ရုရှားအရှေ့ဖျားတွင် ငါးမိုးရွာကျမှုကြောင့် ဒေသခံပြည်သူများ အံ့အားသင့်
စက်တင်ဘာ(၂၆)
(မော်စကို စက်တင်ဘာ ၂၅)
ရုရှားနိုင်ငံ
အရှေ့ဖျား ဒေသရှိ လာဇာနာရာမြို့ ကမ်းခြေတွင် ကောင်းကင်ယံမှ ငါးများ၊
ကမာကောင်များနှင့် ကဏန်းများ မိုးရွာသကဲ့သို့ ရွာကျလာခြင်းကြောင့်
ဒေသခံပြည်သူ များမှာ အလွန် အံ့အားသင့် ဝမ်းသာခဲ့ရ သည်ဟု သိရသည်။
ယင်းကဲ့သို့ ငါးမိုး ရွာကျခြင်းသည် ဘိုလာဗန် မုန်တိုင်း တိုက်ခတ်မှုကြောင့် ပင်လယ်အတွင်းမှ ရေသတ္တဝါ များသည် မုန်တိုင်းနှင့် အတူ ရောနှော လိုက်ပါလာပြီး ကုန်းမြေပေါ်သို့ ပြန်ကျ လာခြင်း ဖြစ်ကြောင်း သိရသည်။
ငါးမိုး
ရွာကျခြင်းကြောင့် အဆိုပါ ဒေသမှပြည်သူများ ပျော်ရွှင်နေ ချိန်တွင်
အိမ်နီးချင်း မြောက် ကိုရီးယား နိုင်ငံ ၌ ဘိုလာဗန် မုန်တိုင်းကြောင့်
အိမ်များ၊ လမ်းများ၊ ရေလွှမ်းမိုး ခဲ့ရကြောင်း၊ မြေပြိုကျ မှုများ
ဖြစ်ပွားပြီး ရထားလမ်းများ မြေကြီးအတွင်းသို့ မြုပ်သွား ခဲ့ရကြောင်းနှင့် ကောက်ပဲသီးနှံ ဧကပေါင်း များ စွာ မှာလည်း ပျက်စီးခဲ့ သည်ဟု သိရသည်။
မြ၀တီ
No comments:
Post a Comment