မင်ဟတ်တန်ရောက် အောင်ဝေးသို့ အရေးပေါ်အကြောင်းကြားစာ
မင်ဟတ်တန်ရောက် အောင်ဝေးသို့ အရေးပေါ်အကြောင်းကြားစာ
by မောင်ကျောက်ခဲ
ခဗျားထွက်သွားတဲ့
အချိန်ကလောက် ရန်ကုန်ဟာ မထူတော့ဘူး ကိုအောင်ဝေး ရန်ကုန်ဟာ မအတော့ဘူး
ကိုအောင်ဝေး ရန်ကုန်ဟာ ဆင်းတုတော်မြင်တိုင်း ဘုရားမထင်တော့ဘူး ဖွတ်ထွက်မှ
တောင်ပို့မှန်းသိခဲ့ကြပေမယ့် အဲ့တောင်ပို့ ကိုထိုင်ကန်တော့ရလောက်အောင်
ရန်ကုန်ဟာ မတုန်း တော့ဘူး . . . ပြောပြချင်တယ် ကိုအောင်ဝေး ကျနော်ဟာ
ကိုမိုးသီး လို လက်နက်ကိုင်တော်လှန်ရေးသမားမဟုတ်ဘူး ကျနော်ဟာ ခင်ဗျားလို
နိုင်ငံကျော်နိုင်ငံရေးကဗျာဆရာကြီးမဟုတ်ဘူး လူပိန်းပြောပြောရရင်
လက်နက်မကိုင်ဖူးဘူး လူသိထင်ရှား နိုင်ငံရေးသမားမဟုတ်ဘူး ၈၈ မှာ
လူလားမမြောက်သေးဘူး ခွပ်ဒေါင်းအရှင်လတ်လတ်ကိုတောင် ၂၀၀၇ မှာမှ မြင်ဖူးခဲ့တာ
ဒါပေမယ့် အေဘီမြောက်ပိုင်း အာဏာသံဝေဂ တွေက ဖတ်ရသမျှ ရင် ကို ဓါးနဲ့ဆွတယ် .
. . ကိုနိုင်အောင် မှာတာဝန်ရှိသလား ကိုအောင်နိုင်မှာ တာဝန်ရှိသလား
ခင်ဗျားပြောတဲ့ ဥက္ကဌကြီးပါ ဆိုတဲ့ ကိုမိုးသီးကလွဲချ အဲ့ဒီတုန်းကအသတ်ခံရတဲ့
ကျောင်းသားရဲဘော်တွေဟာ လမ်းဘေးက ခွေးတွေမဟုတ် ရက်ရက်စက်စက်
ဖိနှိပ်ခြေမွလိုက်ရအောင် ပုရွက်ဆိတ်တွေမဟုတ် ခင်ဗျားစကားအရဆိုရင်
ဒေါင်းတွေဖြစ်တယ် ဒေါင်းတောင်မှ ရိုးရိုးဒေါင်းမဟုတ် သတ္တိသွေး
စွေးစွေးနီတဲ့ ခွပ်ဒေါင်းတွေ . . . လူထောင်မချီတဲ့ အေဘီကို
အုပ်ချုပ်ခွင့်ရဖို့အတွက် ဇက်တူသားခြင်းစား ကျောင်းသား
ကျောင်းသားခြင်းပြန်သတ် ထွီ ရွံစရာကောင်းလိုက်ပုံက အဖမ်းခံ အနှိပ်စက်ခံရတဲ့
လူတစ်ရာကျော်ဟာ အစိုးရသူလျို တဲ့လား အသနားခံသူတွေကို ဇက်ဖြတ် လက်ဖြတ်
ခြေဖြတ် ကိုအောင်ဝေး ခင်ဗျားနှယ် ကိုထွန်းအောင်ကျော်ကိုမှ အားမနာ
ကိုမိုးသီးလိုလူကို တာဝတီသာ ကိုတင်ရက် ဒီမှာ ကိုယ်လူ ကိုအောင်ဝေး
သေနတ်ကိုင်ရဲတိုင်း သူရဲကောင်းဆို ဟောဒီလောကမှာ သူရဲကောင်းဆိုတာ ရေတွက်
မရဘူး . . . ဒီကိစ္စနဲ့ ကိုမိုးသီး ဘာမဆိုင်ရင် မြန်မာနိုင်ငံကို
ဘာသာနဲ့ခြေမွဖို့အကွက်ချ စည်းဝေးကြတဲ့ မုတ်ဆိတ်ဖွားတွေနဲ့ ကျနော်တို့ရဲ့
ဥက္ကဌကြီး ဘာပြောခဲ့သလဲ ထချ ဖို့ လက်နက်တွေစု ကြပါ ဟုတ်လား ကိုအောင်ဝေး
ခင်ဗျားလေသံအရဆို ရီးပဲ အကြီးကြီးရီးပဲ အဲ့ဒီလို လူမျိုးကိုမှ
အက်ဆစ်နဲ့မပက်ရင် ရန်ကုန်ကလူတွေ ကိုယ့်မျက်နှာကိုယ် ဓါးနဲ့လှီးပစ်မယ် . . .
ကိုအောင်ဝေး ခင်ဗျားပြောသလို ကိုမိုးသီးပြည်တော်ပြန်တာ
အမျိုးသားသင့်မြတ်ရေးအတွက်လား ဒီမိုကရေစီနဲ့ လူ့အခွင့်အရေးအတွက်လား
ပြည်တွင်းငြိမ်းချမ်းရေးအတွက်လား ဒါမှမဟုတ် လုပ်စားစရာမရှိတော့လို့
ဂွင်သစ်ဖန်တာလား ဆိုတာ ခင်ဗျားဘယ်လို ခွဲခြားမလဲ ခင်ဗျား ဘယ်လို အာမခံမလဲ ရီးပဲ
ကိုအောင်ဝေး ရီးပဲ ကမ္ဘာပါတ်ပြီး အလှူငွေတောင်း မြန်မာပြည်အတွက်ဆိုတဲ့
အဆင့်မြင့်သူတောင်စားခေတ်က ကုန်သွားပြီ . . . ရန်ကုန်နိုင်ငံရေး
မြန်မာနိုင်ငံရေး ဗမာ့နိုင်ငံရေး ဒီမိုကရေစီနဲ့ လူ့အခွင့်အရေးအတွက်
ပြန်လာမယ်ဆိုရင် အေဘီက သွေးညှီနံ့တွေကို အရင်ဆေးခဲ့ကြ ဘန်ကောက်မှာဆေးခဲ့ကြ
မန်ဟက်တန်မှာ ဆေးခဲ့ကြ ရန်ကုန်ကို သယ်မလာနဲ့ ရန်ကုန်က
သွေးညှီနံ့ဖုံးပြီးသား ထပ်မသယ်နဲ့ . . . ထပ်မသယ်လာခိုင်းနဲ့ ခင်ဗျားရဲ့
အချောင်သမား သူရဲခေါင်းကို မန်ဟက်တန်သာ ပြန်ခေါ်သွား . . .
Powered By Blogger Widgets
No comments:
Post a Comment