ဆီးရီးယား စစ်ဌာနချုပ် တိုက်ခိုက်ခံရ
စစ်ဌာနချုပ်ထဲ သူပုန်တွေ အတင်းဝင်စီးဖို့ ကြိုးစားတဲ့အတွက် ပစ်ခတ်မှုတွေ ရှိခဲ့ဗုံးနှစ်လုံး ပေါက်ကွဲခဲ့ရာမှာ တလုံးက စစ်ဌာနချုပ် ပရဝဏ် အတွင်းမှာ ပေါက်ကွဲခဲ့တာ ဖြစ်ပြီး ဌာနချုပ် အဆောက်အအုံ မီးစွဲလောင်ခဲ့ပါတယ်။
အဆောက်အအုံထဲ သူပုန်တွေ အတင်းဝင်စီးဖို့ ကြိုးစားခဲ့ရာမှာ ပစ်ခတ်မှုတွေ ဖြစ်ပွားခဲ့ပါတယ်။
တိုက်ခိုက်မှုအတွင်း စစ်အရာရှိ တဦးတလေမှ သေဆုံးတာမျိုး မရှိပေမယ့် အဆောက်အအုံ စောင့်တဲ့ အစောင့် တချို့တော့ ဒဏ်ရာရသွားတယ်လို့ ဆီးရီးယား အစိုးရ တာဝန်ရှိပုဂ္ဂိုလ်တွေက ပြောပါတယ်။
အစိုးရ ဆန့်ကျင်တဲ့ လှုပ်ရှား တက်ကြွသူတွေကတော့ နှစ်ဘက်စလုံးမှာ အသေအပျောက်တွေ ရှိတယ်လို့ ပြောပါတယ်။
အီရန်နိုင်ငံရဲ့ Press TV ရုပ်မြင်သံကြား ဌာနကတော့ တိုက်ခိုက်မှုတွေအတွင်း သူတို့ရဲ့ သတင်းထောက် မာယာ နက်ဆာ လက်ဖြောင့် သေနတ်သမားတဦးရဲ့ လက်ချက်နဲ့ သေဆုံးသွားခဲ့ကြောင်းနဲ့ Press TV နဲ့ AL Alam ဗြူရို အကြီးအကဲ ဟူစိန် မောတက်ဇာလည်း ဒဏ်ရာရခဲ့ကြောင်း ထုတ်ဖေါ် ကြေညာသွားပါတယ်။
အခုအခါ အဲဒီ တိုက်ခိုက်သူတွေကို အမြစ်ဖြုတ် ချေမှုန်းဖို့ ဆီးရီးယား လုံခြုံရေး တပ်ဖွဲ့တွေက တအိမ်ဝင် တအိမ်ထွက် လိုက်ရှာနေတယ်လို့ သံတမန်တွေက ပြောပါတယ်။
No comments:
Post a Comment