“တွင်ကျယ်လာတော့မည့် မြန်မာ့ရေဓါတ်ငွေ့လောင်စာစက်” မြန်မာ့စွမ်းအင်သစ်အဖွဲ့မှ သုတေသီအင်ဂျင်နီယာ ဦးကျော်ကျော်နှင့်တွေ့ဆုံခြင်း
Myitmakha Media Group, 19 December 2012 —-
မြန်မာနိုင်ငံတွင် ရေဓာတ်ငွေ့ကို လောင်စာဆီနှင့် တွဲဖက်ကာ မီးစက် ၊ ကား ၊
ရထား ၊ သဘောင်္နှင့် စက်ယန္တရားများအား ဆီစားသက်သာစွာဖြင့်
မောင်းနှင်နိုင်ရန် ၂၀၀၈ ခုနှစ် ကတည်းက စမ်းသပ် တီထွင်နေသော သုတေသီ
အင်ဂျင်နီယာ ဦးကျော်ကျော်နှင့် ၄င်း၏ စမ်းသပ်မှုရလာဒ် အကြောင်း
မြန်မာ့စွမ်းအင်သစ်အဖွဲ့အကြောင်း၊ တွေ့ဆုံမေးမြန်းခဲ့သည်များကို
စုစည်းတင်ပြအပ်ပါသည်။မေး ။ ။ မြန်မာနိုင်ငံမှာ ရေဓာတ်ငွေ့နဲ့ လောင်စာဆီဿ3xw|~NW ߵ[w့ စက်ယန္တရားတွေကို အသုံးပြုနိုင်ဖို့ ဘယ်လိုစိတ်ကူး ခဲ့တယ်ဆိုတဲ့ အကြောင်းအရင်းကို အရင်ပြောပေးပါခင်ဗျာ။
ဖြေ ။ ။ သုတေသီအင်ဂျင်နီယာ ဦးစိုးမြင့်က အမေရိကားက ပြန်လာတော့ အမေရိကားမှာ ရေကို ဓာတ်ခွဲပြီးထွက်လာတဲ့ ဓာတ်ငွေ့နဲ့ အင်ဂျင်တွေ လည်နေတယ်ဆိုပြီး ပြောဆိုဖြစ်ကြတယ်။ အမေရိကားက ပညာရှင်တွေက မှတ်ပုံတင်ပြီး ကားတွေမှာ တန်းမောင်းတယ် ဒါပေမဲ့ အမေရိကားမှာ ၁၉၉၈ ခုနှစ်ကနေ ၁၉၉၉ ခုနှစ် အထိလောက်ပဲ အဲ့လို ရေဓာတ်ငွေနဲ့ ပူးတွဲပြီး အသုံးပြုတယ်ဆိုတာ ကြားလိုက်တာ နောက်ပိုင်း မကြားတော့ဘူး။ သူတို့အဲ့လို အသုံးပြုနေတာ နှစ်ပေါင်း (၉၀)ကျော်နေပြီ၊ ဒါက နည်းပညာအသစ်တော့ မဟုတ်တော့ဘူး၊ အဓိကကတော့ အင်ဂျင်နီယာ ဦးစိုးမြင့် ပြတဲ့ ဗွီဒီယိုကို ကြည့်ပြီးတော့ စပြီး ၂၀၀၈ခုနှစ်လောက်ကတည်းက မြန်မာနိုင်ငံမှာ ရေဓာတ်ငွေ့နဲ့ လောင်စာဆီ ပူးတွဲပြီး သုံးနိုင်ဖို့ စတီထွင်ဖြစ်ခဲ့တာပါ။
မေး။ ။ ရေဓာတ်ငွေ့ စမ်းသပ် လုပ်ဆောင်မှုမှာ ဘယ်လိုအခက်အခဲတွေကြုံတွေခဲ့ပါသလဲ။
ဖြေ။ ။ ပထမဆုံး စမ်းသပ်ထုတ်လုပ်လိုက်တဲ့ ပစ္စည်းကို ရှမ်းစတားဂျစ်မှာ တပ်ဆင်ပြီး မောင်းတယ် ၊ အဲ့ဒီမှာ မအောင်မြင်ဘူး သူကို ကွန်ထရုး(control)မလုပ်နိုင်ဘူး၊ အပူ(Heat) တွေတက် တော့ ဘက်ထရီကို ထိခိုက်တယ် ။ ရေကို ဓာတ်ခွဲလိုက်တော့ရှိတဲ့ ရေတွေက ဆူကုန်တော့ မအောင်မြင်ဘူး။ အဲ့ဒီမှာ အင်တာနက်ကနေ စာတွေ ပြန်ဖတ်တယ် ၊ နိုင်ငံခြားကနေ အင်တာနက် ကနေ ပေးထားတဲ့ ရက်တိုသင်တန်းလေးတွေ တက်တယ်၊ ထူးခြားတာက ဂျာမနီကပညာ သင်ပြီး ပြန်လာတဲ့ စက်မူတက္ကသိုလ် ကျောင်းနေဖက် အီလက်ထရောနစ် အင်ဂျင်နီယာ ဦးစိုင်းစိုးလိူင်က ဒီဟာက ကွန်ထရိုးမပါရင် မအောင်မြင်ဘူး ဂျာမနီမှာတုန်းကလည်း ဒါကို လေ့လာ ပြီးခဲ့ပြီ။ ဘာလို့လဲဆိုတော့ လျှပ်စစ်ကြိမ်နူန်း လွှတ်တာကို ထိမ်းပြီး လွှတ်ရမယ် ၊ အဲ့ဒီစနစ်ကို တပ်ရမယ်၊ သူက အဲ့ဒီကိရိယာလေးကို ထွင်ပေးလိုက်တယ်။ အဲ့ဒီအချိန်ကစပြီး မော်တော်ကားကို ကွန်ထရိုး နိုင်သွားတယ်၊ နည်းပညာပိုင်းမှာ ဒီအခက်အခဲတွေ ကြုံတွေ့ခဲ့ရသလို ငွေကြေးဘက်မှာလည်း အခက်အခဲ ရှိတယ်၊ အိမ်က ကားနှစ်စီးရောင်းပြီး ရတဲ့ငွေနဲ့ စမ်းသပ်မှုတွေ လုပ်ခဲ့တယ်။
မေး။ ။ မြန်မာနိုင်ငံမှာ လက်တွေကျကျအသုံးချနိုင်ဖို့နဲ့ ဘယ်လောက်ထိ တွင်တွင်ကျယ်ကျယ် အသုံးပြုလာနိုင်မလဲ။
ဖြေ။ ။ ဘယ်လောက် တွင်ကျယ်လာမလဲဆိုတာ စလုပ်တာကလည်း ဒီအင်ဂျင်နီယာ နှစ်ယောက်ထဲ လုပ်တာဘေးက ၀ိုင်းကူတဲ့ ပညာရှင်ကလေး နှစ်ယောက်ရှိတယ်၊ ဦးစိုးလိူင်က အမြင်ကျယ်တော့ စမ်းသပ်လုပ်ကိုင်နေရင်းနဲ့ ကိုယ့်ကားမှာ တပ်ဆင်ပြီး မောင်းတယ်။ မိတ်ဆွေ အင်ဂျင်နီယာကားတွေ ရေဓာတ်ငွေ့နဲ့ ပူးတွဲမောင်းနှင်တယ်။ ဒီလိုစမ်းသပ်မောင်းနှင်တာ (၁၄)စီး ရှိသွားပါပြီ။ အပြင်ကို ရောင်းပေးမလား၊ မရောင်းပေးဘူးလားဆိုတာ တဖြည်းဖြည်းပေါ်လာပြီ။နိုင်ငံ တော်အပိုင်းကလည်း အရင်ကပြပွဲတွေမှာစက်မူ(၂)၀န်ကြီးဦးစိုးသိန်းကိုယ်တိုင် ဒါကြီးက နည်းပညာ ကောင်းလွန်းတယ်၊ အဆင့်မြင့်ပါတယ် ဆက်လုပ်ပါလို့ ပြောပါတယ်။ နိုင်ငံတော် အဆင့် က စိတ်ဝင် စားပါတယ်၊ အကောင်အတည်ဖော်ဖို့ ကျတောာ့ ဒီဘက်ကအင်ဂျင်နီယာနှစ်ယောက်ထဲ ငွေရှင် ကြေးရှင်မပါဘူး။ တွင်ကျယ်လာမလားဆိုတဲ့ မေးခွန်းက အရမ်းစိတ်ဝင်စားစ ရာ ကောင်းတယ်၊ သုံးပြလိုက်လို့ တော်တော်များများက ကြိုက်သွားရင်တော့ တွင်ကျယ်လာမယ်၊ တွင်ကျယ်လာတဲ့ အချိန်မှာ ကုန်ကြမ်းထုတ်လုပ်ဖို့အတွက် လုပ်ငန်းရှင်သော် လည်းကောင်း၊ နိုင်ငံတော် ကသော် လည်းကောင်း ပူးပေါင်းပါဝင်မယ်ဆိုရင်တော့ တွင်ကျယ် လာနိုင်မယ်။
မေး။ ။ ရေဓာတ်ငွေ့နဲ့ ပူးတွဲမောင်းနှင်တဲ့အတွက် လောင်စာဆီလျှော့ချနိုင်မူနဲ့ ဈေးနူန်းကွဟမှုကို သိချင်ပါတယ်။
ဖြေ။ ။ ၁၉၈၀ ပတ်ဝန်းကျင်ထုတ် ကားအိုကားဟောင်းတွေမှာ ရေဓာတ်ငွေ့နဲ့ ပူးတွဲမောင်းရင် လောင်စာဆီစားနူန်း သက်သာမယ်၊ 7z}O_ wှာ တစ်လကိုပေပါအလုံး တစ်ရာသုံးတယ် ဆိုရင်အဲ့ဒီပေပါအလုံးတစ်ရာမှာတစ်ဆယ်ရာခိုင်နူန်း သက်သာမယ်ဆိုရင်အဲ့ဒီတစ်ဆယ်ရာခိုင်နူန်းကိုငွေနဲ့ မြှောက်လိုက်ရင် အများကြီးသက်သာသွားပြီး တစ်ချို့ကတော့ ၇ ရ'xwOɯWo Ywချို့က ၈ရာခိုင်နူန်း သက်သာမယ်။ ဒါကတော့ကို့ရဲ့အင်ဂျင် သက်တမ်းနဲ့အင်ဂျင်ကို ကိုင်တွယ်တဲ့သူ အပေါ်မှာ မူတည် တယ်။ သူများနှိင်ငံတွေမှာ ၈၀ ရာခိုင်နူန်းသက်သာတယ်၊ ၆၀ ရာခိုင်နူန်သက်သာ တယ်၊ ၅၀ရာခိုင်နူန်း သက်သာမယ်။ ဘာဖြစ်လို့လဲ ဆိုတော့ အင်ဂျင်တွေရဲ့သက်တမ်းက တစ်သိန်းတောင်မလည်ရသေးဘူး၊ မြန်မာပြည်က မီးစက်၊ အင်ဂျင်တွေက အပတ်ရေ ဘယ်နှစ်သိန်းလောက် လည်ပတ်ပြီးသွားပြီလည်း မသိရဘူး ။ လူတွေ တော်တော်များများက ဘယ်လောက်သက်သာမလဲ ဒါကိုမေးတယ်၊ အမေရိကန် လည်း ဒီအဂျင်ဘယ်လောက်သက်သာမလဲ အာမမခံဘူး ဘာကြောင့်လဲ ဆိုတော့ အင်ဂျင်ရဲ့ အခြေ အနေပေါ်မှာဘဲ မူတည်ပါတယ်။
မေး။ ။ ရေဓာတ်ငွေ့ကိုဘယ်နိုင်ငံတွေမှာအသုံးပြုအောင်မြင်နေပြီလဲဆိုတာသိချင်ပါတယ်။
ဖြေ။ ။ ရေဓာတ်ငွေနဲ့ အောင်မြင်တဲ့ အများဆုံးနိုင်ငံတွေကတော့ အာရှနှိင်ငံတွေပါ၊ မလေးရှားနိုင်ငံ ရေဓာတ်ငွေ့အဖွဲ့ ကနေ အန္ဒိယနိုင်ငံ ကျေးလက်ဒေသတွေမှာ မီးထွန်းဖို့ မီးစက် တွေကို ဒီဇယ်နဲ့ ရေဓာတ်ငွေ့ ပူးတွဲပြီး တစ်နှစ်ကို အင်ဂျင် ၂၀၀၀ ကနေ ၃၀၀၀ အထိ ထုတ်လုပ် ရောင်းချပေးနေတယ်၊ ထိုင်း၊စင်္ကာပူ၊ဂျာမနီ၊အမေရိကန်၊ ရုရှား၊တရုတ် နဲ့ ဥရောပ နိုင်ငံတွေမှာ အောင်မြင်စွာနဲ့ တွင်တွင်ကျယ်ကျယ် အသုံးပြုနေကြပါပြီ။
မေး။ ။ မြန်မာ့စွမ်းအင်သစ်(MAES)အဖွဲ့မှာ အဖွဲ့ဝင်ဘယ်နှစ်ယောက်လောက်ရှိပါသလဲ။
ဖြေ။ ။ ဒီမှာအင်ဂျင်နီယာ နှစ်ယောက်ပါတယ်၊ ၁၉၈၀ ရန်ကုန်စက်မူတက္ကသိုလ် ဘွဲ့ရ အင်ဂျင်နီယာကြီးတစ်ဦးနဲ့ ကျွန်တော်ပါတယ်၊ အကြံပေးအနေနဲ့ ဒီရေဓာတ်ငွေ့နည်းပညာကို သယ်လာပေးတဲ့ ဆရာကြီးဦးစိုးမြင့် (ဆုံးသွားပါပြီ ) နောက်တစ်ယောက်က ဆရာကြီးဦးသိန်းလွင်၊ သူက စီနီယာအင်ဂျင်နီယာကြီးပါ အင်္ဂလန်က ဘွဲ့ရခဲ့တာပါ။ မြန်မာစွမ်းအင်သစ်(MAES) အဖွဲ့ဝင် ၈ ယောက်လောက် ရှိပါတယ်။
မေး။ ။ စက်ရုံတွေမှာ ရေဓာတ်ငွေ့စက်ပြုလုပ်ဖို့အတွက် ကုန်ကြမ်းပစ္စည်းတွေ အပ်ရတယ်လို့ သိရပါတယ်။ ဒီအကြောင်းလေး ပြောပြပေးပါ။
ဖြေ။ ။ ဘာဖြစ်လို့ စက်ရုံတွေမှာ ကုန်ကြမ်းပစ္စည်းတွေ အပ်ရသလဲဆိုတော့ ဓာတ်ငွေရဲ့ ကုန်ကြမ်းပစ္စည်းတွေက နည်းနည်းများပါတယ်၊ အီလက်ထရောနစ် ဆားကစ်ဘုတ်ကိုတော့ ဆရာကြီးဦးစိုးလိူင်က သူကိုယ်တိုင်ထုတ်ပါတယ် ။ သူရဲ့ ဦးနှောက်နဲ့ပါဘဲ။ အဲ့ဒီက ကုန်ကြမ်း ပစ္စည်းကတော့ ဂျပန်၊ ဂျာမနီ၊ အမေရိကန် ၊ စင်္ကာပူနဲ့ မလေးရှားနှိ်င်ငံတွေက မှာပါတယ်၊ အီလက်ထရောနစ် ပစ္စည်းတွေဆိုတော့ ဒီမှာ လုပ်လို့မရဘူး၊ ဒီက စက်ရုံတွေမှာ လိုအပ်တဲ့ ပစ္စည်းတွေကတော့ စတီးအိုးတွေနဲ့ လိုအပ်တဲ့ ဆက်စပ်ပစ္စည်း ကုန်ကြမ်းတွေကို အပ်ရပါတယ်။ နည်းပညာပိုင်းနဲ့ အချောထည် ဆင်တာကတော့ ကိုယ်တိုင်လုပ်တာပါ။
( အခုလိုဖြေကြားပေးတဲ့ သုတေသီအင်ဂျင်နီယာ ဦးကျော်ကျော်ကို မြစ်မခမီဒီယာက ကျေးဇူးတင်ပါတယ်)
သန့်ဇင်ဝင်း(မြစ်မခ)
No comments:
Post a Comment