ရေနံသဘာဝ လုပ်ကွက်များတွင် ပြည်ပ ရင်းနှီးမြှုပ်နှံလိုသူများကို ဈေးပြိုင်စနစ်ဖြင့်သာ ခေါ်ယူတော့မည်
From : 7 day
ကမ်းလွန်ရေနံ သဘာဝလုပ်ကွက်များတွင် နိုင်ငံတကာ ရင်းနှီးမြှုပ်နှံလိုသူများ များလာသဖြင့် တိုက်ရိုက်အဆိုပြု ခွင့်ပြုသည့်ပုံစံမှ ဈေးပြိုင်စနစ်ဖြင့် ရင်းနှီးမြှုပ်နှံမှု ခေါ်ယူသည့်ပုံစံသို့ ပြောင်းလဲ ကျင့်သုံးသွားမည် ဖြစ်ကြောင်း စွမ်းအင်စီမံရေးဦးစီးဌာနမှ တာဝန်ရှိသူက ပြောကြားသည်။ ကမ်းလွန်ရေနံနှင့် သဘာဝဓာတ်ငွေ့လုပ်ကွက် ၂၈ ကွက် လစ်လပ်နေရာမှ ၂၃ ကွက်ကို ပြည်ပမှ ရင်းနှီးမြှုပ်နှံရန် ဈေးပြိုင်စနစ်ဖြင့် ပထမဆုံးအကြိမ် ဖိတ်ခေါ်မည်ဖြစ်ပြီး ယင်းကမ်းလွန် လုပ်ကွက်များသည် ရခိုင်၊ မုတ္တမနှင့် တနင်္သာရဒေသရှိ ကမ်းလွန်လုပ်ကွက်များ ဖြစ်ကြောင်း အထက်ပါပုဂ္ဂိုလ်က ပြောသည်။
“အရင်ကတော့ တိုက်ရိုက် ရင်းနှီးမြှုပ်နှံတဲ့စနစ်နဲ့ ခေါ်ပေမယ့် လာလုပ်မယ့်သူက စီးပွားရေးပိတ်ဆို့မှုကြောင့် နည်းတယ်။ အခုက အရမ်းများလာတယ်။ အဲဒါကြောင့် ဈေးပြိုင်စနစ်နဲ့ခေါ်ပြီး ပေးနိုင်တဲ့သူ ပေးလုပ်တဲ့စနစ်နဲ့ သွားမယ်။ အဲဒါ စက်တင်ဘာလကုန်မှ ခေါ်မှာပါ။ အခု မဟုတ်သေးဘူး” ဟု အထက်ပါပုဂ္ဂိုလ်က ပြောသည်။ စွမ်းအင်ကဏ္ဍတွင် ရင်းနှီးမြှုပ်နှံမည့် ပြည်ပနိုင်ငံများ စိတ်ပါဝင်စားမှု များလာသောကြောင့် ကမ်းလွန်လုပ်ကွက်နည်းတူ ကုန်းပိုင်းလုပ်ကွက် ၁၈ ကွက်ကို ယခု နှစ်ဆန်းပိုင်းတွင် နိုင်ငံတကာ ဈေးပြိုင်တင်ဒါစနစ်ဖြင့် ပြည်ပရင်းနှီးမြှုပ်နှံသည့် နိုင်ငံများကို ဖိတ်ခေါ်ခဲ့သည်။ ယင်းလုပ်ကွက်များကို နိုင်ငံပေါင်း ၁၈ နိုင်ငံမှ ကုမ္ပဏီ ၃၇ ခုက အဆိုပြု တင်ပြကြသည့်အနက် ကုန်းပိုင်းလုပ်ကွက် ၁၀ ကွက်ကို ကုမ္ပဏီရှစ်ခုအား လုပ်ပိုင်ခွင့်ပေးခဲ့သည်။ လက်ရှိတွင် သဘာဝဓာတ်ငွေ့ စီမံကိန်းနှစ်ခု ဖြစ်သော ရတနာနှင့် ရဲတံခွန်စီမံကိန်းကို ထိုင်း၊ မလေးရှား၊ ပြင်သစ်၊ ဂျပန်၊ အမေရိကန်နိုင်ငံတို့မှ ရင်းနှီးမြှုပ်နှံနေကြပြီး မြန်မာနိုင်ငံအနေဖြင့် စီမံကိန်းတစ်ခုချင်းဆီမှ နှစ်စဉ် ကန်ဒေါ်လာနှစ်ဘီလီယံနှင့် သုံးဘီလီယံကြား ရရှိသည်။ ဓာတ်ငွေ့သိုက် တွေ့ရှိပြီး စီမံကိန်းနှစ်ခုမှာ ရွှေသဘာဝဓာတ်ငွေ့စီမံကိန်းနှင့် ဇောတိက သဘာဝဓာတ်ငွေ့ စီမံကိန်းတို့ ဖြစ်သည်။
Myanmar Express
No comments:
Post a Comment