ရုရှား အမျိုးသမီး ကျွမ်းဘားမယ် ရွှေတံဆိပ်ဆုရ

နွေရာသီ ကမ္ဘာ့အိုလံပစ်ပြိုင်ပွဲမှာ ရွှေတံဆပ်ဆုရသွားသူ ရုရှားကျွမ်းဘားမယ် Aliya Mustafina

ဗွီအိုအေ (မြန်မာဌာန)

06.08.2012

၂၀၁၂ ခုနှစ် လန်ဒန် အိုလံပစ် အားကစားပြိုင်ပွဲရဲ့ ကျွမ်းဘားအားကစားပြိုင်ပွဲတွေကို တနင်္လာနေ့က ဆက်ပြီး ယှဉ်ပြိုင်ခဲ့ကြပါ တယ်။ တနင်္ဂနွေနေ့တုန်းကတော့ ဂျမေကာနိုင်ငံသား အပြေးသမား Usain Bolt က မီတာ ၁၀၀ ပြေးပွဲမှာ ၉ ဒဿမ ၆၃ စက္ကန့် နဲ့ အိုလံပစ်စံချိန်ချိုးပြီး သူ့ရဲ့ ချန်ပီယံဆုကို ဆက်ပြီး ထိန်းသိမ်းနိုင်ခဲ့ပါတယ်။
အမျိုးသမီးဂျွမ်းဘား မညီညာတဲ့ဘားတန်းပြိုင်ပွဲမှာ ရုရှားကျွမ်းဘားမယ် Aliya Mustafina က ရွှေတံဆိပ် ဆွတ်ခူးသွားပြီး တရုတ် ကျွမ်းဘားမယ် Kexin He ငွေတံဆိပ်၊ ဗြိတိန် ကျွမ်းဘားမယ် Beth Tweddle က ကြေးတံဆိပ် ဆွတ်ခူးသွား ကြပါတယ်။ ဒီနှစ် အိုလံပစ် ကျွမ်းဘားပြိုင်ပွဲရဲ့ ကြယ်တစ်ပွင့် အဖြစ် ပေါ်ထွက်လာခဲ့သူ အမေရိကန် ဆယ်ကျော်သက် ကျွမ်းဘားမယ် Gabby Douglas က တတိယ ရွှေတံဆိပ်ဆုရဖို့ ကြိုးစားခဲ့ပေမဲ့ နံပါတ် ၈ အဆင့်ပဲ ချိတ်ခဲ့ပါတယ်။
အမျိုးသား သံကွင်း ကျွမ်းဘားပြိုင်ပွဲ နောက်ဆုံးဗိုလ်လုပွဲမှာ ဘရာဇီးလ် ကျွမ်းဘားသမား Arthur Nabarrete Zanetti က ရွှေ တံဆိပ်၊ တရုတ်ကျွမ်းဘားသမား Yibing Chen က ငွေတံဆိပ်နဲ့ အီတလီ ကျွမ်းဘားသမား Matteo Morandi က ကြေးတံဆိပ် အသီးသီး ရခဲ့ကြပါတယ်။
အမျိုးသား တုတ်ထောက်ခုန်ပြိုင်ပွဲမှာ တောင်ကိုရီးယားက Hak Seon Yang က ရွှေ၊ ရုရှားက Denis Ablyazin က ငွေတံဆိပ်၊ ယူကရိန်းက Igor Radivilov က ကြေးတံဆိပ် ဆွတ်ခူးခဲ့ကြပါတယ်ခင်ဗျား။