိုသော် ခဲတစ်လုံးတည်းနှင့် ငှက်နှစ်ကောင်ပစ်ခွင့်ရမည့်အေ၇းဖြစ်သည်။ မဟာမိတ်အိန္ဒိယနှင့် ၇န်ဖြစ်ရန်မလိုသော်လည်း လာမည့်အနှစ်နှစ်ဆယ်တွင် ဂျီဒီပီသူ့ကို ကျော်တက်သွားနိုင်သော အိန္ဒိယအပေါ် စစ်ရေးအရလည်း သြဇာလွှမ်းထားနိုင်မည်။ တရုတ်ကိုတော့ ချောင်ပိတ်နိုင်မည်။

မွတ်စလင်နိုင်ငံများက မြန်မာကို ခြိမ်းခြောက်သည်။ ရယ်တော့ရယ်ရသည်။ အရှေ့အာရှကုန်းမြေကြီးကို ချိတ်ဆက်ထားသော မျဉ်းကြောင်း ဖြတ်သန်းသွားသည့် မြန်မာကို တရုတ်နှင့် အိန္ဒိက အထိမခံ။ ထိုနည်းတူ အမေရိကန်ကလည်း အထိမခံ။ ထိုအနေအထားသည် အတိမ်းအစောင်းလည်းမခံ။ အချိန်မရွေး စစ်မြေပြင်ဖြစ်သွားနိုသည်ကိုလည်း သတိထားရမည်ဖြစ်သည်။

မွတ်စလင်နိုင်ငံများမှ သင်္ကြန်အမြှောက်ထုသည်ကိုကား ကြောက်ရန်မလို။ ကြောက်ရန်လိုသည်ကား မွတ်စလင်ကမ္ဘာနှင့်ရန်ဖက် အမေရိကန်နှင့် မြန်မာအကြောင်း မြန်မာများထက်ပိုသိသော ဗြိတိန်၊ပြင်သစ်တို့ ရိုဟင်ဂျာကိစ္စ အဘယ်ကြောင့် အလွန်အမင်း စိတ်ဝင်စားနေသနည်း ဟူသည့် အချက်ပင်ဖြစ်ပါသည်။
ကိုးကား
http://www.southasiaanalysis.org/%5Cpapers2%5Cpaper197.htm
http://asiafoundation.org/pdf/wp13.pdf
http://www.southasiaanalysis.org/%5Cpapers51%5Cpaper5040.html

ko Myo Set Facebook