ရန်ကုန်တွင် ရေပေးဝေမှုစနစ်နှင့် ပိုက်လိုင်းစနစ်အား ပြုပြင်ရန်လို
ရန်ကုန်မြို့တွင် ရေပေးဝေရေးစနစ် အားနည်းနေခြင်းနှင့် မြို့နယ်အများစုသို့ ပို့လွှတ်နေသော
ရေများမှာ သောက်သုံးရန် မသင့်ကြောင်း
ရန်ကုန်မြို့တော်စည်ပင်သာယာရေးကော်မတီမှ မြို့ပြစီမံကိန်း ပညာရှင်တစ်ဦးက
ပြောသည်။
ရန်ကုန်မြို့အတွက် နှစ်စဉ်ရေဂါလံအားဖြင့် သန်း(၁၆၀)ဖြန့်ဝေပေးနေသော်လည်း လုံလောက်မှု မရှိခြင်း ဖြစ်သည်။
"မှန်တာ ပြောရရင်တော့ ရန်ကုန်မြို့က ဖြန့်ဝေတဲ့ရေထဲမှာ သောက်ရေအနေနဲ့တော့ တော်တော် များများနေရာမှာ မသင့်ဘူးလို့ပဲ ပြောရမှာပေါ့။ သံချေးပါတယ် ဆိုတဲ့ ကိစ္စကတော့ အဓိက အားဖြင့် ပိုက်တွေမှာ ဖြစ်တာပါ။ ပိုက်တွေက ကြာလာတယ်၊ ဟောင်းလာ တယ်၊ ပေါက်လာတယ် ပေါ့နော်။ နောက်ထပ် ၆လ
တစ်နှစ်လောက် ဆိုရင်တော့ ဒီအဖြေတွေကိုသိပြီးတော့ ဘာဆက်လုပ်ကြမလဲ
ဆိုတာတိတိကျကျ ရလာမယ်လို့ ယူဆပါတယ်။ ဒါပေမယ့် အဲဒီပေးဝေရေးစနစ်နဲ့
ပိုက်စနစ်နဲ့ အဲဒါတွေကိုတော့ အများကြီးပြုပြင်ဖို့လိုအပ်နေပါတယ်" ရန်ကုန်မြို့တော်စည်ပင်သာယာရေးကော်မတီမှ မြို့ပြစီမံကိန်းပညာရှင်က ပြောသည်။
ရန်ကုန်မြို့တော်
စည်ပင်သာယာရေးကော်မတီအနေုဖြင့် ရေပေးဝေရေးစနစ်နှင့် ပိုက်များအား ပြုပြင်
နိုင်ရန် ဂျပန်ပညာရှင်အဖွဲ့နှင့် ပူးပေါင်းဆောင်ရွက်သွားမည်ဖြစ်ကြောင်း
ကိုလည်းသိရသည်။
ရန်ကုန်မြို့အတွင်
ဂျိုးဖြူပိုက်လိုင်းရေဝေမှုစနစ်၊
လှော်ကားရေပေးဝေမှုစနစ်၊ဖူးကြီးရေပေးဝေမှုနှင့် ငမိုးရိပ် ရေပေးဝေမှု
စနစ်ဖြင့် ပေးဝေလျက်ရှိကြောင်း သိရသည်။
လက်ရှိအချိန်တွင် ရန်ကုန်မြို့ရှိ မြို့နယ်အများစု၌ ရေရှားမှုပြဿနာ ကြီးမားနေကြောင်းကိုလည်း သိရသည်။
“အခုဆို ဒီမှာ ရေတော်တော် ဒုက္ခရောက်တယ်လေ၊
ရေက ဘယ်အချိန်ပေးလို့ ပေးမှန်းလည်း မသိ ရဘူး၊ ပြီးတော့ တစ်ခါတစ်လေ
ကံကောင်းလို့ ရေတင်တာရရင်တောင် ညဘက် ၂ နာရီ၊ ၃-၄ နာရီ လောက်မှ ပေးတာလေ၊
အဲဒီအချိန်က လူအိပ်ချိန်လေ၊ အဲအချိန် မှာမှ ပေးတော့ ဘယ်လိုလုပ်မှာလဲ၊
ညဘက်အိပ်ချင်ပေမဲ့ ရေမရှိမှာစိုးလို့ ရေထတင်ရတာ အလုပ်တစ်ခုလိုကို ဖြစ်နေတယ်”ဟု သင်္ဃန်းကျွန်းမြို့နယ်၊ သုဝဏ္ဏတွင်နေထိုင်သူ ကိုလင်းထိုက်က ပြောသည်။
၎င်းသို့ ရေပေးဝေမှု မလုံလောက်ခြင်းကြောင့် ရေစည်လှည်းငှားများ အလုပ်ဖြစ်လာကြောင်းကိုလည်း သိရသည်။
ရေတစ်စည်ကို
လှည်းငှားမည်ဆိုပါက တစ်စည်ကို ငါးရာဖြစ်ပြီး အိမ်အရောက် တွန်းပို့ပေးရမည်
ဆိုပါက ရေတစ်စည်ကို ငါးထောင်ကျပ် ပေးရနေရခြင်းဖြစ်သည်။ ရေရှားသည့်အချိန်တွင်မူ တစ်စည် ကို ကျပ်ခုနှစ်ထောင်အထိ ပေးရကြောင်းကိုလည်း သာကေတ မြို့နယ်နေ မဇွန်မိုးပွင့်မှ ပြောသည်။
မြန်မာနိုင်ငံ၏
လူဦးရေ ဆယ်ပုံပုံ တစ်ပုံရှိသော ရန်ကုန်မြို့တွင် နှစ်စဉ်
ရေဂါလံသန်းပေါင်း (၁၆၀) ပေးဝေနေသည်။ တစ်နှစ်လျှင် ဂါလံ သုံးဆယ်နှင့်တွက်ပါက
သန်း(၁၅၀)သာ ကုန်မည်ဖြစ်သည်။ သို့သော် ရန်ကုန်မြို့နေရာအနှံ့ပြားတွင်
ရေမလုံလောက်မှုများသည် တစ်ဆထက် တစ်ဆ တိုးပွားလာခြင်းဖြစ်သည်။
ထို့အပြင် အချိ်ု့မြို့နယ်များတွင် ရေမီတာတပ်ဆင်ခြင်းမရှိဘဲ သက်ဆိုင်ရာနှင့်ညှိနှိုင်းကာ သုံးစွဲမှုများရှိကြောင်းကိုလည်း သိရသည်။
“တစ်ခါတစ်ရံ ရေက သုံးမရအောင် ၀ါထိန်နေတယ်။ တော်တော်ဆိုးတယ်၊ နောက်ဆုံး သုံးမရလို့ အကုန်ပြန်သွန်ပြီး ရေလှည်းခေါ် ရတာပဲရှိတယ်။ နီရဲနေတာမျိုးလည်း ကြုံတွေ့နေရတယ်။”ဟု ဗဟန်းမြို့နယ်မှ မသူဇာဟန်က ပြောသည်။
ကမ္ဘာနဲ့အ၀ှမ်း သောက်သုံးရေရှားပါးမှုပြဿနာနှင့် ကြုံနေရချိန်တွင် ရန်ကုန်မြို့သည် ရေအရင်း အမြစ် ကြွယ်ဝသည့်နေရာတွင် တည်ရှိနေသည်။
မြစ်မခ ဘကြီးသက်
No comments:
Post a Comment