မြေဈေးချမည်ဟု ပြောသော်လည်း မြေဈေးကြီးမြင့်မှုဒဏ် ရန်ကုန်မြို့နေပြည်သူများ ခံစားနေရဆဲ ယခုနှစ်အတွင်း အိမ်၊ မြေကွက်၊ တိုက်ခန်း ငှားရမ်းခဈေး ၃၀ မှ ၅၀ ရာခိုင်နှုန်းမြင့်တက်



မြေဈေးချမည်ဟု ပြောသော်လည်း မြေဈေးကြီးမြင့်မှုဒဏ် ရန်ကုန်မြို့နေပြည်သူများ ခံစားနေရဆဲ ယခုနှစ်အတွင်း အိမ်၊ မြေကွက်၊ တိုက်ခန်း ငှားရမ်းခဈေး ၃၀ မှ ၅၀ ရာခိုင်နှုန်းမြင့်တက်

Sunday, 21 October 2012 10:41

တာမွေမြို့နယ်အတွင်းရှိ တိုက်ခန်းများနှင့် ဈေးရောင်းသူတစ်ဦးအား အောက်တိုဘာလ ၂၀ ရက်နေ့က တွေ့ရစဉ် မြေဈေးချမည်ဟု ပြည်ထောင်စုအစိုးရအဖွဲ့မှ တာဝန်ရှိသူတစ်ဦးက ပြောကြားခဲ့သော်လည်း မြေဈေးကြီးမြင့်မှုဒဏ်အား ရန်ကုန်မြို့နေပြည်သူများ ခံစားနေရဆဲဖြစ်ကြောင်း စုံစမ်းသိရှိရသည်။ မြန်မာနိုင်ငံ၏ အိမ်၊ ခြံ၊ မြေဈေးနှုန်းမှာ အာရှတိုက်တွင် ဈေးနှုန်းအမြင့်ဆုံးဖြစ်နေသောကြောင့် စက်မှုဇုန်မြေ ဈေးနှုန်းများအား ကားဈေးကွက်ကဲ့သို့ ဈေးနှုန်းလျော့ကျသွားအောင် ပြုလုပ် မည်ဖြစ်ပြီး၊ မြေဈေးနှုန်းများ လျော့ကျလာစေရန် အခွန်ကောက်ခံမှုများ ပြုလုပ်သွားမည်ဟု ရင်းနှီးမြှုပ်နှံမှုကော်မရှင်ဥက္ကဋ္ဌ ဦးစိုးသိန်းက ၂၀၁၂ ခုနှစ်အတွင်း စက်မှုဝန်ကြီးဌာနတွင်ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။ ထို့ပြင် မြန်မာနိုင်ငံ၌ လက်ရှိဖြစ်ပေါ်နေသော စက်မှုဇုန်မြေ၊ ကွန်ဒို၊ တိုက်ခန်းဈေးနှုန်းများနှင့် အိမ်ခြံမြေဈေးနှုန်း ကြီးမြင့်နေမှုကို အစိုးရနှင့်ပုဂ္ဂလိက တာဝန်ရှိသူများပါဝင်သည့် price control အဖွဲ့ ဖွဲ့စည်းပြီး ပွင့်လင်းမြင်သာမှုရှိစွာ ဆောင်ရွက်သွားမည်ဖြစ်ကြောင်း သမ္မတရုံးဝန်ကြီး ဦးစိုးသိန်းက စက်တင်ဘာလ ၂၉ ရက်နေ့ကကျင်းပသော အမေရိကန်ပြည်ထောင်စု နယူးယောက် မြန်မာမိသားစုနှင့် တွေ့ဆုံပွဲတွင် ပြောကြားခဲ့ကြောင်း သိရှိရသည်။ "မြန်မာနိုင်ငံမှာ စက်မှုဇုန်မြေတွေ စက်ရုံတွေရဲ့ မြေတွေဈေးကြီးနေသလို ကွန်ဒိုမီနီယံတွေပါ ဈေးလိုက်ကြီးနေတယ်။ ကျွန်တော်တို့ ဘန်ကောက်မှာ လေ့လာခဲ့တဲ့အခါကျတော့ ဘန်ကောက်မှာက price control လုပ်တဲ့ကော်မတီ တစ်ခုကို ဖွဲ့ပေးထားတယ်။ အဲဒီအဖွဲ့က တန်ဖိုးသတ်မှတ်ပေးတယ်။ ဒါကြောင့် ကျွန်တော်တို့နိုင်ငံမှာလည်း price control လုပ်နိုင်ဖို့ အဖွဲ့ဖွဲ့ပြီး ဆောင်ရွက်သွားမှာဖြစ်ပါတယ်။ ဒီအဖွဲ့မှာ သူ့ဟာသူလုပ်လို့မရဘူး။ သူလည်းပါမယ်၊ အစိုးရလည်းပါမယ်" ဟု သမ္မတရုံးဝန်ကြီး ဦးစိုးသိန်းက ပြောကြားခဲ့သည်။ အဆိုပါ price control အဖွဲ့များအား ရန်ကုန်နှင့် မန္တလေးမြို့များတွင် စတင်ဖွဲ့စည်းကာ ဆောင်ရွက်သွားမည်ဖြစ်ကြောင်း ထည့်သွင်းပြောကြားခဲ့သည်။ "ဒီအဖွဲ့ကို ရန်ကုန်နဲ့ မန္တလေးမှာ စမယ်။ တန်ဖိုးကို ဒီလောက်ပဲ တန်တယ်လို့ သတ်မှတ်ပေးမယ်။ အဲဒါကို transparent ဖြစ်အောင် သတင်းစာထဲလည်းထည့်၊ ဗီနိုင်းနဲ့လည်းတိုက်မှာ ကပ်ထား၊ ဘယ်အထပ်မှာ ဘယ်လောက်ဆိုပြီးတော့ ကပ်ထားမယ်။ အဲဒါကို နိုင်ငံခြားသားက ၀ယ်မယ်ဆိုရင် သူက exchange rate နဲ့ တွက်ပေါ့။ အခုကျွန်တော်တို့ဆီမှာ ဖြစ်နေတာက ကျွန်တော်တို့လူမျိုးတွေက တစ်မျိုး၊ နိုင်ငံခြားသားတွေကတစ်မျိုး ဖြစ်နေတာ။ ဒါတွေကို transparent ဖြစ်အောင်လုပ်ရမယ်" ဟုလည်း သမ္မတရုံးဝန်ကြီးဦးစိုးသိန်းက ဆက်လက် ပြောကြားခဲ့သည်။ ထို့ပြင် လက်ရှိဈေးကွက်အတွင်း ဖြစ်ပေါ်နေသည့် အိမ်ခြံမြေအရောင်းအ၀ယ်များအား ထိုက်သင့်သည့်ဈေးနှုန်းများဖြင့် ရောင်းဝယ်နိုင်ရေးကိုလည်း အခွန်စနစ်ဖြင့်ထိန်းသိမ်းကာ ဆောင်ရွက်သွားမည်ဖြစ်ကြောင်းလည်း သိရှိရသည်။ စက်မှုဇုန်မြေ၊ ကွန်ဒို၊ တိုက်ခန်းဈေးနှုန်းများနှင့် အိမ်ခြံမြေဈေးနှုန်း ကြီးမြင့်နေမှုကို အစိုးရနှင့် ပုဂ္ဂလိကတာဝန်ရှိသူများပါဝင်သည့် price control အဖွဲ့  ဖွဲ့စည်းပြီး ပွင့်လင်းမြင်သာမှုရှိစွာ ဆောင်ရွက်သွားမည်ဖြစ်ကြောင်း... "အိမ်ခြံမြေဈေးတွေ သင့်တော်တဲ့နှုန်းထားနဲ့ ဖြစ်ပေါ်လာဖို့ကို tax နဲ့ထိန်းရမှာပေါ့။ tax နဲ့ မြေကြီးဈေးကျအောင်လုပ်မယ်။ တိုက်ခန်းတွေကိုလည်း tax နဲ့ပဲ ထိုက်သင့်တူ level ရောက်အောင် ကျွန်တော်ဆွဲချမယ်" ဟု ၀န်ကြီးက ဆက်လက်ပြောကြားခဲ့သည်။ သို့သော် လက်ရှိအချိန်အထိ မြေဈေးကြီးမြင့်မှုဒဏ်အား ရန်ကုန်မြို့နေပြည်သူများ ခံစားနေရဆဲဖြစ်ကြောင်း စုံစမ်းမေးမြန်းမှုများအရ သိရှိရသည်။ အိမ်၊ ခြံ၊ မြေ အကျိုးဆောင်အသင်းမှ ဦးဟိန်းမိုးမြင့်လွင်က "သက်ဆိုင်ရာက မြေဈေးတွေကျအောင် အခွန်တွေတိုးတယ်။ အဲဒီအခါမှာ အရောင်းအ၀ယ် သိပ်မဖြစ်တော့ပေမယ့် မြေဈေးတွေက မကျဘူး။ ဒါ့ကြောင့် မြေဈေးမြင့်တက်မှုဒဏ်ကို ရန်ကုန်မြို့မှာရှိတဲ့ လူလတ်တန်းစားတွေ အဓိကခံစားရမှု အနည်းနဲ့အများ ဖြစ်ပေါ်ပါတယ်။ အခြေခံလူတန်းစားမပြောနဲ့ လူလတ်တန်းစားတောင်မှ အိမ်ကောင်းကောင်းနဲ့နေဖို့ မဖြစ်နိုင်သလောက်ရှိပါတယ်။ မြေဈေး၊ တိုက်ခန်းငှားရမ်းခတွေကတော့ Location အပေါ်မူတည်ပြီးတက်တယ်" ဟု ပြောကြားခဲ့သည်။ စက်မှုဇုန်လုပ်ငန်းရှင်တစ်ဦးက "အခု ဒီနှစ်အတွင်းမှာ စက်မှုဇုန်မြေဈေးနှုန်းတွေ ယခင်နှစ်ကထက် ၃၀ ရာခိုင်နှုန်းကနေ ၅၀ ရာခိုင်နှုန်းအထိ ဈေးတက်တယ်။ ဥပမာ-လှိုင်သာယာ စက်မှုဇုန်ဆိုရင် ဈေးဘယ်လောက်ပေးပေး ရောင်းမယ့်သူမရှိဘူး။ အခုဖြစ်နေတာက ကျွန်တော်တို့တရားဝင်စက်မှုဇုန်မြေ၀ယ်ဖို့ လျှောက်တယ်။ ဒါဆို ရောင်းဖို့မရှိတဲ့အတွက် ပြန်မကျဘူး။ ၀ယ်လို့မရဘူး။ VIP ကျတော့ မြေကွက်တွေရကြတယ်။ သူတို့က ရတဲ့အတွက် ကျွန်တော်တို့ စက်ရုံထောင်ချင်တဲ့လုပ်ငန်းရှင်တွေက သူတို့ကို အလိုက်ပေးဝယ်ရတယ်။ ဥပမာ-သိန်း ၃၅၀ တန်ကို သိန်း ၂၀၀၀ ပေးရတယ်။ နောက်တစ်ချက်က demand နဲ့ supply မလုံလောက်တဲ့အတွက် သူတို့ဈေးကစားချင်သလို ကစားနေကြတယ်။ အဲတော့ စက်ရုံလုပ်ငန်းရှင်တွေ မြေနေရာအတွက် အရင်းအနှီး အရမ်းကြီးသွားတယ်။ အဲဒါတွေက အခြေခံလူတန်းစားတွေဖြစ်တဲ့ စက်ရုံအလုပ်သမားတွေကို အများကြီး အကျိုးသက်ရောက်တယ်။ ပြီးတော့ထုတ်ကုန် တွေ ဈေးနှုန်းမြင့်တက်လာတဲ့အတွက် လူလတ်တန်းစားတွေကို များစွာထိခိုက်စေပါတယ်။ နောက်တစ်ချက်က ပုဂ္ဂလိကကုမ္ပဏီတွေက စက်မှုဇုန်မြေနေရာတွေတိုးချဲ့ဖို့ လယ်ယာမြေတွေကို သိမ်းတယ်။ လယ်သမားတွေကို လျော်ကြေးနည်းနည်းပဲပေးပြီး အဆမတန်ဈေးတွေနဲ့ ပြန်ရောင်းတယ်။ အဲတော့ မြေဈေးတွေက ပျက်ကုန်တယ်။ ဒီကိစ္စတွေကို အစိုးရအနေနဲ့ ၀င်ရောက် ထိန်းကျောင်းပေးဖို့ လိုပါတယ်" ဟု ပြောကြားခဲ့သည်။ ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်မှ ဒေါက်တာမောင်မောင်လေးက "ရန်ကုန်မှာရှိတဲ့ မြေဈေးနှုန်းတွေက ပြည်တွင်း လုပ်ငန်းရှင်တွေတင်မကဘဲ ပြည်ပလုပ်ငန်းရှင်တွေအတွက်ပါ ရင်းနှီးမြှုပ်နှံမှုဆိုင်ရာ အခက်အခဲတချို့ကို ဖြစ်စေပါတယ်။ တချို့ပြည်ပလုပ်ငန်းရှင်တွေ မြေဈေးကိုကြည့်ပြီး ပြန်သွားကျ တာရှိတယ်။ ဒီမြေဈေးနှုန်းတွေက သိပ်ကောင်းတဲ့လက္ခဏာတော့ မဟုတ်ပါဘူး။ နိုင်ငံတော်က ဘယ်လိုထိန်းမလဲဆိုတဲ့အပေါ် မူတည်ပါတယ်" ဟု ပြောကြားခဲ့သည်။ "တချိန်တုန်းက လူတွေက ကားမှာ ရင်းနှီးမြှုပ်နှံကြတယ်။ ရွှေမှာ ရင်းနှီးမြှုပ်နှံကြတယ်။ ဒေါ်လာမှာ ရင်းနှီးမြှုပ်နှံကြတယ်။ အခုကားတို့ ရွှေတို့ ဒေါ်လာတို့မှာ ရင်းနှီးမြှုပ်နှံမှုသိပ်မ လုပ်ကြတော့ဘူး။ အဲဒီအတွက် အိမ်ခြံ မြေမှာပဲ ၀င်ရောက်မြှုပ်နှံကြတော့ တယ်။ အထူးသဖြင့် ၂၀၁၁ ခုနှစ်မှာ အိမ်ခြံမြေဈေးနှုန်းသိသိသာသာခုန် တက်သွားတယ်။ ရန်ကုန်မြို့တင် မဟုတ်ဘူး၊ စီးပွားရေးအရ အချက်အချာကျတဲ့ နေရာမျိုးတွေ ကမ်းရိုးတန်းဒေသတွေပါမကျန် ဟိုတယ်လုပ်ငန်းတွေတိုးချဲ့ရင် အဆင်ပြေမယ်ဆိုတဲ့ ရည်ရွယ်ချက်နဲ့ ဈေးနှုန်းတွေကို လက်သင့်သလို ထိုးဝယ်နေတာမျိုးတွေ အိမ်ခြံမြေဈေးနှုန်းကို ပျက်ပြားစေတယ်။ အဲဒီအတွက် အခြေခံလူတန်းစားအတွက်တော့ ကိုယ်ပိုင်အိမ်နဲ့ နေရဖို့၊ တိုက်ခန်းတစ်ခန်းပိုင်ရဖို့ဆိုတာ မလွယ်တော့ဘူး" ဟု အိမ်ခြံမြေအကျိုးဆောင်တစ်ဦးက ပြောပြခဲ့သည်။ ရန်ကုန်တိုင်းဒေသကြီးအတွင်း တိုက်ခန်းငှားရမ်းခဈေးနှုန်းမှာ ယခင်နှစ်ကထက် ၃၀ ရာခိုင်နှုန်းမှ ၅၀ ရာခိုင်နှုန်းအထိ မြင့်တက်နေသဖြင့် ၀ါကျွတ်ချိန်တွင် ပြောင်းရွှေ့နေထိုင်ရန် ပြင်ဆင်နေသူများ အခက်တွေ့နေကြောင်း အိမ်၊ ခြံ၊ မြေလုပ်ငန်းမှ တာဝန်ရှိသူများနှင့် ကိုယ်တိုင်ကြုံတွေ့သူများ၏ ပြောကြားချက်အရသိရသည်။ ရန်ကုန်မြို့အတွင်း နှစ်စဉ်တိုက်ခန်းငှားရမ်းခနှုန်း မြင့်တက်နေမှုကြောင့်  မြို့တွင်းတိုက်ခန်းများ ငှားရမ်းနေထိုင်နေသည့် မိသားစုအချို့မှ ဈေးနှုန်းမတတ်နိုင်မှုကြောင့် မြို့တွင်းမြို့နယ် (Down Town) မှ မြို့ပြင်ဆင်ခြေဖုံးရပ်ကွက်များသို့ ပြောင်းလဲ ငှားရမ်းနေထိုင်နေရကြောင်း သိရှိရသည်။ တိုက်ခန်းငှားရမ်းခဈေးနှုန်းများမှာ နှစ်စဉ်ပြောင်းလဲမှုရှိခဲ့သော်လည်း ယခု ၂၀၁၂ ခုနှစ်အတွင်း ဈေးနှုန်းမြင့်တက်ခဲ့သည့် အခြေအနေမှာ ပိုမိုသိသာခဲ့ပြီး တိုက်ခန်းဝယ်ယူမှုထက် ငှားရမ်းမှုသာ ပိုမိုဖြစ်နေကြောင်း အိမ်၊ ခြံ၊ မြေအကျိုးဆောင်အသင်းမှ တာဝန်ရှိသူတစ်ဦးက ပြောကြားခဲ့သည်။ "အခုနှစ် သင်္ကြန်ကာလပြီးကတည်းက အိမ်ငှားရမ်းမှုတွေ အရမ်းသွက်နေတယ်။ ဒါ့အပြင်တိုက်ခန်းငှားရမ်းခ ဈေးနှုန်းတွေက အရင်နှစ်တွေက ဆိုရင် ၁၀ ရာခိုင်နှုန်းကနေ ၂၀ ရာခိုင်နှုန်းအတွင်းအထိပဲ ဈေးတက်ခဲ့တယ်။ ဒါပေမယ့် အခုနှစ်မှာတော့ မြို့နယ်အလိုက်၊ နေရာအလိုက်ပေါ် မူတည်ပြီးတော့ ၁၀ ရာခိုင်နှုန်းကနေ ၅၀ ရာခိုင်နှုန်းအထိမြင့်တက်နေပါတယ်။ အခုလိုအောက်ခြေလူတန်းစားနဲ့ လူလတ်တန်းစားအများစုနေထိုင်တဲ့ တိုက်ခန်းငှားရမ်းခဈေးနှုန်းတွေ မြင့်တက်လာရတဲ့ အဓိကအကြောင်းအရင်းတွေထဲက အချက်တွေကတော့ ၂၀၀၈ ခုနှစ်ကတည်းကစပြီး ရန်ကုန်တိုင်းဒေသကြီးအတွင်းမှာ နေထိုင်တဲ့ လူဦးရေ သိသိသာသာတိုးတက်နေတယ်။ ဒါ့အပြင် ဆောက်လုပ်ရေးလုပ်ငန်း အခြေအနေတွေကလည်း ၁၉၉၀ ပြည့်နှစ်ကာလလောက်တော့ လုပ်ငန်းတွင်ကျယ်မှု မရှိသေးဘူး။ နယ်မြို့တွေကနေ စီးပွားရေးလုပ်ကိုင်ဖို့ ရန်ကုန်မြို့ကို အားထားပြီးတက်လာတဲ့လူတွေ များလာတယ်။ ပြည်ပကိုသွားပြီးတော့ အလုပ်သွားလုပ်တဲ့သူတွေ အဆင်မပြေလို့ ပြန်လာတာတွေကြောင့် တိုက်ခန်းငှားမှု များလာတဲ့အတွက် တိုက်ခန်းငှားရမ်းခဈေးနှုန်း မြင့်တက်လာရတယ်လို့ ယူဆရပါတယ်" ဟု ယခုလက်ရှိ တိုက်ခန်းငှားရမ်းခဈေးနှုန်းများ မြင့်တက်နေမှုနှင့် ပတ်သက်၍ မြန်မာနိုင်ငံ အိမ်၊ ခြံ၊ မြေ အကျိုးဆောင်အသင်းမှ တာဝန်ရှိသူတစ်ဦးက ပြောကြားခဲ့သည်။ လှိုင်သာယာစက်မှုဇုန်အတွင်းရှိ စက်ရုံများကို တွေ့ရစဉ် ယူနစ်တီ အိမ်၊ ခြံ၊ မြေအကျိုးဆောင်မှ တာဝန်ရှိသူတစ်ဦးက "ပြီးခဲ့တဲ့နှစ် ဒီအချိန်က တိုက်ခန်းငှားရမ်းခဈေးနှုန်းတွေထက် အခုနှစ်မှာ ပုံမှန် ၁၀ ရာခိုင်နှုန်းကနေ ၂၀ ရာခိုင်နှုန်း ကြားတက်တယ်။ အချက်အချာကျတဲ့ နေရာတွေဆိုရင် ၅၀ ရာခိုင်နှုန်းအထိ တက်တယ်။ မြို့လယ်ကောင်က တိုက်ခန်းမြေညီထပ် ဈေးနှုန်းဆိုရင် ၁၅ ပေ၊ ပေ ၆၀ ကို တစ်လ ၈ သိန်းကနေ ၁၅ သိန်းကြားဈေးရှိတယ်။ မြို့လယ်ကောင်မဟုတ်တဲ့ လူနေများတဲ့ စမ်းချောင်း၊ ကျောက်မြောင်း၊ တာမွေစတဲ့မြို့နယ်တွေမှာ မြေညီဆိုရင် ၄ သိန်းကနေ ၆ သိန်းကြားရှိတယ်။ အနိမ့်ဆုံးကတော့ တစ်သိန်းဝန်းကျင်ပါပဲ။ ဒါ့ကြောင့် တချို့တွေက တိုက်ခန်းတစ်ခန်းကို စုငှားပြီး စုပေါင်းနေထိုင်ကြပါတယ်" ဟု ပြောကြားခဲ့သည်။ ထိုသို့ ရန်ကုန်မြို့အတွင်း၌ တိုက်ခန်းငှားရမ်းခဈေးနှုန်းများ မြင့်တက်လာရခြင်းမှာ ရန်ကုန်တိုင်းအတွင်းရှိ မြေဈေးနှုန်းများ အဆမတန်မြင့်တက်လာမှုနှင့် သက်ဆိုင်ကြောင်း၊ မြေ ဈေးနှုန်းများ အဆမတန်မြင့်တက်လာသဖြင့် တိုက်ခန်းဈေးနှုန်းများ မြင့်တက်လာသည့်အတွက် တိုက်ခန်းငှားရမ်းခဈေးနှုန်းများပါ မြင့်တက်လာခြင်းဖြစ်ကြောင်း အိမ်၊ ခြံ၊ မြေ အကျိုးဆောင် တာဝန်ရှိသူများက သုံးသပ်ကြသည်။ အိမ်၊ ခြံ၊ မြေ၊ တိုက်ခန်းဈေးနှုန်းများအပြင် ဟိုတယ်နှင့် ကွန်ဒိုငှားရမ်းခ များလည်း ထပ်မံမြင့်တက်လာခဲ့ကြောင်း သိရှိရသည်။ ၂၀၀၃ ခုနှစ်က SAKURA Tower တွင် ရုံးခန်းငှားရမ်းခမှာ တစ်စတုရန်းမီတာလျှင် တစ်လ ငှားရမ်းခ အမေရိကန်ဒေါ်လာ ၁၁ ဒေါ်လာဖြစ်ပြီး တဖြည်းဖြည်းတိုးမြှင့် လာခဲ့ရာမှ ၂၀၁၂ ခုနှစ်တွင် အမေရိကန်ဒေါ်လာ ၄၀ အထိမြင့်တက်လာခဲ့ခြင်းဖြစ်ကြောင်းနှင့် ယခုထပ်မံ၍ ၂၀၁၃ ခုနှစ်တွင် အမေရိကန်ဒေါ်လာ ၇၀ သို့မြှင့်ရန်အတွက် ပြောကြားထားကြောင်း သိရသည်။ ရန်ကုန်မြို့ရှိ တိုက်ခန်းငှားရမ်းခနှုန်းထားများမှာ တစ်နှစ်လျှင် ပျမ်းမျှ ၁၀ ရာခိုင်နှုန်းကျော် တိုးတက်လျက်ရှိပြီး နှစ်ရှည်တိုက်ခန်း အငှားစာချုပ်များ ချုပ်ဆိုရာတွင် နှစ်စဉ်ပျမ်းမျှ ၁၀ ရာခိုင်နှုန်း ဈေးနှုန်းတိုးမြှင့်မည့်အချက်များ ထည့်သွင်းချုပ်ဆိုလာကြောင်း အိမ်ခြံမြေအကျိုးဆောင်များနှင့် ဆောက်လုပ်ရေးလုပ်ငန်းရှင်များထံမှ သတင်းရှိရပါသည်။ ထိုသို့ တိုက်ခန်းငှားရမ်းခများ မြင့်တက်လာရခြင်းကြောင့် ရန်ကုန်မြို့ရှိ တိုက်ခန်းများတွင် စုပေါင်းငှားရမ်းနေထိုင်သည့် ပုံစံများဖြင့် အဆောင်များသကဲ့သို့ နေထိုင်မှုများ ပိုမိုလာကြောင်း သိရှိရသည်။ မြန်မာနိုင်ငံ ဆောက်လုပ်ရေးလုပ်ငန်းရှင်မျာအသင်းမှ တာဝန်ရှိသူတစ်ဦးက "လက်ရှိအချိန်မှာ မြန်မာနိုင်ငံရဲ့လူဦးရေသန်းပေါင်း ၆၀ ရှိပါတယ်။ မြန်မာနိုင်ငံရဲ့ စီးပွားရေးမြို့ တော်ဖြစ်တဲ့ ရန်ကုန်မှာ လူဦးရေ ၆ သန်းဝန်းကျင်ရှိပါတယ်။ နောင်လာ မယ့် ၂၀၂၀ ပြည့်နှစ်မှာ ရန်ကုန်မြို့ရဲ့ လူဦးရေဟာ ၁၀သန်းအထိရှိလာမယ်လို့ ခန့်မှန်းထားပါတယ်။ အဓိက အကြောင်းအရာက ရန်ကုန်မြို့မှာ စီးပွားရေးလုပ်ငန်းတွေ၊ စက်မှုဇုန်တွေ အများအပြားရှိတယ်။ တိုးချဲ့နေမှုတွေလည်း ရှိနေပါတယ်။ တိုးလာမယ့်လူဦးရေ ၄ သန်းအတွက် ၁၀ နှစ် အတွင်း တစ်နှစ်ကို အခန်ပေါင်း ၁ သိန်း တည်ဆောက်နိုင်မှ တိုးလာတဲ့လူဦးရေနဲ့ cover ဖြစ်ပါမယ်" ဟု ပြောကြားခဲ့သည်။ မြေဈေးနှုန်းတွေ ကပြည်တွင်းလုပ်ငန်းရှင်တွေတင်မကဘဲ ပြည်ပလုပ်ငန်းရှင်တွေအတွက်ပါ ရင်းနှီးမြှုပ်နှံမှုဆိုင်ရာ အခက်အခဲတချို့ကို ဖြစ်စေပါတယ်။ တချို့ပြည်ပလုပ်ငန်းရှင်တွေ မြေဈေးကို ကြည့်ပြီး ပြန်သွားကျတာရှိတယ်... လှိုင်မြို့နယ်တွင် အခန်းငှားရမ်းပြီး လူစည်ကားသည့်နေရာများတွင် မုန့်ဟင်းခါး လိုက်လံရောင်းချနေသူ ကိုရဲလင်းက "ကျွန်တော်ကတော့ မနက် အစောကြီးကနေ ဈေးထွက်ရောင်းပြီးတော့ ညအိပ်ချိန်မှ ငှားထားတဲ့အခန်းကို ပြန်တာပါ။ တစ်လကို လွန်ခဲ့တဲ့ သုံးလက ကျပ် ၁၂၀၀၀ ပဲ ပေးရတယ် ဒီလကုန်ရင် အခန်းပိုင်ရှင်က ကျပ်  ၂၀၀၀၀အထိ တိုးတောင်းထားတယ်။ အခန်းက လူတစ်ယောက်အိပ်ဖို့ နေရာထက် အနည်းငယ်ပဲကျယ်ပါတယ်။ ဈေးရောင်းချလို့ရတဲ့ ၀င်ငွေကလည်း ပုံမှန်မရှိဘူး။ အဖက်ဖက်က ကုန်ကျ စရိတ်တွေနဲ့ ၀င်ငွေက မတည်ငြိမ်တဲ့အချိန်မှာ အခုလိုအခန်းငှားခတိုးသွားတော့ အနည်းငယ် အခက်အခဲရှိပါတယ်" ဟု ပြောကြားခဲ့သည်။ "ကျွန်မတို့က တောင်ဒဂုံမှာ တစ်လကို သုံးသောင်းနဲ့ အိမ်ငှားနေပါတယ်။ ဒါပေမယ့် ကျွန်မတို့ရဲ့အလုပ်က မြို့ထဲမှာဆိုတော့ သွားလာမှုစရိတ်က အနည်းဆုံးတစ်လကို ၂၀၀၀၀ လောက် ကုန်တယ်။ ဒါ့အပြင်လိုင်းကားအကြာကြီး စီးရတဲ့အတွက် လူလည်းအရမ်းပင်ပန်းတယ်။ ဒါ့ကြောင့် ဒီဝါကျွတ်အမီ အလုပ်နဲ့နီးတဲ့မြို့တွင်းနဲ့ မြို့နယ်တွေမှာ အိမ်ငှားနေဖို့ စုံစမ်းတဲ့အခါမှာ အပေါ်ဆုံးထပ် တစ်သိန်းလောက်ရှိနေတော့ ၀င်ငွေနဲ့ တော်တော်လေးချိန်နေရတယ်" ဟု ၀ါကျွတ်အမီ အိမ်ပြောင်းရွှေ့ရန် လိုက်လုံစုံစမ်းနေသူ ကုမ္ပဏီဝန်ထမ်းတစ်ဦးက ပြောကြားခဲ့သည်။ ယခုနှစ်အတွင်း ပြည်ပနိုင်ငံများမှ ရင်းနှီးမြှုပ်နှံမှုများပြုလုပ်ရန် ရန်ကုန်တိုင်းဒေသကြီးအတွင်းသို့ လာရောက်ပြီး ကြိုတင်လေ့လာနေသူများ၊ ကုမ္ပဏီ ရုံးခန်းဖွင့်လှစ်လာခြင်း များပြားလာမှုကြောင့် အဆင့်မြင့်တိုက်ခန်းများနှင့် ကွန်ဒိုအခန်းများ အငှားသွက်လာသည့်အပြင် ဈေးနှုန်းများလည်း အနည်းငယ်မြင့်တင်နေကြောင်း စုံစမ်း သိရှိရသည်။ "အိမ်ခြံမြေပိုင်ဆိုင်မှုနဲ့ ပတ်သက်လို့ရှိရင် အစိုးရအနေနဲ့ အခွန်ကောက်သင့်တယ်လုိ့မြင်တယ်။ ဥပမာ-အိမ်ခြံမြေ ပိုင်ဆိုင်မှုနဲ့ပတ်သက်ပြီး အိမ်တစ်လုံးပိုင်တဲ့ အနေအထားကနေ နောက်ထပ်အိမ်တစ်လုံးဖြစ်လာပြီဆိုရင် ဒီအပေါ်မှာ အခွန်တိုးပြီး ကောက်သင့်တယ်။ နောက်ပြီး တန်ဖိုးအရလည်း သိန်းတစ်ထောင်အထက် ပိုင်ဆိုင်မှုဆိုရင်ဘယ်လောက်၊ သိန်းတစ်သောင်း အထက် ပိုင်ဆိုင်မှုဆိုရင် ဘယ်လောက်ဆိုပြီး property tax ကို ကောက်သင့်တယ်လို့မြင်တယ်။ အဲဒါဆို အိမ်ခြံမြေ ဈေးကွက်မှာ အမြတ်ရလိုမှုနဲ့ ၀င်ရောက်မြှုပ်နှံတာမျိုးကို ကာကွယ်ပြီးသား ဖြစ်သွားမယ်။ မူဝါဒတစ်ခုက ဈေးကစားချင်တဲ့သူတွေကို အကာအကွယ်ပေးတဲ့ မူဝါဒမဖြစ်သင့်ဘူး" ဟု စီးပွားရေးပညာရှင် ပါမောက္ခဦးမော်သန်းက ပြောကြားခဲ့သည်။ ထိုသို့ ရန်ကုန်မြို့ရှိ မြေနှင့် တိုက်ခန်းဈေးနှုန်းများ ကြီးမြင့်နေမှုကို လျှော့ချနိုင်ရန် နိုင်ငံတော်မှ သင့်လျော်သည့်အခွန်နှုန်းထားဖြင့် စနစ်တကျ ကောက်ခံရန်လိုအပ်သကဲ့သို့ နောင် တိုးပွားလာမည့် လူဦးရေအတွက် သက်ဆိုင်ရာတာဝန်ရှိ အဖွဲ့အစည်းဖြစ်သည့် မြို့ရွာနှင့် အိုးအိမ်ဖွံ့ဖြိုးရေးဦးစီးဌာနမှ အခြေခံလူတန်းစားအပြင် လူလတ်တန်းစားအများစု နေထိုင်နိုင်မည့် အိမ်ယာများ ဖော်ထုတ်ပေးရန်လိုကြောင်း၊ အဆိုပါ အိမ်ယာများသည်လည်း ယခုကဲ့သို့ လူနည်းစုသာ ၀ယ်ယူနိုင်သည့် အခြေအနေမဖြစ်သင့်ဘဲ သင့်တင့်သော တန်ဖိုးဖြင့် လွတ်လပ်စွာဝယ်ယူနိုင်သည့် အိမ်ယာများ တိုးချဲ့တည်ဆောက်ပေးသင့်ကြောင်း လွှတ်တော်ကိုယ်စားလှယ်တစ်ဦးက အကြံပြုပြောကြားခဲ့သည်။

Comments 

0 #5 Thu Htut 2012-10-22 09:34

မြန်မာပြည်အိမ်မြေဈေးနှုန်းအကြောင်း ၂၀၁၂
ဇော်အောင် (မုံရွာ)၊ အောက်တိုဘာ ၅၊ ၂၀၁၂
http://moemaka.blogspot.sg/2012/10/zaw-aung-mon-ywa-property-market-in.html
ဒေသတခု တိုးတက်သလား၊ မတိုးတက်ဘူးလား ဆိုတာကို အဲဒီဒေသမှာ အိမ်ငှားခဘယ်လောက်လဲ၊ အိမ်ဈေးဘယ်လောက်လဲ ..ဆိုတာစုံစမ်းကြည့်လိုက်ရုံနဲ့ အလွယ်တကူ (လူပြိန်းနည်း) သိနိုင်ပါတယ်။ လူတန်းစား သူဌေးအဆင့်နဲ့၊ သာမန်လူအဆင့် လို့ ၂မျိုးခွဲပြီးလေ့လာမယ်ချင်ပါတယ်။xxxxxxxx
အိမ်ဈေး သိန်း၅၀၀ ပေါက်နေတဲ့ ဖားအံမြို့တစ်ဝိုက်ဆို အဲဒီလိုအိမ်မျိုးကိုငှားရင်တလ၂သိန်းတောင်မပေးရတာကို
တွေ့ရပါလိမ့်မယ်။
ဥပမာ စင်ကာပူမှာ ဒေါ်လာ၎သိန်းတန်အိမ်ကိုငှားရင် တစ်လ $2500 ပေးရမယ်။ တစ်နှစ်ကို အိမ်တန်ဖိုးရဲ့ 7.5% လောက် အမြက်ရတာကိုတွေ့ရတယ်။ အဲဒီငွေ ဒေါ်လာ၎သိန်းကို စင်ကာပူဘဏ်ထဲ ထည့်ထားရင် 1% တောင် မရပါဘူး။ မြန်မာပြည်က ဘဏ်ထဲထည့်ထားရင်တော့ 8% အတိုးရပေမဲ့ ၊ မြန်မာဘဏ်ကို ဘယ်သူမှမယုံပါ။ မြန်မာပြည်မှာ အိမ်ဝယ်ပြီး ငှားစားမယ်ဆိုရင်လည်း ဖွတ်မွဲဖြစ်သွားနိုင်တယ်။ သိန်း၅၀၀တန်ကို တလ ၂သိန်းပဲ ငှားခရတော့ 4.8% အမြက်ရမယ်။ အလျှင်းမသင့်လို့ မြန်မာအာဏာပိုင်များကို ဂရံကိစ္စအနိုင်ကျင့်ခံရရင်ဝယ်ထားတဲ့အိမ်ပါ ပြောင်သွားနိုင်ပါတယ်။ xxxxxxx
လောလောဆယ်မှာတော့ မြန်မာပြည်မှာ အိမ်ဈေးနှုန်း၊ အဆမတန်ကြီးနေခြင်းဟာ ကျသွားဖို့ လမ်းမရှိတော့ပါ။ နောက်၂နှစ်ကြာရင် မြန်မာပြည်၊ငွေကြေးဖောင်းပွနှုန်းဟာဗီယက်နမ်းလိုပဲ၁၃ရာနှုန်းအထက် ဖြစ်လာပါတော့မယ်။ ဒါကြောင့် အခုအမေရိကန်တစ်ဒေါ်လာဟာ အခု ကျပ် ၆၀၀ ဈေးပေါက်ပေမဲံ။ နောက်၂နှစ်ကြာရင် ကျပ် ၁၀၀၀လောက် ပြန်ဖြစ်လာပါလိမ့်မယ်။ အဲဒီအချိန်ဆိုရင် စီးပွားရေးသမားများ၊ နိုင်ငံခြားကုမ္ပဏီများလည်း ပိုအဆင်ပြေလာပါလိမ့်မယ်။
မြန်မာပြည် ပြန်ပြီးစီးပွားရေး လုပ်လိုသူများ၊ အောင်မြင်အဆင်ပြေပါစေ ဆုတောင်းပါတယ်။

 

+13 #4 koygnmm 2012-10-22 08:56

မြန်မာနိုင်ငံလို 3rd world country အဆင့်မြေဈေးက ဂျပန်တို့ စလုံးတို့ ဟောင်ကောင်တို့နီးပါးရှိနေပြီး တချို့နေရာတွေဆို ပိုတောင်ဈေးကြီးနေပါသေးတယ် တခြားမကြည့် ရွှေတောင်ကြားတို့၊ အင်းယားမြိုင်တို့။ သိန်းကို သိန်း နဲ့ချီနေတယ်ဆိုတော့ တခုခုတော့ လွှဲနေသလိုပဲ။ ခုလက်ရှိမှာ ရန်ကုန်မှာနေတဲ့ ပုံမှန်လူလတ်တန်းစားတယောက်တောင်မှ အိမ်နဲ့ခြံလေးမပြောနဲ့ တိုက်ခန်းတောင် ၀ယ်ဖို့ စိတ်ကူးဖို့အနိုင်နိုင်။ အဲလိုဆိုတော့ နိုင်ငံခြားထွက်အလုပ်လုပ်နေတဲ့လူတွေကော တူတူပဲပေါ့ဗျာ။ ဘယ့်နဲ့ ကိုယ့်ဆီက တိုက်ခန်းစုတ်တခန်းတန်ဖိုးက စလုံးက HDB ခန်းတခန်းထက်တောင်မှဈေးများနေသေးတယ်။ တကယ်တော့ ရောင်းတဲ့လူကလဲ စဉ်းစားသင့်ပါတယ် တကယ်လို့သာခုလို ဈေးတွေမတရားတတ်နေရင် ကိုယ့်ရဲ့ နောင်မျိုးဆက်အတွက်အရင်တွေးကြည့်ပါ။ ကိုယ်က အရင်က တိုက်ခန်းလေးတခန်းကို သိန်း၄၀ နဲ့ဝယ်ထားလို့ခုနေမှာ သိန်း၄၀၀ လာပေးလို့ ၁၀ဆ မြတ်တယ်ဆိုပြီးထုတ်ရောင်းလိုက်တယ်ဆိုပါဆို။ ကိုယ့်ရဲ့ မျိုးဆက်ကကော နောင်တချိန်မှာ ဒီလို သိန်း၄၀၀ ထက်ပိုပေးပြီး ဒီထက်စုတ်တဲ့တိုက်ခန်းမှာနေနေရမလား၊ နေနိုင်ပမလားဆိုတာ စဉ်းစားသင့်တယ်။ အစိုးရအနေနဲ့လဲ အမြန်ဆုံး ဒီပြသာနာကို ဖြေရှင်းဖို့လိုအပ်တယ်ထင်ပါတယ်။ လူမှာ စားဝတ်နေရေး ဆိုတဲ့ အရေး၃ပါးထဲမှာ နေရေးဆိုတာက အဓိကပိုကျပါတယ်။ အိမ်ဈေးမြေဈေးတတ်တာဟာ လူတစုအတွက်ပဲအကျိုးရှိပေမယ့် ရေရှည်မှာ တိုင်းပြည်အတွက် အဘက်ဘက်က နစ်နာလာမှာပါ။ လူဦးရေးမွေးဖွားနူန်း၊ အိမ်ထောင်ပြုနူန်း၊ လူနေမူအဆင့်အတန်း စတာတွေကိုပါအကျိုးသင်ရောက်လာမှာပါ။ ခုတောင်မှာ လူတွေက ၀ါးလုံးခေါင်းထဲ ဆင်တိုးနေရတဲ့ဘ၀မျိုးဖြစ်နေပါပီ။

 

+46 #3 truelovyboy 2012-10-21 17:46

မြို့တွေရော နယ်တွေရော အားလုံးမှာ ကျူးတွေ ပေါ်လာရတဲ့ အဓိကအချက်ကတော့ ကွက်သစ်တွေ ဖော်ဆောင်ပေးခြင်း မရှိလို့ပါပဲ.။ လူဦးရေက တိုးလာတယ်.အိမ်ထောင်စုတွေ တိုးလာတယ်.. မြေကွက်တွေက တိုးမလာပါဘူး.။ ဒါကြောင့် ရှိတဲ့မြေကွက်တွေကို ပဲ အလုအယက် ၀ယ်ရတာဖြစ်တဲ့ အတွက်ကြောင့် မြေဈေးတွေက မတန်တဆ မြင့်တက်သွားတယ်။ မြေကွက်တွေ မ၀ယ်နိုင်တဲ့အတွက်ကြောင့် လွတ်ရာနေရာတွေမှာ နေကြရင်းနဲ့ ကျူးတွေ ဖြစ်လာတယ်။
နောက်ကွက်သစ်တွေ ရိုက်လို့ချပေးခဲ့ရင်လည်း VIP ဆိုတဲ့ အခွင့်ထူးခံချင်တဲ့ အကောင်တွေက ကောင်းပေ့ဆိုတဲ့ မြေကွက်မျုိးတွေကို တယောက်တယောက် လေးငါးဆယ်ကွက် လောက် ယူထားလိုက်ကြတယ်။ တကယ်လိုလို့ ၀ယ်တဲ့သူကတော့ ကံစမ်းမဲ နှိုက်သလိုပါပဲ။ ရတဲ့သူနည်းနည်း မရတဲ့သူများများပါ။ VIP တွေ မတရားယူထားတဲ့ အကွက်တွေကို ပြန်ဝယ်ဖို့ကျတော့လည်း အခြေခံလူတန်းစားတွေအတွက် မမျှော်မှန်းနိုင်တဲ့ အနေအထားမျိုးတွေပါ။ ဒါကြောင့် ကွက်သစ်တွေ ရိုက်ရင်လည်း အခြေခံ လူတန်းစားတွေအတွက် ဒုန်ရင်း ဒုန်ရင်းပါပဲ။

 

 

+40 #2 ကျောက်ဆည်သား 2012-10-21 16:55

မြို့တွင်းမြိ့ပြင်အချိန်တိုတိုနဲ့သွားနိုင်အာင်လုပ်ပါ၂.supply များအောင်လုပ်ပါ၃စက်မှုဇုံးမှာတကယ်မလုပ်ပဲငှားစားတဲ့သူဈေးကစားသူတွကိုအခွန်တိုးကောက်၎စက်ှုဇုံ နဲ့မြေကွက်တွေဖော်ထုတ်ယင်ထင်သာမြင်သာရှိပါစေနီစပ်ရာလက်သိပ်ထိုးမလုပ်ပါနဲု့

 

+36 #1 ဥုံဖွ 2012-10-21 16:38

ရန်ကုန်တင်မဟုတ်ဖူးဗျ ကျန်မြို.တွေမှာပါခံနေရတာ မြို.တွင်းဈေးတွေဆိုအနားတောင်မကပ်နိုင်ဘူး ဒီလောက်တောင်တန်ဖိုးတွေပေးပြီး ဘာတွေများလုပ်စားကြလဲမသိဘူး ရောင်းသူကလဲရောင်းဝယ်သူကလဲဝယ်နဲ.ဟုတ်နေတာပဲ မြို.ရွာဖွံ.ဖြိုးရေး အစီအစဉ်ကလဲမကောင်းတော့ မြို.ကွက်ကထပ်မကျယ်လာတဲ့အခါရှိပြီးသား နေရာတွေကပဲဈေးတွေ ထပ်ကြီးကျယ်လာတယ်ဈေးကွက်ထဲမှာပစ္စည်းပျက်လို.ဈေးတက်တဲ့ပုံစံပေါ့ မြို.တော်တော်များများရဲ.မြို.တွင်း လမ်းတွေဟာအလွန်ကိုကျဉ်းမြောင်းပြီးတော့ အခုခောတ်နဲ.အံဝင်ခွင်ကျမဖြစ်တော့ပါဘူး ကားနှစ်စီးမောင်းရင်လမ်းပိတ်သွားပါတယ် မြို.ကွက်သစ်တွေဖော်ပေးနိုင်ရင် လက်ရှိမြေဈေးတွေတော်တော်များများကျလာနိုင်တယ်လို.ထင်ပါတယ် မြို.ရဲ.လူနေမှုအဆင့်အတန်းလဲမြင့် တက်လာနိုင်ပါတယ် (လက်ရှိမြို.တော်တော်များများရဲ.down town တွေမှာ ပြည်သူတွေဟာအကျယ်ဆယ်ပေရှိတဲ့တိုက်ခန်းများမှာနေထိုင်ရပ်တည်နေရပါတယ်)
တစ်ခုရှိတာက မြို.ကွက်သစ်တွေဖော်ပြီးရင် မြေကွက်ရိုက်ရောင်းစားတာကလွဲပြီးကျန်သော မြို.တစ်မြို.ရဲ. facilities များဘာမှဖြည့်ဆည်းလုပ်ဆောင်မပေးတော့ပဲ ဥပေက္ခာပြုလိုက်ခြင်းပါဘဲ ဒီလိုလုပ်ရပ်မျိုးကိုရှောင်ကျဉ်ပြီး ပြည်သူလူထုရဲ. အခက်အခဲဒုက္ခများကို ကူညီဖြည့်ဆီးပေးနိုင်ပါစေမြန်မြန်အိမ်ခြံမြေဈေးကျအောင်ဖော်ဆောင်ပေးပါလို.တောင်းဆိုပါတယ် ခောတ်သစ်ဆီသို.သွားနေသော မြန်မာနိုင်ငံရဲ.မြို.တော်တော်များများကိုနိုင်ငံတကာမြို.ကြီးများနည်းတူတည်ဆောက်နိုင်ပါစေလို........