ယမ်းငွေ့ဝေဆဲ ကချင်မြေ

ယမ်းငွေ့ဝေဆဲ ကချင်မြေ

Written by နေထွန်းနိုင်

Saturday, 05 January 2013 19:41

(၁) ဒီဇင်ဘာလ ၂၃ ရက်နေ့ ညသန်းခေါင်အချိန်။ ငြိမ်းချမ်းရေး အကျိုးတော်ဆောင်အဖွဲ့ခေါင်းဆောင် ဦးယွပ်ဇော်ခေါင်ဆီကို မြောက်ပိုင်းတိုင်း စစ်ဌာနချုပ်က စာတစ်စောင် ရောက်လာခဲ့ပါတယ်။သတိပေး အကြောင်းကြားရန်ကိစ္စ။လဂျားယန် တပ်စခန်းအတွက် အုပ်ချုပ်မှုကိစ္စများ ဆောင်ရွက်ရန် လမ်းကြောင်းအတိုင်း ၀င်ရောက်ရန် ရှိပါသည်။ သို့ပါ၍ လမ်းကြောင်းတစ်လျောက်ရှိ ကေအိုင်အေအဖွဲ့များအား ၂၀၁၂ ခုနှစ် ဒီဇင်ဘာလ ၂၅ ရက် နောက်ဆုံးထား၍ နောက်ဆုတ်ပေးရေး ကေ အိုင်အေအဖွဲ့သို့ သတိပေးသွားရန် အကြောင်းကြားအပ်ပါသည်။ စာပါ အကြောင်းအရာက ဒီလောက်မျှ။ စာပိုဒ်ရဲ့အောက်ခြေမှာ မြောက်ပိုင်းတိုင်း စစ်ဌာနချုပ်တိုင်းမှူး ဗိုလ်မှူးချုပ် ထွန်းထွန်းနောင်က လက်မှတ်ရေးထိုးခဲ့ပါတယ်။ လဂျားယန်ဒေသဆိုတာ KIO/KIA ဌာနချုပ်(လိုင်ဇာ)မြို့ရဲ့ အနောက်ဘက် ၆ မိုင်ခန့်အကွာမှာ ရှိပါတယ်။ မြစ်ကြီးနားကနေ မိုင် ၇၀ ခန့်အကွာမှာ ရှိနေပါတယ်။ မြစ်ကြီးနား-လိုင်ဇာလမ်းဆုံ၊ ဗန်းမော်လမ်းခွဲ မိုးလဲတံတားကို မရောက်ခင်မှာ 'လိုင်ဇာမြို့မှ ကြိုဆိုပါ၏'ဆိုတဲ့ မုခ်ဦးကို အရင်တွေ့ရပါမယ်။ ဒီမုခ်ဦးကို ကျော်ဝင်သွားရင် လိုင်ဇာမြို့ထဲ ရောက်ပါမယ်။ လိုင်ဇာမြို့ထဲ ဆက်သွားရင်တော့ KIO/KIA ဌာနချုပ်၊ နောက်ပြီး တရုတ်နိုင်ငံ နယ်စပ်ထွက်ပေါက်ကို ရောက်ပါလိမ့်မယ်။ မိုးလဲ တံတားဘက်ကို ဖြတ်ပြီး ဆက်သွားရင် ဗန်းမော်ကို ရောက်ပါမယ်။ လိုင်ဇာကိုသွားသည် ဖြစ်စေ၊ ဗန်းမော်ကို သွားသည်ဖြစ်စေ လဂျားယန်ကို ကျော်ဖြတ်ရပါလိမ့်မယ်။ ၁၉၉၄ ခုနှစ်ကနေ ၂၀၁၁ ခုနှစ် အထိ အပစ်အခတ် ရပ်စဲရေး ၁၇ နှစ် တာကာလမှာတော့ လဂျားယန်ဒေသဟာ အစိုးရနဲ့ KIO အကြား buffer zone လို ဖြစ်နေခဲ့ပါတယ်။ အစိုးရတပ်တွေရဲ့ ရှေ့တန်းစခန်းရှိခဲ့သလို KIA တပ်ဖွဲ့ဝင်တွေကလည်း ဒီနယ်မြေမှာ လွတ်လပ်စွာသွားလာ လှုပ်ရှားခဲ့ပါတယ်။နောက်ပြီး အစိုးရရဲ့ လူဝင်မှုကြီးကြပ်ရေးရုံး၊  KIO ရဲ့ ဆက်ဆံရေးရုံးစတဲ့ ရုံးအဆောက်အအုံတွေလည်း လဂျားယန်မှာ ရှိခဲ့ပါတယ်။ ၂၀၁၁ ခုနှစ် ဇွန်လတိုက်ပွဲတွေ ပြန်စပြီးနောက်မှာ အစိုးရတပ်တွေက လိုင်ဇာအစပ် လဂျားယန်ဘက်ကနေ ဆုတ်ခွာသွားခဲ့ပါတယ်။ အဲဒီအချိန်ကစလို့ လဂျားယန်ဒေသမှာ ရှိနေတဲ့ နယ်မြေအများစုကို KIA က ထိန်းချုပ်ခဲ့ပါတယ်။ ၂၀၁၂ ခုနှစ်ကုန်ဆုံးလို့ ၂၀၁၃ ခုနှစ်ထဲ ရောက်လာချိန်အထိ မြစ်ကြီးနားမြို့မှာ မှောင်အတိဖြစ်ဆဲ၊ မီးစက်သံတွေကြားဆဲ၊ ဖုန်းလိုင်းတွေက ပြတ်တောက်နေဆဲ..... လဂျားယန်ဟာ ၂၀၁၂ ခုနှစ် ဒီဇင်ဘာလထဲမှာ နာမည်ကြီးလာခဲ့ပါတယ်။ဒီဇင်ဘာလ ၁၄ ရက်နေ့မှာ KIA ၊ABSDF (မြောက်ပိုင်း) ပူး ပေါင်းတပ်တွေနဲ့ အစိုးရတပ်တွေအကြား မြေပြင်တိုက်ပွဲတွေ ဖြစ်ခဲ့တယ်။ အစိုးရတပ်ဘက်က ကျဆုံးတာတွေရှိခဲ့တယ်။ ဖမ်းဆီးခံခဲ့ရသူတွေလည်း ရှိခဲ့ပါတယ်။ ဒီဇင်ဘာလ ၁၄ ရက်နေ့ တိုက်ပွဲဗီဒီယိုတွေဟာ အင်တာနက်ပေါ်ကို ရောက်လာခဲ့ပါတယ်။ ဒီအချိန်ကစလို့ လဂျားယန်ဟာ လူအများ အာရုံကျရာ ဒေသတစ်ခုဖြစ်လာခဲ့ပါတယ်။ လဂျားယန်ကို ထပ်ပြီး အာရုံကျစေခဲ့တဲ့ အကြောင်းရင်းက မြောက်ပိုင်းတိုင်းစစ်ဌာနချုပ်ရဲ့ သတိပေး အကြောင်းကြားစာကြောင့် ဖြစ်ခဲ့ပါတယ်။ သတိပေးစာဟာ စစ် ရေးနည်းနဲ့ ရာဇသံပေး ခြိမ်းခြောက်လာတယ်လို့ KIO က ယူဆခဲ့ပါတယ်။ကန့်ကွက်ကြောင်း အကြောင်းကြားစာကို ဒီဇင်ဘာလ ၂၄ ရက်နေ့မှာ ပေးပို့ခဲ့ပါတယ်။ ပြည်ထောင်စု ငြိမ်းချမ်းရေး ဖော်ဆောင်ရေးကော်မတီ ဒုတိယဥက္ကဋ္ဌ ဦးအောင်မင်းထံ ကို ပို့ခဲ့တာပါ။ ကချင်ပြည်နယ်ရဲ့ စစ်ပွဲအရှိန်က ဒီဇင်ဘာလ ၂၀ နောက်ပိုင်းမှာ ပိုပြီး ပြင်းထန်လာခဲ့ပါတယ်။ အထူးသဖြင့် လဂျားယန်ဒေသနဲ့ ပန်ဝါဒေသဘက်မှာ အစိုးရတပ်နဲ့ KIAတို့အကြား   မြေပြင်တိုက်ပွဲတွေ ပြင်းပြင်းထန်ထန် ဖြစ်လာခဲ့တာပါ။ ၂၀၁၁ ခုနှစ် ဇွန်လ ၉ ရက်နေ့က စခဲ့တဲ့ ကချင်စစ်ပွဲဟာ ၂၀၁၂ ခုနှစ် နှစ်ကုန်ချိန်အထိ ရပ်စဲသွားတယ် မရှိခဲ့ပါဘူး။ လဂျားယန်ဒေသမှာ တပ်မတော်နဲ့ KIA တပ်တွေ မြေပြင်တိုက်ပွဲတွေ ရှိခဲ့သလို ပန်ဝါဘက်မှာတော့ နယ်ခြားစောင့်တပ်အဖြစ် အသွင်ပြောင်းထားတဲ့ NDA-K (ဒီမိုကရေစီသစ် တပ်မတော်-ကချင်)နဲ့ KIA တို့အကြား မြေပြင်တိုက်ပွဲတွေ ဖြစ်ခဲ့ပါတယ်။ တရုတ်-မြန်မာနယ်စပ် မိုင်တိုင် ၅ နဲ့ ၆ ၀န်းကျင်မှာ ဖြစ်ခဲ့ကြတာပါ။ အဲဒီနေရာမှာ လူနေထိုင်မှုမရှိပါဘူး။ တရားမ၀င် သတ္တုတွင်းအချို့တော့ ရှိနေပါတယ်။ NDA-K ရဲ့ ဥက္ကဋ္ဌက ဦးစခုန်တိမ့်ယိမ်း ဖြစ်ပါတယ်။ အမျိုးသားလွှတ်တော် ကိုယ်စားလှယ် ဖြစ်နေသူပါ။ ပန်ဝါဘက်မှာ ဖြစ်ခဲ့တဲ့ တိုက်ပွဲတွေမှာ နယ်ခြားစောင့်တပ်တွေရဲ့ အကူအညီတောင်းခံမှုကြောင့် တပ်မတော်ရဲ့ စစ်ဘက်ဆိုင်ရာ ရဟတ်ယာဉ်တွေက ပစ်ကူပေးခဲ့ရတယ်လို့ အမည်မဖော်လိုသူ စစ်ဘက်ဆိုင်ရာ အရာရှိအချို့က ပြောဆိုခဲ့ပါတယ်။ အခြားတစ်ဖက်မှာတော့ NDA-K ဆိုတာကလည်း ကချင်တိုင်းရင်းသားတွေနဲ့ ဖွဲ့စည်းထားတဲ့ နယ်ခြားစောင့်တပ်ဖြစ်လို့ KIA ရဲ့ တိုက်ခိုက်မှုကို အလျော့ပေးခဲ့တယ်ဆိုတဲ့ ပြောဆိုမှုတွေရှိခဲ့ပါတယ်။ မြစ်ကြီးနား-လိုင်ဇာ-ဗန်းမော်လမ်းပိုင်း တစ်လျောက်။ တဘက်ယန်၊ မလန်းယန်၊ မလိယန်၊ ကန်တော်ယန်၊ နန်ဆန်ယန်၊ လဂျားယန် စတဲ့ ဒေသတွေမှာ ဖြစ်နေခဲ့တဲ့ မြေပြင်တိုက်ပွဲတွေဟာ ဒီဇင်ဘာလဆန်းပိုင်းကစပြီး တစ်စထက်တစ်စ ပြင်းထန်လာခဲ့တာပါ။ ဒီဇင်ဘာလ ၂၃ ရက်နေ့ နောက်ပိုင်းမှာတော့ အပြင်းထန်ဆုံး အခြေအနေကို ရောက်ရှိလာခဲ့ပါတယ်။ မြောက်ပိုင်းတိုင်း စစ်ဌာနချုပ်ရဲ့ နယ်မြေမှာသာမက အရှေ့မြောက်ပိုင်းတိုင်း စစ်ဌာနချုပ်ရဲ့ နယ်မြေအတွင်းမှာပါ တပ်မတော်နဲ့ KIA အကြား တိုက်ပွဲတွေ ဆက်တိုက် ဖြစ်လာခဲ့ပါတယ်။ KIO ရဲ့ လက်အောက်ခံ တပ်အဖွဲ့အစည်းဖြစ်တဲ့ KIA မှာ တပ်မဟာ ခြောက်ခုရှိပါတယ်။ ကချင်ပြည်နယ်တွင်း ပန်ဝါဒေသဘက်မှာ KIA ရဲ့ တပ်မဟာ(၁)ရှိနေပြီး ဖားကန့်၊ မြစ်ကြီးနား၊ တနိုင်း၊ မိုးကောင်း၊ မိုးညှင်းအစရှိတဲ့ ဒေသတွေမှာ တပ်မဟာ(၂) ရှိခဲ့ပါတယ်။ တပ်မဟာ (၃) က မိုင်ဂျာယန် ဒေသဘက်မှာ ရှိနေ ပြီးတော့ ရှမ်းပြည်နယ်မြောက်ပိုင်း၊ ရှမ်းပြည်နယ်အရှေ့ပိုင်း၊ တာမိုးညဲ၊ လွယ်ဂျယ်၊ ကွတ်ခိုင်အစရှိတဲ့ ဒေသတွေမှာ တပ်မဟာ(၄) ရှိနေပါတယ်။ ဗဟိုဌာနချုပ်ရှိရာ လိုင်ဇာဒေသမှာ တပ်မဟာ(၅)ရှိနေပြီး မကြာသေးခင် ကမှ ယာယီဖွဲ့စည်းထားတဲ့ တပ်မဟာ (၆)က ပန်ဝါ-လိုင်ဇာ-လဂျားယန် စတဲ့ ဒေသတွေမှာ ရှိနေခဲ့ပါတယ်။ မြေပုံအရ လဂျားယန်ဒေသဟာ မြစ်ကြီးနားမြို့ရဲ့ အရှေ့တောင်ဘက်စွန်းမှာ ရှိနေပါတယ်။ မြစ်ကြီးနားမြို့ကနေ လဂျားယန်ကို သွားနိုင်ဖို့အတွက် မြစ်ကြီးနား-လိုင်ဇာလမ်းကို အသုံးပြုရပါလိမ့်မယ်။ တိုက်ပွဲ ဖြစ်နေချိန်မှာတော့ မြစ်ကြီးနား-လိုင်ဇာ-ဗန်းမော်လမ်းကို ဘယ်သူမှ အသုံးမပြုတော့..... (၂) ဒီဇင်ဘာလ ၂၅ ရက်နေ့။ ခရစ္စမတ်နေ့။ ခရစ်ယာန် ဘာသာဝင်တွေ အထွတ်အမြတ်ထားရာ နေ့ထူးတစ်ခု။ မြစ်ကြီးနားမြို့ကို ရောက်ရှိချိန်မှာ မီးစက်သံတွေက စောင့်ကြိုနေပါတယ်။ ဖုန်းလိုင်းဆက်သွယ်မှုတွေ ပြတ်တောက်နေပါတယ်။ ညဦးပိုင်းရောက်ချိန်မှာ မြစ်ကြီးနားမြို့တစ်ခုလုံး မှောင်အတိကျလျက်။ခရစ္စမတ်နေ့ရဲ့ ပျော်ပွဲရွှင်ပွဲတွေ၊ ဆုတောင်းပွဲတွေဟာ ည ၈ နာရီကျော်မှာ ပြီးဆုံးသွားခဲ့ပြီး ည ၉ နာရီ နောက်ပိုင်းမှာတော့ မြစ်ကြီးနားမြို့ပေါ်က လမ်းတွေမှာ လူသွားလူလာ သိပ်မ ရှိတော့ပါဘူး။ ဒီဇင်ဘာလ ၂၄ ရက်နေ့က ဖြစ်ပွားခဲ့တဲ့ တိုက်ပွဲတွေကြောင့် မြစ်ကြီးနားမြို့နဲ့ ၀ိုင်းမော်မြို့ကို မီးပေးနေတဲ့ မလိရေအားလျှပ်စစ်စက်ရုံ ဓာတ်အားပေးလိုင်းတွေ ပြတ်ကျခဲ့ပါတယ်။ ဒီလိုပြတ်ကျခဲ့တဲ့အတွက် မြစ်ကြီးနားမြို့နဲ့ ၀ိုင်းမော်မြို့တို့ လျှပ်စစ်မီးရရှိမှု ပြတ်တောက်သွားခဲ့ပါတယ်။ ဘူးခါးကုမ္ပဏီက လုပ်ကိုင်နေတဲ့ မလိရေအား လျှပ်စစ် စက်ရုံကို KIO က ပိုင်ဆိုင်ထားပါတယ်။ မြောက်ပိုင်းတိုင်း စစ်ဌာနချုပ်က အသုံးပြုနေတဲ့ လျှပ်စစ်ဓာတ်အားကလည်း မလိရေအားလျှပ်စစ် ဓာတ်အားပေး စက်ရုံကရရှိတဲ့ လျှပ်စစ် ဓာတ်အားပဲ ဖြစ်ပါတယ်။ တိုက်ပွဲဖြစ်မှုကြောင့် ဓာတ်အားပေးလိုင်းတွေ ထိခဲ့ရတဲ့ အကြောင်းရင်းကို KIO ဘက်ကစပြီး သတင်းထုတ်ခဲ့ပါတယ်။ အစိုးရတပ်တွေရဲ့ လေကြောင်းတိုက်ခိုက်မှုကြောင့် မလိရေအားလျှပ်စစ်စက်ရုံ ဓာတ်အားပေးလိုင်းတွေ ထိခဲ့ရတယ်လို့ ဆိုတာပါ။ စစ်ဘက်ဆိုင်ရာ အရာရှိ တချို့က KIO ရဲ့ ပြောဆိုမှုကို လက်မခံခဲ့ပေမဲ့ တရားဝင် အတည်ပြုပြောဆိုခဲ့သူ မရှိခဲ့ပါဘူး။ သူတို့အနေနဲ့ မလိရေအားလျှပ်စစ်စက်ရုံ ဓာတ်အားပေးလိုင်းတွေကို ထိခိုက်အောင်လုပ်စရာ အကြောင်းမရှိဘူးလို့ ပြောခဲ့ပါတယ်။ ဒါပေမဲ့ မလိရေအားလျှပ်စစ် စက်ရုံက ထွက်တဲ့ ဓာတ်အားကို သုံးတဲ့အတွက် မြစ်ကြီးနားမြို့ခံတွေက KIO ထံကို တစ်လကျပ်သိန်း ၂၆၀၀ ဓာတ်အားခ ပေးသွင်းရတယ်ဆိုတဲ့ မှတ်ချက်ပြု ပြောဆိုတာတွေကို စစ်ဘက်ဆိုင်ရာ အရာရှိအချို့ထံက ကြားခဲ့ရပါတယ်။ ဓာတ်အားပေးစက်ရုံပျက်ရင် ပြင်ရမှာက KIO ရဲ့ တာဝန်ပဲမို့ ဖျက်ဆီးစရာ အကြောင်း မရှိဘူးလို့က ပြန်ပြောခဲ့တာ တွေလည်းရှိပါတယ်။ အမှန်တကယ်အားဖြင့်တော့ နှစ်ဖက်တိုက်ပွဲအကြားမှာ မလိရေအားလျှပ်စစ်စက်ရုံ ဓာတ်အားပေးလိုင်းတွေ ထိခိုက်ခဲ့တာပါ။    ဒီကြားထဲမှာပဲ ရာနှုန်းပြည့်နီးပါး ပြီးနေပြီဖြစ်တဲ့ ချီဗွေငယ် ရေအားလျှပ်စစ်ကတစ်ဆင့် မြစ်ကြီးနားမြို့ ကို လျှပ်စစ်မီးပေးမယ်ဆိုတဲ့ သတင်းတွေ ထွက်ပေါ်ခဲ့ပါတယ်။ ချီဗွေငယ် ဆိုတာ မြစ်ဆုံစီမံကိန်းလုပ်တဲ့အခါ အသုံးပြုဖို့ တရုတ်ကုမ္ပဏီ CPI က ကြိုတင်တည်ဆောက်ခဲ့တဲ့ ရေအားလျှပ်စစ် စက်ရုံဖြစ်ပါတယ်။ မြို့ခံ တချို့ကတော့ ချီဗွေငယ်ကို အကြောင်းပြုပြီး CPI တစ်ကျော့ဝင်လာမှာကို စိုးရိမ်ခဲ့ကြသူတွေ ရှိပါတယ်။ ၂၀၁၂ ခုနှစ်ကုန်ဆုံးလို့ ၂၀၁၃ ခုနှစ်ထဲ ရောက်လာချိန်အထိ မြစ်ကြီးနားမြို့မှာ မှောင်အတိဖြစ်ဆဲ၊ မီးစက်သံတွေကြားဆဲ၊ ဖုန်းလိုင်းတွေက ပြတ်တောက်နေဆဲပဲ ဖြစ်ပါတယ်။ မြစ်ကြီးနားမြို့ခံတွေက ကချင်စစ်ပွဲသတင်းကို သိလိုဇောထက် မီးဘယ်တော့ရမလဲ၊ ဖုန်းလိုင်း ဘယ်တော့ကောင်းမလဲ ဆိုတာကိုပဲ သိချင်စိတ် ထက်သန်နေခဲ့ပါတယ်။ (၃) ကချင်ဒေသမှာ စစ်ရှိန်မြင့်လာတဲ့နောက် မြစ်ကြီးနားကို သွားဖို့ ရွေးချယ်ခဲ့တာဟာ စစ်ဘက်ဆိုင်ရာ အရာရှိတွေနဲ့ ကချင်ပြည်နယ် အစိုးရအဖွဲ့ထံက ထင်မြင်ချက်တွေကို သိလိုတာကြောင့် ဖြစ်ပါတယ်။ KIO က တောင်းဆိုထားတဲ့ နိုင်ငံရေးအရ ဆက်လက်ဆွေးနွေးဖို့ကို ပြည်ထောင်စု အဆင့် ငြိမ်းချမ်းရေးဖော်ဆောင်ရေးအဖွဲ့က လက်ခံထားချိန်မှာ တိုက်ပွဲတွေ ဆက်ဖြစ်နေတာဟာ အဖြေရှာရမယ့် ကိစ္စဖြစ်လာပါတယ်။ တစ်ဖက်မှာတော့ နိုင်ငံတော်သမ္မတ ဦးသိန်းစိန်က ကိုယ့်ကိုယ်ကိုယ် ခုခံကာကွယ်ရုံကလွဲပြီး ထိုးစစ်မပြုလုပ်ရလို့ ၂၀၁၁ခုနှစ် ဒီဇင်ဘာလ ၁၀ ရက်နေ့မှာ တပ်မတော်ကို ညွှန်ကြားထားပါတယ်။ ဒီညွှန်ကြားချက်ကို လိုက်နာလျက်ရှိတယ်လို့ တပ်မတော်ဘက်က ပြောဆိုခဲ့တာ ရှိပါတယ်။ ကချင်ပြည်နယ်ကို စစ်ဘက်ရေးရာ တာဝန်ယူထားတဲ့ မြောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ထွန်းထွန်းနောင် ကိုယ်တိုင်က သူတို့အနေနဲ့ ခုခံကာကွယ်ရုံကလွဲပြီး ထိုးစစ်မပြုလုပ်ရဘူးဆိုတဲ့ သမ္မတညွှန်ကြားချက်ကို လိုက်နာလျက်ရှိတယ်လို့ ၂၀၁၂ခုနှစ် အောက်တိုဘာလကုန်ပိုင်း ရွှေလီမှာ ပြုလုပ်ခဲ့တဲ့ ငြိမ်းချမ်း ရေး ဆွေးနွေးပွဲမှာ တရားဝင်ပြောခဲ့ပါတယ်။ KIO ဘက်ကတော့ တပ်မတော်က ထိုးစစ်ကို ဆက်တိုက် လုပ်ဆောင်နေတယ်လို့ နေ့စဉ် သတင်းထုတ်ပြန်ခဲ့ပါတယ်။ တပ်မတော်နဲ့ KIA အကြား ဖြစ်နေတဲ့ တိုက်ပွဲတွေဟာ ထိုးစစ်လား၊ခံစစ်လားဆိုတဲ့ ပုစ္ဆာထဲမှာ အဖြေမထွက်နိုင်ဖြစ်ခဲ့ရပါတယ်။ KIO ဘက်က ထိုးစစ်လို့ပြောခဲ့ပါတယ်။ ကချင်ပြည်နယ် အစိုးရအဖွဲ့နဲ့ စစ်ဘက်ဆိုင်ရာအရာရှိတွေထံက စစ်ရေးလျို့ဝှက်ချက် မဟုတ်တဲ့ မြေပြင် သတင်းအချက်အလက်တွေရဖို့ လိုအပ်လာပါပြီ။ သူတို့ဆီကနေ မြေပြင်သတင်းအချက်အလက် တစ်စုံတစ်ရာကို ထုတ်ပြန်လိမ့်မယ်လို့ မျှော်လင့်ခဲ့ပါတယ်။ လက်တွေ့မှာတော့ ဒီမျှော်လင့်ချက်ဟာ အချည်းနှီး ဖြစ်ခဲ့ပါတယ်။ ဒီဇင်ဘာလ ၂၆ ရက်နေ့ နံနက်ပိုင်းအချိန်မှာ ကချင်ပြည်နယ် မြို့တော်ခန်းမကို သွားခဲ့ပါတယ်။ သာမန်ရုံးချိန်မှာ တွေ့ရဖို့ ခက်ခဲလှတဲ့ ပြည်နယ်ဝန်ကြီးတချို့နဲ့ တွေ့ခွင့်ရဖို့ သွားခဲ့တာပါ။ အဲဒီနေ့ မနက်ပိုင်းမှာ ကချင်ပြည်နယ် ဖွံ့ဖြိုးရေးအတွက် တရုတ်သံရုံးက ကချင်ပြည်နယ်အစိုးရကို အမေရိကန်ဒေါ်လာ နှစ်သောင်း လာလှူပါတယ်။လှူဒါန်းမှုကို အလှူငွေလက်ခံပွဲဆိုပြီး ပြည်နယ်မြို့တော်ခန်းမမှာ ခမ်းခမ်းနားနား လုပ်ခဲ့တာပါ။ ကချင်ပြည်နယ် လွှတ်တော် ဒုတိယ ဥက္ကဋ္ဌ၊ ကချင်ပြည်နယ်အစိုးရ လူမှုရေးဝန်ကြီး ဒေါ်ဘောက်ဂျာ၊ ကချင်ပြည်နယ်လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးသန်းအောင် အစရှိသူတို့ တက်ရောက်ခဲ့ကြပါတယ်။ အခမ်းအနားမစခင်မှာပဲ ဗိုလ်မှူးကြီးသန်းအောင်နဲ့ တွေ့ဖို့ ကြိုးစားခဲ့ပါတယ်။ ဗိုလ်မှူးကြီး သန်းအောင်ဆိုတာ ကချင်ပြည်နယ် အစိုးရနဲ့ KIO တို့အကြား စေ့စပ်ညှိနှိုင်းရေး ကိစ္စရပ်တွေမှာ အတွင်းကျကျ ပါဝင်ထားခဲ့သူတစ်ဦး ဖြစ်ပါတယ်။ ပြည်နယ် တည်ငြိမ်အေးချမ်းမှု ညှိနှိုင်းရေးအဖွဲ့ရဲ့ အဖွဲ့ခေါင်းဆောင်တစ်ဦး ဖြစ်ပါတယ်။ ဗိုလ်မှူးကြီး သန်းအောင်ဆီကနေ 'ကျွန်တော်တို့ အလုပ်များနေတယ်၊' 'ဒီဒေသကတော့ အခြားဒေသတွေနဲ့ ပုံစံမတူဘူး' 'သတင်းတွေကတော့ ခင်ဗျားတို့လည်း သိထားပြီးသားပဲ'ဆိုတဲ့ စကားတွေပဲ ရခဲ့ပါတယ်။ မေးခွန်း မေးခွင့်မရခဲ့ပါဘူး။အလှူငွေလက်ခံပွဲအပြီး ကချင်ပြည်နယ် အစိုးရ၀န်ကြီးရုံးကို သွားခဲ့ပြီး အကြိမ်ကြိမ် တွေ့ခွင့်တောင်းခဲ့ပေမယ့် တွေ့ခွင့်မရခဲ့ပါဘူး။ထိုနည်းတူစွာပါပဲ။ မြောက်ပိုင်းတိုင်းစစ်ဌာနချုပ်က တာဝန်ရှိသူတွေကို တွေ့ဆုံဖို့ ကြိုးစားခဲ့ပေမယ့် 'တိုင်းမှူးအလုပ် များနေတယ်' 'သတင်းပို့ထားပေးပါမယ်' ဆိုတဲ့ စကားတွေပဲ ပြန်ရခဲ့ပါတယ်။ ကျွန်တော်တို့လိုချင်နေတာ မြေပြင်သတင်း အချက်အလက်တွေပါ။ ကျွန်တော်တို့ သိချင်တာက သတင်းစာရှင်းလင်းပွဲရောက်မှ ထုတ်ပြမယ့် ဓာတ်ပုံတွေ၊ မြေပုံတွေ၊ အကြောင်းအရာတွေ မဟုတ်ပါဘူး။ အစိုးရ သတင်းစာကပြောတဲ့ အချက်အလက်တွေ မဟုတ်ပါဘူး။ စစ်ရေးလျို့ဝှက်ချက်မဟုတ်တဲ့ အချက်အလက်တွေကို ပါဝင်ပတ်သက်နေတဲ့ တာဝန်ရှိသူတွေဆီက တိုက်ရိုက်သိချင်ပါတယ်။ သတင်းဓာတ်ပုံတွေ လိုချင်တယ်။ KIO က ပြောနေတာတွေ မဟုတ်ဘူးဆိုရင် မဟုတ်တဲ့ အကြောင်းကို အချက်အလက်တိတိကျကျနဲ့ နာမည်တပ် ပြန်ဖြေရှင်းပေးနိုင်တဲ့သူကို လိုချင်ပါတယ်။ တိုက်ပွဲနဲ့ ဆက်စပ်လို့ ဖြစ်ပျက်နေတဲ့ သတင်းတွေအတွက် အတည်ပြုချက်ရှာတိုင်း ပြည်နယ် အစိုးရအဖွဲ့က စစ်ရုံးကိုလွှဲ၊ စစ်ရုံးက ပြည်နယ်အစိုးရကို ပြန်လွှဲ။ တာဝန်ခံဖြေမယ့်သူကမရှိ ဆိုတဲ့ အခြေအနေဖြစ်နေပါတယ်။ မြစ်ကြီးနားမှာ ဖြစ်နေတဲ့ အခြေအနေတွေက ဗလမင်းထင်တံတားနားမှာ ကင်မရာ ကိုင်ရုံနဲ့ သတင်းထောက်လို့ သက်သေ အထောက်အထားနဲ့ဆိုသည့် တိုင်ခွင့်ပြုချက်မရှိရင် အဖမ်းခံရမယ့်ကိန်းဆိုက်နေပါတယ်။ ခွင့်ပြုချက်တောင်းပြန်တော့လည်း 'သတင်းပို့ ထားပါတယ်' ဆိုတဲ့ စကားနဲ့တင်  လှည့်ပြန်ခဲ့ကြရပါတယ်။ မြေပုံအရ လဂျားယန်ဒေသဟာ မြစ်ကြီးနားမြို့ရဲ့ အရှေ့တောင်ဘက်စွန်းမှာ ရှိနေပါတယ်။ မြစ်ကြီးနားမြို့ကနေ လဂျားယန်ကို သွားနိုင်ဖို့အတွက် မြစ်ကြီးနား-လိုင်ဇာလမ်းကို အသုံးပြုရပါလိမ့်မယ်။ တိုက်ပွဲ ဖြစ်နေချိန်မှာတော့ မြစ်ကြီးနား-လိုင်ဇာ-ဗန်းမော်လမ်းကို ဘယ်သူမှ အသုံးမပြုတော့ပါဘူး။ ကိုယ့်အစီအစဉ်နဲ့ ကိုယ်သွားမယ်ဆိုရင် မြစ်ကြီးနားအထွက် ၀ိုင်းမော်မြို့ကို ကျော်ပြီးလို့ ရွှေညောင်ပင်ကို ရောက်ရင် ရှေ့ဆက်တက်လို့ မရတော့ပါ ဘူး။ ရွှေညောင်ပင်ကို ကျော်ပြီး ဆက်သွားနိုင်ဖို့ စစ်ဘက်ဆိုင်ရာရဲ့ ခွင့်ပြုချက်လိုလာပါပြီ။ စစ်ဘက်ဆိုင်ရာရဲ့ ခွင့်ပြုချက်ရဖို့ ဘယ်လိုမှ မဖြစ်နိုင်ခဲ့ပါဘူး။ တိုက်ပွဲသတင်းအခြေအနေမှန်၊ မြေပြင်အချက်အလက် ဒါတွေသိရဖို့ဆိုတာ လဂျားယန်နဲ့ အနီးဆုံးတစ်နေရာကို ရောက်မှ သိနိုင်မယ့် အခြေအနေ ဖြစ်လာခဲ့ပါတယ်။ တိုက်ပွဲသတင်း အခြေအနေတွေကို KIO ဘက်က နေ့စဉ် ထုတ်ပြန်နေပါတယ်။ မေးသမျှ မေးခွန်းတိုင်းကို ပြန်ဖြေပေးမယ့်သူ ရှိနေပါတယ်။ တပ်မတော်ဘက်ကတော့ အသေးစိတ်ဖြေကြားပေးမယ့်သူ မရှိဖြစ်နေပါတယ်။ ဒီဇင်ဘာလ ၂၇ ရက်နေ့။ မြစ်ကြီးနားကို ရောက်တာ သုံးရက်တိုင်ခဲ့ပါပြီ။ တိုက်ပွဲအခြေအနေတွေကို ကိုယ်တိုင်ကိုယ်ကျ မျက်မြင်သိရတာ ဘာမှမရှိသေးပါဘူး။ သိရတဲ့ သတင်းတွေအရ တိုက်ပွဲအရှိန်က ဆက်မြင့်နေတုန်းပါပဲ။ လဂျားယန် ကို ရောက်ဖို့ဆိုရင် လိုင်ဇာဘက်က သွားမှ ဖြစ်နိုင်တော့မယ်ဆိုတာကို သိလာရပါတယ်။ မြစ်ကြီးနား-ကန် ပိုက်တီးလမ်း။ အဲဒီကတစ်ဆင့် တရုတ်နိုင်ငံကို ဖြတ်ပြီး လိုင်ဇာကိုသွား၊လိုင်ဇာကတစ်ဆင့် လဂျားယန်ကို ဆက်သွားဆိုတဲ့ လမ်းကြောင်းတစ်ခု ကို ရေးဆွဲလိုက်ပါတယ်။တပ်မတော်၊ NDA-K အသွင်ပြောင်း နယ်ခြားစောင့်တပ်(၁၀၀၃)၊ အခန့်မသင့်ရင် KIO တပ်တွေနဲ့တွေ့ပြီး ပြဿနာဖြစ်နိုင်တဲ့ မြစ်ကြီးနား-ကန်ပိုက်တီးလမ်းဟာ 'ဘာမှမဖြစ်ရင် ဘာမှမဖြစ်နိုင်ဘူး ဆိုတဲ့ အခြေအနေမျိုးပါ။ တရုတ် နိုင်ငံထဲက ဖြတ်သွားရမှာမို့ တရုတ်ရဲတွေရဲ့ အန္တရာယ်ကလည်း ရှိနေပါသေးတယ်၊အန္တရာယ်များတယ်ဆိုတဲ့ ပြောဆိုမှုတွေကြားကပဲ ၂၀၁၂ခုနှစ် ဒီဇင်ဘာလ ၂၈ရက်နေ့မှာ လိုင်ဇာကို သွားဖို့ ဆုံးဖြတ်လိုက်ပါတယ်။ ဆက်လက်ဖော်ပြပါမည်။