နိုင်ငံတော်သမ္မတဦးသိန်းစိန် (၉) ကြိမ်မြောက် အာရှ-ဥရောပ မျက်နှာစုံညီ ထိပ်သီး အစည်းအဝေးတွင် စိုက်ပျိုးရေး၊ စားနပ်ရိက္ခာဖူလုံရေးတို့နှင့် စပ်လျဉ်း၍ ဆွေးနွေးပြောကြား 

Wed, 11/07/2012 - 12:14

နေပြည်တော်နိုဝင်ဘာ၆

နိုဝင်ဘာ ၆ ရက် နံနက်ပိုင်းနှင့် မွန်းလွဲပိုင်းတို့တွင်  လာအိုပြည်သူ့ ဒီမိုကရက်တစ် သမ္မတနိုင်ငံ၌ ကျင်းပသည့် (၉) ကြိမ်မြောက် အာရှ-ဥရောပ မျက်နှာစုံညီ ထိပ်သီးအစည်းအဝေး၌ နိုင်ငံတော်သမ္မတ ဦးသိန်းစိန်ကစိုက်ပျိုးရေး၊ စားနပ်ရိက္ခာဖူလုံရေး တို့နှင့် စပ်လျဉ်း၍ ဆွေးနွေးပြောကြားခဲ့သည်။

အဆိုပါပြောကြားချက်အပြည့်အစုံမှာအောက်ပါအတိုင်း ဖြစ်သည်-

အဆွေတော်ဝန်ကြီးချုပ်မစ္စတာသွန်ဆင်းသမာဗောင်၊

အဆွေတော်နိုင်ငံတော်အကြီးအကဲများနဲ့ ဝန်ကြီးချုပ်များ၊

ကိုယ်စားလှယ်တော်များခင်ဗျား၊

အာရှနိုင်ငံများနဲ့ ဥရောပနိုင်ငံများအကြား အပြန်အလှန် အကျိုးဖြစ်ထွန်းစေမယ့် ပူးပေါင်း ဆောင်ရွက်မှုများကို အရှိန်အဟုန်မြှင့်တင် ဆောင်ရွက်သွားနိုင်ဖို့အတွက် အရေးပါတဲ့  ယခု ထိပ်သီးအစည်းအဝေးကို ဖြစ်မြောက်အောင် အိမ်ရှင်အဖြစ် ခမ်းနားသိုက်မြိုက်စွာ လက်ခံ ကျင်းပပေးတဲ့ လာအိုနိုင်ငံအစိုးရကို ဝမ်းမြောက်ဂုဏ်ယူပါကြောင်း ဦးစွာပထမ ပြောကြား လိုပါတယ်။

ကျွန်တော်တို့ စတင်ရောက်ရှိတဲ့အချိန်မှစ၍ နွေးထွေးပျူငှာစွာ ကြိုဆိုမှုများနဲ့ ဧည့်ဝတ်ကျေပွန်မှုများအတွက်လည်း လာအိုနိုင်ငံပြည်သူများနဲ့အစိုးရကို အထူးပဲကျေးဇူး တင်ရှိပါတယ်။

တကယ်တော့ ကျွန်တော့်အနေနဲ့ ယခုကျင်းပတဲ့(၉) ကြိမ်မြောက် အာရှ-ဥရောပ ဆွေးနွေးပွဲ (အေဆမ်) ထိပ်သီးအစည်းအဝေးမှာ ပထမဆုံးအနေနဲ့ ပါဝင်တက်ရောက်ခွင့် ရတဲ့ အတွက်လည်းများစွာဝမ်းမြောက်မိပါတယ်။

အေဆမ်တွင် အဖွဲ့ဝင်သစ်များအဖြစ် ပါဝင်လာကြတဲ့နော်ဝေ၊ ဆွစ်ဇာလန်နဲ့ ဘင်္ဂလားဒေ့ရှ် နိုင်ငံတို့ကိုလည်း ကျွန်တော့်အနေနဲ့ ဝမ်းမြောက်ဂုဏ်ယူပါကြောင်းနဲ့ လှိုက်လှဲစွာ ကြိုဆိုပါကြောင်း ပြောကြားလိုပါတယ်။

ယနေ့ အစည်းအဝေးမှာ ကျွန်တော့်အနေနဲ့ အလေးထား ပြောကြားလိုတာကတော့ လယ်ယာစိုက်ပျိုးရေးနဲ့ စားနပ်ရိက္ခာလုံခြုံရေးကဏ္ဍပဲ ဖြစ်ပါတယ်။

အဆွေတော်တို့ သိရှိကြတဲ့အတိုင်း လက်ရှိကမ္ဘာ့လူဦးရေသန်းပေါင်း ၇ဝဝဝကျော်ရှိတဲ့ အနက်က လူဦးရေသန်း ၁ဝဝဝ နီးပါးတို့ဟာ စားနပ်ရိက္ခာ မလုံလောက်မှုကြောင့် ဆင်းရဲ ငတ်မွတ်မှုကို ခံစားလျက် ရှိကြပါတယ်။

ကမ္ဘာ့လူဦးရေဟာ တစ်နေ့တခြား တိုးပွားနေခြင်း၊ မြို့ပြအိမ်ရာများ တိုးချဲ့ခြင်း၊ ဖွံ့ဖြိုးဆဲ နိုင်ငံတွေမှာ စက်မှုဖွံ့ဖြိုးရေးအတွက် စက်ရုံများ၊ စက်မှုဇုန်များ တိုးချဲ့တည်ထောင်ခြင်းနဲ့ မမျှော်မှန်းနိုင်တဲ့ ကမ္ဘာ့ရာသီဥတု ဖောက်ပြန်ခြင်းတို့ကြောင့် စိုက်ပျိုး/မွေးမြူ ထုတ်လုပ်သော သီးနှံနှင့် သားငါးတိရစ္ဆာန်များ ပျက်စီးဆုံးရှုံးရမှုတွေကြောင့် စားနပ်ရိက္ခာ လုံခြုံရေးဟာ အရေးပါတဲ့ စိန်ခေါ်မှုကြီးတစ်ရပ်ဖြစ်လျက်ရှိပါတယ်။

အဲ့ဒီလို လူသားထုတစ်ရပ်လုံးအတွက် အခြေခံကျပြီး မရှိမဖြစ် လိုအပ်တဲ့စားနပ်ရိက္ခာကို ဖူလုံလောက်ငအောင် ဖြည့်တင်းပေးနိုင်ဖို့ဆိုရင် ကမ္ဘာ့နိုင်ငံများအနေနဲ့ စားနပ်ရိက္ခာ စိုက်ပျိုးရေးအပိုင်းမှာရော ထုတ်လုပ်ဖြန့်ဖြူးမှု အပိုင်းမှာပါ ယခုထက် ပိုမိုတိုးမြှင့် ဆောင်ရွက် သွားကြရမှာ ဖြစ်ပါတယ်။

ဒီနေရာမှာ ကျွန်တော်တို့ မြန်မာနိုင်ငံဟာ စိုက်ပျိုးရေးကို အခြေခံတဲ့နိုင်ငံဖြစ်ပြီး စိုက်ပျိုး နိုင်တဲ့ မြေနဲ့ရေအရင်းအမြစ်များ ကြွယ်ဝတဲ့အပြင် သမမျှတတဲ့ ရာသီဥတုစတဲ့ အခြေခံ ကောင်းတွေ ရှိနေပါတယ်။

ဒါ့အပြင် နိုင်ငံလူဦးရေရဲ့ ၇ဝ ရာခိုင်နှုန်းဟာ ကျေးလက်နေ ပြည်သူများ ဖြစ်ကြပြီး လယ်ယာစိုက်ပျိုးရေး၊ မွေးမြူရေးနဲ့ ရေလုပ်ငန်းတို့အပေါ်မှာ မှီခိုလုပ်ကိုင်နေကြ သူများပဲ ဖြစ်ပါတယ်။

သို့ပေမယ့်လည်း လက်ရှိအခြေအနေမှာ ၎င်းလယ်ယာ လုပ်ကိုင်သူအများစုတို့ဟာ ၎င်းတို့ရဲ့ ဝမ်းစာဖူလုံရေးနဲ့ မိသားစု ရပ်တည်ရေးအတွက်သာ တစ်ပိုင်တစ်နိုင် လုပ်ကိုင် နေကြသူများ ဖြစ်ကြပြီး ကျယ်ကျယ်ပြန့်ပြန့် စီးပွားဖြစ် လုပ်ကိုင်နိုင်ကြခြင်း မရှိသေးတာကို တွေ့ရမှာ ဖြစ်ပါတယ်။

မြန်မာနိုင်ငံမှာ ၁၉၈၈ခုနှစ်က ဈေးကွက်စီးပွားရေးစနစ် စတင်အကောင်အထည် ဖော်ဆောင်ရွက်စဉ်ကတည်းက လယ်ယာကဏ္ဍဆိုင်ရာ ပြုပြင်ပြောင်းလဲမှုများ အပါအဝင် ပုဂ္ဂလိကမှ ပါဝင်ဆောင်ရွက်နိုင်ဖို့ မူဝါဒများ ချမှတ်ဆောင်ရွက်ခဲ့သော်လည်း သိသာတဲ့ တိုးတက်မှုများ မရှိသေးကြောင်း ပြည်တွင်းနဲ့ နိုင်ငံတကာပညာရပ်များက ထောက်ပြ ပြောဆိုနေကြပါတယ်။

ဒါဟာလည်း ကျွန်တော်တို့နိုင်ငံမှာ ဖွံ့ဖြိုးတိုးတက်မှု နောက်ကျနေခဲ့ရတာရယ်၊  ကမ္ဘာ့ ခေတ်မီဖွံ့ဖြိုးတိုးတက်တ နိုင်ငံကြီးများရဲ့ ပိတ်ဆို့အရေးယူမှုတွေကြောင့် လိုအပ်တဲ့ ခေတ်မီ နည်းပညာ၊ အတွေ့အကြုံ၊ ချေးငွေနဲ့  ရင်းနှီးမြှုပ်နှံမှုများ မရရှိခဲ့တာဟာလည်း မိရိုးဖလာ လက်မှုလယ်ယာအဆင့်မှ စက်မှုလယ်ယာအဆင့်သို့ ကူးပြောင်းနိုင်ရေးနဲ့ လယ်ယာ ထွက်ကုန်များ ပြည်ပဈေးကွက်သို့ ရောက်ရှိအောင် တင်ပို့နိုင်ရေးမှာ များစွာအဟန့် အတားများ ဖြစ်ခဲ့ရပါတယ်။

မြန်မာနိုင်ငံရဲ့ လယ်ယာကဏ္ဍဆိုင်ရာ နိုင်ငံခြား ရင်းနှီးမြှုပ်နှံမှုကို ကြည့်ပါက သုညဒသမ ၄၈ ရာခိုင်နှုန်းသာရှိပြီး အခြားသော ကဏ္ဍများနှင့် နှိုင်းယှဉ်ပါက အနည်းဆုံးပင် ဖြစ်ပါတယ်။

ယခင်တစ်ချိန်တစ်ခါက ကျွန်တော်တို့ရဲ့ မြန်မာနိုင်ငံကို ''အာရှရဲ့ စပါးကျီ'' (Rice Bowl of Asia) လို့တောင် တင်စားခေါ်ဆိုရလောက်အောင် မြန်မာနိုင်ငံမှ တင်ပို့တဲ့ဆန်ဟာ ကမ္ဘာ့ နိုင်ငံများသို့ ကျယ်ကျယ်ပြန့်ပြန့် ဖြန့်ဖြူးနိုင်ခဲ့ပါတယ်။

လက်ရှိအချိန်မှာလည်း မြန်မာနိုင်ငံဟာ ဆန်စပါးကို အဓိက စိုက်ပျိုးတဲ့နိုင်ငံ ဖြစ်ပြီး၂ဝ၁၁-၂ဝ၁၂ခုနှစ်မှာ စုစုပေါင်းစိုက်ဧရိယာဟက်တာ သန်းပေါင်း ၂၂ဒသမ ၅သန်း ရှိတဲ့ အနက်က ဆန်စပါး စိုက်ဧရိယာဟာ ဟက်တာ ၇ ဒသမ ၅၉ သန်း ရှိတာကြောင့် စုစုပေါင်း စိုက်ပျိုးမြေ ဧရိယာရဲ့ ၃၃ ဒသမ ၈ ရာခိုင်နှုန်း ရှိပါတယ်။

ပဲမျိုးစုံနဲ့ ဆီထွက်သီးနှံများ စိုက်ပျိုးမှုဟာ စပါးသီးနှံပြီးပါက စိုက်ပျိုးမြေဧရိယာ အများဆုံး ဖြစ်ပါတယ်။ မြန်မာနိုင်ငံရဲ့ ဆန်စပါးစိုက်ပျိုး ထုတ်လုပ်မှုဟာ ၁၉၉၆-၁၉၉၇ ခုနှစ်မှ ၂ဝ၁၁-၂ဝ၁၂ခုနှစ်အတွင်း ၈၄ ဒသမ ၃ ရာခိုင်နှုန်း တိုးတက်ခဲ့ပြီး ပဲမျိုးစုံစိုက်ပျိုး ထုတ်လုပ်မှု ဟာ၂၉၅ ရာခိုင်နှုန်း တိုးတက်ခဲ့ပါတယ်။ ပဲမျိုးစုံ စိုက်ပျိုးထုတ်လုပ်မှုနဲ့ တင်ပို့ ရောင်းချမှုမှာ မြန်မာနိုင်ငံဟာ အာဆီယံရဲ့ ဦးဆောင်နိုင်ငံအဖြစ် ရပ်တည်လျက် ရှိပါတယ်။

မြန်မာနိုင်ငံအနေနဲ့ အပြည်ပြည်ဆိုင်ရာ ဒေသတွင်း စားနပ်ရိက္ခာဖူလုံရေး ကြိုးပမ်းမှု လုပ်ငန်းများမှာလည်း တက်ကြွစွာ ပါဝင်လျက် ရှိပါတယ်။

အာဆီယံ ပူးပေါင်းဆောင်ရွက်မှု မူဘောင်အရ ဆောင်ရွက်လျက်ရှိတဲ့ အာဆီယ စားနပ်ရိက္ခာ ဖူလုံမှု ဘုတ်အဖွဲ့၊ စားနပ်ရိက္ခာ ဖူလုံရေး သတင်းအချက်အလက် စီမံကိန်းနဲ့ အာဆီယံ အပေါင်းသုံး အရေးပေါ်ဆန်ရိက္ခာ စတဲ့လုပ်ငန်းများမှာ ပူးပေါင်းဆောင်ရွက် လျက်ရှိပါတယ်။

ဒေသတွင်း အရေးပေါ်ဆန်ရိက္ခာ ဖြည့်တင်းရေးအတွက် အရန်ဆန် ပမာဏ စုစုပေါင်း ၈၇ဝဝဝ မက်ထရစ်တန် သတ်မှတ်ထားရှိတဲ့ အနက် မြန်မာနိုင်ငံမှ စုစုပေါင်း အာဆီယံ အရန်ဆန်၏ ၁၆ ရာခိုင်နှုန်းဖြစ်တဲ့ ဆန်မက်ထရစ်တန်ချိန် ၁၄ဝဝဝ ကို ဖြည့်ဆည်းပေးရန် သဘောတူညီထားပြီး ဖြစ်ပါတယ်။

ယခု မြန်မာနိုင်ငံမှာ ကျွန်တော်တို့ အစိုးရအဖွဲ့သစ် စတင်တာဝန်ယူခဲ့တဲ့ အချိန်ကစပြီး နိုင်ငံရေး၊ စီးပွားရေး၊ လူမှုရေးစတ ကဏ္ဍပေါင်းစုံမှာ ပြုပြင်ပြောင်းလဲရေး လုပ်ငန်းစဉ်ကို အရှိန်အဟုန်ဖြင့် ဆောင်ရွက်လျက်ရှိနေရာ လယ်ယာစိုက်ပျိုးရေးနဲ့ ကျေးလက်နေ ပြည်သူများဘဝ ဖွံ့ဖြိုးတိုးတက်ရေးမှ တစ်ဆင့် ဆင်းရဲနွမ်းပါးမှု လျှော့ချရေးကို နိုင်ငံတော်ရဲ့ အဓိကဦးစားပေး အစီအစဉ်တစ်ရပ်အဖြစ် အကောင်အထည်ဖော် ဆောင်ရွက်လျက် ရှိပါတယ်။

ကုလသမဂ္ဂရဲ့ ထောင်စုနှစ် ရည်မှန်းချက် (Millennium Development Goals) (၈) ချက် ချမှတ်ထားတဲ့အနက်က ပထမဆုံး ရည်မှန်းချက်ဖြစ်တဲ့ ဆင်းရဲနွမ်းပါးမှုနှင့် ငတ်မွတ်မှု လျှော့ချရေးအရ လာမယ့် ၂ဝ၁၅ခုနှစ်မှာ မူလအခြေအနေမှ ထက်ဝက်သို့ လျှော့ချရန် ဖြစ်ပါတယ်။

အဲ့ဒီအခြေခံအကျဆုံးသော ရည်မှန်းချက်ကို အကောင်အထည်ဖော်နိုင်ဖို့ လက်ရှိ မြန်မာနိုင်ငံရဲ့ ဆင်းရဲနွမ်းပါးမှု ၂၆ရာခိုင်နှုန်းမှ ၂ဝ၁၅ ခုနှစ်မှာ ၁၆ရာခိုင်နှုန်း သို့ လျှော့ချနိုင်ရေးအတွက် ရည်မှန်းချက် ချမှတ်ဆောင်ရွက်လျက် ရှိပါတယ်။

သို့ရာမှာလည်း လယ်ယာကဏ္ဍ ဖွံ့ဖြိုးတိုးတက်ရေးအတွက် ဈေးကွက်၊ ချေးငေ၊ွ မြေယာပိုင်ဆိုင်မှု မူဝါဒများ ဖြစ်တဲ့ မေခရိုစီးပွားရေးမူဝါဒများ၊ ခေတ်မီစိုက်ပျိုးရေး နည်းပညာ နဲ့ အခြေခံအဆောက်အအုံများမှာ စိန်ခေါ်မှုများ ရှိနေဆဲ ဖြစ်ပါတယ်။

ယခုအခါမှာ ဖွံ့ဖြိုးတိုးတက်တဲ့ နိုင်ငံကြီးများအနေနဲ့ ယခင်က မြန်မာနိုင်ငံအပေါ် ချမှတ်ထားတဲ့ပိတ်ဆို့ ကန့်သတ်မှုများကို လျှော့ချခြင်း၊ ယာယီဆိုင်းငံ့ခြင်းတို့ကို ဆောင်ရွက်လာပြီ ဖြစ်တဲ့အလျောက် ကျွန်တော်တို့ နိုင်ငံအတွက် လိုအပ်လျက်ရှိတဲ့ ပြည်ပမှ ခေတ်မီနည်းပညာ၊ အတွေ့အကြုံ၊ သုတေသန၊ ချေးငွေနှင့် နိုင်ငံခြား ရင်းနှီးမြှုပ်နှံမှုများ ရရှိနိုင်မယ်ဆိုပါက အထက်တွင် ကျွန်တော်ပြောကြားခဲ့တဲ့ အတိုင်း မြန်မာနိုင်ငံမှာရှိတဲ့ စိုက်ပျိုးမြေနဲ့ ရေအရင်းအမြစ် ကြွယ်ဝမှု၊ အလုပ်ကြိုးစားလုပ်ကိုင်လိုတဲ့ လူသားအရင်းအမြစ်များ ရှိနေမှုတို့နှင့် ပေါင်းစပ်ပြီး မှန်မှန်ကန်ကန် နည်းလမ်းတကျ ပူးပေါင်းဆောင်ရွက်သွားနိုင်မယ်ဆိုပါက ကျွန်တော်တို့မြန်မာနိုင်ငံဟာ ပြည်တွင်းမှာ စားနပ်ရိက္ခာ ဖူလုံပိုလျှံတဲ့ အပြင် ဒေသတွင်း၌သာမက စားနပ်ရိက္ခာလိုအပ်မှု ရှိတဲ့ ကမ္ဘာ့ နိုင်ငံများ အတွက်ကိုပင် တစ်ဖက်တစ်လမ်းက ဖြည့်တင်း ပေးသွားနိုင်မယ်ဆိုတာကို အလေးအနက် ယုံကြည်ပါတယ်။

၂ဝ၁၁ခုနှစ်က ထိုင်းနိုင်ငံချင်းမိုင်မြို့မှာ ကျင်းပခဲ့တဲ့ စားနပ်ရိက္ခာ လုံခြုံရေးဆိုင်ရာ အေဆမ် အဆင့်မြင့်အစည်းအဝေးမှာ အေဆမ်အဖွဲ့ဝင်နိုင်ငံများအနေနဲ့ အနာဂတ် ပူးပေါင်း ဆောင်ရွက်မှု နယ်ပယ်များကို သတ်မှတ်နိုင်ခဲ့တဲ့အတွက်ကိုလည်း မြန်မာနိုင်ငံက ကြိုဆိုပါတယ်။

အဆွေတော်များခင်ဗျား၊

အေဆမ်အဖွဲ့ဝင်နိုင်ငံများအနေနဲ့ မြန်မာနိုင်ငံရဲ့ ပင်မစီးပွားရေး အခြေခံဖြစ်တဲ့ လယ်ယာ ကဏ္ဍဖွံ့ဖြိုးတိုးတက်ရေး၊ လူဦးရေအများစုဖြစ်တဲ့ ကျေးလက်ပြည်သူတွေရဲ့ဘဝ တိုးတက်ရေးနဲ့ ထောင်စုနှစ်ရည်မှန်းချက်နဲ့အညီ ဆင်းရဲ နွမ်းပါးမှုလျှော့ချရေး အတွက် လိုအပ်တဲ့ အကူအညီများ ပံ့ပိုးပေးအပ်သွားဖို့ မေတ္တာရပ်ခံလိုပါတယ်။

ယခုအစည်းအဝေးကနေ အာရှ-ဥရောပ မိတ်ဖက်ပူးပေါင်းဆောင်ရွက်မှု ပိုမိုတိုးတက် ခိုင်မာလာစေဖို့ ရေးဆွဲချမှတ်ထားတဲ့  ''ဗီယင်ကျန်းကြေညာချက်''ကိုလည်း အပြည့်အဝ ထောက်ခံ ကြိုဆိုပါကြောင်း ပြောကြားလိုပါတယ်။

အာရှ-ဥရောပဒေသနှစ်ခုအကြား အေဆမ်၏ ပူးပေါင်းဆောင်ရွက်မှု လုပ်ငန်းစဉ်များ ခိုင်ခိုင်မာမာ ချမှတ်ဆောင်ရွက်ရေးအတွက် နည်းပညာ၊ အတွေ့အကြုံနှင့် ငွေကြေး အင်အားပါ ကြွယ်ဝကြတဲ့ အဖွဲ့ဝင်နိုင်ငံများအနေနဲ့ ဦးဆောင်ဝိုင်းဝန်း ဆောင်ရွက်ပေးကြဖို့ တိုက်တွန်း ပြောကြားလိုပါတယ်။

ကျေးဇူးတင်ပါတယ်။