လက်ပံတောင်းတောင်အရေးနှင့် မြေယာပြဿနာအပေါ် ဥပဒေစိုးမိုးရေးရှုဒေါင့်မှ သုံးသပ်ခြင်း အပိုင်း (၁)

လက်ပံတောင်းတောင်အရေးနှင့် မြေယာပြဿနာအပေါ် ဥပဒေစိုးမိုးရေးရှုဒေါင့်မှ သုံးသပ်ခြင်း အပိုင်း (၁) 

by mmnewshub

Arakan Times, 12 December 2012 —-
လက်ပံတောင်းတောင် အရေးသည် အမှိုက်ကစ ပြသာဒ် မီးလောင်ခြင်း မဟုတ်ပါ။ ပြသာဒ်ကြီး တစ်ခုလုံးကို လောင်နေသော မီးကျီးခဲသည် အမှိုက်ကလေးတစ်စကို ထပ်မံရှို့မိပြီး ထတောက်လာခြင်း သာ ဖြစ်သည်။ ပြသာဒ်ကြီး တစ်ခုလုံးကို လောင်နေသော မီးကျီးခဲကို စနစ်တကျငြိမ်းသတ်နိုင်မှသာ လက်ပံတောင်းကဲ့သို့ မီးတောက် ကလေးများ တစ်ပြည်လုံးတွင် အလိုလို ငြိမ်းသွားပါမည်။ ဤသည်ကို ရှင်းပါမည်။
ဦးသိန်းစိန် ဦးဆောင်သည့် အစိုးရသစ်လက်ထက်တွင် ဖြစ်ပွားလာသော ပြဿနာကြီးများကို စုံစမ်းရေးကော်မရှင်ဖွဲ့ပြီး ဖြေရှင်းရန်ကြိုးပမ်းသည့်လုပ်ဟန်မှာ ခေတ်စားလာခဲ့သည်။ သို့ရာတွင် ယခုအချိန်အထိတော့ ဘာတစ်ခုမှ မယ်မယ်ရရ ဖြေရှင်းနိုင်ခြင်း မရှိသေးပါ။ ပြဿနာ၏ ရင်းမြစ်ကိုဖေါ်ထုတ်ဖြေရှင်းရန်ကြိုးပမ်းခြင်းထက် အပေါ်ယံ အကြောင်းရပ်များ အပေါ်တွင်သာ စုံစမ်းအဖြေရှာရန်ခိုင်းထားခံရသဖြင့်မထိမရောက် ဖြစ်နေခြင်းပင်။ ယခုလည်း လက်ပံတောင်း အရေးတွင် ဒေါ်အောင်ဆန်းစုကြည်အား စုံစမ်းရေးကော်မရှင်ဥက္ကဌ တာဝန်ပေးကာ ခေါင်းခံခိုင်းနေပြန်ပါပြီ။ ဒေါ်အောင်ဆန်းစုကြည်ကိုယ်တိုင်ကလည်း ကျေကျေနပ်နပ်ပင် တာဝန်ယူကာ ကော်မရှင်က ပြုလုပ်သည့် သတင်းစာကွန်ဖရင့်တွင် ” အမှန်တရားကို ဖေါ်ထုတ်မယ်၊ အဖြစ်ကို အဖြစ်အတိုင်းတင်ပြမယ်”ဟူ၍ ပြောဆိုလာသည်။ သို့ရာတွင် မရှင်းသည်မှာ ဘာနဲ့ပတ်သက်လို့ အမှန်တရားကို ဖေါ်ထုတ်မှာလဲ။ အဖြစ်ကို အဖြစ်အတိုင်း တင်ပြမှာလဲ ဟူသည်ပင်။ လက်ပံတောင်းတောင်အရေးကို ပေါ်ပေါက်စေသည့် အရင်းခံပြဿနာမှာ မည်သည့်အရာဖြစ်၍ ယင်းကို မည်သို့ဖေါ် ထုတ်သွားမည်ဖြစ်ကြောင်း ဒေါ်အောင်ဆန်းစုကြည် ပြောမသွားခဲ့ပါ။ ပြဿနာတိုင်းတွင် အကြောင်းနှင့် အကျိုးဟူ၍ ရှိပါသည်။ အကြောင်းကြောင့် အကျိုးဖြစ်ပါသည်။ မည်သည်က အကြောင်း၊ မည်သည်ကအကျိုး ဖြစ်သည်ကို လေ့လာဘို့လိုပါမည်။ လက်ပံတောင်းတောင် အရေးနှင့် စပ်လျဉ်း၍ မြေယာအပေါ် စီမံခန့်ခွဲခွင့် အငြင်းပွားသည့် ပြဿနာမှာအကြောင်းဖြစ်သည်။ ဤပြဿနာမှာ ဗိုလ်ချုပ်ကြီးနေ၀င်းခေတ်မှ စတင်ကာ စစ်အစိုးရ အဆက်ဆက်တွင် ဖြစ်ပွားခဲ့သည်။ ဦးသိန်းစိန်ဦးဆောင်သည့် အစိုးရသစ်တက်လာသည့် ယခုအချိန်တွင် အဆိုးဆုံးဖြစ်လာသည်။ မြေယာနှင့် စပ်လျဉ်းသော ပြဿနာများမှာလက်ပံတောင်းတောင်မှာ သာမက တစ်ပြည်လုံးနေရာအနှံ့ ဖြစ်ပွားလျက်ရှိသည်။ သို့ဖြစ်၍ ပြသာဒ်ကြီးတခုလုံးကို လောင်ကျွမ်းနေသောမီးကျီးခဲ အနေနှင့် အထက်တွင် ရည်ညွှန်း ခဲ့ခြင်းပင်။ (မြေယာအပေါ်စီမံခန့်ခွဲခြင်းကို မကျေနပ်သဖြင့်) လူထုနှင့် သံဃာတော်များ ဆန္ဒပြခြင်းနှင့် ယင်းဆန္ဒပြမှုကို အကြမ်း ဘက်နှိမ်နင်းခြင်းက အကျိုးဖြစ်သည်။ စုံစမ်း စစ်ဆေးရေးကော်မရှင်တစ်ရပ်သည် အထက်ပါ အကြောင်းနှင့် အကျိုး နှစ်ရပ်လုံးကိုစုံစမ်းဖေါ်ထုတ်ဘို့လိုပါမည်။ ကော်မရှင်ကို ဒေါ်အောင်ဆန်းစုကြည် ဦးဆောင်ခွင့်ရသောအခါ လူထု၏ မျှော်လင့်ချက်မှာတစုံတရာ တက်လာခဲ့သည်။
တစ်ချိန်တည်း၌ ပြဿနာ၏ အရင်းခံအကြောင်းနှင့် အကျိုးကို စုံစမ်းပါ့မလားဟူ၍လည်း စိုးရိမ်စရာ ဖြစ်လာသည်။ ဒေါ်အောင်ဆန်းစုကြည်ပင်ဦးဆောင်စေဦးတော့ ပြဿနာ၏ အရင်းခံအကြောင်းနှင့် အကျိုးကို ခြေခြေမြစ်မြစ် စုံစမ်းကာ အမှန်တရားကို ဖေါ်ထုတ်ဖြေရှင်းခြင်း မပြုပါကလက်ပံတောင်းမီးတောက် ကလေးကို ငြိမ်းကောင်းငြိမ်းနိုင်မည် ဖြစ်သော်လည်း ပြသာဒ်ကြီး တခုလုံးကို လောင်ကျွမ်းလျှက်ရှိသောမီးကျီးခဲများကိုငြိမ်းနိုင်မည် မဟုတ်ပါ။ အကျိုးဆက် အနေဖြင့် ဟိုနေရာ၊ သည်နေရာများတွင် လောင်ကျွမ်းနေဦးမည် ဖြစ်ပြီးဒေါ်အောင်ဆန်းစုကြည်မှာ ဟို ကော်မရှင်၊ သည်ကော်မရှင်များတွင် ဆက်လက် ပါဝင်နေရရင်း မလိုအပ်ဘဲ အလုပ်ရှုပ်နေမှာ ဖြစ်သည်။ သတင်းစာရှင်းလင်းပွဲတွင် ဒေါ်အောင်ဆန်းစုကြည် က ” ကော်မရှင်အနေဖြင့် အားလုံးကို ကျေနပ်အောင် မလုပ်နိုင်” ဟူသည်ကိုထပ်ခါ ထပ်ခါ ပြေသွားခဲ့သည်။ မှန်ပါသည်။ အဖြေတစ်ခုကို ဖေါ်ထုတ်ရာတွင် ကျေသူလည်း ရှိမည်။ မကျေသူလည်း ရှိမည်။ ယင်းမှာ သဘာဝကျပါသည်။ သို့ရာတွင် ” အားလုံး” ဆိုသည်မှာ အဘယ်နည်း။ အဓိကအားဖြင့် ဘက်နှစ်ဘက်သာရှိပါသည်။ တစ်တိုင်းပြည်လုံးရှိ မြေယာအားလုံးအပေါ် ထင်သလိုစီမံ ခန့်ခွဲလျှက်ရှိသော ဦးသိန်းစိန် ဦးဆောင်သည့် ပြည်ထောင်စု အစိုးရက တစ်ဘက်၊ မြေယာအပေါ် မှီခိုကာ အသက်ရှင်ရပ်တည်နေကြရသော ဒေသခံလူထုများက တစ်ဘက်တို့ဖြစ်သည်။ ကော်မရှင်ကိုမည်သူ ဦးဆောင်စေဦးတော့ ဘက်နှစ်ဘက်လုံး ကျေအောင်လုပ်ရန် မဖြစ်နိုင်ပါ။ကော်မရှင်သည် အလယ်တွင်ရပ်ကာ နှစ်ဘက်လုံး၏မေတ္တာကို ခံယူသွားနိုင်မည့် ဇာတ်လမ်းမျိုးလည်း ခင်း၍မရပါ။ ဤသည်ကို ၂၀၀၈ ဖွဲ့စည်းပုံအခြေခံဥပဒေနှင့် တည်ဆဲ အခြားသက်ဆိုင်သည့် ဥပဒေများအပေါ် သုံးသပ်၍ ဥပဒေ စိုးမိုးရေး အခြေခံများ ရှုဒေါင့်မှ ရှင်းပါမည်။ ဥပဒေစိုးမိုးရေးသည် ဒေါ်အောင်ဆန်းစုကြည် ဦးဆောင်သည့်အမျိုးသားဒီမိုကရေစီ အဖွဲ့ချုပ်ကပြီးခဲ့သည့် ကြားဖြတ် ရွေးကောက်ပွဲတွင်မဲဆွယ်ကတိပြုခဲ့ရာ၌ ထိပ်ဆုံးမှ ပါဝင်ခဲ့သည့်အပြင် ဦးသိန်းစိန် ဦးဆောင်သည့် စစ်အစိုးရကလည်း နှုတ်မှ တတွတ်တွတ် ရွတ်လျှက်ရှိနေဆဲအကြောင်းအရာဖြစ်သည်။ ဤသည်ကို စုံစမ်းရေးကော်မရှင်အနေဖြင့် မည်ကဲ့သို့ နားလည်ဖေါ်ဆောင်ပါမည်နည်း။ လမ်းနှစ် သွယ်ရှိပါသည်။
(၁)    အာဏာပိုင်များက ပြဌာန်းထားသည့် ဥပဒေများကိုသာ အခြေခံ၍ စိုးမိုးအုပ်ချုပ်ခြင်း Rule by law အရ ရပ်တည် လုပ်ဆောင်မည်လား။ (သို့မဟုတ်)
(၂)     လူထု ရသင့်ရထိုက်သော အခွင့်အရေးများအား အာမခံသည့် တရားမျှတသော ဥပဒေများ ပေါ်ပေါက် တည်ရှိစေပြီး စိုးမိုးအုပ်ချုပ်ခြင်းRule of Law အရ ရပ်တည် လုပ်ဆောင်မည်လား။
ဒေါ်အောင်ဆန်းစုကြည် ဦးဆောင်သော စုံစမ်းရေးကော်မရှင်သည် ဥပဒေစိုးမိုးရေးကို ရည်ညွှန်းပြောဆိုခဲ့သော်လည်း အထက်ပါလမ်းကြောင်းနှစ်ခုအနက် မည်သည့် လမ်းကြောင်းမှ ရပ်တည်ဖေါ်ဆောင်သွားမည်ကို ရှင်းရှင်းလင်းလင်း မသိရပါ။ ပထမ လမ်းကြောင်းအရ ဖေါ်ဆောင်မည်ဆိုပါက ကော်မရှင်သည် ၂၀၀၈ ဖွဲ့စည်းပုံအခြေခံဥပဒေကို ကျော်၍မရ၊ ၂၀၀၈ ဖွဲ့စည်းပုံအခြေခံ ဥပဒေ ဘောင်အတွင်းကသာ စုံစမ်းစစ်ဆေး အစီရင်ခံစာ တင်သွင်းရပါမည်။ ယင်းသို့ဖြစ်ပါက လက်ပံတောင်းတောင်အရေးတွင် မြေယာအပေါ်ရသင့်ရထိုက်သည့် အခွင့်အရေးများကို လက်လွတ်ဆုံးရှုံးနေ သောဒေသခံ လူထုသည် စုံစမ်းစစ်ဆေးရေး ကော်မရှင်ထံမှ မည်သည့်အရာမျှ ရနိုင်ဘွယ် မရှိ။ အဘယ်ကြောင့်ပါနည်း။ ၂၀၀၈ ဖွဲ့စည်းပုံအခြေခံ ဥပဒေ ပုဒ်မ (၃၇) တွင် အောက်ပါ အတိုင်းပြဌာန်းထားသောကြောင့် ဖြစ်သည်။ နိုင်ငံတော်သည်
(က) နိုင်ငံတော်ရှိ မြေအားလုံး၊ မြေပေါ်မြေအောက်၊ ရေပေါ်ရေအောက်နှင့် လေထုအတွင်းရှိသယံဇာတ ပစ္စည်းအားလုံး၏ ပိုင်ရှင်ဖြစ်သည်။
ဤပြဌာန်းချက်အရ ဆိုလျှင် တစ်ပြည်လုံးရှိ မြေယာအားလုံး၏ ပိုင်ရှင်မှာ ” နိုင်ငံတော် “ ဖြစ်နေပါသည်။ ဤတွင် ” နိုင်ငံတော် “ ဟူသည်မှာ မည်သည့်အရာဖြစ်သည်၊ ” နိုင်ငံတော် “ ကို မည်သူက ကိုယ်စားပြုသုံးစွဲခွင့်ရှိသည် စသည်တို့တွင်အငြင်းပွားဘွယ် ဖြစ်လာပါသည်။ ” နိုင်ငံတော် “ ဆိုသည်မှာ မည်သည့်အရာ ဖြစ်ကြောင်းကို ၂၀၀၈ ဖွဲ့စည်းပုံ အခြေခံဥပဒေတစ်အုပ်လုံးတွင် မည်သည့်နေရာတွင်မျှ အဓိပ္ပါယ်ဖွင့်ဆို မထားပါ။ ၂၀၀၈ ဖွဲ့စည်းပုံအခြေခံဥပဒေအရ ဆိုလျှင် ဦးသိန်းစိန်သည် နိုင်ငံတော် သမ္မတ ဖြစ်နေသည်။ သို့ဖြစ်၍ အထက်ပါ ပြဌာန်းချက်ကိုကိုးကားလျှက် ” နိုင်ငံတော် “ ကို ကိုယ်စားပြုကာ ဦးသိန်းစိန် ခေါင်းဆောင်သည့် ပြည်ထောင်စု အစိုးရက တစ်တိုင်းပြည်လုံးရှိ မြေယာများအားစီမံခန့်ခွဲနေသမျှမှာ ဥပဒေအရ၊ ဥပဒေနှင့် အညီကဲ့သို့ ဖြစ်နေသည်။ ဤတွင်၂၀၀၈ ဖွဲ့စည်းပုံအခြေခံဥပဒေကို ကာကွယ်စောင့်ရှောက်ပါမည်ဟူ၍ ကတိ သစ္စာပြုကာ လွှတ်တော်အတွင်း ၀င် ရောက်သွားခဲ့သောဒေါ်အောင်ဆန်းစုကြည်သည် ဥပဒေစိုးမိုးရေးကော်မတီ၊ စုံစမ်းရေး ကော်မရှင် စသည်များကို ဦးဆောင်လျှက် လက်ပံတောင်တောင်အရေးသာမက တပြည်လုံးလူထုများ ရင်ဆိုင်နေရသည့် မြေယာပြဿနာအား ဥပဒေစိုးမိုးရေးရှုဒေါင့်မှ မည်သို့ချည်းကပ်မည်နည်းဟူသည်မှာ အရေးကြီးလာသည်။
ကြေးနီတောင်တိုက်ပွဲက မွေးဖွားပေးလိုက်တဲ့ သံမဏိမိန်းမသားနှစ်ဦး ဟူ၍ နယူးယောက်တိုင်း သတင်းစာကြီးက ဂုဏ်ပြုမှတ်တမ်းတင်ခံရသော မအေးနက်နှင့် မသွဲ့သွဲ့ဝင်း တို့သည် လယ်ယာမြေပိုင်ဆိုင်ခွင့် ဆိုင်ရာများအတွက် ရှေ့နေများ နှင့်တိုင်ပင်၊ ၂၀၀၈ ဖွဲ့စည်းပုံ အခြေခံဥပဒေကို လေ့လာနေကြကြောင်း ကြားသိရသည်။ ဒေသခံ လယ်သမားများ၊ လူထုများ၏အခွင့်အရေးအတွက် ဥပဒေရှုဒေါင့်မှ တိုက်ပွဲဝင်လိုသော ၄င်းတို့၏ ဆန္ဒကို တန်ဘိုး ထားရပါမည်။ သို့ရာတွင် ချစ်တီးခေါင်း၌သန်းရှာပါက တွေ့ကောင်းတွေ့ပါမည်။ ၂၀၀၈ ဖွဲ့စည်းပုံ၌ လယ်သမားများ လယ်မြေပိုင်ဆိုင်ခွင့် အခွင့်အရေးကို ရှာပါကကမ္ဘာဆုံးတိုင်သော်လည်း တွေ့နိုင်မည် မဟုတ်ပါ။ ထို့အပြင်၂၀၀၈ ဖွဲ့စည်းပုံကို အခြေပြုလျှက်၂၀၁၂ ခုနှစ် မတ်လ (၃၀) ရက်နေ့တွင် အတည်ပြု ထုတ်ပြန်သော လယ်ယာမြေဥပဒေအရလယ်သမား များမှာ လယ်လုပ်ပိုင်ခွင့်၊ လက်ဝယ်ထားခွင့်သာ ရှိပြီး လယ်ပိုင်ခွင့်မရှိ။ ယင်း ဥပဒေ ပုဒ်မ (၃) (ဃ) အရ မြေပေါ်၊မြေအောက်ရှိ ကျောက်မျက်၊ သတ္တု၊ ရေနံနှင့် ဓါတ်ငွေ့ စသည့် သဘာဝသယံဇာတများ ထုတ်ယူ အသုံးချခွင့်မှာ လူထုထံတွင် မရှိ။နိုင်ငံတော်တွင်သာ ရှိသည်။ နိုင်ငံတော် ကို ကိုယ်စားပြု၍ ဦးသိန်းစိန် ဦးဆောင်သည့် အစိုးရ၏ လုပ်ဆောင်မှုများမှာ တရားဝင်သည့်သဘောဖန်တည်းခံထားရသည်။
တဖန် ၂၀၁၂ ခုနှစ် မတ်လ (၃၀) ရက်နေ့တွင် အတည်ပြု ထုတ်ပြန်သော မြေလွတ်၊ မြေလပ်နှင့် မြေရိုင်းများ စီမံခန့် ခွဲရေး ဥပဒေ အရစားကျက်မြေနှင့် အင်းအိုင်မြေများ အပါအ၀င် မြေလွတ်၊ မြေလပ်နှင့် မြေရိုင်းများ အပေါ် စီမံခန့်ခွဲ ခွင့် အသုံးချခွင့်မှာ ဒေသခံလူထုတွင် မရှိ။နိုင်ငံတော်တွင်သာ ရှိသည်။ နိုင်ငံတော်ကို ကိုယ်စားပြု၍ ဦးသိန်းစိန် ဦးဆောင်သည့် ပြည်ထောင်စု အစိုးရက ဖွဲ့စည်းပေးလိုက်သည့်ဗဟိုကော်မတီက ယင်းအခွင့်အာဏာကို ကျင့်သုံးသွားမည်။၂၀၀၈ ဖွဲ့စည်းပုံသာမက ယင်းကို အခြေခံပြဌာန်းထားသည့် မြေယာဆိုင်ရာ ဥပဒေများကိုသုံးသပ်လျှင် နိုင်ငံတော် ဟူ သည်ကိုအလွန်အမင်း လုပ်ပိုင်ခွင့်ပေးထားပြီး၊ အခြေခံလူထု၏ အခွင့်အရေးများအားကြီးမားစွာ ကန့်သတ်ထားကြောင်း တွေ့ရပါမည်။နိုင်ငံတော်သမ္မတ ဦးသိန်းစိန် ဦးဆောင်သည့် ဗဟိုအစိုးရက နိုင်ငံတော် ဟူသောဝေါဟာရမှာ ၄င်းတို့နှင့်သာ သက်ဆိုင်သယောင်အကြွင်းမဲ့ အခွင့်အာဏာအနေနှင့် ကိုင်တွယ်သုံးစွဲသောအခါ မြေယာ နှင့်စပ်လျဉ်း ၍ရသင့်ရထိုက်သည့် အခွင့်အရေးများ ကိုလက်လွတ်ဆုံးရှုံးနေသည့် လူထု၏ဘ၀မှာ ကျားသနားမှ နွားချမ်းသာမည့်ကိန်းဆိုက်နေပါသည်။သို့ဖြစ်၍ ဥပဒေ စိုးမိုးရေးဟူသည်အား ပထမလမ်းကြောင်းဖြစ်သည့် (အာဏာပိုင်များကပြဌာန်း ထားသည့် ဥပဒေများ ကိုသာအခြေခံ၍ စိုးမိုးအုပ်ချုပ်ခြင်း Rule by law) အရ လက်ခံဖေါ်ဆောင်မည်ဆိုပါက ဦးသိန်းစိန်အစိုးရ အနေဖြင့် နိုင်ငံခြား ကုမ္ပဏီများ ကိုဖြစ်စေ၊ပြည်တွင်း ကုမ္ပဏီများကိုဖြစ်စေ တိုင်းပြည်အတွင်းရှိ မြေယာ များအပေါ် လုပ်ငန်း လိုင်စင်များ ချပေးခြင်း၊ လုပ်ပိုင်ခွင့်များ ချပေးခြင်းမှာတရားဝင်ဖြစ်နေသည်။ ယင်းကို ဆန့်ကျင်၊ ရပ်တည်၊ ဆန္ဒပြကြ သည့် ရဟန်းတော် များ နှင့် လူထုများမှာ တရားမ၀င်။ အကျိုးဆက်အနေဖြင့်အစိုးရက အမိန့် အာဏာသုံး၍ ဆန္ဒပြ ရဟန်းတော်များနှင့် လူထုများအပေါ် ဖိနှိပ်ဖြိုခွဲခြင်းမှာလည်း တရားဝင် သကဲ့သို့ ဖြစ်နေသည်။ဤသည်မှာ ဦးသိန်းစိန် အစိုးရသစ်ဟူသည်က ကျင့်သုံးနေသော ဥပဒေစိုးမိုးရေးဖြစ်သည်။
ဒေါ်အောင်ဆန်းစုကြည်ခေါင်းဆောင်သည့် ကော်မရှင်သည် လက်ပံတောင်းတောင်အရေးတွင် ဥပဒေစိုးမိုးရေး ကို ဤ ပထမ လမ်းကြောင်းမှချည်းကပ်မည်လား။ သို့မဟုတ် ( လူထု ရသင့်ရထိုက်သော အခွင့်အရေးများအား အာမခံသည့် တရားမျှတသော ဥပဒေများပေါ်ပေါက်တည်ရှိစေပြီး စိုးမိုးအုပ်ချုပ်ခြင်း Rule of Law ) ဟူသည့် ဒုတိယ လမ်းကြောင်း အရ ရပ်တည် လုပ်ဆောင်မည်လား။ပထမ လမ်းကြောင်းဖြစ်သည့် (အာဏာပိုင်များက ပြဌာန်းထားသည့် ဥပဒေများကိုသာ အခြေခံ၍ စိုးမိုးအုပ်ချုပ်ခြင်း) တွင် ပုံ သဏ္ဍာန်ကိုအဓိကထားသည်။ ဥပဒေကို အာဏာပိုင်များက ပြဌာန်းလိုက်ရုံမျှနှင့် လေးစားလိုက်နာဖေါ်ဆောင် ရန် ဖြစ်သည်။ ဤသည်ကို ကမ္ဘာတွင်Rule by Law ဟု နားလည်ကြသည်။ ယင်းမှာ Rule of Law ဟူသည့် ဥပဒေ စိုးမိုးရေး မဟုတ် ပါ။ ဥပဒေစိုးမိုးရေးမှာ ဒုတိယ လမ်းကြောင်းဖြစ်သည်။ယင်းလမ်းကြောင်းတွင် ဥပဒေ၏ အနှစ်သာရ ကို ပို၍ အဓိက ထားသည်။ လူထု၏အခွင့်အရေးများကို မထိပါးစေဘဲ ဥပဒေများအား ပြဌာန်းရန်ဖြစ်သည်။ယင်းသို့ ဖြင့် လူထု၏ အခွင့် အရေးများအား ဥပဒေပါ အခွင့်အရေး (Legal Rights) အဖြစ်သို့ ပြောင်းလဲကျင့်သုံးသွားစေရန် ဖြစ်သည်။နိုင်ငံတကာ ဥပဒေ အရ (State) နိုင်ငံတော် ဟူသည်တွင် အင်္ဂါရပ်လေးချက်ပါရှိသည်။ ၄င်းတို့မှာ
(၁)     လူထု
(၂)     နယ်မြေ
(၃)     အစိုးရ နှင့်
(၄)     အချုပ်အခြာအာဏာ တို့ဖြစ်သည်။
နိုင်ငံတော်ကို အကြောင်းရပ်လေးမျိုးနှင့် ဖွဲ့စည်းထားသည် မှန်သော်လည်း မည်သည့်အရာမှာ အဓိက အကျဆုံး ဖြစ်သည်ကိုဥပဒေစိုးမိုးရေး အခြေခံမှ လေ့လာရန် လိုပါမည်။ လူထုနှင့် နယ်မြေ၏ အရေးကြီးမှုမှာ အငြင်းပွားဘွယ် မရှိပါ။ ယင်းနှစ်ခုအနက်တခုမရှိလျှင် မည်သို့မျှ နိုင်ငံတော် ဖြစ်မလာနိုင်သောကြောင့် ပင်။ အစိုးရ သည် အရေးကြီး သည် မှန်သော်လည်း လူတစုနှင့်ဖွဲ့စည်းထားသည့် အစိုးရရှိပါစေဦး၊ လူထုမရှိပါက မည်သည့် အခါ တွင်မျှ နိုင်ငံ မဖြစ် နိုင်ပါ။ လူထုရှိလျှင်မူ အစိုးရပေါ်ပေါက်အောင်လုပ်ရန် မခဲယဉ်းပါ။ သို့ဖြစ်၍ လူထု နှင့် အစိုးရ နိုင်း ယှဉ်ပါက လူထုက ပို၍ အဓိကကျပါသည်။ နယ်မြေ၊ လူထု၊ နှင့် အစိုးရတို့လွတ်လပ် အားကောင်းစွာ တည်ရှိပြီး နိုင်ငံရေးအရ အခြားနိုင်ငံ များ၏ အသိအမှတ်ပြုမှုကို ခံရပါက နိုင်ငံတနိုင်ငံတွင်အချုပ်အခြာအာဏာ ရှိလာပါမည်။ သို့ဖြစ်၍ နိုင်ငံ (သို့မဟုတ်) နိုင်ငံတော် ဟူသော ဝေါဟာရကို ကိုယ်စားပြု ရည်ညွှန်းသုံးစွဲရာတွင်လူထု၏ အခန်းကဏ္ဍမှာ ရှေ့ဆုံးတန်း၌ ရှိသင့်သည်။မြန်မာနိုင်ငံ၌ (ဦးသိန်းစိန် ဦးဆောင်သော လက်ရှိအစိုးရအပါအ၀င်) စစ်အစိုးရ အဆက်ဆက်သည် အစိုးရ၏ အဓိက ကျမှုကိုသာဇောင်းပေး၊ ဖေါ်ထုတ် ကျင့်သုံးလာခဲ့သည်။ ၂၀၀၈ ဖွဲ့စည်းပုံအရ နိုင်ငံတော်ဟူသည်ကို အစိုးရကသာ လက်ဝါးကြီးအုပ် ကိုင်စွဲကျင့်သုံးခဲ့၊ ကျင့်သုံးဆဲဖြစ်သည်။ အစိုးရအား လုပ်ပိုင်ခွင့် အလွန်အကျွန် အပ်နှင်းပြီး လူထု၏ အခွင့်အရေးများကို ကြီးမားစွာကန့်သတ်သည့် ဥပဒေများသာ တောက်လျှောက်ပြဌာန်းခဲ့၊ ပြဌာန်းဆဲ ဖြစ်သည်။ နိုင်ငံတော်ဟူသော ဝေါဟာရတွင် လူထု၏အဓိကကျမှုကို ဘယ်တုံးကမျှ ထည့်သွင်းစဉ်းစားခဲ့ခြင်း မရှိ။ ဤသည်မှာ ဥပဒေစိုးမိုးရေး အခြေခံနှင့် ဆန့်ကျင်နေပါသည်။လူထုကို အဓိက ထားကာ လူထု၏ အခွင့်အရေးများကို အသိအမှတ် ပြုမှသာ ဥပဒေစိုးမိုးရေးကို တည်ဆောက်ရာရောက်ပါမည်။မြေယာနှင့် စပ်လျဉ်းသော ဥပဒေများမှာလည်း လူထု၏ အခွင့်အရေးများကို အခြေခံအားဖြင့် ပြဌာန်းဘို့လိုပါသည်။မြေယာနှင့် စပ်လျဉ်း၍ လူထု၏ အခွင့်အရေး သုံးရပ်ကို အနည်းဆုံးအားဖြင့် အသိအမှတ်ပြုရပါမည်။
(၁)     လယ်လုပ်သူ လယ်ပိုင်ခွင့် (Individual Right)
(၂)     နှစ်ပေါင်းမြောက်များစွာ အခြေစိုက်နေထိုင်လာခဲ့ကြသည့် ဒေသခံလူထုများက မိမိတို့ကျေးရွာဝန်းကျင်ရှိ မြေလွတ်၊ မြေလပ်နှင့် မြေရိုင်းများအား စုပေါင်းအသုံးချခွင့်(Collective Rights of People)
(၃)     ပြည်ထောင်စု ဖွဲ့စည်း၇ာတွင်ပါဝင်သည့် ယူနစ်များ၊ (တနည်းအားဖြင့် ပြည်နယ်များ) အနေဖြင့်မိမိတို့ သက်ဆိုင်ရာ ပြည်နယ်အတွင်းရှိ မြေယာများအပေါ် စီမံခန့်ခွဲခွင့်(The Rights to self-determination)
လက်ပံတောင်းတောင် ကြေးနီစီမံကိန်းတွင် ကျေုးရွာ ၂၆ ရွာမှ လယ်ဧက ၇၈၀၀ ကျော်အား သိမ်းယူခဲ့ကြောင်း နှင့် တဧကလျှင်လျော်ကြေးငွေ ကျပ်ငါးသိန်းကျော် ပေးအပ်ခဲ့ကြောင်း သိရသည်။ လယ်သမားများက ပြောသည်မှာ ယင်းမှာ သုံးနှစ်စာသီးနှံအတွက်သာဖြစ်သဖြင့် ၄င်းတို့မကျေနိုင်ဟူ၍ ဖြစ်သည်။ ဤအငြင်းပွားမှုတွင် ကော်မရှင် သည် မည်သည်ကို စုံစမ်းပြီးအမှန်တရားကို ဖေါ်ထုတ်မည်နည်း။၂၀၁၂ ခုနှစ် မတ်လ ၃၀ ရက်နေ့တွင် ထုတ်ပြန်ခဲ့သည့် လယ်ယာမြေ ဥပဒေ ပုဒ်မ ၃ (က) တွင် အောက်ပါအတိုင်း ပြဌာန်းထားသည်။(လယ်ယာမြေလုပ်ပိုင်ခွင့် ဆိုသည်မှာ နိုင်ငံတော်သည် မြေယာအားလုံး၏ ပင်ရင်းပိုင်ရှင်ဖြစ်၍ လယ်ယာမြေကို စိုက်ပျိုး ထုတ် လုပ်မှုတိုးတက်မြင့်မားစေရန်အလို့ငှာ ဤဥပဒေ၊ ဤဥပဒေအရ ထုတ်ပြန်သည့် နည်းဥပဒေ၊ စည်းမျဉ်း၊ စည်းကမ်းများနှင့် အညီ လက်ဝယ်ထားရှိ၍စိုက်ပျိုးလုပ်ကိုင် အသုံးချခွင့်ပြုခြင်း ကိုဆိုသည်။ သို့ရာတွင် မြေပေါ် မြေအောက်ရှိ ကျောက်မျက်၊ သတ္တု၊ ရေနံနှင့်ဓာတ်ငွေ့ စသည့် သဘာဝသယံဇာတများ ထုတ်ယူအသုံးချခွင့် မပါဝင်။)ဥပဒေစိုးမိုးရေးကို လက်ညှိုးထိုးလျှက် လယ်သမားများ၏အခွင့်အရေးကို မျက်ကွယ်ပြုထားသော ဤဥပဒေကို လက်ခံ ကျင့်သုံးမည်ဆိုပါကနွားနှင့်ဖက်၍ တကယ် လယ်လုပ်လျှက် ရှိသော လက်ပန်းတောင်းတောင် လယ်သမား များတွင် လယ်ပိုင်ခွင့်မရှိ။ လယ်လုပ်ပိုင်ခွင့်သာ ရှိသည်။နိုင်ငံတော် ဟူသည့်ဝေါဟာရကို ကိုးကားကာ ဦးသိန်းစိန် အစိုးရက အကြောင်းတမျိုးမျိုးပြ၍ လက်လုပ်ပိုင်ခွင့်ကို ပြန်လည်ရုပ် သိမ်း နိုင်သည်။လယ်သမားတဦးလုပ်ကိုင်နေသော လယ်ယာမြေကို ပြန်လည်စီမံခန့်ခွဲနိုင်သည်။ လယ်ယာမြေဥပဒေ ပုဒ်မ ၃၀ (က) အရ လယ်မြေကိုအခြားနည်းဖြင့် အသုံးပြုနိုင်ရေး၊ မြေပေါ် မြေအောက်ရှိ ကျောက်မျက်၊ သတ္တု၊ ရေနံ နှင့်ဓာတ်ငွေ့ စသည့် သဘာဝ သယံဇာတများထုတ်ယူနိုင်ရေးအတွက် ဟုဆိုကာ လယ်သမားထံမှ ပြန်သိမ်းနိုင်သည်။စုံစမ်းရေးကော်မရှင်သည် ဤဥပဒေကို လက်ခံကာ လက်ပန်းတောင်းတောင်အရေးတွင် အမှန်တရားအနေဖြင့် ဖေါ် ထုတ်မည် လား။သို့မဟုတ် လယ်လုပ်သူ လယ်ပိုင်ခွင့်အား လယ်သမားများရသင့်သော အခွင့်အရေးအဖြစ် လက်ခံ၍ စစ်မှန်သည့် ဥပဒေ စိုးမိုးရေး အခြေခံမှချည်းကပ်ကိုင်တွယ်မည်လား။
Written by အောင်ထူး(ရှေ့နေ)