ရခိုင်၊ ကချင် ဒုက္ခသည်များအား ကမ္ဘာ့ဘဏ်မှ အမေရိကန်ဒေါ်လာ(၅)သန်း ထောက်ပံ့မည်
Arakan Times, 15 November 2012 —- ရခိုင်ပြည်နယ်အတွင်းတွင်
သောင်းကျန်းသူ အကြမ်းဖက်မှုများနှင့် ကချင်ပြည်နယ်အတွင်း စစ်ပွဲတို့ကြောင့်
ဒုက္ခရောက်နေကြသော ရခိုင်၊ ကချင် ဒုက္ခသည်များအား ကမ္ဘာ့ဘဏ်က
အမေရိကန်ဒေါ်လာ(၅)သန်း မကြာမီ ထောက်ပံ့ကူညီပေးသွားမည်ဖြစ်ကြောင်း
သတင်းရရှိသည်။ယင်းကမ္ဘာ့ဘဏ်မှ ကူညီပေးသွားမည် သတင်းနှင့်ပတ်သက်၍
ကမ္ဘာ့ဘဏ် မြန်မာနိုင်ငံမန်နေဂျာ Kanthan Shanker က “အခု ကျွန်တော်တို့ အပစ်အခတ် ရပ်စဲရေးဒေသတွေကို ကူညီပေးဖို့ လုပ်နေပါတယ်၊ ထောက်ပံ့ပေးမှာကတော့(၅)သန်းပါ။”ဟု ပြောဆိုကြောင်း hotnewsweekly တွင် ဖေါ်ပြထားသည်။
ရခိုင်၊ ကချင်ဒုက္ခသည်များအား ကူညီစောင့်ရှောက်ပေးနေကြသော လူမှုရေးအသင်းအဖွဲ့များအနေဖြင့် ဒုက္ခသည်များမှာ တစ်ဖြည်းဖြည်း တိုးမြင့်လာနေကြောင်းနှင့် အခြေခံကျန်းမာရေး စောင့်ရှောက်မှုကအစ လိုအပ်မှုများ အစောတစ်လျှင်ရှိနေကြောင်း ဆိုနေကြသည်။
ယင်း ကမ္ဘာ့ဘဏ်မှ သီးသန့် ရခိုင်၊ ကချင်ဒုက္ခသည်များအား ကူညီပေးသွားမည့် ကန်ဒေါ်လာ(၅)သန်းမှာ ယခင် မြန်မာအစိုးရသို့ ထောက်ပံ့ခဲ့သော ကန်ဒေါ်လာ သန်း(၈၀)နှင့် မသက်ဆိုင်ကြောင်း သိရှိရသည်။
Written by သဇင်ဥ
No comments:
Post a Comment