KNU ၏ အမျိုးသား ရင်ကြား စေ့ရေး မအောင်မြင်

KNU ၏ အမျိုးသား ရင်ကြား စေ့ရေး မအောင်မြင် 

by mmnewshub

ရွှေဟင်္သာသတင်းဌာန. ၂၃ရက်နေ့ အောက်တိုဘာ ၂၀၁၂    —–  အောက်တိုဘာ (၂၂) နှင့် (၂၃) ရက်နေ့ နှစ်ရက်ကြာ ကျင်းပသော KNU ထိပ်သီး ခေါင်းဆောင် များ၏ အမျိုးသား ရင် ကြားစေ့ရေး တွေ့ဆုံ ဆွေးနွေးပွဲသည် ရလာဒ် တစ်စုံတရာ မရှိဘဲ ပြီးဆုံး သွားခဲ့ သည်ဟု ဆွေးနွေး ပွဲနှင့် နီးစပ်သူ တဦးက ဆိုပါသည်။
“ ဆွေးနွေးပွဲကို ဘယ်နေရာ ဆွေးနွေး ကြတယ် ဆိုတာ ကတော့ မသိရဘူးဗျ။ ဗဟိုဖက်ရော GOC ဖက်ကပါ တဖက်ကို ကိုယ်စားလှယ် (၅)ဦးစီ တက်ကြတယ်။ အဲဒါ ဆုံးဖြတ်ချက် မကျဘဲနဲ့ ရပ်လိုက် ရတယ်လို့ အစည်းအဝေး တက်တဲ့ လူတွေ ကပြောတယ်။ အဲဒီလောက် ဘဲပြောတယ်။
ဘယ်အပေါ်မှာ အဆင်မပြေတာလဲ ဆိုတာကတော့ အတိအကျ မသိရ သေးဘူး” ဟုဆိုပါသည်။
KNU ၏ ဤအမျိုးသား ရင်ကြားစေ့ရေး ဆွေးနွေး ပွဲသည် ပြီးခဲ့သည့် စက်တင်ဘာ လအတွင်း ကရင်ပြည်နယ် ဘားအံမြို့ ၌ ဖွင့်လှစ်ခဲ့သော ကေအဲန်ယူ၏ တပ်မဟာများ ဆက်သွယ်ရေးရုံး ဖွင့်ပွဲကိစ္စတွင် KNU ဗဟိုကို အကြောင်းကြားခြင်း မရှိဘဲ သွားရောက် ခဲ့ခြင်း ဖြစ်သည်ဟု ဗဟို အထွေထွေ အတွင်းရေးမှူးတို့ အဖွဲ့က စွပ်စွဲပြီး အရေးယူသည့် ကိစ္စကို တွေ့ဆုံ ဆွေးနွေး ခဲ့ခြင်း ဖြစ်ပါသည်။
http://www.phophtaw.org/burmese/index.php/news/local-news/2234-knu—-.html
ဤသို့ကြောင့် ဆက်ဆံရေး ရုံးကို ဦးဆောင် ဖွင့်လှစ် ခဲ့ကြသည့် ဗိုလ်ချုပ်ကြီး မူတူးဆေးဖိုး၊ ပဒိုရောဂျာခင်နှင့် အတွင်းရေးမှူး (၂) ဟောင်း ပဒိုဒေးဗစ်ထော (ကွယ်လွန်) တို့ကို KNU ဗဟိုမှ ထုတ်ပယ် လိုက်ပါသည်။
ဤထိပ်သီး ဆွေးနွေးပွဲသို့ ဗိုလ်ချုပ်ကြီး မူးတူးဆေးဖိုးတို့အား ကိုယ်စားပြုသော ကိုယ်စားလှယ်များမှာ ဗိုလ်မှူးဟောင်း တူးတူးလေး ဦးဆောင်ပြီး၊ ဗဟို ကျန်းမာရေး ဌာနတာဝန်ခံ ပဒိုရောဂျာခင်၊ မြိတ်ထားဝယ် ခရိုင် ဥက္ကဌ ပဒိုကွယ်ထူး၊ မော်လမြိုင် ခရိုင်ဥက္ကဌ ပဒိုရွှေမောင်းနှင့် ဖါးအံခရိုင် ဥက္ကဌ ပဒိုအောင်မော်အေးတို့ ဖြစ်ပါသည်။

ကေအဲန်ယူ၏ အထွေထွေ အတွင်းရေးမှူး နော်စီ ဖိုးရာစိန်နှင့် စစ်ဦးစီးချုပ် ဗိုလ်ချုပ်ကြီး မူတူး ဆေးဖိုးပုံ (ဓါတ်ပုံ - အင်တာနက်)

ဗဟို အထွေထွေ အတွင်းရေးမှူး နော်စီဖိုးရာစိန် တို့ဖက်မှ ၄င်းကိုယ်တိုင် ခေါင်းဆောင်ပြီး အတွင်းရေးမှူး (၁) ပဒိုလှငွေ၊ အတွင်းရေးမှူး (၂) ဒေါ်လေးမူ၊ တပ်မဟာ (၅)မှူး ဗိုလ်မှူးချုပ် ဘော်ကျော်ဟဲ နှင့် တပ်မဟာ (၂)မှူး တို့က တက်ရောက် ခဲ့ကြ ပါသည်။
KNU တပ်ရင်း (၁၂) မှူးဟောင်း ဗိုလ်မှူး စိုးစိုးကို ကြားလူ အဖြစ် တက်ရောက် စေခဲ့ပါသည်။ KNU သည် ဤနှစ် မကုန်မှီ အရေးပေါ် ဗဟို ကော်မီတီ အစည်းအဝေး ကျင်းပရန် ရှိသဖြင့် အစည်းအဝေး မတိုင်မှီ အမျိုးသား ရင်ကြား စေ့ရေးကို ကနဦး ဖြေရှင်းလို၍ ယခု ဆွေးနွေးပွဲကို စတင် ခဲ့ကြခြင်း ဖြစ်ပါသည်။
ဤသို့ကြောင့် ဤမပြေလည် မှုသည် KNU အား ပြိုကွဲ စေသော လက္ခဏာ ဖက်သို့ တွန်းအား ဖြစ်လာ နေသည်ဟု ဝေဖန် သူများက ဆိုပါသည်။ ဤအခြေအနေ အပေါ် အစိုးရမှ တစုံတရာ ထုတ်ဖေါ် ပြောကြားခြင်း မရှိသေးပေ။ သို့သော် ဤပြ သနာ သည် အစိုးရ၏ သွေးခွဲ မှုများလည်း ဖြစ်ဖွယ် ရှိသည်ဟု KNU အောက်ခြေ တပ်မှူး များက ယူဆ နေပါသည်။
Written by ရွှေဟင်္သာသတင်းဌာန