မြန်မာနိုင်ငံ၏ သမ္မတအနေဖြင့် ပထမဆုံးအကြိမ် နိုဘယ်ဆုခန့်မှန်းထိပ်တန်း (၅)ဦးစာရင်းတွင် ဦးသိန်းစိန် ပါဝင်လာ
by Htut Htut
မနက်ဖြန်တွင် ကြေငြာမည့် ငြိမ်းချမ်းရေးနိုဘယ်ဆုအတွက် ခန့်မှန်းစာရင်းတွင်
မြန်မာနိုင်ငံမှ သမ္မတကြီးဦးသိန်းစိန်အနေဖြင့် နံပါတ်(၅)
နေရာမှပါဝင်လာခဲ့သည်။ သမ္မတကြီးအနေဖြင့် မြန်မာနိုင်ငံ၏
နိုင်ငံရေးဖြစ်စဉ်တိုးတက်မှုအပေါ်တွင် အဓိကလူပုဂ္ဂိုလ်အဖြစ်
ပါဝင်ခဲ့သူဖြစ်သည်။
မြန်မာနိုင်ငံ၏ဒီမိုကရေစီပြောင်းလဲမှုဖြစ်စဉ်ကို
ဖော်ဆောင်ရာတွင်အခြားနိုင်ငံများနှင့်မတူပဲညင် သာပျော့ပျောင်းစွာပြောင်းလဲနိုင်ခဲ့သဖြင့်
မြန်မာ့ဒီမိုကရေစီပြောင်းလဲမှုဖြစ်စဉ်ကို နိုင်ငံတကာက
BurmaSpring/MyanmarSpringစံတစ်ခုအဖြစ်သတ်မှတ်သည်အထိ
အောင်မြင်မှုများစွာရရှိအောင်ဆောင် ရွက်နိုင်ခဲ့သော
နိုင်ငံရေးခေါင်းဆောင်တစ်ဦးဖြစ်သည်။
နိုင်ငံ၏ငြိမ်းချမ်းရေးဆောင်ရွက်မှုများတွင် အဓိကလက်နက်ကိုင်အဖွဲ့အစည်း
(၁၁)ဖွဲ့အနက်
(၁၀)ဖွဲ့ကိုတိုက်ရိုက်ထိတွေ့ဆက်ဆံနိုင်ခဲ့ပြီးလက်နက်ကိုင်လမ်းစဉ်ဘိုးအေဖြစ်သော
KNU အဖွဲ့နှင့်လည်း ငြိမ်းချမ်းရေးစကားပြောနိုင်ခဲ့ပြီဖြစ်သည်။
ကျန်ရှိသည့်ကချင်လက်နက်ကိုင်အဖွဲ့(KIA)နှင့်ပါလက်တွဲလုပ်ဆောင်နိုင်ပြီဆိုပါက
နိုဘယ်ဆုအတွက် သေချာသလောက်ဖြစ်နေပြီဖြစ်ကြောင်းကို "ကျွန်တော်တို့
လွန်ခဲ့တဲ့နှစ် ဆုပေးပွဲပြီးကတည်းက သမ္မတကြီး ဦးသိန်းစိန်က နိုဘယ်ဆုအတွက်
အသံထွက်ခဲ့တာဒါပေမယ့်မမျှော်လင့်ဘဲကချင်အရေးကိစ္စက ပေါ်လာတော့
မျှော်လင့်ချက်အားနည်းသွားတယ်။ အခုထိလည်း စစ်ပွဲက မပြီးသေးတော့
သမ္မတကြီးအတွက် နိုဘယ်ဆုက မမျှော်လင့်ရဲသေးဘူး။
ဒါပေမယ့်ဒါကဆုပေးတဲ့သူတွေအပေါ်မှာမူတည်တယ်။ အောင်မြင်လို့ ပေးမှာလား?
အောင်မြင်စေချင် လို့ ပေးမှာလား? ဆိုတာအပေါ်မူတည်တယ်။
ဒေါ်အောင်ဆန်းစုကြည်တုန်းကလဲ သူ့ရဲ့လုပ်ရပ်များများ မရှိသေးခင်မှာ
သူလုပ်နိုင်အောင် အားရှိဖို့အတွက် နိုဘယ်ဆုပေးခဲ့တာလေ။ အခုလည်း
ဒီလိုမဖြစ်နိုင်ဘူးလို့ တော့ ပြောမရဘူး။
အခုတစ်ခေါက်မရဘူးဆိုလည်း သမ္မတကြီးသာမြန်မာနိုင်ငံရဲ့ အပြောင်းအလဲတွေကို
စဉ်ဆက်မပြတ်ဖေါ်ဆောင်နိုင်နေမယ် ဆိုရင်
ဆုအတွက် သေချာပါတယ်။ အခုနိုင်ငံရေးအင်အားစုတွေကို လွှတ်တော်ထဲမှာ
တရားဝင်ဆွေးနွေးနိုင်အောင်လုပ်ခဲ့သလိုမျိုး
လက်နက်ကိုင်တိုင်းရင်းသားအဖွဲ့တွေကို လွှတ်တော်ထဲမှာ ဆွေးနွေးနိုင်အောင်
လုပ်နိုင်ပြီဆိုရင် နိုဘယ်ဆုတင်မဟုတ်ဘဲ ကမ္ဘာ့ ပြည်သူပြည်သားတွေ အတွက်
နိုင်ငံရေးမူဝါဒဖော်ဆောင်မှုပြုနိုင်တဲ့ ကမ္ဘာ့အမြင့်ဆုံးဆုတစ်ခုကို
တီထွင်ပြီး ပေးအပ်ရမှာပါ။ ဘာဖြစ်လို့လဲ ဆိုတော့ ဒီကိစ္စဟာ ပြောသလောက်
မလွယ်တဲ့ ကိစ္စဖြစ်နေလို့ပါပဲ" ဟုလေ့လာသူကိုမျိုးညီညီကပြောကြားသွားပါတယ်။
၂ဝ၁၂ နိုဘဲလ်ငြိမ်းချမ်းရေးဆု မည်သူရမည်နည်း
by mmnewshub
Myitmakha Media Group, 11 October 2012 —- ကမ္ဘာပေါ်ရှိ
ဂုဏ်ပြုဆုများတွင် နိုဘဲလ် ငြိမ်းချမ်းရေးဆုသည် အမြင့်ဆုံးဖြစ်သည်။
နာမည်ကပင် “ငြိမ်းချမ်းရေး” ပါရှိနေသောကြောင့်
ကမ္ဘာ့လူသားတို့ငြိမ်းချမ်းရေးကို မည်မျှ မြတ်နိုးပြီး ထိုက်တန်သူကို
ဂုဏ်ပြုချင်လှကြောင်း အထင်းသား ပေါ်လွင်လျက်ရှိသည်။
လောကီအရေးများကို စွမ်းစွမ်းတမံ ဆောင်ရွက်ပေးသူ၊ ငြိမ်းချမ်းရေးအတွက်
ထိထိရောက်ရောက်လုပ်ပေးသူများကို သာမက လူ့အခွင့်အရေးများကို
ထောက်ခံအားပေးခြင်း၊ နိုင်ငံတကာ ပဋိပက္ခများတွင် အောင်မြင်စွာ ကြားဝင်
ဖျန်ဖြေပေးနိုင်ခြင်း၊ စစ်လက်နက်နှင့် စစ်ပွဲများ ထိန်းချုပ်ပေးနိုင်ခြင်း
စသည်တို့ အပါအဝင် များမြောင်လှစွာသော ငြိမ်းချမ်းရေးအကျိုးပြု
ကိစ္စရပ်များအတွက် နိုဘဲလ်ငြိမ်းချမ်းရေးဆု ကို ချီးမြှင့်လေ့ ရှိသည်။
နော်ဝေ ပါလီမန်က ရွေးချယ်ထားသည့် အဖွဲ့ဝင် ၅ ဦး ပါရှိသည့်
ကော်မတီကနိုဘဲလ် ငြိမ်းချမ်းရေးဆု ရသူကို နှစ်စဉ် ရွေးချယ်ပြီး ဂုဏ်ပြုသည်။
ယခုနှစ်၂ဝ၁၂ အတွက် ဆုရရှိသူ(များ) စာရင်းကို ၁၂-၁ဝ-၂ဝ၁၂ ရက်သောကြာနေ့တွင် နော်ဝေနိုင်ငံ အော်စလိုမြို့တော်၌ ကြေညာမည် ဖြစ်သည်။
(မြန်မာစံတော်ချိန် ညနေ ၄ နာရီခွဲ ဖြစ်သည်။)
ယခုနှစ်အတွက် ဆုရရှိရန် အဆိုပြုခံရသူပေါင်းမှာ လူတဦးချင်း အနေဖြင့်
(၁၈၈)ဦးနှင့် အဖွဲအစည်းအားဖြင့် (၄၃) ဖွဲ့ရှိရာ စုစုပေါင်း (၂၃၁) ဖြစ်သည်။
ယမန်နှစ်က (၂၄၇) ထိ ရှိခဲ့ပြီး စံချိန်သစ် ဖြစ်ခဲ့သည်။
ယခုနှစ်အတွက်ဆုရှိမည့်သူသည် ငွေသားအားဖြင့် အမေရိကန်ဒေါ်လာ ၁ သန်း ၂
သိန်းကျော်လက်ခံရရှိမည် ဖြစ်သည်။
ယခုနှစ်အတွင်း တကမ္ဘာလုံးတွင် ငြိမ်းချမ်းရေးအတွက်
တိုးတက်အောင်ဆောင်ရွက်ပေးနိုင်သူအဖြစ် နိုင်ငံတကာမှ သတိပြုမိဆုံးမှာ
မြန်မာနိုင်ငံမှဒေါ်အောင်ဆန်းစုကြည် ဖြစ်သည်ဟု ဆိုကြသည်။ သို့သော်
ဒေါ်အောင်ဆန်းစုကြည်အား၁၉၉၁ ခုနှစ်အတွက် ငြိမ်းချမ်းရေး နိုဘဲလ်ဆု
ချီးမြှင့်ထားပြီး ဖြစ်သည်။
နောက်ထပ် မချီးမြှင့်ဟု သတ်မှတ်ချက်တော့ မရှိပါ။ ကော်မတီက ထပ်မံရွေးချယ်လျှင် ဒုတိယအကြိမ်လည်း ရနိုင်သည်ပင်။
နိုဘဲလ် ငြိမ်းချမ်းရေးဆု ရရှိထိုက်သည်ဟု အဆိုပြု
ခံရသူများစာရင်းတွင်မြန်မာနိုင်ငံမှ သမ္မတ ဦးသိန်းစိန်၊ အိန္ဒိယနိုင်ငံမှ
Indian NationalCongress ပါတီ ဥက္ကဋ္ဌ ဆိုနီယာ ဂန္ဒီ၊ အမေရိကန် သမ္မတဟောင်း ဘီလ်
ကလင်တန်၊ဂျာမနီ ဝန်ကြီးချုပ် ဟဲလမွတ် ခိုလ်း အစရှိသူတို့လည်း ပါဝင်ကြသည်။
အကယ်၍ သမ္မတဦးသိန်းစိန်သာ ရရှိမည်ဆိုလျှင် မြန်မာနိုင်ငံတွင်
နိုဘဲလ်ငြိမ်းချမ်းရေးဆု ရရှိသူ နှစ်ဦး ရှိသွားမည်ဖြစ်ပြီး
နှစ်ဦးစလုံးမှာလည်းယနေ့ မြန်မာနိုင်ငံ၏ ဒီမိုကရေစီနှင့် ငြိမ်းချမ်း
ဖွံ့ဖြိုရေးတို့ကို လက်တွဲကာ ဆောင်ရွက်နေကြသူများ ဖြစ်နေကြသဖြင့် လုပ်လက်စ
နိုင်ငံရေးလုပ်ငန်းစဉ်များမှာ ပိုမို အရှိန်ရကာ
မြန်မြန်ဆန်ဆန်ပြီးမြောက်အောင်မြင်လာနိုင်စရာ ရှိသောကြောင့်
ရထိုက်သည်ဟုမြန်မာနိုင်ငံသားတဦးအနေဖြင့် ကျွန်တော် ခံစားမိပါသည်။
ဆုရရှိနိုင်သည်ဟု ထိပ်တန်းမှ တစ်ပေးခံနေရသူများမှ
တချို့သောသူတို့၏အကြောင်းကို လက်လှမ်းမီသမျှ ရှာဖွေလျက် မြန်မာဘာသာသို့
ပြန်ဆိုဖော်ပြပေးလိုက်ပါသည်။ ရည်ရွယ်ချက်မှာ မြန်မာလူမျိုးများထဲမှလည်း
ငြိမ်းချမ်းရေး နိုဘဲလ်ဆုကို ဒေါ်အောင်ဆန်းစုကြည်
ပြီးနောက်ထပ်မံရရှိစေလိုသောကြောင့် ဖြစ်သည်။ အောက်ဖော်ပြပါ
ပုဂ္ဂိုလ်များ၏လုပ်ရပ်မျိုးကို လုပ်ဆောင်နိုင်ပါက မည်သူမဆို
နောင်နှစ်များတွင်လည်းအလားတူ အဆိုပြုခံရမည့် အလားအလာ ရှိနေပါလိမ့်မည်။
အာဏာရှင်စနစ် ကြီးစိုးသည့် ဘဲလားရု နိုင်ငံမှ ဖြစ်သည်။ အသက်
၅ဝအရွယ်ရှိပြီး လက်ရှိ နိုင်ငံရေး အကျဉ်းသားဖြစ်သည်။
အကျဉ်းကျနေစဉ်မှာပင်လူ့အခွင့်အရေးများ ရရှိရေးအတွက် ထောင်တွင်းမှနေ၍
ဦးဆောင်ကြိုးပမ်းပေးနေသူ ဖြစ်သည်။ မဆုတ်မနစ်သော ဇွဲလုံ့လဖြင့် ၁၈
နှစ်ကြာမင်းမူနေသော အာဏာရှင် သမ္မတလူကာရှန်ကို (Alexander Lukashenko)
အားဆန့်ကျင်အံတုလျက် ရှိသည်။
၁၉၉၆ ခုနှစ် တည်ထောင်သော နွေဦး (Vyasna) အမည်ရှိ
လူ့အခွင့်အရေးအဖွဲ့အစည်းတွင် ညွှန်ကြားသူ ဖြစ်သည်။ တနိုင်ငံလုံးတွင်
အဖွဲ့၏ကိုယ်စားလှယ်များ၊ ရုံးခန်းများ ထားရှိပြီး
နိုင်ငံရေးဖိနှိပ်ခံရသူများကို ကူညီ စောင့်ရှောက်ပေးသည်။ အစိုးရ
ကျင့်သုံးနေဆဲသေဒဏ်အမိန့်ကို ဆန့်ကျင်ကန့်ကွက်သော လူထုလှုပ်ရှားမှုများကို
ဆင်နွှဲကြသည်။
အခွန်ရှောင်သည်ဟု စွပ်စွဲခံရကာ လေးနှစ်ခွဲ ထောင်ဒဏ်ချမှတ်ခံရပြီး
၂ဝ၁၁သြဂုတ်လမှစ၍ ထိန်းသိမ်းခံနေရသည်။ သူပိုင်သော
ပစ္စည်းဥစ္စာများလည်းအသိမ်းခံခဲ့ရသည်။ မကြာခဏ တိုက်ပိတ်ခံရပြီး အခြား
အကျဉ်းသားများနှင့်အဆက်ဖြတ်ခံရသော်လည်း ကြံ့ကြံ့ခံနိုင်မြဲ ဖြစ်သည်။
“လူ့အခွင့်အရေး ကင်းမဲ့တဲ့ နိုင်ငံမှာ လူ့အခွင့်အရေးအတွက် ခုခံကာကွယ်သူ
မှန်ရင် အကျဉ်းချ ဖမ်းဆီးခံရမှာပါပဲ။ အခုဆိုရင် ကျနော်ဟာအဲဒီနေရာမှာ
တိတိကျကျ နေရာမမှားဘဲကို ရောက်နေပါပြီ”ဟု ထောင်ထဲကနေ ရေးပေးသော သူ့စာတွင်
ဖော်ပြထားသည်။
ရုရှားနိုင်ငံသူ ဝါရင့် လူ့အခွင့်အရေးသမား ဖြစ်သည်။ အသက် ၇ဝ
ရှိပြီဖြစ်သည်။ ဆိုဗီယယ်ယူနီယံ ပြိုကွဲ
ပျက်စီးသွားပြီးနောက်လက်အောက်ခံနိုင်ငံများဖြစ်သော အာမေးနီးယားနှင့်
အဇာဘိုင်ဂျန်တို့ပဋိပက္ခများ ဖြစ်ပွားလာခဲ့သည်။ ထိုဒေသများမှ ရွှေ့ပြောင်း
အလုပ်သမားများကိုပြီးခဲ့သော နှစ်များအတွင်း
ရုရှားမြို့ကြီးများဆီသို့ပြောင်းရွှေ့ပစ်လိုက်သောအခါ အလုပ်သမားတို့မှာ
အန္တရာယ်ကြီးမားလှသောလုပ်ငန်းခွင် အခြေအနေများကို ဆိုးဆိုးဝါးဝါး
ရင်ဆိုင်ရသည်။ ရုရှားမျက်ကန်းမျိုးချစ်တို့၏ ဒဏ်ကိုလည်း အလူးအလဲခံရသည်။
အမှန်စင်စစ် အဆိုပါ နိုင်ငံခြားသား ရွှေ့ပြောင်း
အလုပ်သမားများမှာစစ်ဘေးစစ်ရှောင် ဒုက္ခသည်များသာ ဖြစ်သည်။ ဂန်နုရှကီနာက
Civic Assistanceကို ၁၉၉ဝ ခုနှစ်တွင် တည်ထောင်ကာ ဒုက္ခသည်များ နေရပ်
ပြန်နိုင်ရေးအတွက်ကူညီပေးလျက်ရှိသည်။
လူ့အခွင့်အရေး ရုရှားအဖွဲ့တခုဖြစ်သော Memorial မှတဆင့်
ဂန်နုရှကီနာကရွှေ့ပြောင်း အခြေချခြင်းနှင့် အခွင့်အရေး အမည်ရှိ
ကွန်ယက်တခုကိုဖွဲ့စည်းပြီးနောက် ရုရှားတနိုင်ငံလုံး နေရာပေါင်း ၅ဝ မှနေ၍
ရွှေ့ပြောင်းအခြေချသူများ၊ ဒုက္ခသည်များကို တရားဝင်
ကူညီထောက်ပံ့ကာစောင့်ရှောက်ပေးလျက်ရှိသည်။
မော်စကိုတက္ကသိုလ်တခုတွင် နှစ်ပေါင်း ၃ဝ ကြာအောင်
သင်္ချာဆရာမဖြစ်ခဲ့သူဂန်နုရှကီနာသည် သက္ကရာဇ် ၂ဝဝဝ ပြည့်မှစ၍ ပရဟိတ
အလုပ်တွင်သာ ဇောက်ချလုပ်ကိုင်ပေးလာခဲ့သည်။ ယခင် ရုရှားသမ္မတ မက်ဗီဒက်
(Dmitry Medvedev)လက်ထက်တွင် အစိုးရ၏ လူ့အခွင့်အရေးကောင်စီ
အဖွဲ့ဝင်အဖြစ်လှုပ်ရှားပေးခဲ့သော်လည်း ပူတင် (Vladimir Putin) တတိယအကြိမ်
သမ္မတပြန်ဖြစ်လာသောအခါ ကောင်စီမှ နှုတ်ထွက်ခဲ့သည်။
ဆိုဗီယက် ယူနီယံ မပြိုကွဲမီ ၁၉၈၉ ခုနှစ်တွင် တည်ထောင်သော
လူ့အခွင့်အရေးအဖွဲ့ဖြစ်သည်။ ရုရှားသမ္မတ ပူတင် (Vladimir Putin) လက်ထက်
ရံဖန်ရံခါဆိုးဆိုးဝါးဝါး လူ့အခွင့်အရေး ချိုးဖောက်မှုများကို
အထင်ရှားဆုံးကန့်ကွက်ဆန့်ကျင်သည့် အဖွဲ့ဖြစ်သည်။
၁၉၉၁ ခုနှစ် ဆိုဗီယက်ယူနီယံ ပြိုကွဲသွားပြီးနောက်ပိုင်း
ရုရှားနိုင်ငံမြောက်ပိုင်း ကော့ကေးဆပ်ဒေသမှာ မငြိမ်မသက် ဖြစ်နေခဲ့သည်။
အထူးသဖြင့်ရုရှားစစ်တပ်နှင့် နှစ်ကြိမ်တိုင် စစ်မက်ဖြစ်ပွားခဲ့ရသော
ချက်ရ်ှညာ(Chechnya) ဒေသတွင် လူ့အခွင့်အရေး ချိုးဖောက်မှုများကို Memorial
အဖွဲ့ကဦးဆောင် ဖော်ထုတ်ပေးခဲ့သည်။
ဒုတိယကမ္ဘာစစ်အတွင်း ရုရှား စစ်အာဏာရှင် စတာလင် (Joseph Stalin)
၏ရက်စက်ကြမ်းကြုတ်မှုများကို ချန်လှန်ကာ သမိုင်းဖျောက်ထားသည့်
ခေတ်သစ်ရုရှားသမိုင်းကို အမှန်အတိုင်း ဖော်ထုတ်ရေးသားရန်
တောင်းဆိုသည့်အဖွဲ့အစည်းက အနည်းငယ်မျှသာ ရှိသော်လည်း ထိုအထဲတွင် Memorial
အဖွဲ့ကပါဝင်ထားသည်။
ယုံကြည်ချက်အတိုင်း သန္နိဌာန်ချ လုပ်သည့်အဖွဲ့ ဖြစ်သည်။
ကော့ကေးဆပ်မှMemorial အဖွဲ့ အကြီးတန်း သုတေသန ပညာရှင် အက်စတယ်မီရီုဗာ
(NatalyaEstemirova) မှာ ချက်ရ်ှညာတွင် ၂ဝဝ၉ ဇူလိုင်လ၌
ပြန်ပေးဆွဲခံရပြီးပျောက်ဆုံးနေခဲ့သည်။ ယခုတိုင် သူမ၏ အမှုကို
မဖော်ထုတ်နိုင်သေးဘဲ ရှိနေသည်။
နိုင်ငံခြား အထောက်အပံ့ဖြင့် ရပ်တည်သော NGOs များအနေဖြင့်
နိုင်ငံခြားသားကိုယ်စားလှယ် ပါဝင်လာခွင့်ကို ရုရှားပါလီမန်က
ဥပဒေပြဋ္ဌာန်းပေးလိုက်သော်လည်း Memorial အဖွဲ့ကို ထောက်ပံ့နေသည့် USAID
၏လုပ်ဆောင်ချက်များကို ရုရှားအစိုးရက
ပိတ်ပင်လိုက်သောအခါအဖွဲ့ရပ်တည်နိုင်ရေးအတွက် အခက်အခဲများစွာ
ရင်ဆိုင်နေရတော့သည်။
(USAID = အမေရိကန် ပြည်ထောင်စု ဗဟိုအစိုးရ၏ နိုင်ငံတကာ ဖွံ့ဖြိုးရေး အေဂျင်စီ)
အာဖဂန်နစ္စတန်နိုင်ငံသူ ဆရာဝန်တဦးဖြစ်ပြီး
လူ့အခွင့်အရေးတက်ကြွလှုပ်ရှားသူလည်း ဖြစ်သည်။ အာဖဂန် အမျိုးသမီးများအတွက်
မနေမနားတိုက်ပွဲဝင်ပေးသောကြောင့် အသတ်ခံရမည်ဟု အကြိမ်ကြိမ်
ခြိမ်းခြောက်ခံရသည်။ပြည်တွင်းစစ်နှင့် တာလီဘန်တို့၏ ဒဏ်ကိုလည်း ခံရသည်။
အသက် ၅၅ နှစ် ဖြစ်သည်။ ၁၉၈၉ ခုနှစ်တွင် ရှူဟာဒါ (Shuhada)
အဖွဲ့အစည်းကိုတည်ထောင်သူအဖြစ် ကျော်ကြားသည်။ ထိုအဖွဲ့အစည်းမှာ ဆေးရုံ ၄
ရုံ၊ ဆေးခန်း၁၂ ခန်း၊ စာသင်ကျောင်းပေါင်း ၆ဝ၊ အကာအကွယ်ပေးသည့် ရိပ်သာ ၂
ခုဖွင့်လှစ်ထားသည်။ အာဖဂန်နှင့် ပါကစ္စတန်
နှစ်နိုင်စလုံးမှသောင်းနှင့်ချီသော အာဖဂန် အမျိုးသမီးနှင့်
မိန်းခလေးငယ်များအားအလုပ်အကိုင်များ ရှာဖွေဖန်တီးပေးလျက်ရှိသည်။
အာဖဂန်နိုင်ငံတွင် ၁၉၉၆ မှ ၂ဝဝ၁ အထိ တာလီဘန်များ မင်းမူနေစဉ်အတွင်း
ဆီမာဆမား၏ ရှူဟာဒါ အဖွဲ့က ကဘူးမြို့တော်၌
မိန်းခလေးငယ်များအတွက်အိမ်တွင်းစာသင် အတန်းများဖွင့်ကာ လျှို့ဝှက်
စာသင်ပေးခဲ့ရသည်။မူလတန်းအတွက် မဆိုစလောက်နည်းပါသော အချိန်များ၌သာ
သင်ပေးနိုင်ပြီးအထက်တန်းများ အတွက်မူ တကြိမ်သင်ပေးသည် ဆိုရုံသာ ရှိခဲ့သည်။
ဆီမာ ဆမားသည် ယခင်က ကုလသမဂ္ဂ၏ ဆူဒန်နိုင်ငံဆိုင်ရာ
လူ့အခွင့်အရေးကိုယ်စားလှယ်အဖြစ် တာဝန်ထမ်းဆောင်ဖူးသည်။ ယခု လွတ်လပ်စွာ
ရပ်တည်နိုင်သောအာဖဂန် လူ့အခွင့်အရေး ကော်မရှင် ဥက္ကဋ္ဌ ဖြစ်နေသည်။ အဆိုပါ
ကော်မရှင်မှာအာဖဂန်နိုင်ငံတွင် ပထမဦးဆုံးသော ကော်မရှင်ဖြစ်ပြီး
လူ့အခွင့်အရေးချိုးဖောက်မှုများကို စောင့်ကြည့်ကာ ချိုးဖောက်မှုများ
တွေ့ရှိလျှင်စုံစမ်းစစ်ဆေးသည်။
ဆီမာ ဆမားသည် ဟာဇရာ အမည်ရှိ လူနည်းစု တိုင်းရင်းသူ ဖြစ်သည်။
၁၉၈၂ခုနှစ်တွင် ပထမဦးဆုံးသော ဟာဇရာ ဆရာဝန်ဖြစ်လာသည်။ ပြီးခဲ့သော
စက်တင်ဘာလကဆွီဒင်မှ ချီးမြှင့်သော Right Livelihood ဆုကို လက်ခံရယူခဲ့သည်။
ယင်းဆုမှာ အခြားသူတို့၏ဘဝကို တိုးတက်အောင် ကူညီပေးသူတို့အားဂုဏ်ပြုသည့်ဆု ဖြစ်ပြီး နိုဘဲလ်ဆုကဲ့သို့ပင် အဆင့်မြင့်သည်။
အသက် ၃၇ နှစ်ရှိ ကျူဘားနိုင်ငံသူ ဘာသာစကား ကျောင်းသူဟောင်း
ဖြစ်သည်။အမေရိကတိုက်၏ တခုတည်းသော ကျူးဘား ကွန်မြူနစ်အစိုးရအား
တိုက်ရိုက်ရည်ရွယ်သောစာများကို ၅ နှစ်ကျော် ကြာမြင့်လာသည်အထိ
မကြောက်မရွံ့ရေးသားနေသူ ဖြစ်သည်။
အင်တာနက်ပေါ်တွင် ရေးသားသည့် သူ့ Blog မှာ
ကျူဘားနိုင်ငံတွင်တရားမဝင်သည်တော့ မဟုတ်ပါ။ သို့သော် တလလျှင် ဒေါ်လာ ၂ဝ ပင်
မရကြသည့်ကျူဘားနိုင်ငံသား အများစုမှာ အင်တာနက် သုံးစွဲနိုင်ခြင်း
မရှိသဖြင့်ရိုအာနီဆန်ချက်ဇ် ရေးသားသည်များကို မသိဘဲ ဖြစ်နေကြသည်။
ပြည်ပတွင်မူသူ့ဂုဏ်သတင်းက မွှေးလှသည်။ နိုင်ငံတကာဆုများလည်း ရရှိထားသည်။
အိုမင်းမစွမ်း ဖြစ်နေသည့် လူအိုတဦးပမာ နှစ်ပေါင်း ၅ဝ
သက်တမ်းရှိချိနဲ့နဲ့ ကျူဘား အစိုးရကို မျိုးဆက်သစ်တို့က
အင်တာနက်ပေါ်တွင်စိန်ခေါ်နေကြပြီဖြစ်ရာ ယင်းတို့အထဲတွင် ရိုအာနီ
ဆန်ချက်ဇ်မှာအချိန်တိုအတွင်း ရုတ်ချည်း ရှေ့တန်းရောက်လာသည်။ သူ့ Blog ကို
GenerationY ဟု အမည်ပေးထားသည်။ လှောင်ပြောင် သရော်သည့်အနေဖြင့် “Y”
ကိုထည့်ထားခြင်း ဖြစ်သည်။ သူ့ကို မွေးဖွားလာချိန်မှာ ဆိုဗီယက်
ကွန်မြုနစ်အားကောင်းချိန် ဖြစ်သည်။ သူတို့ မျိုးဆက်တွင် မိဘများက
ဆိုဗီယက်ကွန်မြူနစ်ကို အတုယူ အားကျစေလိုသော သဘောဖြင့် “Y” နှင့်စသော
အမည်များကိုမှည့်ပေးတတ်ကြသည်။
ရိုအာနီ ဆန်ချက်ဇ်က တပါတ်လျှင် ဆောင်းပါးများစွာ
ရေးသားသည်။ကျူဘားနိုင်ငံသားတို့ နေ့စဉ်ကြုံတွေ့နေရသည့် အခက်အခဲ
ကိစ္စများ၊ဆိုးဝါးလှသည့် စီးပွားရေး ရုန်းကန်မှု၊ အစိုးရ၏ စနစ်
ပြောင်းလဲချင်စိတ်မရှိသော စိတ်ထား၊ ကျူဘားနိုင်ငံသားတို့၏
ဘဝပျက်သွားနိုင်လောက်သည်ထိစွန့်စားရသော ပြည်ပ ခိုးထွက်မှုများအကြောင်း
စသည်တို့ ဖြစ်သည်။
နိုင်ငံခြားမီဒီယာတခုမှ သူ့အား အင်တာဗျူး
မေးလာသည်ကိုကျူဘားခေါင်းဆောင်ကြီး ကက်စထရို (Fidel Castro) က ရိုအာနီ
ဆန်ချက်ဇ် ဟုနာမည်ထုတ်မသုံးဘဲ “ခေတ်သစ် ကိုလိုနီ မီဒီယာ” ကို
အလုပ်အကျွေးပြုနေသော“ကျူဘားနိုင်ငံသူလေး” ဟု ပြောဆိုကာ
တိုက်ခိုက်ခဲ့ဖူးသည်။ ထိုအခါ ရိုအာနီဆန်ချက်ဇ်က “ဆိုဗီယက်ခေတ်ရဲ့
လက်ကိုင်တုတ် အဟောင်းတွေဟာ သေရမှာကိုတောင်ငြင်းဆန်တတ်ကြတယ်” ဟု သူ့ Blog
တွင် ချက်ချင်းရေးပြီးပြန်ပက်လိုက်ဖူးသည်။ယခု အသက် ၈၄ နှစ် ရှိပြီ ဖြစ်သည့်
ဂျင်းရှပ်၏အရေးပါသောကဏ္ဍမှာ အကြမ်းမဖက် တော်လှန်ရေး စာအုပ် ရေးသားခြင်း
ဖြစ်သည်။
လတ်တလော အကျဆုံး အကျိုးပြုသွားသည်မှာ အာရပ်နွေဦး လူထုအုံကြွမှုအတွက်ထိုစာအုပ်က လမ်းညွှန်ပေးခြင်း ဖြစ်သည်ဟု ဆိုရပါမည်။
ဒီမိုကရေစီအရေးတွင် ပါဝင်ကြသော မြန်မာ
တက်ကြွလှုပ်ရှားသူတို့၏မေတ္တာရပ်ခံချက်အရ စာမျက်နှာ ၉၃ မျက်နှာရှိ
“အာဏာရှင်စနစ်မှဒီမိုကရေစီသို့” (Dictatorship to Democracy: A Framework
for Liberation) စာအုပ်ကို ၁၉၉၃ ခုနှစ်တွင် ဂျင်းရှပ်က ရေးပေးသည်။
တကမ္ဘာလုံးတွင် ဘာသာပေါင်း ၃ဝ ကျော် ပြန်ဆိုကြသည်။
သူ့ဘဝ ဇာတ်ကြောင်းကို မှတ်တမ်းတင် ရိုက်ကူးထားသော “တော်လှန်ရေးတခုကိုဘယ်လို စတင်မလဲ” တွင် သူက အောက်ပါအတိုင်း ပြောဆိုခဲ့သည်။
“အဓိကဆိုရင်တော့ အာဏာရှင်စနစ်ကို တဖြည်းဖြည်း ချိနဲ့အားနည်းသွားစေရာကနေ နောက်ဆုံး ဖျက်သိမ်းလိုက်နိုင်တဲ့အထိ
ဆန့်ကျင်ရုန်းကန်ရတဲ့ အကြမ်းမဖက် လှုပ်ရှားမှု ပုံစံတွေရဲ့ သဘောသဘာဝနဲ့ဖြစ်လာတတ်တာတွေကို သိဖို့ ကျနော် ကြိုးစားရပါတယ်။”
အမေရိကန်ပြည်ထောင်စု Ohio တွင် မွေးဖွားကြီးပြင်းခဲ့ပြီးနိုင်ငံရေးသိပ္ပံနှင့် လူမှုရေးဗေဒကို Ohio နှင့် အင်္ဂလန်နိုင်ငံ Oxford
University တို့၌ လေ့လာသင်ယူခဲ့သည်။ Oxford University မှပင်
၁၉၆၈ခုနှစ်၌ အကြမ်းမဖက် လှုပ်ရှားသည့် နိုင်ငံရေး စာတမ်းဖြင့်
ပါရဂူဘွဲ့ရယူခဲ့သည်။
လူအေးတယောက် ဖြစ်သည်။ စကားပြောရာတွင်
နူးညံ့ချိုသာလှသည်။မက်ဆာချူးဆက်နှင့် ဟားဗတ် တက္ကသိုလ်များတွင် စာသင်ပေးသည်။
ရူပဗေဒ ပညာရှင်၊စစ်ကိုမလိုလားသူ အယ်လ်ဘတ် အိုင်းစတိုင်းက နိုဘဲလ်ဆု
ချီးမြှင့်ခံရသည်ကိုဂုဏ်ပြုသည့်အနေဖြင့် ဘော်စတန် အရှေ့ဘက်တွင် Albert
Einstein Institutionကို တည်ထောင်ထားသည်။ နိုင်ငံရေး လှုပ်ရှားမှု အကြမ်းမဖက်
နည်းနိဿယများကိုသုတေသနပြုသည်။
လွင်အောင်စိုး(မြစ်မခ)
ကျနော်တို့က အရိုးစွဲနေတာက ပြိုင်ရမှာ သိပ်ကြောက်တာ
by mmnewshub
သမ္မတရုံး ဝန်ကြီး ဦးစိုးသိန်း (ဓာတ်ပုံ – Steve Tickner / ဧရာဝတီ)
ဧရာဝတီသတင်းဌာန. ၁၁ရက်နေ့ အောက်တိုဘာ ၂၀၁၂ —- သမ္မတရုံး
ဝန်ကြီးသစ်များထဲမှ တဦးဖြစ်သူ ဦးစိုးသိန်းသည် မြန်မာနိုင်ငံ
ရင်းနှီးမြှုပ်နှံမှု ကော်မရှင် ဥက္ကဋ္ဌလည်း ဖြစ်သည်။ ဦးစိန်းသိန်းအနေဖြင့်
သမ္မတရုံး ဝန်ကြီးတဦးအဖြစ် ထမ်းဆောင်ရမည့် တာဝန်များ၊ နိုင်ငံခြား
တိုက်ရိုက် ရင်းနှီးမြှုပ်နှံမှု ဥပဒေ (FDI Law) နှင့် ပြည်တွင်း
စီးပွားရေးလုပ်ငန်း အခြေအနေ၊ အသေးစားနှင့် အလတ်စား စက်မှုလုပ်ငန်း (SME)
များ၏ အလားအလာနှင့် ခရီးသွားလုပ်ငန်းဆိုင်ရာတို့ကို ဦးစိုးသိန်းနှင့်
ဧရာဝတီ အယ်ဒီတာ ကိုအောင်ဇော်တို့ စက်တင်ဘာလ ဒုတိယပတ်အတွင်းက နေပြည်တော်တွင်
တွေ့ဆုံမေးမြန်းခဲ့ပါသည်။
စက်မှု (၁) နှင့် စက်မှု (၂) ဝန်ကြီးဟောင်းဖြစ်သူ ဦးစိုးသိန်းသည် ယခင်က ရေတပ်မတော်မှ အငြိမ်းစား ဒုတိယ ဗိုလ်ချုပ်ကြီးလည်း ဖြစ်သည်။
မေး ။ ။ ပထမဆုံး မေးချင်တာ သမ္မတရုံးဝန်ကြီး ဖြစ်သွားပြီဆိုတော့ ဘယ်လိုတာဝန်တွေ ထမ်းဆောင်ဖို့ ရှိပါသလဲ။
ဖြေ ။ ။ အဓိကကတော့ စီးပွားရေးဖွံ့ဖြိုးတိုးတက်အောင် ကျနော်က Push
လုပ်ရမှာပေါ့၊ မြန်မာ့ရင်းနှီးမြှုပ်နှံမှု ကော်မရှင် ဥက္ကဋ္ဌ အလုပ်ကိုလည်း
ပိုလုပ်နိုင်မှာပေါ့။ ကျန်တာတော့ Tax Reform (အခွန်ဆိုင်ရာ အပြောင်းအလဲ)
လေးတွေ၊ Banking System (ဘဏ်စနစ်) တွေ ပြောင်းလဲဖို့တွေ၊ ဒါတွေ ကျနော်က
တာဝန်ယူပြီး လုပ်သွားမှာပေါ့။
မေး ။ ။ အခုထိရော အန်ကယ့်အနေနဲ့ ဘယ်လောက်အထိ လုပ်ဆောင်ပြီးပြီလဲ။
ဖြေ ။ ။ အခုတော့ ဆက်စပ်တဲ့ဝန်ကြီးဌာနတွေကို Coordinate လုပ်ပေးနေတယ်။
သမ္မတကြီးရဲ့ ပေါ်လစီတွေနဲ့ တိုင်းသူ ပြည်သားတွေ Impact ဖြစ်မယ့်၊ People
Centre ဖြစ်မယ့်၊ လုပ်ငန်းလေးတွေ လုပ်ပေးတာ၊ ဥပမာဆိုရင်ဗျာ -
လူထုလိုအပ်နေတဲ့ ကိစ္စလေးတွေ တော်တော်များများ ပြင်ကြရအောင်၊ ထို့အတူပဲ
ဝန်ကြီးဌာနတွေနဲ့ စီးပွားရေးဝန်ကြီးဌာနတွေ Link လုပ်ရအောင်၊ ဘတ်ဂျက်လည်း
သက်သာသွားအောင်၊ Corporatization လုပ်ရအောင်၊ ဒီဘက်က Regularly
လုပ်ငန်းတွေလည်း ပိုထိရောက်အောင်၊ တချို့ ဌာနတွေကြတော့လည်း
ပိုပြီးပြည်သူကလေးစားတဲ့ ဝန်ထမ်းတွေဖြစ်အောင်၊ အစိုးရဖြစ်အောင်ပေါ့။
ကျနော်တို့ကို လူတွေကခေါ်တာပေါ့နော် အာဏာပိုင်အဖွဲ့အစည်း၊
အာဏာပိုင်အဖွဲ့အစည်းနဲ့ တကယ်တော့မဟုတ်ဘူးဗျ၊ တာဝန်ရှိသူ၊ ကျနော်က
ဒီလိုကြိုက်တယ်ဗျ၊ တာဝန်ရှိတဲ့လူ၊ ကျနော်က အာဏာပိုင်အဖွဲ့အစည်း မဟုတ်ဘူး၊
အဲတော့ ကျနော်တို့ဝန်ထမ်းတွေလည်း ဘာလုပ်ရလဲဆိုတော့၊ အကျိုးဆောင်သူ အဖြစ်
Concept (အယူအဆ) ကိုပြောင်းရမယ်။
မေး ။ ။ အန်ကယ်တို့၊ ဝန်ကြီးဦးအောင်မင်းတို့ကို
ပြုပြင်ပြောင်းလဲရေးသမားတွေဆိုပြီး ရေးကြဖော်ပြကြတာတွေရှိတယ်၊ ဆိုတော့
အန်ကယ်က ကိုယ့်ကိုယ်ကို ပြုပြင်ပြောင်းလဲရေး လုပ်လိုသူတဦးလို့ မြင်သလား။
ဖြေ ။ ။ ကျနော်တော့ မြင်တာပဲ။ ဘာကြောင့်လဲလို့ ကျနော့်ကို
ခင်ဗျားမေးမယ်လေ၊ ခင်ဗျားက အရင်တုန်းက စစ်ဗိုလ်ဗျာ၊ စစ်အစိုးရတုန်းကလည်း
ခင်ဗျား လူကြီးလုပ်ပြီး အခုကျမှ ခင်ဗျား လာပြီး ဒီမိုကရေစီ
လာအော်နေတယ်ဆိုပြီး ဒီလိုမေးစရာ ရှိပါတယ်။ ကျနော်တို့ လုပ်ရင်းနဲ့ သိလာတယ်၊
အစိုးရ စခါစကတည်းက ကျနော်သိလာတယ်၊ သိလာတဲ့ အခါကျတော့
ကျနော်တို့တိုင်းပြည်ကလူတွေက ဒေသတွင်းက လာအို၊ ကမ္ဘောဒီးယားတို့ထက်တောင်
နိမ့်ကျနေတယ်ပေါ့နော်၊ ဒါပွင့်ပွင့်လင်းလင်း ပြောရမှာပဲ။ ဆင်းရဲနေတယ်၊
ဒုက္ခရောက်နေတယ်၊ သူများနိုင်ငံမှာ ဒုက္ခရောက်လို့ သွားလုပ်နေကြတာပေါ့ဗျ၊
အဲလိုအနေအထားရဲ့ ကုထုံးက ဘာလဲလို့ ကျနော်စဉ်းစားကြည့်တော့ ဒီမိုကရေစီကသာ
ကုထုံးဖြစ်တယ်။ ကုရမယ့်ဆေးက ဒီမိုကရေစီ ဖြစ်တယ်၊
ကျနော်တို့က ပြုပြင်ပြောင်းလဲရေး လုပ်တယ်ဆိုတာ ဒါကြောင့်လုပ်တာ။
ကျနော်တို့ အကျိုးမဟုတ်ဘူး၊ ကျနော်မနက်ဖြန် အလုပ်က ထွက်သွားရပါစေ၊
ပြုပြင်ပြောင်းလဲရေး လုပ်ပေးရမယ်။ သိတဲ့အတိုင်းပဲ၊ ဒေါ်အောင်ဆန်းစုကြည်နဲ့
ကျနော်တို့ ပေါင်းကြတယ်၊ ကျန်တဲ့ ၈၈ အဖွဲ့တွေနဲ့ တွေ့ဆုံတယ်၊ ပေါင်းတယ်။
လက်ရှိ အစိုးရအဖွဲ့ဝင်ဟောင်းတွေနဲ့ ပေါင်းတယ်၊
ပြည်ခိုင်ဖြိုးပါတီနဲ့ပေါင်းတယ်၊ အခြားပါတီနဲ့ ပေါင်းတယ်၊ ဘာလဲဆိုတော့
ဒီမိုကရေစီ သွားချင်လို့ ဒါပဲ။
မေး ။ ။ မြန်မာနိုင်ငံဟာ Transition သွားတယ်ပေါ့၊ ဒါဟာ
အစပဲရှိပါသေးတယ်။ ဆိုတော့ စိန်ခေါ်မှုတွေက ဘာတွေလဲ၊ အန်ကယ့်အနေနဲ့
ဘယ်လိုမြင်လဲ။
ဖြေ ။ ။ Mind-set (စိတ်နေသဘောထား) တွေပေါ့ဗျာ။ အခြားဟာတွေ
သိပ်မခက်ပါဘူး၊ Mind-set ပြောင်းဖို့လိုတဲ့လူတွေက အများကြီးပဲ၊ Mind-set က
ဒီမိုကရေစီသွားမယ်၊ တို့တိုင်းပြည်ရဲ့ လွတ်ရာလမ်းက ဒီမိုကရေစီပဲရှိတယ်၊
တို့ Regional မှာ သန်း ၆၀ အသင့်အသင့် တက်လာဖို့က ဒီမိုကရေစီသွားမှ
ရမယ်ဆိုတဲ့ Mind-set သာ ရသွားမယ်ဆိုရင် ပြင်မှာပဲ။ အတ္တတွေလည်း
လျှော့လိုက်မှာပဲ၊ Corruption (လာဘ်ပေးလာဘ်ယူ) တွေလည်း လျှော့လိုက်မှာပဲ၊
ဒါဟာ Mind-set ပဲ။ ဒါတွေမေ့လိုက်ပြီးတော့ ငါ့အကျိုး၊ ငါ့အကျိုးဆိုရင်တော့
ဒီမိုကရေစီကို ဘယ်လိုမှ မရောက်နိုင်ဘူး။
မေး ။ ။ ကင်ဆာတစ်ခုလိုပြန့်နှံ့နေတဲ့ Corruption ကိစ္စကို အန်ကယ်တို့အနေနဲ့ ဘယ်လိုများလုပ်ဆောင်ဖို့ရှိလဲ။
ဖြေ ။ ။ ကျနော်တို့ စလုပ်နေပါတယ်၊ အခု ကျနော်တို့ဆီမှာလာတဲ့
ဧည့်သည်တွေ Myanmar Investment Commission (MIC) မှာဆို ဇီးရိုး (သုည)။ MIC
မဟုတ်တဲ့ဟာမှာလည်း လာပြော၊ ခင်ဗျားပြောတာနဲ့ ကျနော် အရေးယူပစ်လိုက်မယ်။
ဒါပေမယ့် ခင်ဗျားပြောသလို ဒါကြီးက ရောဂါကြီးက အကြီးကြီးဆိုတော့ ဒီနေ့တော့
ဘယ်ပျောက်မလဲဗျ၊ သေးသေးသွားတယ်ဆိုတာတော့ လက်ခံရမှာပေါ့။
နောက်ဥပဒေပြဌာန်းမယ်၊ ပြဌာန်းမယ့် ကော်မရှင်က လာဘ်စားတဲ့လူတွေချည်းပဲ
အရေးယူရမယ် မဟုတ်ဘူးဗျ၊ လာဘ်ပေးတဲ့လူကိုလည်း အရေးယူရမယ်။ မင်းလည်း ပေးရင်
အရေးယူခံရမယ်၊ မင်းလည်း ယူရင် အရေးယူခံရမယ်၊ အဲဒါ ကျနော့် Concept
ကိုပြောတာ။ သေးသိမ်သွားအောင်တော့ ကျနော်တို့ ဖြည်းဖြည်း ဖြည်းဖြည်း
လုပ်ပါမယ်။ ဒါပေမယ့် ကျနော် ထင်တယ် အစိုးရ နှစ်ဆက်လောက်မှ ပျောက်မှဗျ
ဒီကိစ္စက။
မေး ။ ။ FDI Law ကရော အခုဆိုရင် Investor တွေကို မြန်မာနိုင်ငံမှာ
ရင်းနှီးမြှုပ်နှံမှုတွေလုပ်ဖို့ ဘယ်လောက် ဆွဲဆောင်နိုင်မယ်လို့
ထင်ပါသလဲခင်ဗျ။
ဖြေ ။ ။ အစတုန်းကတော့ ဆွဲထားတယ်ဗျာ၊ သူတို့ဆွေးနွေးကြတယ်၊ အခုတော့
မူလအတိုင်းပေါ့။ အကောင်းဆုံး ဆွေးနွေး ထားကြတယ်လို့ ကျနော်ယုံကြည်ပါတယ်။
ကျနော်ကတော့ MIC ဥက္ကဋ္ဌ အနေနဲ့ Law က ကျနော့်ခေါင်းပေါ်မှာ။ ကျနော်က Law ကို
Implement (အကောင်အထည်ဖော်) လုပ်ရမယ်။ အကောင်းဆုံးဖိတ်ခေါ် ပြုံးရွှင်ပြီး
လွယ်လွယ်ကူကူ လုပ်နိုင်တာက ကျနော့အပိုင်း၊ Urgent လုပ်လို့ မရဘူး။ Law
ကောင်းရင် ကျနော်အတွက် ကောင်းကောင်း အကောင်အထည်ဖော်မယ်၊ Law ညံ့ရင်
ကျနော့အတွက် ကန့်သက်ချက် ဖြစ်တယ်။ ဒါတော့ ကျနော်တွေ့ရတယ်။
ဒီ့မတိုင်ခင် ဒီ Law ပြဿနာလေး မဆွေးနွေးခင်က နေ့စဉ် ကျနော့ဆီ
လာတဲ့လူတွေက တော်တော်များတယ်ဗျ၊ ကျနော်ထင်တယ် ဂျပန်လူမျိုးဆိုရင်
ကျနော့ဆီလာတာ ၃၀၀ ကျော်မယ်၊ အားလုံး စုစုပေါင်း ရင် ၅၀၀၊ ၆၀၀၊ ၇၀၀ ရှိမယ်။
အခုတော့ ကျနော်နဲ့ လာဆွေးနွေးတဲ့လူ အရေအတွက်အားဖြင့် နည်းသွားတာကို
တွေ့ရတယ်။ အခုတော့ ကျနော်လုပ်တဲ့ တနှစ်အတွင်းမှာ အကြမ်းအားဖြင့်
နိုင်ငံခြားကုမ္ပဏီ ၃၆ ခုလောက် လာလုပ်ထားပြီ၊ မြန်မာ ကုမ္ပဏီက ၅၀ ကျော်လောက်
ဖြစ်မယ်ဗျာ၊ (ဒေါ်လာ) ၅.၁ ဘီလီယံလောက်တော့ FDI လာထားတယ်ပေါ့၊ ဒါလည်း
တကယ်တော့ Small amount ဗျ၊ ချီဗွေရေအားလျှပ်စစ်ကြီး တခုပါလို့များနေတာ။
အဲတာက ၄ ဘီလီယံလောက်ဖြစ်တော့ ကျန်တာက ၁ ဘီလီယံကျော်လောက်ပဲ နိုင်ငံခြား
Investor ဝင်သေးတယ်။
မေး ။ ။ ဒါကြောင့် တိုင်းပြည်မှာ ဆင်းရဲနဲ့ ချမ်းသာ
အရမ်းကွာခြားမှုရှိတယ်၊ Middle class (လူလတ်တန်းစား) ပျောက်သွားတာ
ကြာပြီဆိုပြီးတော့ ရေးခဲ့ကြတယ်လေ၊ Middle class က တိုင်းပြည်တပြည်ရဲ့
Economy ရဲ့ Backbone (ကျောရိုး) ဖြစ်နေတာကိုး။ Job creation တွေ၊ Middle
class တွေ ပြန်ပေါ်ဖို့ ကိစ္စကျတော့ ရေရှည်ဘယ်လို အစီအစဉ်ရှိပါသလဲ။
ဖြေ ။ ။ ဒါကြောင့် ကျနော်တို့ပြောရတယ် ကိုအောင်ဇော်ရ၊ FDI Law မှာ ၅
သန်းတော့ မလုပ်ပါနဲ့ အတင်းပြောလို့ ပျောက်သွားတာ။ အရင်က
ကျနော့်ဆီလာတဲ့လူတွေက ၁ သိန်း၊ ၃ သိန်း၊ ၁ သန်း၊ ၂ သန်း အများဆုံး၊
အထည်ချုပ်လုပ်ငန်းတွေ၊ ဒါလေးတွေ ဘယ်လိုလုပ်လာမလဲ။ တောင်းပန်လွန်းလို့
အခုတော့ ကောင်းမယ်လို့ထင်တာပဲ၊ သူများနိုင်ငံတွေမှာ ကန့်သတ်ထားတာ မရှိတော့
သေးသေးလေး SME ပေမယ့်လည်း သူက ဒေါ်လာ ၅ သောင်းလောက် လာဝင်ပြီး စက်ကလေး
ထည့်လိုက်တယ် ဆိုရင်ပဲ အလုပ်ဖြစ်သွားတာပေါ့၊ ဒါလေးတွေ
ကျနော်နည်းနည်းပြောတော့ အဆင်တော့ပြေလာတယ် ထင်ရပါတယ်။
မေး ။ ။ တိုင်းပြည်ရဲ့ ကျောရိုးနောက်ခံတခုဖြစ်တဲ့ SME က ဒီမှာတော်တော် အားနည်းတယ်။ အဲဒီကိစ္စ ဘယ်လိုလုပ်မလဲဆိုတာ ပြောပါဦး။
ဖြေ ။ ။ ဟုတ်တယ်၊ ကျနော်တို့ အခုသွားနေတာ ဂျာမနီကိုကြည့်တယ်။
ကျနော့်ကို တခြားနိုင်ငံတွေက မေးပါတယ်၊ ခင်ဗျားက ဘယ်နိုင်ငံကို
ပုံတူယူမှာလဲဆိုပြီးတော့ စသဖြင့် မေးပါတယ်။ ကျနော်က ဂျာမနီ SME ကို
ကြိုက်တယ်။ ဂျာမနီက ၉၀ ရာခိုင်နှုန်းကျော်က SME တွေနဲ့ပဲ ကြီးကျယ်တာ၊
ဂျပန်တို့ ကိုရီးယားတို့မှာလည်း SME တွေပါ၊ ကိုရီးယားကတော့ နည်းနည်း Heavy
Industry (စက်မှုလုပ်ငန်းကြီး) တွေ ပါတာပေါ့။
ကျနော်တို့က Heavy Industry တွေ မလုပ်နိုင်ဘူး၊ မီးလည်းမရှိဘူး၊
လူလည်းမရှိဘူး၊ ဈေးကွက်လည်းမရှိဘူး၊ ဒီတော့ ကျနော်တို့ SME
အရမ်းအားပေးပါတယ်၊ SME တွေလုပ်ကြပါဆိုပြီး ကျနော်က SME Center ဖွင့်တယ်။
SME နဲ့ပတ်သက်လို့ နိုင်ငံခြားက အကူအညီတွေ တောင်းတယ်။ SME သင်တန်းတွေ
ဖွင့်တယ်။ UMFCCI (မြန်မာနိုင်ငံ ကုန်သည်များနှင့် စက်မှုလက်မှု
လုပ်ငန်းရှင်များအသင်း) မှာလည်း SME သင်တန်းတွေဖွင့်ပြီး လုပ်တယ်။
စက်မှုဝန်ကြီးဌာနအောက်က ဘဏ်ကိုလည်း SME ဘဏ် ပြောင်းထားတယ်။
SME အတွက် သမ္မတဆီ ကျနော့လည်း လယ်ယာ အမတော်ကြေးလေး လုပ်စမ်းပါဦး ဆိုတော့
သူက ၅ ဘီလီယံကျပ် ပေးတယ်၊ ဒါနဲ့လည်း မလုံလောက်သေးပါဘူး။ SME အခက်ခဲတွေ
အများကြီး ရှိတော့ ကျနော်က နော်ဝေးက အဖွဲ့တဖွဲ့နဲ့ ပေါင်းထားတယ်။
ဒီအဖွဲ့လာရင်တော့ SME တော်တော်လေး အသက်ရှုချောင်သွားမယ်။ ထို့အတူပဲ
အမေရိကားနဲ့ ဂျပန်က SME အဖွဲ့တွေကလည်း ကူညီမယ်။ ဒါလေးတွေ ရောက်လာရင် SME
အတွက် ချေးငွေလေးတွေ ရလာမှာပေါ့။
ဒါပေမယ့် ကျနော်ဆိုလိုချင်တာက နည်းပညာက လိုတယ်ဗျ။ ဒါကြောင့်မို့ FDI Law
ကို SME ရှင်သန်အောင် လုပ်ပေးပါ၊ ရှင်သန်အောင်လုပ်ပေးပါဆိုပြီး
အမျိုးသားလွှတ်တော် မတိုင်ခင်မှာ Work Shop တွေလုပ်၊ ပြည်သူကလည်း
အတော်ပြောတော့ ခုတော့ SME အသက်ရှုပေါက်ရလာပြီလို့ ကျနော်ထင်တယ်။
မေး ။ ။ ပြည်သူတွေကို ကြည့်လိုက်မယ်ဆိုရင် စီးပွားရေးအရ
ညည်းနေကြတာကိုတွေ့ရတယ်၊ SME လုပ်နေကြတဲ့ စီးပွားရေး သမားတွေဆိုရင်လည်း
ညည်းနေကြတာတွေ့ရတယ်။
ဖြေ ။ ။ ကျနော်ထင်တယ်၊ နော်ဝေက မြန်နိုင်တယ်ဗျ အလုပ်လုပ်ရတာလေ၊
ကျနော်ကိုယ်နှိုက်ကလည်း နော်ဝေရောက်ခဲ့တာကိုး။ သူတို့ရောက်လာပြီး နောက်တလ
နှစ်လလောက်ဆိုရင် ကျနော်သူတို့ကို ချေးငွေတွေပေးနိုင်ရင် သူတို့တော်တော်ကို
ယှဉ်ပြိုင်နိုင်စွမ်းရှိလာမှာပါ။
ဒါပေမယ့် ပိုက်ဆံတခုတည်း မပြီးသေးဘူးဗျ၊ သူတို့ (ပြည်တွင်း
လုပ်ငန်းရှင်များ) က မမြင်လို့၊ SME အတွက် နည်းပညာ လိုတယ်ဗျ၊ မလာနဲ့
မလာနဲ့ဆိုပြီး မရဘူး။ ကိုအောင်ဇော်တို့လည်း ပြည်ပက နိုင်ငံတကာ ရောက်နေတာပဲ၊
လက်ဖက်ရည်ဆိုင်ခြင်း အတူတူတောင် နိုင်ငံခြားအတွေ့အကြုံရှိတဲ့
လက်ဘက်ရည်ဆိုင်နဲ့ ကျနော်တို့လုပ်တာနဲ့ မတူဘူး၊ မုန့်ဟင်းခါးဆိုင်တောင်
မတူဘူး၊ ပုဂံဆေးတာတောင် မတူဘူး၊ ခေါက်ဆွဲဆိုင်တောင် မတူဘူး၊ နည်းပညာနဲ့
Management ပေါ့နော်၊ သူတို့ဆီက နည်းပညာရမှ ကျနော်တို့က အလုပ်ဖြစ်မှာဗျ။
ဒါလေးတော့ ကျနော်တို့ စလုပ်နေပါတယ်။
ကျနော်တို့က SME နဲ့ပဲ မြှင့်တင်မှာပဲ၊ ခင်ဗျားတို့လည်း သိတာပဲ။ ဒီမှာက
လူ မီးလင်းဖို့တောင် အနိုင်နိုင်၊ ခင်ဗျား ဘယ်လိုလုပ်သွားပြီးတော့
ကျန်တဲ့ဟာလုပ်မလဲ။ ဟိုတလောက ကုမ္ပဏီတခုက ပြောတယ်၊ သူတို့က အာလူးတွေ
စိုက်မှာဗျ၊ သူတို့က အာလူးကြော်တွေလုပ်တာ တကမ္ဘာလုံး၊ အဲဒါမျိုးကျတော့
သူတို့က လာပေါင်းမှဖြစ်တာဗျ။ စိုက်ပျိုးရေးမလာနဲ့ဆိုပြီး မျက်စိမှိတ်
ပြောလို့မရဘူး၊ သူတို့က အစေ့တွေ၊ မျိုးတွေပေးမယ်၊ အရင်းအနှီးတွေ
ပေးမယ်ဆိုရင် အာလူးတွေ အများကြီးစိုက်၊ အဲဒီ အာလူးတွေက Market ရှိလာမယ်။
ကျနော်တို့မှာက အာလူးစိုက်တယ်၊ Market မရှိဘူး၊ ခရမ်းချဉ်သီးစိုက်တယ်
ပုတ်သွားရော၊ နာနတ်သီးတွေထွက်တယ် ပုတ်သွားရော။ ဟိုလူနဲ့ပေါင်းမှရမယ်ဆိုတော့
ပြောလို့လည်း အလုပ်က မဖြစ်သေးဘူးဗျ။
မေး ။ ။ အခုထွက်လာမယ့် ရင်းနှီးမြှုပ်နှံမှု ဥပဒေက မြန်မာနိုင်ငံသား
အလုပ်သမားတွေအတွက် အကျိုးအမြတ်တွေ ပိုကောင်းလာနိုင်လား။ ဒီဥပဒေကြောင့်
မြန်မာနိုင်ငံသား ရင်းနှီးမြှုပ်နှံမှုတွေကိုရော ထိခိုက်မှုရှိနိုင်လား။
ဖြေ ။ ။ အတားအဆီးဖြစ်နေတဲ့ အချက်တွေကို လျှော့ချလိုက်တယ်ဆိုတော့
ပိုကောင်းလာမယ်လို့ ထင်ပါတယ်၊ သို့သော်လည်းပဲ လုပ်ကြည့်ရမှာပေါ့၊
မြန်မာလုပ်ငန်းရှင်တွေ အတွက်ကျတော့ ကျနော့ဘက်ကနေ ပြောရရင်တော့
သိပ်ထိခိုက်လိမ့်မယ်လို့ မထင်ဘူး၊ ဘာဖြစ်လို့လဲဆိုတော့ ကိုအောင်ဇော်က
ကျနော့ အတန်းရောက်လာပြီး စာပိုတော်တယ်ဆိုရင် ကျနော်က စာပိုကျက်မှာပဲ၊
ကျနော်က ဒီလိုသမား။
ခုန ကျနော်ပြောခဲ့သလိုပဲ နော်ဝေတို့၊ ဂျာမန်တို့၊ အမေရိကန်တို့က
ကျနော့်အဖွဲ့တွေ ရောက်လာရင် သူတို့ကို ကျနော်က ၁.၅ ရာခိုင်နှုန်းလောက်နဲ့
ကျနော် SME တွေပေးမယ်၊ နည်းပညာကို ဖိတ်ခေါ်ရမှာပဲ။ ကြိုးစားရမှာပဲ။
ချင်ဗျားတို့ နိုင်ငံခြားမှာ နေဖူးတာပဲ၊ ကျနော်လည်း UK မှာ နေဖူးတာပဲ၊
ခင်ဗျားကြိုးစားမှ အလုပ်ရမှာလေ၊ ခင်ဗျား မီဒီယာလုပ်တယ် ကိုအောင်ဇော်၊
ခင်ဗျား Quality မရှိရင် ခင်ဗျားကြာကြာမခံဘူး၊ ခင်ဗျားအောက်က တပည့်တွေကလည်း
ကြိုးစားမှ အလုပ်လုပ်မှရမှာ။ ကျနော်တို့က အရိုးစွဲနေတာက ပြိုင်ရမှာ
သိပ်ကြောက်တာ။ မရဘူး ပြိုင်ရမယ်။ ပြိုင်မယ့် Condition တွေ
ကျနော်ဖန်တီးပေးမယ်၊ ကျနော်တို့ ငွေချေးပေးမယ်။ နည်းပညာကို ခင်ဗျားဖိတ်ခေါ်။
ခင်ဗျားကို ကျနော် ဘက်လိုက်တယ်ဆိုတာ ရင်ထဲမှာပဲ ဘက်လိုက်လို့ရမယ်၊
နည်းပညာရမယ်၊ သူတို့ စီးကရက်လာထုတ်၊ ကိုယ်လည်းထုတ်မယ်။ ဘီယာလာထုတ်၊
ကိုယ်လည်းထုတ်မယ်။ အချိုရည်ထုတ်။ ကိုယ်လည်းထုတ်မယ်။ ကိုယ့် Market
နဲ့ကိုယ်၊ သို့မဟုတ် သူနဲ့ ပေါင်းလိုက်မယ်။ သို့မဟုတ် သူက
ထုတ်ပဲထုတ်တတ်တယ်၊ ကိုယ်ကရောင်းမယ်။ ဒီအပိုင်း ဝင်လိုက်ပေါ့၊ သူတို့
မြန်မာပြည်မှာ အကြာကြီးမနေဘူး ပြန်သွားမှာ၊ ဒါတွေထားခဲ့မှာ။ ခင်ဗျား ဒု
စက်ရုံမှူး လုပ်လိုက်၊ ခင်ဗျား အလုပ်ကောင်းရင် သူက ခင်ဗျားကိုလွှဲသွားမှာ။
မေး ။ ။ တချို့ ကြေးနီစီမံကိန်းလို ဟာမျိုးတွေ၊ MOGE
(မြန်မာ့ရေနံနှင့် သဘာဝဓာတ်ငွေ့လုပ်ငန်း) ကိစ္စတွေ ပွင့်လင်းမြင်သာမှု
မရှိဘူးဆိုပြီး တော်တော်ဝေဖန်ခံနေရတယ်။ နောက်ပိုင်းဆိုရင်ဒါတွေက
ဘယ်လိုဖြစ်လာဖို့ရှိလဲ။
ဖြေ ။ ။ အဆင်ပြေလာမှာပေါ့၊ ကျနော်စလုပ်တာ ဒီအလုပ်ကို။ အခုတော့
စတဲ့အဆင့်၊ ဒီ Process က တနှစ်လောက်တော့ ကြာနိုင်တယ်၊ သူတို့ဆီက
လာကြည့်ရမယ်၊ Third-party က ကြည့်ရမယ်၊ Data တွေ ပြနိုင်ရမယ်၊
ဒါမျိုးတွေပေါ့။ နော်ဝေအစိုးရကလည်း ဒီအတွက် ထောက်ပံ့ငွေ ကျနော့ကိုပေးမယ်၊
ဒီအတွက် ဗြိတိသျှကလည်းပေးမယ်၊ US Government ကလည်း ဒါလုပ်တယ်ဆို ကျနော့ကို
အားပေးမယ်။ ဆိုတော့ ဒီအသင်းဝင်ဖို့အတွက် ပိုက်ဆံက ပြဿနာ မဟုတ်ဘူး၊ ဒါပေမယ့်
အကောင်အထည်ဖော်ဖို့က အခုတော့ နည်းနည်း သဘောပေါက်လာကြပြီ။ ကျနော်လည်း
သမ္မတကြီးဆီ တင်ပြထားတယ်။
မေး ။ ။ ကျနော်တို့နိုင်ငံက စင်ကာပူလိုလည်း မဟုတ်ဘူး၊
မလေးရှားလိုလည်း မဟုတ်ဘူးဆိုတော့ Human skill, Human resource
ကိစ္စတွေမှာကျတော့ ဘယ်လိုမျိုးတွေလုပ်ဖို့ရှိလဲ။
ဖြေ ။ ။ အဓိကအားဖြင့်တော့ Vocational Training (သက်မွေးဝမ်းကျောင်း
လေ့ကျင့်ပေးမှု) တွေ လိုတာကိုး။ Skill Worker (ကျွမ်းကျင် လုပ်သား) ပေါ့။
အစတုန်းက အစိုးရကလုပ်တာကိုး။ အရင် ကျနော့ဝန်ကြီးဌာနက Vocational Training ၆
ခုရှိတယ်။ ဒါလေးနဲ့လည်း ဘယ်လုံလောက်မလဲ။ ဒါနဲ့ ကျနာ် သမ္မတကြီးဆီ တင်ပြတယ်၊
ဒေါ်အောင်ဆန်းစုကြည်ကလည်း Vocational Training ကို ဇောင်းပေးထားတယ်။
သူများနိုင်ငံတွေကို ကျနော်တို့ လေ့လာတော့လည်း ကိုအောင်ဇော်
သိတဲ့အတိုင်းပဲ၊ ပေါင်မုန့်ဖုတ်လည်း သင်တန်းရှိတယ်၊ ဆံပင်ညှပ်လည်း သတင်တန်း
ရှိတယ်၊ အနှိပ်လည်း သင်တန်းရှိတယ်။ ဆိုတော့ Vocational Training
လက်မှတ်ရတော့ ထမင်းစားလို့ရတာပေါ့။
အိန္ဒိယအစိုးရရဲ့ ဗဟိုစီမံကိန်း ဥက္ကဋ္ဌ မန်မိုဟန်ဆင်းရဲ့အောက်က
ကျန်ာနဲ့လာတွေ့တယ်။ မင်း Vocational Training တွေလုပ်၊ တို့အန္ဒိယမှာလည်း
အားပေးတယ်။ ဆိုတော့ ကျနော်က သမ္မတကြီးကို သတင်းပို့တော့ သမ္မတကြီးက Private
Centre Vocational Training တွေ ခွင့်ပြုလိုက်တော့ ကျနော်က
အလုပ်သမားဝန်ကြီးနဲ့ညှိပြီး သတင်းစာတွေထဲလည်း ထည့်လိုက်တယ်။ လုပ်ကြ၊
မည်သူမဆို Vocational Training ကို Private ဖွင့်လိုက်ပြီ၊
သင်တန်းဆင်းလက်မှတ် ကျရင်တော့ စနစ်ကျလား၊ မကျလား၊ အလုပ်သမားဝန်ကြီး
ဌာနကကြည့်မယ်။ အားလုံး အလုပ်ရဖို့အတွက် Certificate ရှိလာတာပေါ့၊
မဟုတ်ရင်တော့ ဘာလုပ်ရမှန်းလည်း မသိဘူးပေါ့။ Skill Worker တွေလည်းထွက်လာမယ်၊
စနစ်တကျဖြစ်လာမယ်။
တချို့ ဂျပန်တို့၊ ဘာတို့ အခြားနိုင်ငံက ပြောတယ် ကျနော့ကို ဆူရှီတွေ
လာဖွင့်မယ် ပြောတယ်။ ကျနော်ပြောတယ်၊ ခနနေပါဦးဗျာ ခင်ဗျားတို့ အလုပ်
လေး-ငါးယောက်လောက် မလာပါနဲ့ဦး၊ အလုပ် လူ ၁ ထောင် လောက် ရမယ့်ဟာမျိုး
လာစမ်းပါ။ လူတသောင်း အလုပ်ရမလား ချက်ချင်းလုပ်ချင်တယ်၊ ခင်ဗျားတို့ ခနနေဦး
တားထားရတယ်။ ခင်ဗျားတို့ ချစ်သလို ကျနော်လည်း တိုင်းပြည်ကို ချစ်တာပဲဗျ၊
ကျနော် MIC ဥက္ကဋ္ဌ လုပ်နေပြီး လုပ်ချင်ရာလုပ်ရင် ကျနော်
သမိုင်းတရားခံဖြစ်သွားမှာပေါ့၊ ကျနော်အဲလိုမျိုး မလုပ်ဘူး။
မေး ။ ။ မြန်မာနိုင်ငံမှာက Infrastructure ကိစ္စတို့၊ Banking System
တို့ကို အပြင်ကလူတွေက ကြည့်ပြီး ဝိုင်းညည်းကြတာပေါ့နော်၊ အန်ကယ်ကလည်း ခုန
မီးကိစ္စကို ခဏခဏထည့်ပြောတာလည်း သတိထားမိတယ်၊ ဆိုတော့ အဲဒီိဟာတွေကို
ဘာကြောင့် မကျော်ဖြတ် နိုင်ရတာလဲ၊ ဘယ်လို အဟန့်အတားတွေ ရှိနေလို့လဲ။
ဖြေ ။ ။ လျှပ်စစ်မီးကိစ္စကတော့ သိပ်မကြာဘူး ကျော်ဖြတ်နိုင်လိမ့်မယ်၊
ဒီလာမယ့် နွေရာသီကာလမှာ။ အစတုန်းက ကျန်ာတို့က Hydro Power ကိုပဲ
ဦးစားပေးလိုက်တာကိုး။ ရေအားလျှပ်စစ်ဆိုတော့ ရာသီဥတုဖောက်ပြန်ရင်
ရေလည်းမရဘူး၊ မီးလည်း မရဘူး။ အခုကျနော်တို့က Policy ပြောင်းလိုက်တယ်လေ၊
မြန်မာပြည်အောက်ပိုင်းက Gas, Coal (ကျောက်မီးသွေး) အဓိက၊ မြောက်ပိုင်းက
Hydro Power အဓိက၊ ဒီလို ကျနော်တို့ ပြန်ပြီး စွမ်းအင်ပေးတဲ့ Policy
ပြောင်းလိုက်တယ်။ လျှပ်စစ်က ကျနော်တို့ ယိုးဒယားကို ရောင်းလိုက်တဲ့
အထဲကလည်း ပြန်ဝယ်မယ်၊ ဒီလိုပြောင်းလိုက်တော့ မီးရဖို့လည်း နီးစပ်တယ်၊
မီးအများကြီး ရမယ်မရဘူးဆိုတာ မသေချာဘူး။ SME ကတော့ မီးသုံးတာနည်းတာပေါ့။
သံမဏိစက်ရုံကြီးဆိုရင်တော့ မီးအရမ်းသုံးတာကိုး၊ ဒါကြောင့် အဲဒီအပိုင်း
ခဏနေဦးဆိုပြီး ဒါမျိုးသွားတာ။
Banking System နဲ့ပတ်သက်လို့က ကိုအောင်ဇော် ပြောသလို သူတို့လည်း
ညည်းတွားပါတယ်၊ ကျနော်တို့လည်း လုပ်နေတာ တနှစ်လောက်ရှိပြီ။ ဒီကောင်က
ဘယ်ဟာနဲ့ သွားပတ်သက်သလဲဆိုတော့ အမေရိကန် Sanction နဲ့သွားပြီး ပတ်သက်တယ်။
ပတ်သက်တော့ အမေရိကန်မှာ ကျနော့မိတ်ဆွေတွေ အများကြီးရှိတယ်ဗျာ၊
ဂျော့ဂ်ျဆိုရော့တို့ ရှိသလို ဂျွန်မက်ကိန်းတို့လို၊ ဂျိုဇက်ယွန်းတို့လို၊
သူတို့တွေကို Request လုပ်ထားတယ်၊ ကျနော့ကို ဒါလေးလျှော့ပေးပါ၊ ကျန်တာတွေ
မလျှော့ရင်နေပါဗျာ Financial sector လေးတော့ လျှော့ပေးစမ်းပါဆိုတော့၊
သူတို့ကြိုးစားတုန်း လျှော့လာတော့မှ သူတို့အဖွဲ့တွေ လာပြီး အခုမှ
ကျနော်တို့ Visa ကတ်တွေဘာတွေ စလုပ်ရမှာ၊ အခုမှ Banking ကို သူတို့ဝင်လာတာ။
ဝင်လာတော့ မကြာဘူး၊ ကျနော်တို့ Banking ပုံစံပြောင်းမယ်၊ နောက် Visa
ကတ်တွေ ဘာတွေ ကျနော်တို့ စလုပ်မယ်၊ ပြီးတော့ လူတွေအားလုံးကို Bank transfer
လုပ်လို့ရအောင်လုပ်မယ်။ တချိန်တည်းမှာ Visa ကဝင်လာရင် ကျနော်တို့က Mobile
Banking တွေလုပ်မယ်၊ ဆိုတော့ အတော် အဆင်ပြေလာမယ်။
ကျနော်က သူတို့ကို ပြောပါတယ်၊ ကျနော်အမေရိကားလို ခနနေဦးဗျာ၊
ယိုးဒယားလောက်တော့ ကျနော့်ကို ဝိုင်းကူစမ်းပါ၊ ယိုးဒယား Banking System
လောက်တော့ ကျနော်လုပ်ချင်တယ်။ နိုင်ငံခြားသွား ကျနော် ပိုက်ဆံ သုံးလို့မရ၊
သူငယ်ချင်းတွေခေါ်ပြီး ကျနော်ပိုက်ဆံတွေချေးရ။ သူတို့ကလည်း ကျနော့်ဆီလာရင်
ပိုက်ဆံသုံးလို့မရ။ Tourist တွေက ကျနော်တို့ဆီလာရင်
ပိုက်ဆံထုပ်ကြီးနဲ့မပါလာ၊ သူတို့လည်း သုံးလို့မရ။ ဒါတွေ သူတို့နားလည်ရော
အခုတော့ ကျနော်တို့ နည်းနည်းစလုပ်တော့မယ်။ ဒါတောင် အမေရိကန်ကို
တော်တော်တောင်းပန်ရတာ၊ ဆိုတော့ အဆင်ပြေလာမယ်၊ ကိုအောင်ဇော်
အဲဒီအပိုင်းကတော့ နောက် ၃ လနဲ့ ၆ လအတွင်းမှာ အဆင်ပြေလာမယ်။
မေး ။ ။ ကမ္ဘာလှည့်ခရီးသည်ကိစ္စက ဘယ်လို အစီအစဉ်တွေရှိလဲ။
မြန်မာနိုင်ငံက သဘာဝတောတောင် အရရော၊ ယဉ်ကျေးမှုအရရောပေါ့ ထိုင်းထက်တောင်မှ
လှတယ်၊ လည်စရာပတ်စရာတွေကလည်း အများကြီးဆိုတော့ ကမ္ဘာလှည့် ခရီးသည်နဲ့တင်
မြန်မာပြည်ဝင်ငွေက အများကြီးရှာလို့ရတယ်။ အဲဒီအတွက် ဘယ်လို
စီမံချက်တွေရှိလဲ။
ဖြေ ။ ။ ကိုအောင်ဇော်ပြောတာ မှန်တယ်။ ကမ္ဘာလှည့်ခရီးသည်အတွက်
နော်ဝေအစိုးရက စီမံချက်တခု လုပ်ပေးမယ်၊ ဒါလည်း တပိုင်းပေါ့။ နောက်တခုက
ခင်ဗျားတို့သိပါတယ်၊ ပထမဆုံး ဗီဇာဗျ၊ ဗီဇာရတော့ လေယာဉ်ပျံက ခက်နေပြန်ရော။
နောက် လေယာဉ်ပျံကွင်းက ခက်နေပြန်ရောဗျ။ နောက် ၂ နှစ်ဆိုရင်
ရန်ကုန်လေယာဉ်ပျံကွင်းက Sorry ပဲ၊ လေယာဉ်ပျံ ၄ စင်း တပြိုင်တည်း
ရောက်လို့ကတော့ လေဆိပ်မှာတင် တန်းစီရမှာ၂ နာရီပဲ။ ဒီတော့ ကျနော်တို့က
မန္တလေးနားက တံတားဦး လေဆိပ်ရှိတယ်၊ အဲဒါကို International Airport
ဖြစ်အောင် အမြန်ပြောင်းမယ်။ ပြောင်းတဲ့အခါကျတော့ Infrastructure update
လုပ်မယ်ဆိုတော့ ဂျပန်နဲ့ပေါင်းလုပ်မယ်။ ပြီးရင် ကျနော်တို့က ပဲခူး
ဟံသာဝတီလေဆိပ်ကို လာမယ့် ၃ နှစ်အတွင်းမှာ ဆောက်မယ်၊ တင်ဒါတွေဘာတွေ ခေါ်ပြီး
ကျနော်တို့ စလုပ်မယ်ဆိုတော့ ဂျပန်မှာဆိုရင် Narita နဲ့ Haneda လေဆိပ် ၂
ခုလို သွားဖြစ်မှာပေါ့။
နောက်ရန်ကုန်မှာ Hotel တွေကလည်း ခင်ဗျား သိတဲ့အတိုင်းပဲ၊ ကြုံပြီဆိုပြီး
ပိုက်ဆံ (ဒေါ်လာ) ၃-၄ ရာ တောင်းချင်တာ။ အဲဒါပြောရတာပေါ့၊ ဟာ …
မင်းတို့ကလည်း ကိုယ့်ဟာမှ မကောင်းတာ ၃၀၀ တောင်းရင် ၃၀၀
နဲ့တန်အောင်လုပ်လို့။ အဲဒါနဲ့ တခါ ဦးတင့်ဆန်း (ယခင် ဟိုတယ်နှင့်
ခရီးသွားလာရေးဝန်ကြီးဌာန ဝန်ကြီး) က တခါ သွားရှင်းရပြန်ရော။ ဒီလိုနဲ့
အမြီးနင်း ခေါင်းနင်းနဲ့ ကျနော်တို့လည်း Move လုပ်နေရတာ။ ဒါတောင်မှ
ကျနော်တို့ရဲ့ Policy တွေက အောက်ခြေ ဝန်ထမ်းတွေဆီ မရောက်သေးတာ အများကြီး။ ၅
နာရီလောက် လေယာဉ်ကွင်းမှာ ပုံနေလို့ တိုင်စာတွေ တက်လာတာလည်း ရှိသေးတယ်။
အဲတာတွေ ကျနော်တို့က ဖြည်နေရတယ်လေ။
မေး ။ ။ တရုတ်ပြည်ကနေ ပို့တဲ့ ချယ်ရီဝက်စ်ဂွန် ကားတွေနဲ့ပတ်သက်ပြီး
ကားမှာ Asbestos ဖိုင်ဘာဓာတ်ပစ္စည်းတွေ အသုံးပြုထားတာတွေ့ရတယ်ဆိုပြီး
စစ်ဆေးတွေ့ရှိခဲ့တဲ့ သြစတြေးလျနိုင်ငံက အစီးရေ ၂ သောင်းကျော်
ပြန်ပို့လိုက်တဲ့ သတင်းထွက်လာပြီးတဲ့နောက် ရန်ကုန်မှာလည်း
ရိုက်ခတ်မှုတွေရှိလာတယ်။ ဒီကိစ္စ ဘယ်လိုလုပ်ဖို့ရှိလဲ။
ဖြေ ။ ။ မဟုတ်ပါဘူး၊ သူက အခြား Model ပါ။ ကျနော်တို့ Model က
အညံ့ဆုံး Model ပါ။ ကျနော်တို့က သူ့ (ကုမ္ပဏီ) ကို မေးတယ်၊ သူက ဒီ Model
မဟုတ်ဘူးတဲ့။ ဒါပဲကျနော်တို့က ဖြေနိုင်မှာပေါ့။
မေး ။ ။ အဲဒါကို ဒီ Model မဟုတ်ဘူးဆိုတာကို သေချာအောင် စမ်းသပ်စစ်ဆေးဖို့ အစီအစဉ်မရှိဘူးလား။
ဖြေ ။ ။ ကျနော်တို့က တရုတ်ဆီက ဝယ်ပြီးဆင်တာကိုး။ သူတို့တာဝန်ခံလေ၊
သူတို့လာရှင်းပေါ့။ မြန်မာအနေနဲ့ကတော့ ဒီကားက ဈေးအသက်သာဆုံးဖြစ်နေတော့
ကားဟောင်းရောင်းလိုက်တဲ့ လူတွေကလည်း ဒါလေးတွေဝယ်ပြီး သုံးနေတာပေါ့ဗျာ။
ကျနော်လည်း သိပ်အရေးကြီး ခွင်ကျယ်မလုပ်ချင်တာက ဆင်းရဲတဲ့လူတွေက ဒါလေးနဲ့
တက္ကစီလေး မောင်းပြီးတော့ စားနေရတာ ဆိုတော့လေ။ ။
ဧရာဝတီ
