မြန်မာနိုင်ငံ မုံရွာကြေးနီစီမံကိန်း ''အဆင်ပြေစွာ'' အကောင်အထည်
ဖော်နိုင်ရန် တရုတ်နိုင်ငံက နိုဝင်ဘာလ ၃၀ ရက်က
မေတ္တာရပ်ခံခဲ့သည်။မြန်မာနိုင်ငံဆိုင်ရာ တရုတ်သံရုံးက နိုဝင်ဘာလ ၃၀ ရက်တွင်
ထုတ်ပြန်သော သတင်းထုတ်ပြန်ချက်တွင် ယင်းကဲ့သို့
ထည့်သွင်းပြောကြားခဲ့ခြင်းဖြစ်သည်။
''မြန်မာပြည်တွင်းအဘက်ဘက်သည်
မြန်မာနိုင်ငံ၏ဥပဒေများကို လေးစားမှုအခြေခံ၍ ဤစီမံကိန်း ''အဆင်ပြေစွာ''
အကောင်အထည်ဖော်နိုင်ရန် အကျိုးရှိသော အခြေအနေတည်ဆောက်ပေးပါရန်
မေတ္တာရပ်ခံအပ်ပါသည်။''ဟု ယင်းထုတ်ပြန်ချက်က ဆိုသည်။
ထို့ပြင် မုံရွာကြေးနီစီမံကိန်းသည်
တရုတ်မြန်မာနှစ်နိုင်ငံကုပ္မဏီများအချင်းချင်း အကျိုးရှိစွာ
ပူးပေါင်းဆောင်ရွက်သော လုပ်ငန်းတစ်ခုဖြစ်ပါကြောင်း၊
ဤစီမံကိန်းနှင့်ပတ်သက်သော ရွှေ့ပြောင်းမှုလျှော်ကြေးငွေ၊
ပတ်ဝန်းကျင်ကာကွယ်ရေးနှင့်အကျိုးဝင် ငွေခွဲခြားရေးများကို နှစ်ဦးနှစ်ဖက်
ဆွေးနွေးပြီး သတ်မှတ်ထားခဲ့ကြောင်းနှင့်
မြန်မာနိုင်ငံဆိုင်ရာဥပဒေများနှင့်ကိုက်ညီပါကြောင်းလည်း
ယင်းထုတ်ပြန်ချက်တွင် ထည့်သွင်းဖော်ပြထားသည်။
ကြေးနီစီမံကိန်းနှင့်
ပတ်သက်ပြီး ဒေသခံများနှင့် လုပ်ငန်းရှင်များအကြား ပြေလည်မှု ရစေရန် ကြားဝင်
ဆောင်ရွက်ပေးလိုကြောင်း ဒေါ်အောင်ဆန်စုကြည်က နိုဝင်ဘာလ ၂၉ ရက်နေ့ ညနေ ၆
နာရီခန့်တွင် မုံရွာခရိုင်၊ ဆားလင်းကြီး မြို့နယ်၊ ကံကုန်းကျေးရွာ၌
ပြည်သူလူထုနှင့် တွေ့ဆုံစဉ် ပြောကြားခဲ့သည်။
မြန်မာ
ဗုဒ္ဓဘာသာဝင်တို့ အထွတ်အမြတ်ထားရာ တန်ဆောင်မုန်း လပြည့်နေ့ည နိုဝင်ဘာလ ၂၉
ရက်နေ့ နံနက် ၃ နာရီ အချိန်တွင် လက်ပံတောင်းတောင် ကြေးနီစီမံကိန်းမှ
သပိတ်စခန်းများကို လုံခြုံရေး ရဲတပ်ဖွဲ့ဝင်များမှ အကြမ်းဖက် ဖြိုခွင်း
ခဲ့ခြင်းသည် ရုပ်ဆိုး အကျည်းတန်သော ဖြစ်ရပ်တစ်ခုအဖြစ် ရှုမြင်ခဲ့ပြီး
လက်သင့်ခံနိုင်ဖွယ် မရှိဟု နယ်ပယ်အသီးသီးမှ လူပုဂ္ဂိုလ်များက တုန့်ပြန်
ပြောဆိုထားသည်။
လက်ပံတောင်းတောင်ကြေးနီစီမံကိန်းမှ
သပိတ်စခန်းများအား နိုဝင်ဘာလ၂၉ ရက်နေ့ နံနက် ၃နာရီအချိန်မှစတင်၍
လုံခြုံရေး ရဲတပ်ဖွဲ့မှ မျက်ရည်ယိုဗုံးများ မီးသတ်ပိုက်များ အသုံးပြု၍
အင်အားသုံးပြီး ဖြိုခွင်းခဲ့ခြင်းဖြစ်သည်။ ထိုသို့ အင်အားသုံး
ဖြိုခွင်းခဲ့ရာတွင် လုံခြုံရေး တပ်ဖွဲ့ဝင်များမှ သပိတ်စခန်း
တည်ရှိရာနေရာများသို့ မီးလောင်စေသော ဓါတု ပစ္စည်းပါဝင်သည့် လက်နက်
(ဓါတုလက်နက်) ဖြင့် အင်အားသုံးနှိမ်နင်းခဲ့ကြောင်း ယင်းဖြစ်စဉ်တွင်
ကိုယ်တွေ့ ကြုံခဲ့သူများ၏ ပြောကြားချက်များအရ သိရသည်။
ဖြစ်စဉ်ကြောင့်
ဒဏ်ရာရသူ အများအပြားရှိခဲ့ပြီး အများစုမှာ သံဃာတော်များဖြစ်ကြောင်း
သိရသည်။ လတ်တလော ရရှိ ထားသော သတင်းများအရ မုံရွာဆေးရုံတွင် ရောက်ရှိ
ကုသခံနေရသူ ၅၀ ကျော်ခန့်ရှိပြီး အများစုမှာ မီးလောင် ဒဏ်ရာ များ
ဖြစ်ကြောင်း သိရသည်။ အဆိုပါ ဒဏ်ရာရသူများထဲမှ ဒဏ်ရာအခြေအနေ ပြင်းထန်သည့်
သံဃာတော်တစ်ပါးကို မန္တလေးပြည်သူ့ဆေးရုံကြီးသို့ ပို့ဆောင်ခဲ့ရ ကြောင်း
သိရသည်။ |
Powered By Blogger Widgets
Comments
စီးပွားရေးနဲ့ပတ်သတ်လာရင်တစ်ဖအေတည်းမွေးတဲ့ညီအကိုအချင်းချင်း တောင်အလွတ်မပေးနဲ့ဆိုတဲ့ တယုတ်တို့ရဲ့စကားပုံကတော့လေးစား လောက်ပါပေတယ်။
ညီအစ်ကိုအချင်းချင်းတောင်-အလွတ်မပေးတာ
သူတို့နဲ့ဘာမှမဆိုင်တဲ့ဒို့မြန်မာတွေဆိုကောင်းကျိုးစဉ်းစားပေးဖို့ဝေးဆွ။
ဘယ်လိုဘယ်ပုံနဲ့ဆက်ပြီးဂုတ်သွေးစုပ်ဖို့၊ငါတို့အစိုးရကိုဆက်ပြီး ခြိမ်းခြောက်နေပါသလဲ?
အမျိုးသားရေးနဲ့ပတ်သတ်လာရင် ဒီတယုတ်ကိုဆက်ပြီးကြောက် မနေသင့်တော့ဘူး။
လုပ်သင့်တာကိုလုပ်ရပါမယ်။
လျော်ကြေးငွေကို ဟိုးလွန်ခဲ့တဲ့ ဘိုးတော်ဘုရားလေးဘက်ထောက်ခေတ်က ဥပဒေနဲ့ သတ်မှတ်ပေးထားတာကို အဟုတ်လုပ်ပြောနေတယ်။
သဘာဝပတ်ဝန်းကျင်ထိမ်းသိမ်းရေးဥပဒေကို အမြန်ဆုံးပြဌာန်းပြီးတော့ ဒီစီမံကိန်းကြောင့် ပျက်ဆီးမှုအလုံးစုံကို ပိုးစိုးပက်စက်လျော်ခိုင်းလိုက်ရင် ကိစ္စက အေးသွားမယ်ထင်ပါတယ်။
နောက်ပြီးတော့ တိုးချဲ့မယ့်နေရာတွေအတွက် EIA; SIA ကို အသစ်ထပ်လုပ်ခိုင်းပါ။ Report မထွက်မချင်း စီမံကိန်းကို ဆိုင်းငံ့ထားပါ။ ထိခိုက်နစ်နာမှု ဒဏ်ကြေးကို အမြင့်ဆုံးတင်ပါ။
ဒီလိုဆိုရင် တိုင်းပြည်အနေနဲ့လည်း စီမံကိန်းကို အလကားဖျက်ပစ်တယ်လို့ အမြင်မခံရတော့ဘူး။ ဒီလိုနည်းနဲ့ဆိုရင် မြစ်ဆုံစီမံကိန်းကိုပါ အပြီး ဖျက်သိမ်းလိုက်နိုင်မယ် ထင်ပါတယ်။