မောင်တောမှာ ကျောင်းအချို့ စတင်ဖွင့်လှစ်
မောင်တောမြို့တွင် ယခုပညာသင်နှစ်အတွက် စာသင်ကျောင်း လုံးဝမဖွင့်နိုင်ဘဲ ရှိနေခဲ့ရာမှ မြို့ပေါ်အထက်တန်း
ကျောင်း အပါအ၀င် ကျောင်း ခုနှစ်ကျောင်းကို တနင်္လာနေ့ နံနက်ပိုင်းက စတင်ဖွင့်လှစ်လိုက်ပြီ ဖြစ်သည်။
 |
 |
“ဒီနေ့ ဖွင့်လိုက်တဲ့ ကျောင်းတွေကတော့ မြို့ပေါ် အထက၊ အမက(၁)၊ အမက(၃)၊ အမက(၄)၊ လေးမိုင် အလက(၂)၊ ကျီးကန်းပြင် အလက၊ အောင်ဗလ(အမက) တို့ ဖြစ်ပါတယ်” ဟု မြို့နယ်ပညာရေးမှူးရုံးမှ တာဝန်ရှိသူ တဦးက
ပြောသည်။
လုံခြုံရေး အခြေအနေ ကောင်းမွန်ပါက ဆက်ဖွင့်သွားမည်ဟု ရခိုင်ပြည်နယ် ပညာရေးမှူး (စစ်ဆေးရေး) ဦးလှစိန်ထွန်း က ပြောသည်။
အသေအပျောက်များသော လူမှုအဖွဲ့ပဋိပက္ခ အရေးအခင်းအတွင်း မောင်တောမြို့နယ်၌ ကျောင်း ငါးကျောင်း မီးရှို့ဖျက်ဆီးခံရကာ မူလတန်းကျောင်းအုပ် ဆရာတဦး အသက် ဆုံးရှုံးခဲ့ရပြီး ဆရာဆရာမ အဆောင်များလည်း မီးရှို့ဖျက်ဆီးခံခဲ့ရသည်။
ရခိုင်ပြည်နယ်တခုလုံးတွင် ကျောင်းပေါင်း ၃၄၂ ကျောင်း ဖွင့်လှစ်ရန် ကျန်ရှိနေသေးရာ မောင်တောမြို့နယ်မှ ၁၅၂ ကျောင်း၊ ဘူးသီးတောင်မြို့နယ်မှ ၁၄၃ ကျောင်း၊ စစ်တွေမှ ၂၂ ကျောင်း၊ ကျောက်တော်မှ ၁၅ ကျောင်း၊ ရသေ့တောင်မှ ၁၀ ကျောင်း ဖွင့်လှစ်ရန် ကျန်ရှိနေသေးသည်။
No comments:
Post a Comment