ပြည်ထောင်စုအဆင့် အဖွဲ့အစည်းဝင် ပုဂ္ဂိုလ်များ ဖြစ်သည်နှင့်အညီ
ဦးစိန်ညွန့် ~
အကျယ်အကျယ်
မငြိမ်းဖွယ် ဖြစ်နေတဲ့ “ ပြည်ထောင်စုအဆင့် ” ကိစ္စကို စိတ်ဝင်စားလို့
ရှာဖွေ ဖတ်ကြည့်ပါတယ်၊ အောက်ပါ နိုင်ငံတော် ပြန်တမ်းပါ
အမျိုးသားလွှတ်တော်ဥက္ကဌ လက်မှတ်ရေးထိုးထားတဲ့ ကော်မတီအသီးသီးဖွဲ့စည်းတဲ့
အမိန့်စာတွေရဲ့ နောက်ဆုံးအပိုဒ်တိုင်းမှာ တွေ့ရပါတယ်-ကော်မတီဝင်များ၏ ရပိုင်ခွင့်နှင့် အခွင့်အရေးများ၂၀။ ကော်မတီဝင်များသည် ကော်မတီ၏ လုပ်ငန်း တာဝန်များကို ဆောင်ရွက်ရန် ဖြစ်စေ၊ ကေ်ာမတီအစည်းအဝေး တက်ရောက်ရန်ဖြစ်စေ၊ တာဝန်အရ ခရီးသွားလာ ခြင်းအတွက် ခရီးစရိတ် နှင့် ကော်မတီရုံးစိုက်ရာဒေသတွင်ေ၇ာက်ရှိနေထိုင်စဉ် တည်းခိုနေထိုင်စရိတ်၊ စားသောက်စရိတ် နှင့် အခြားစရိတ်များအား တည်ဆဲ ဥပဒေ၊ လုပ်ထုံး လုပ်နည်းများနှင့် အညီ ထုတ်ယူခံစားခွင့် ရှိသည်။
၂၁။ တာဝန်ဖြင့် ခရီးသွားလာခြင်း နှင့် တည်းခိုနေထိုင်ခြင်းအတွက် ကော်မတီဝင်များ သည် ပြည်ထောင်စုအဆင့် အဖွဲ့အစည်းဝင် ပုဂ္ဂိုလ်များဖြစ်သည်နှင့် အညီ လွှတ်တော်ရုံးက လည်းကောင်း၊ ပြည်ထောင်စုအစိုးရနှင့် တိုင်းဒေသကြီး၊ ပြည်နယ်အစိုးရ အဖွဲ့တို့မှ ၀န်ကြီးဌာနများက လည်းကောင်း၊ အုပ်ချုပ်မှုနှင့် နေရာထိုင်ခင်း သင့်လျော်သလို စီစဉ်ဆောင်ရွက်ပေးရမည်။
ဒီလိုဆိုထားတော့ မယူပါဘူးဆိုတဲ့ ရပိုင်ခွင့်တွေ အခွင့်အရေးတွေ က ပြည်သူတွေ သက်သာဖို့ မမြင်ပါလားလို့ တွေးမိတယ်၊
(၁) တည်ဆဲ ...... နှင့် အညီ ခံစားခွင့်ရှိတယ်ဆိုတဲ့ စရိတ်မျိုးစုံက ဘာတွေပါလဲ၊ ဘယ်နှုန်းတွေပါလဲ၊ ၀န်ထမ်းတွေထက်တော့ ၂ဆ ၃ဆ များနေမှာသေချာလောက်တယ်၊
ဥပမာ- နိုင်ငံခြားသွားတဲ့အခါ နေ့တွက်စရိတ်၊ နံက်စာစရိတ် ဆိုပါစို့၊ ဘဏာ/အခွန် က ထုတ်တဲ့ နိုင်ငံအလိုက် နှုန်းတွေမှာ ၀န်ကြီး၊ ဒုဝန်ကြီးအဆင့်ဆိုရင် ရိုးရိုးလူထက် (၂)ဆ ရနေပါတယ်၊
ဒီတော့ ပြည်ထောင်စုအဆင့်ကတော့ အဲဒီအောက် လျော့မယ် မဟုတ်ပါ၊ တဆက်တည်းပြောရရင် လေယာဉ်စီးတဲ့အခါ Economy Class စီးမှာ မဟုတ်ပဲ၊ Business Class / First Class တွေ စီးကြရင် အခွန်ထမ်းပြည်သူတွေ ခါးချည့်တော့မှာပေ့ါ၊
လေယာဉ်ခ က (၂)ဆ (၃)ဆ လေ။ ဟိုတယ်တည်းပြန်တော့ ရိုးရိုး (၁)ယောက်န်း / (၂)ယောက်ခန်း မဟုတ်ပဲ ဧည့်ခန်းပါတဲ့ Junior Suite, Executive Suite ကို မျက်စပစ်ဦးမှာ ရှိသေးရဲ့။ ပြည်တွင်းလဲ ပြည်တွင်းအလျောက်ပါပဲလေ။
(၂) လွှတ်တော်ဥက္ကဌတွေ ထုတ်တဲ့ အမိန့်က အုပ်ချုပ်ရေးပိုင်းကို အမိန့်ပေး စေခိုင်းနေတာ၊ ပေးကို ပေးရမည် ဆိုတာ ရော ဟုတ်ပါရဲ့လား။
ပြည်ထောင်စု အစိုးရ သာမက ပြည်နယ်/တိုင်း အစိုးရ တွေကိုပါ အမိန့်ပေးလို့ ရ-မရ သံသယ ဖြစ်မိပါတယ်။ ပေးခွင့် ရှိ- မရှိလေ။
၆၀၀ ကျော်သော အမတ်တွေ ခရီးသွားရင် ရောက်ရာအရပ်မှာ ပြည်ထောင်စုအဆင့် နှင့် လျော်ညီစွာ ပေးရမဲ့ အုပ်ချုပ်မှု နှင့် နေရာထိုင်ခင်းကိစ္စ တွေ က ပြည်သူတွေကို ဘယ်လောက် ၀န်ထုပ်ဝန်ပိုး ဖြစ်စေမယ်ဆိုတာ စဉ်းစားကြပါလို့ တိုက်တွန်းချင်တယ်၊
စီစဉ်ပေးတာတွေလဲ ယူ၊ ခံစား၊ ပြီးတော့ အပိုဒ်(၁) က နှုန်းထားလေးတွေလဲ အပြည့်အ၀ ပြန်ထုတ်၊ သပိတ်ဝင် အိတ်ဝင် ဟုတ်နေကြပြန်ရော။
(၃) လုပ်ထုံးလုပ်နည်းပိုင်း ဆက်ပြောရင် လိုရာမရောက်မှာမို့ ထားလိုက်ပါဦးမယ်။
(၄) အခု အဓိက ပြောချင်တာက ရပိုင်ခွင့်တွေ ခံစားခွင့်တွေ တောင်းတာ မဟုတ်ပါဘူးဆိုထားတဲ့ အမတ်မင်းတို့အပြော နဲ့ ဥက္ကဌတွေ ထုတ်ထားတဲ့ အမိန့်တွေ ရှေ့နောက် မညီတာတွေ့လို့ သံသယ ဖြစ်မိတာ အမှန်ပါ။
(၅) နောက်ထပ် ဘ၀င်မကျခဲ့တဲ့ စကားအသုံးအနှုန်းတစ်ခုကိုလည်း ထောက်ပြချင်သေးတယ်၊ စကားကပ်ပြောတာ မဟုတ်ပါ၊ ဒီကိစ္စမှာ အကျယ်အကျယ် ဖြစ်စေအောင် စ လိုက်တဲ့အပြော ဖြစ်နေလေမလားလို့ပါ၊ ဘာတဲ့ ခုံရုံးမှာ သွားရောက်ကြားနာတဲ့အခါ " တစ်နာရီလောက် မတ်တပ်ရပ်ပြီး နားထောင်ခဲ့ရတာနဲ့ မတန်စွာ " ဆိုတဲ့ လွှတ်တော် ဒုဥက္ကဌရဲ့ ပြန်လည် တင်ပြ စကားပါပဲ။
(၆) တရားရုံး၊ ခုံရုံးတွေ ဆိုတာ နိုင်ငံတကာမှာလဲ အတူတူပါပဲ စနစ်မတူပေမဲ့ တ၇ားရေးမဏိုင် လုပ်ထုံးလုပ်နည်းတွေတူညီကြပါတယ်၊ စီရင်ချက်ချတာ ဆုံးဖြတ်ချက်ဖတ်ပြတာတွေမှာ မတ်တပ်ရပ်ပြီး နားထောင် နာခံရစမြဲ ဖြစ်ပါတယ်၊ ကျန်းမာရေးကြောင့် ရေရှည် မရပ်နိုင်ရင်လဲ ခွင့်တောင်းလို့ ရနိုင်ပါတယ်၊
အီဂျစ်သမ္မတ မူဘာရက် လို ဆေးရုံ ကုတင်နဲ့ တရားရုံးမှာ လာပါတယ်၊
နောက်တစ်ချက်က " မတန်စွာ " အသုံးအနှုန်းပါ၊ ပြည်သူ့ကိုယ်စားလှယ်ကြီးတစ်ယောက်က တစ်နာ၇ီလောက် မတ်တတ်ရပ်ရတာကို မတန်ဘူး လို့ ပြောတာကို အတော်ပဲ နားလည်ရ ခက်သွားပါတယ်၊ ပြည်သူ့အသံ .......ပြည်သူ့.......ပြည်သူ့...... တွေ ပလူပျံနေပြီး ပြည်သူအတွက် ဆင်ဖမ်းမယ် ကျားဖမ်းမယ် ဆိုတဲ့ အမတ်တယောက်က တစ်နာရီလောက် ရပ်ရတာ ကို နာကျည်းစွာ တင်ပြတယ်ဆိုတော့..... (မိမိတို့ဖာသာ ဆက်တွေးကြည့်ကြပါတော့)
အဲတော့ ဆက်ပြောရရင် ဒီ ဒေါသ သင့်တဲ့ အဲဒီစကားက ကနေ့ ဆက်ဖြစ်နေတဲ့ ပွဲ ရဲ့ မီးပွားတပွင့်လားလို့ တွေးမိပြန်ပါတယ်။
(၇) ပြည်ထောင်စု အဆင့် မဟုတ်တာနဲ့ပဲ ဆိုင်ရာ ဌာန ၀န်ကြီးတွေကိုခေါ်မေးလို့ မရတော့ဘူး ဆိုတာရော ဟုတ်ပါရဲ့လား။ ခေါ်မေးတိုင်းရော ၀န်ကြီးကိုယ်တိုင်လာဖြေဖို့ ပြဌာန်းထားတာ သေချာရဲ့လား၊ ၀န်ကြီး ၊ ဒု ၀န်ကြီး ဘယ်သူ ဖြေဖြေပေ့ါဗျာ၊ သူတို့ ကိုယ်စား ညွှန်ချုပ်လောက်က ဖြေရင်ရော လက်မခံ နိုင်ဘူးလား။ ၀န်ကြီးဌာနကိုယ်စားပြု ဖြေတဲ့ အဖြေ မဟုတ်ဘူးလား၊ ခုတော့ လွှတ်တော်ခေါ်ထားတုန်း ၀န်ကြီး၊ ဒုဝန်ကြီးတွေ ဘာမှ မလုပ်ရဘဲ ထိုင်စောင့်နေရမှာလား၊ အဓိပါယ် ရှိကြရဲ့လား၊
(၈) တခြားနိုင်ငံတွေမှာလဲ လွှတ်တော်တွေရှိကြပါတယ်၊ ဒီလို ဒီလောက်မဟုတ်ပါဘူး၊ သံတမန်နည်းလမ်းအရ ကြီးစဉ် ၀ါစဉ် တန်းစီဇယား မှာသာ ဘယ်အဆင့်နဲ့ ညီတယ် သတ်မှတ်တာဖြစ်ပါတယ်၊ ခံစားခွင့်ဆိုတာလည်း လွှတ်တော်ရုံးတွေက သတ်မှတ်ပြဌာန်းထားတဲ့ အတိုင်းသာ ဖြစ်ပါတယ်၊ မြန်မာပြည်သွားတဲ့ အမတ်တယောက်ဆို သာမန် နိုင်ငံကူးလက်မှတ် နဲ့သွားတာပါ၊ ဥပမာ- နိုင်ငံတကာစံနှုန်းတွေအရ (၉)နာရီလောက် လေယာဉ်စီးပြီးရင် ညအိပ် ရပ်နားရတာမျိုး၊ ရိုးရိုးတန်းအစား business class စီးတာမျိုးလောက်ပဲ တွေ့ဖူးပါတယ်၊
မကြာသေးမီက ပြင်သစ် သမ္မတအသစ်က ဂျာမနီ သွားတာ၊ ဈေးကြီးတဲ့ နိုင်ငံတော်ပိုင် ပြင်သစ်လေကြောင်း မစီးဘဲ ဈေးသက်သာတဲ့ အဲ ဘာလင် ဆိုတဲ့ ချွေတာရေးလေကြောင်းလိုင်းကို စီးသွားတာ သတင်းမှာ တွေ့ရပါတယ်၊ တနာရီသာသာ ခရီးပါ။
ကဲ ကဲ လိုရင်းကို အဓိက ပြောချင်တာဖြစ်လို့ ဒီမှာပဲ ရပ်ပါရစေ။
No comments:
Post a Comment