ဒေါ်အောင်ဆန်းစုကြည်၏ ကော့သောင်းခရီးစဉ် အချိန်အပြောင်းအလဲမရှိ
ကော့သောင်းမြို့တွင် ဒေါ်အောင်ဆန်းစုကြည်ကိုကြိုဆိုရန်ပြင်ဆင်ထားသည့် နဖူးစည်းစာတန်းကို ဒီဇင်ဘာ ၂၀ရက်က တွေ့ရစဉ်
7 Day News Journal, 2012 —- ကော့သောင်း၊ ဒီဇင်ဘာ – ၂၁
မြန်မာနိုင်ငံတောင်ပိုင်းဒေသများသို့ သွားရောက်မည့် ဒေါ်အောင်ဆန်း စုကြည်၏
ခရီးစဉ်သည် လေ ယာဉ်ထွက်ခွာချိန်အပြောင်းအလဲကြောင့် ခရီးစဉ်အချိန်ဇယား
အပြောင်းအလဲဖြစ်မည်ဟု သတင်း ထွက်ပေါ်ခဲ့သော်လည်း မူလအတိုင်းပင်
ဆက်လက်ထွက်ခွာ မည်ဖြစ်ကြောင်း ကော့သောင်းနှင့် ရန်ကုန်မှ NLD အဖွဲ့ဝင်များက
ပြောသည်။ဒီဇင်ဘာ ၂၂ ရက် နံနက် ၇ နာရီတွင် ရန်ကုန်လေဆိပ်မှ ကော့သောင်းမြို့သို့ ထွက်ခွာရန် ကြိုတင် လက်မှတ်စီစဉ်ထားသော အဆိုပါ ခရီးစဉ်တွင် လေယာဉ်သည် လေးနာရီခွဲခန့် အချိန်နောက်ဆုတ်ပြီးမှ ထွက်ခွာမည်ဟု သတင်းထွက်ပေါ်ခဲ့သော်လည်း ညှိနှိုင်းမှုများ အဆင်ပြေသွားပြီ ဖြစ်သောကြောင့် မူလစီစဉ်ထားသည့်အတိုင်းပင် ဆက်လက်ထွက်ခွာမည်ဟု ဒေါ်အောင်ဆန်းစုကြည်၏ မိသားစုဆရာဝန် ဒေါက်တာတင်မျိုးဝင်းက ပြောသည်။
အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်နှင့် ၎င်း၏အဖွဲ့သည် ကော့သောင်း-မြိတ်-ကျွန်းစု-ကံမော် ခရီးစဉ်အဖြစ် ဒီဇင်ဘာ ၂၂ မှ ၂၄ အထိ သွားရောက်မည်ဖြစ်သည်။
ဒေါ်အောင်ဆန်းစုကြည် မိန့်ခွန်းပြောကြားမည့် စင်မြင်ကို ပြင်ဆင်နေသည်ကို ဒီဇင်ဘာ၂၀ရက်ကတွေ့ရစဉ်ဒေါ်အောင်ဆန်းစုကြည် ပထမဆုံးအကြိမ်အဖြစ် လာရောက်မည့် ကော့သောင်းမြို့တွင်လည်း ၎င်းအား ထောက်ခံအားပေး သူများက ကြိုဆိုပွဲများ ပြုလုပ်ရန် စီစဉ်လျက်ရှိပြီး ကော့သောင်းမြို့ လမ်းဆုံလမ်းခွများ၌ ကြိုဆိုသည့် ဗီနိုင်းဘုတ်များ၊ NLD အလံများ ဆိုက်ထူကာ ကြိုတင်ပြင်ဆင်မှုများ ပြုလုပ်လျက်ရှိသည်။
ဒေါ်အောင်ဆန်းစုကြည်ကို ကြိုဆိုရန်ပြင်ဆင်ထားသော ကော့သောင်းမြို့ရှိNLD ရုံး
No comments:
Post a Comment