အာဏာရှင် ဂိမ်းသီအိုရီ နိဒါန်း

အာဏာရှင် ဂိမ်းသီအိုရီ နိဒါန်း ၊ Introduction of Dictator Game Theory

Written by ဒေါက်တာခင်မောင်ညို

Sunday, 02 September 2012 14:46

''ဂိမ်းသီအိုရီကို အာဏာရှင်တွေနဲ့ တိုက်ပွဲဝင်တဲ့နေရာမှာ သုံးလို့ရတယ်'' ''ဘယ်လိုသုံးလဲ''တစ်နေ့တွင် ကိုဘသစ် အိမ်ရောက်လာကာ ဂိမ်းသီအိုရီအကြောင်း ရှင်းပြသည်။ ကျွန်တော်က ဂိမ်းသီအိုရီကို မကျွမ်းကျင်ပါ။ သူပြောသမျှ သိတတ်သမျှတွေကို လေ့လာနေပါသည်။ ''ဂိမ်း သီအိုရီနဲ့ ပတ်သက်ပြီး ဒီလိုမေးခွန်းတွေ ထုတ်ကြည့်ရအောင်'' ''ပြောပါ'' ''အာဏာရှင်တွေ အမြဲပဲ အထက်စီးရ နေမှာလား။ အာဏာရှင်တွေ ဘာကြောင့် ဒီလိုအထက်စီးကရတာလဲဆိုတဲ့ မေးခွန်းကို ဖြေနိုင်မှာလား'' ''လူချင်းအတူတူ သူတို့ အထက်စီးရတာ တွေ့ဖူးတယ်။ ကိုလိုနီခေတ်က ကျွန်တော်တို့ အရိုးအရင်းတွေပဲ ကိုက်ရတယ်။ ကျွန်တော်တို့လည်း ကောင်းကောင်းစားချင်တယ်။ အိမ်ကောင်းကောင်းနဲ့နေ၊ ကားကောင်းကောင်း စီးချင်ကြတယ်။ ခုထက်ထိ ကျွန်တော့်အနေနဲ့ သူတို့ဘာကြောင့် အထက်စီးရောက်တယ်ဆိုတာကို မဆန်းစစ်ဖူးပါဘူး'' ''လူတွေလောဘကြောင့် ဒီလိုအာဏာရှင်တွေက အပေါ်စီးရ အုပ်ချုပ်နိုင်တယ်လို့ ဆိုတယ်။ ဂျပန်ခေတ်က စကားပြန်တွေကို မုန်းကြတယ်။ သူတို့ဟာ ပုဆိန်ရိုးတွေလို ဖြစ်သွားတယ်။ လူရိုးတွေကို ပိုက်ဆံပေးတယ်။ လုပ်ပိုင်ခွင့်နဲ့ မျှားခေါ်တယ်။ ဒီလိုလူတွေက သူတို့ကို အခွင့်အလမ်းပေးသူတွေကို ကျေးဇူးရှင်လို့ သဘောထားပြီး ကာကွယ်စောင့်ရှောက်ကြတယ်'' ''မြန်မာတွေက တစ်လုတ်စားဖူး သူ့ကျေးဇူးဆိုတာ ရှိတယ်မဟုတ်လား'' ''ဒီလိုနဲ့ အာဏာရှင်တွေရဲ့ လုပ်ပိုင်ခွင့်တွေ များလာတယ်။ အာဏာရှင်ကို အခွင့်အလမ်းတွေ ပေးလိုက်သလို ဖြစ်နေတယ်။ မူလကတည်းက တစ်ဖက်စောင်းနင်းဖြစ်နေတဲ့ လူမှု ရေးကွန်ရက်(Social Network) မှာ အာဏာရှင်ဟာ တဖြည်းဖြည်းနဲ့ တန်ခိုးတွေ ထွားလာတော့တယ်။'' ''ဒီခေတ်မှာတော့ ဒီလို ပေါင်းစားနေသူတွေကို ခရိုနီတွေလို့ ခေါ်တယ်မဟုတ်လား'' ''Crony ရဲ့ မူလအဓိပ္ပာယ်ကတော့ မိတ်ဆွေကောင်း မိတ်ဆွေဟောင်းတွေပါပဲ။ ရှေး Dictionary ထဲမှာ ဒီလိုပဲ။ မိတ်ဆွေကောင်း မိတ်ဆွေဟောင်းလို့ပဲ ရေးတယ်။ ဒါပေမယ့် ဒီနေ့ထွက်တဲ့ Dictionary မှာကတော့ အာဏာရှိသူများနှင့် ပေါင်းစားနေကြသူ စီးပွားရေးသမားတွေများလို့ ဆိုထားပါတယ်'' ''အာဏာရှိသူအပါး မြှောက်ပင့် စားသောက်တဲ့သူတွေ အများကြီးရှိပါတယ်။ လူတွေဟာ ဆင်းရဲမှာ ကြောက်ကြတယ်။ ဒုက္ခရောက်မှာ ကြောက်တယ်။ ဒီလိုနဲ့ လုပ်ပိုင်ခွင့်ရှိသူတွေနဲ့ ပူးပေါင်း အလုပ်လုပ်လာကြတယ်'' ''ဟုတ်ပါတယ် ဒါဟာ နားမလည်တဲ့ လူသားတွေရဲ့ ဓလေ့စရိုက် ဖြစ်လာတယ်။ ခရိုနီတွေဟာ လူသားတွေရဲ့ ဓလေ့စရိုက်ကို အရင်းတည်ပြီး ပါဝါကိုတည်ဆောက်တယ်။ ဒီလိုတန်ခိုးကြီးထွားလာတဲ့ အာဏာရှင်ကို အနိုင်ယူဖို့ ခဲယဉ်းလာတော့တာပါပဲ'' 'မြန်မာ့ဒီမိုကရေစီအရေးကို ပြန်ကြည့်ပါမယ်။'' ကိုဘသစ်က သူရဲ့ ဂိမ်းသီအိုရီကို ရှေ့တန်းတွန်းတင်နေတယ်။ ''ကျွန်တော်တို့ရဲ့ မိတ်ဆွေများဟာ အနစ်နာခံပြီး တိုက်ပွဲဝင်ကြတယ်။ အသေခံတယ်။ အပင်ပန်းခံကြပါတယ်။ ဒါပေမဲ့ စော စောကပြောတဲ့လူ ဗီဇကြောင့် လူတွေဟာ (လူသားပီသစွာပဲ) အသက်ရှင် ရပ်တည်ရေးအတွက် ဆောင်ရွက်လာတယ်။ သူတို့အထဲမှာ အချို့ဟာ ချမ်းသာတဲ့လမ်းစကို တွေ့လာတယ်၊ အချို့က ခရီးသွားဟန်လွှဲဆိုသလို မိမိ အကျိုးအမြတ်ကို ဦးစားပေးလာတယ်''   လာဘ်စားတာတွေ အားလုံးဟာ အသက်ရှင်ရပ်တည်ရေး Survial အတွက်ပါပဲ။ နောက်တဖြည်းဖြည်းနဲ့ အကျင့်ပါလာတယ်။ Mind Set ဖြစ်လာတယ်။ လူအများကတော့ ဒါကိုသတိထားမိပေမယ့် အကျိုးဆက်တွေကို သဘောမပေါက်ဘူး။ တကယ်တမ်း ဒါတွေဟာ အာဏာရှင်တွေ တည်မြဲစေဖို့ လမ်းစတွေပါပဲ။ ဆက်လက်ပြီး တိုင်းပြည်ပျက်တာ လာဘ်စားတာကစတယ်       ''ဒီလိုဖြစ်လာတဲ့သူတွေ အများကြီးပါ။ လူတွေဟာ ဆင်းရဲဒဏ်ကိုခံနိုင်တယ်။ ချမ်းသာတဲ့ဒဏ်ကို မခံနိုင်ကြတာမျိုးတွေပဲ မဟုတ်လား။'' ''ဒီတော့ ဒီလိုဒီမိုကရေစီအတွက် တိုက်ပွဲဝင်ကြရင်း စိတ်ဝမ်းကွဲမှုတွေ ဖြစ်လာတော့တာပါပဲ။ ဒါဟာ သဘာဝပါ။ ဒီဘက်ခေတ်မှာ နိုင်ငံတော်တော်များများကို ပြန်ကြည့်ရင် ဆယ်စုနှစ် သုံးလေးစုလောက် ကြာလာတဲ့အခါ ဘယ်သူက အနိုင်ရလာလဲ။ အနိုင်ရလာသူက အာဏာရှင် ဖြစ်လာတာကို တွေ့ရပေမယ်'' ''ဘာလို့ ဒီလိုဖြစ်တတ်တာလဲ'' ''လူတွေဟာ အရိုအသေ ခံချင်တာပဲလေ။ ချမ်းသာတဲ့အာဏာရှင်တွေဟာ အနေချောင် အစားချောင်သလို ပတ်ဝန်းကျင်လူတွေဟာလည်း အရိုး အရင်းလေးတွေသာမက အဆီအသားတွေကိုပါ ရလာတယ်'' ''ခရိုနီတွေနဲ့ သူနဲ့ပတ်သက်တဲ့သူတွေ ချမ်းသာလာကြတာကို တွေ့ရတယ်'' ''ဒီလိုပတ်သက်တဲ့ လူတွေဟာလည်း ဥပဒေကို မျက်ကွယ်ပြုထားတဲ့နေရာမှာ ကြီးနိုင်ငယ်ညှဉ်းပုံစံကို အသား ကျလာတယ်။ ယာဉ်စည်းကမ်းဖောက်ဖျက်မှု ဥပမာတစ်ခုကို တင်ပြမယ်။ မြန်မာပြည်မှာပေါ့ ရဲကဖမ်းဆီးအရေးယူတဲ့အခါ ဘယ်လိုတုံ့ပြန်လဲ'' ''ရဲဖမ်းရင် ပိုက်ဆံပေးလိုက်ရင်ပြီးတယ် မဟုတ်လား'' ''ဟုတ်ပါတယ်၊ မိတ်ဆွေတစ်ဦးက သူ့ရဲ့သီအိုရီကို တင်ပြတယ်။ ခင်ဗျားတို့ကတော့ ရဲဖမ်းရင် ပိုက်ဆံပေးလိုက်တာကို ဥပဒေမဲ့လို့ ပြောမှာပေါ့၊ မှန်ပါတယ် သူ့ကိုကျွန်တော်လည်း ပြောပြပါတယ်။ ''ဒါအကျင့်ပျက်တာပဲ''ဆိုတော့ သူက ''နိုင်ငံခြား တိုင်းပြည်တွေမှာကော ဒီလိုပဲ ရဲဖမ်းရင်ဘာလုပ်လဲ'' ဆိုတော့ ကျွန်တော်က သူ့ကို ပြောပြတယ် ''အပြစ်ပေါ်မူတည်တယ်၊ တရားရုံးတက်ရတာတွေ ဒဏ်ငွေဆောင်ရတာတွေ ရှိတတ်တာပါပဲ''လို့ ပြော တော့ သူက ''ဒဏ်ငွေဆောင်တယ်ဆိုတာ ပိုက်ဆံပေးတာပဲလေ။ ကျုပ်လည်း ပိုက်ဆံပဲပေးတာပဲပေါ့'' ဒါကို အကျင့်ပျက်မှု Corruption လို့ သူသဘောပေါက်ဟန် မတူသေးဘူး။ သဘောပေါက်ရင်လည်း သူ့အနေနဲ့ အဆင်ပြေနေသေးသရွေ့တော့ ဒါကို ပိုသဘောကျနေတာ အသေအချာပါ'' ''ဟုတ်တယ်လေ၊ အကျင့်ပျက်တယ်လို့ မမြင်ဘူး၊ မြင်ရင်လည်း အသေးအမွှားလို့ ယူဆနေတယ်'' ''လေ့လာလိုက်ရင် Corruption ဆိုတဲ့ ခြစားမှုတွေဟာ အများကြီးပဲ။ ဒါတွေဟာ လူမှုအသိုင်းအ၀ိုင်းကို ဒုက္ခပေးနေတာကို သဘော မပေါက်ကြဘူး'' ''ရုတ်တရက်လည်း သဘောပေါက်ဖို့ မလွယ်ဘူး။ ဂိမ်းသီအိုရီအရ ပြောရရင်တော့ ဒါဟာ လူ့သဘာဝပဲ။ ရဲကလည်း အာဏာသုံးတယ်။ ပိုက်ဆံ ယူတယ်လေ။ အပြစ်ရှိတယ်လို့ အစွပ်အစွဲခံရသူကလည်း အဆင်ပြေအောင် လုပ်မယ်လို့ စိတ်ကူးထားတာပါပဲ။'' ''ဒီလိုနဲ့ပဲ နိုင်ငံတစ်နိုင်ငံလုံး ခြစားလာနေတာကိုး၊ ခြစားတယ်ဆိုတာ အကျင့်ပျက်တာ (Corruption) ဖြစ်တာကို ပြောတာပါပဲ။ ကျွန်တော် ခင်ဗျားကို အဖြစ်တစ်ခု ပြောပြမယ်'' ကိုဘသစ်က အောက်ပါအတိုင်း ပြောပြသည်။ ''အင်း စဉ်းစားတဲ့ ပုံစံက နည်းနည်းကွာဟနေတယ်၊ ဒါကြောင့် အစကရိုးတဲ့ အစိုးရလို့ ပြောတာ'' ''ဟုတ်ပါတယ်။ ဒါနဲ့ပဲ ဒီမိုကရေစီဂိမ်းမှာ အာဏာရှင်တွေက အနိုင်ရသွားတတ်တာကို သတိထားရမယ်၊ ကျွန်တော်က တစ်ပိုင်းတစ်စသုံးသပ် တင်ပြထားတာပါ။ ဘယ်သူ့ကိုမှ အပြစ်တင်နေတာ မဟုတ်ပါဘူး။'' ''ကဲ ကိုဘသစ်၊ ခင်ဗျားဂိမ်းသီအိုရီ နိဂုံးလေးပြောပြပါ'' ''နိဂုံးချုပ်ရရင်တော့ ဂိမ်းတွေကို ကစားတဲ့အခါ တစ်ယောက်နဲ့တစ်ယောက် ပွင့်လင်းမှုရှိမှ လိုအပ်တဲ့အဖြေတွေကို ရရှိတယ်၊ အနိုင်အရှုံး သိသာထင်ရှားတယ်၊ ဥပမာ စစ်တုရင်ကစားပွဲ ဆိုပါတော့ တစ်ဖက်နဲ့တစ်ဖက် လှုပ်ရှားမှုတွေအားလုံးကို မြင်နေရတယ်''ပွင့်လင်းတယ်ဆိုရင် ကောင်းတယ်၊ မျှတမှုလည်း ရှိမှာပေါ့'' ''ဒါပေမဲ့ Dictator ကတော့ သူ့စည်းမျဉ်းသူဆွဲပြီး ပွင့်ပွင့်လင်းလင်း မရှိကြဘူး။ ရွေးကောက်ပွဲတွေမှာ မဲခိုး တာတွေမျိုးရှိရင်တော့ ကစားပွဲဟာ တစ်ဖက်စောင်းနင်း ဖြစ်လာတာပေါ့'' ''နောက်ဆုံး အာဏာရှင်တွေ အနိုင်ရလား'' ''တစ်ဖက်အသင်းက ဘုရင်မကို ထုတ်ခိုင်းထားတာမျိုးတွေနဲ့ အနိုင်ရအောင် လုပ်တတ်ပါတယ်၊ ဒါဟာ မတရားတဲ့ ကစားပွဲတွေပါ'' ''တစ်ဖက်က ဘုရင် Dictator သေသွားရင် ဒါမှမဟုတ် ဖယ်ရှားခံရရင် ပွဲပြီးသွားပြီ။ Game over ပေါ့။ ဘုရင်ဘာမှ မလုပ်နိုင်ဘဲ ပိတ်နေရင်လည်း Game over  ဖြစ်သွားတာပါပဲ'' ''လက်တွေ့မှာလည်း စစ်တုရင်ပွဲ (Chess Game) လိုပဲပေါ့နော်'' ''ဟုတ်တယ်၊ အားပြိုင်နေတဲ့အခါ ဂိမ်းသီအိုရီက တကယ်အရေးပါပါတယ်။ နိုင်ငံရေး စီးပွားရေးတွေအားလုံးမှာ အရေးပါတဲ့ကဏ္ဍမှာ နေရာရနေပါတယ်။ ယနေ့ကျွန်တော်တို့ရဲ့ ဂိမ်းတွေကိုလည်း ပညာရှင်များ ဆန်းစစ်ဖို့လိုမယ် ထင်ပါတယ်။''

Comments