လားရှိုးငြိမ်းချမ်းရေး သတင်းစာရှင်းလင်းပွဲမှ အမေးအဖြေ

 လားရှိုးငြိမ်းချမ်းရေး သတင်းစာရှင်းလင်းပွဲမှ အမေးအဖြေ
Saturday, 23 March 2013 00:52 သျှမ်းသံတော်ဆင့်
E-mail    Print   
သျှမ်းပြည် မြောက်ပိုင်းလားရှိုးမြို့တွင်ကျင်းပသော သျှမ်းပြည်နယ် ကယားပြည်နယ် ငြိမ်းချမ်းရေးအတွက် ယုံကြည်မှုတည်ဆောက်ခြင်းဆွေးနွေးပွဲ အား မတ်ခ်ျလ ၂၀ မှ ၂၂ ရက်အထိ ၃ ရက်ကြာကျင်းပရာ အစည်း အဝေးတက်ရောက်သည့် နိုင်ငံရေးပါတီ ၁၀ ပါတီနှင့် လက်နက်ကိုင်တပ်ဖွဲ့ ၁၁ ဖွဲ့ရှိကြောင်း သိရသည်။ ထို့အပြင် လေ့လာသူအဖြစ်တက်ရောက်လာသည့်ပြင်ပအဖွဲ့အစည်း ၂၂ ဖွဲ့ရှိကြောင်းလဲသိရသည်။ အစည်းအဝေးနောက်ဆုံးရက်ဖြစ်သော မတ်လ ၂၂ ရက် ၄ နာရီမှ ၄ နာရီ မိနစ် ၅၀ ခန့်အထိ သတင်းစာရှင်း လင်းပွဲ နှင့်သဘောထားထုတ်ပြန်ကြေငြာချက် ၆ ချက်ကိုထုတ်ပြန်ခဲ့သည်။

သတင်းစာရှင်းလင်းပွဲမှ တက်ရောက်လာသည့်သတင်းသမားများ၏မေးမြန်းချက်များနှင့် သက်ဆိုင်ရာ တာဝန်ရှိပုဂိုလ်များ၏ ဖြေကြားချက်များကို အောက်ပါအတိုင်းတင်ပြလိုက်ပါသည်။

မေး- လာမယ့် ဆွေးနွေးပွဲကို ဘယ်လိုဆက်လုပ်သွားမလဲ။

ဖြေ- သျှမ်းချည်းချည်းလုပ်လို့မရပါဘူး။ သျှမ်းပြည်နယ် အဆင့် ကယားပြည်နယ်အဆင့်ပြီးတဲ့ နောက်ပိုင်း တနိုင်ငံလုံးအတိုင်းအတာပါဝင်လာအောင်လုပ်သွားမယ်။ အစိုးရလုပ်လာလို့ရှိရင်လည်း အစိုးရနဲ့ အံဝင်ဂွင်ကျဖြစ်အောင်ညှိနှိုင်းပြီးတော့လုပ်ဆောင်သွားမယ်။

မေး-အပစ်ရပ်စဲရေးအခြေအနေ ဘယ်လိုရှိနေလဲ။

ဖြေ-အပစ်ရပ်စဲရေးနဲ့ပတ်သက်ပြီးတော့ ကျိုင်းတုံမှာ ဒု-ကာချုပ်ကပါဝင်ပြီးတော့မှ အပစ်ခတ်ရပ်စဲရေး ကိုလုပ်ဆောင်ခဲ့တယ်။ အဲတာပြီးတော့လဲတိုက်ပွဲတွေ ဆက်ဖြစ်နေတယ်။တခါ တလေအစိုးရဘက်က တာဝန်မယူနိုင်သလိုလို ပြောလာတာရှိ တယ်။ကရင်ပြည်နယ်ကိုသွားတုန်းကလည်း ဦးအောင်မင်းက ပြောဖူးတယ် - ဟိုကလဲနားမထောင် ဒီကလည်းနားမထောင် ဖြစ်နေတယ်လို့ကြားရတယ်။ ဒါကြောင့်မို့ ကျနော်တို့ရဲ့အပစ်ရပ်စဲရေးဟာအခုစိတ်ချရမယ့်အခြေအနေတော့မဟုတ်သေးဘူး။

မေး- အခုလွှတ်တော်ထဲမှာအခြေခံဥပဒေပြန်လည်လေ့လာဖို့အဖွဲ့တွေဖွဲ့နေပြီ။ ဘယ်လိုလုပ်မလဲ။

ဖြေ- အခုကျနော်တို့ သျှမ်းနဲ့ ကယားနဲ့ ဆွေးနွေးတာဘဲရှိသေးတယ်။တူညီတဲ့သဘောတူညီချက် ကိုရယူဖို့ ဆက်လက်လုပ်သွားရမယ်။ ပြီးမှ အခြေခံဥပဒေကိုပြင်ဆင်ရမယ်။ သို့မဟုတ်အသစ်ရေးရမယ်။ သို့မဟုတ် လွှတ်တော်ကလုပ်ဆောင်နေတာနဲ့ချိတ်ဆက်နိုင်ရင်တော့အကောင်းဆုံးပေါ့။

မေး - အက်အဲန်ဒီဖီတို့  ဒဗလျူဒီဖီတို့မတက်ရောက်နိုင်တာ ရှေ့ဆက်လုပ်ရင်ဖိတ်ကြားမလား။

ဖြေ- အဲတာတော့သေချာပေါက်ကျနော်တို့ဖိတ်မှာဘဲ ။ ဘာကြောင့်မလာတာတော့မသိရပါဘူး။ရှေ့ဆက် အစည်း အဝေးလုပ်လို့ရှိရင်ကျနော်တို့ဖိတ်ခေါ်သွားမှာပါ။ ကျနော်တို့သပိတ်မှောက်မှုတော့မရှိပါဘူး။

မေး- တပ်မတော်ကိုကောဖိတ်မလား

ဖြေ- အခုအဆင့်မှာတော့မဖိတ်သေးပါဘူး။ ကျနော်တို့ အခြေခံဥပဒေပြင်ဆင်ရမယ် ၊ အသစ်ထပ်ရေးရမယ် ဆိုရင်တော့ဖိတ်ကိုဖိတ်ရမှာပါ။ လာတက်ပေးဖို့အထူးအနူးအညွတ်ပန်ကြားရမှာပါ။

မေး- အပစ်ရပ်စဲရေးပျက်မယ့်အနေအထားရှိပါသလား

ဖြေ- အပစ်ရပ်ပျက်မှာစိုးလို့အခုလဲကျနော်တို့ကိုယ့်ကိုယ်ကိုကာကွယ်တဲ့အဆင့်မှာ ဘဲရှိပါတယ်။ ဒီထက် ကြီးမား တဲ့စစ်ဆင်ရေးရှိလာရင် အပစ်ရပ်ရေးပျက်ချင်ပျက်ဆိုတဲ့လုပ်ဆောင်မှုတွေရှိလာမယ် ဆိုရင်တော့ တပ်မတော်အပေါ်မှာဘဲရှိပါတယ်။

မေး- တပ်မတော်တခု တိုင်းပြည်တခုတည်းရှိဖို့ဆိုတာကော ဘယ်လိုမြင်ပါသလဲ။ ဘယ်လိုအခြေအနေမှာ လက်နက်စွန့်ပြီး ပါတီထောင်မလဲ။

ဖြေ- တိုင်းပြည်တခုတပ်မတော်တခုဆိုတဲ့မူကိုကျနော်တို့ဘယ်လိုမှမဆန့်ကျင်ပါဘူး။ နိုင်ငံရေးပြသနာကို နိုင်ငံရေးနည်းနဲ့ ဘယ်လိုဖြေရှင်းမယ်ဆိုတဲ့အပေါ် မှာဘဲမူတည်ပါတယ်။ လက်နက်စွန့်ပြီး ပါတီဖွဲ့မယ် မဖွဲ့မယ်ဆိုတာလဲဒီအပေါ်မှာဘဲမူတည်ပါတယ်။

မေး- အခုအခြေခံဥပဒေလေ့လာရေးကော်မတီအပေါ် ဘယ်လောက်ယုံကြည်မှုရှိနိုင်ပါသလဲ။

ဖြေ- ကျနော်တို့ဟိုးအရင်တုန်းကပြောသလိုဘဲ လမ်းညွန်မူ ၈ ချက်ထဲက ၁-၄ ကိုဆန့်ကျင်ဖို့မရှိဘူး။ ၅ ကနေ ၈ ကိုတော့ အခုချိန်ထိ သဘောမတူနိုင်သေးပါဘူး။ အခုကျနော်တို့က လောက်လေးစာမိတဲ့စာကလေး လိုဖြစ်နေတာပေါ့။   ဒါကြောင့်မို့လို့အခြေခံဖွဲ့စည်းပုံလေ့လာရေးကော်မတီကဘယ်လိုရုပ်ပုံပေါ်လာမလဲ ဆိုတာ စောင့်ကြည့်ရမယ်။ခုတော့မသိသေးပါဘူး။

၃ ရက်တာဆွေးနွေးပွဲမှ ထုတ်ပြန်ကြေငြာချက် ၆ ချက်အကြမ်းဖျင်းအား အောက်ပါအတိုင်း တင်ပြလိုက် ပါသည်။

၁- တန်းတူရေးနှင့်ကိုယ်ပိုင်ပြဌာန်းခွင့်ရှိသော စစ်မှန်သောဖက်ဒရယ်ပြည်ထောင်စုကိုတည်ထောင်ရန်

၂- နယ်မြေအတွင်း တပ်မတော်မှ စစ်အင်အားတိုးချဲ့မှု တိုက်ခိုက်မှုများကို ငြိမ်းချမ်းရေးဖြစ်စဉ်အတွက် အန္တရယ်ရှိပြီး အပစ်ရပ်စဲရေး ငြိမ်းချမ်းရေးကိုထိခိုက်နိုင်သော ပြသနာဖြစ်သည်။

၃- နိုင်ငံရေးပြသနာကို နိုင်ငံရေးနည်းနှင့်ဖြေရှင်းရန်လိုအပ်သည်။

၎- ၂၀ဝ၈ အခြေခံဖွဲ့စည်းအုပ်ချုပ်ပုံဥပဒေကိုပြန်လည်ပြင်ဆင်ရန်သော်လည်းကောင်းသို့ အသစ်ရေးရန်သော် လည်းကောင်း ပင်လုံကိုအခြေခံသောညီလာခံကြီးကျင်းပရမည်။

၅- တရားဥပဒေစိုးမိုးမှုကိုပျက်ပြားစေသော လုပ်ရပ်များကိုပြင်းထန်စွာရှုတ်ချသည်။

၆- သင့်လျော်သောဆွေးနွေးပွဲများကိုအနာဂတ်တွင်ထပ်မံပြုလုပ်သွားမည်။