အမေရိကန်ကို နျူကလီးယားနဲ့ မြောက်ကိုရီးယား ခြိမ်းခြောက်
မြောက်ကိုရီးယားခေါင်းဆောင် Kim Jong Unမြောက်ကိုရီးယားအနေနဲ့ သူ့ရဲ့ လက်ဦးမှုရယူ တိုက်ခိုက်နိုင်ခွင့်ကို အသုံးချပြီး ကျူးကျော်သူတွေရဲ့ ဌာနချုပ်ကို နျူကလီးယားလက်နက်နဲ့ ပစ်ခတ် တိုက်ခိုက်သွားမယ် လို့ မြောက်ကိုရီးယားနိုင်ငံခြားရေးဌာနက ကြာသပတေးနေ့မှာ ပြောကြားလိုက်တာပါ။ အမေရိကန်ပြည်ထောင်စု က နျူကလီးယား စစ်ပွဲဖြစ်ပွားအောင် ရန်စနေတဲ့ အတွက် သူတို့အနေနဲ့ လိုအပ်ချက်အရ လုပ်ဆောင်ခြင်းဖြစ်တယ်လို့ ဆိုပါတယ်။
မြောက်ကိုရီးယားနိုင်ငံဟာ မကြာသေးခင်လေးကပဲ နျူကလီးယား စမ်းသပ်ဖောက်ခွဲမှုတွေ အောင်မြင်စွာ ပြုလုပ်နိုင်ခဲ့ပါတယ်။ ဒါပေမယ့် နျူကလီးယား ထိပ်ဖူးပါတဲ့ တာဝေးပစ်ဒုံးကျည်ကိုတော့ ပစ်လွတ်နိုင်ခြင်း မရှိသေးဘူးလို့ ယုံကြည်ရပါတယ်။ ကိုရီးယား ကျွန်းဆွယ်မှာ တင်းမာမှုတွေ ဖြစ်ပေါ်တိုင်း မြောက်ကိုရီးယားက အခုလို ခြိမ်းချောက်တဲ့ ကြေငြာချက်တွေ ပုံမှန် ထုတ်ပြန်လေ့ရှိပါတယ်။
ဗွီအိုအေ (မြန်မာပိုင်း)
No comments:
Post a Comment