အစ္စလာမ်နိုင်ငံရေးပါတီများ ပြည်ထောင်စုရွေးကောက်ပွဲကော်မရှင်နှင့် တွေ့ဆုံမည် 

2012-09-04

အစ္စလာမ် နိုင်ငံရေးပါတီ ၃ ခုဖြစ်တဲ့ ကမန်အမျိုးသား တိုးတက်ရေးပါတီ၊ အမျိုးသားတိုးတက်ရေး ဒီမိုကရက်တစ်ပါတီ၊ အမျိုးသား ဖွံ့ဖြိုးတိုးတက်ရေးနှင့် ငြိမ်းချမ်းရေးပါတီတွေက ခေါင်းဆောင်တွေဟာ အခုလ ၆ ရက်နေ့မှာ နေပြည်တော်က ပြည်ထောင်စု ရွေးကောက်ပွဲ ကော်မရှင်နဲ့ သွားရောက်တွေ့ဆုံကြမယ်လို့ သိရပါတယ်။

မကြာသေးခင်က သမ္မတ ဦးသိန်းစိန် ဖွဲ့စည်းလိုက်တဲ့ ရခိုင်အရေး စုံစမ်းစစ်ဆေးရေး ကော်မရှင်ထဲမှာ အဲဒီ အစ္စလာမ် ပါတီတွေက ခေါင်းဆောင်တွေ ပါဝင်မှု မရှိတဲ့အပေါ် သမ္မတထံ ပြီးခဲ့တဲ့ သီတင်းပတ်အတွင်း ကန့်ကွက်စာ တင်လိုက်တဲ့ ကိစ္စနဲ့ပတ်သက်ပြီး ရွေးကောက်ပွဲ ကော်မရှင်က ခေါ်ယူတွေ့ဆုံမှာ ဖြစ်တယ်လို့ ကမန်အမျိုးသား တိုးတက်ရေးပါတီ ဒုတိယ ဥက္ကဋ္ဌ ဦးထွန်းထွန်းဝေက ပြောပါတယ်။

"ရွေးကောက်ပွဲ ကော်မရှင်က ကျွန်တော်တို့ ထင်တာတော့ အမျိုးသား ဖွံ့ဖြိုးတိုးတက်ရေးနှင့် ငြိမ်းချမ်းရေးပါတီ က စာတင်ထားတဲ့ အပေါ်မှာ သူတို့က မေးမြန်းချင်တာလေးတွေ ရှိမယ်လို့ထင်တယ်။ နောက်တစ်ခုက ဘာကြောင့် ကန့်ကွက်သလဲ။ တကယ်လို့ ဒီကော်မရှင်ထဲမှာ ဒီဘက်က ပါဝင်ဖို့ ဆိုလို့ရှိရင်ကော ဖြစ်နိုင်သလား။ ဘာညာ ဒီမေးခွန်းတွေ မေးမြန်းမယ်လို့လည်း ထင်ပါတယ် "

စုံစမ်းစစ်ဆေးရေး ကော်မရှင်အနေနဲ့ လူမျိုးရေး ဘာသာရေး ပဋိပက္ခကို မဖြစ်စေဘဲ သမ္မတက ချမှတ်ပေးထားတဲ့ အချက် (၈) ချက်အပေါ်မှာ အခြေခံပြီး အဖြစ်မှန်ကို လွတ်လပ်စွာ စုံစမ်းစစ်ဆေး ဖော်ထုတ်နိုင်ဖို့ကိုသာ မျှော်လင့်နေကြောင်းလည်း ဦးထွန်းထွန်းဝေက ပြောပါတယ်။

"ကော်မရှင်နဲ့ တွေ့တဲ့ အခါကျတော့လည်း စုံစမ်းစစ်ဆေးရေး ကော်မရှင်နဲ့ ပတ်သက်လို့ သမ္မတပေးထားတဲ့ တာဝန်များတွေကိုပဲ စုံစမ်းရေး ကော်မရှင်က စီစဉ်ဆောင်ရွက်ဖို့ သင့်တဲ့အကြောင်းရယ်၊ ပျက်ဆီးဆုံးရှုံးမှုတွေကို နိုင်ငံတော်က တာဝန်ယူပြီး တော့ ကိုယ့်တိုင်းသူ ပြည်သားတွေအပေါ်မှာ ပြန်လည်ထူထောင်ပေးဖို့ အပိုင်းတွေရယ်၊ နောက်တစ်ခုက ဒီအငြင်းပွားစရာ ဖြစ်လာမဲ့ ပြဿနာမျိုးတွေကိုတော့ ရှောင်ရှားပြီးတော့ သမိုင်းပညာရှင်တွေ လုပ်ရမဲ့ အလုပ်မျိုးတွေကိုကျတော့ စုံစမ်းရေး ကော်မရှင်နဲ့ မဆိုင်တဲ့ ကိစ္စမျိုးတွေမှာ ဆွေးနွေးဆောင်ရွက်ခြင်း မပြုပဲနဲ့ ငြိမ်းချမ်းစွာ အတူနေနိုင်ဖို့ ဆိုတဲ့ကိစ္စမျိုးတွေမှာပဲ ဦးစားပေး ဆောင်ရွက်ပေးကြပါလို့ အကြံပြုချင်တာပါ"

ရခိုင်ပြည်နယ်မှာ လူများစု ရခိုင်တိုင်းရင်းသားတွေအပြင် ကမန်၊ ခမွီး၊ ဒိုင်းနက်၊ မရမာကြီး၊ မြို၊ သက် စတဲ့ လူနည်းစု တိုင်းရင်းသားတွေလည်း နေထိုင်ကြပါတယ်။

Copyright © 1998-2011 Radio Free Asia. All rights reserved.

အစိုးရနှင့် KNU တပ်များဆုတ်ခွာရေးကိစ္စ မပြီးပြတ်သေး 

2012-09-04

ဒီကနေ့ ဖားအံမြို့မှာ ဆက်လက်ပြုလုပ်တဲ့ အစိုးရနဲ့ KNU အဖွဲ့တို့ရဲ့ ငြိမ်းချမ်းရေး ဆွေးနွေးပွဲမှာ အချက်ပေါင်း ၃၅ ချက်ကို သဘောတူ လက်မှတ်ရေးထိုးခဲ့သော်လည်း တပ်များဆုတ်ခွာရေးကိစ္စ မပြီးပြတ်သေးဘူးလို့ သိရပါတယ်။

RFA

မြန်မာအစိုးရနှင့် အပစ်အခတ် ရပ်စဲရေးကိစ္စ ဒုတိယအကြိမ် ဆွေးနွေးရန် ဖားအံမြို့သို့ မထွက်ခွာမီ KNU ကိုယ်စားလှယ်အဖွဲ့ကို မဲဆောက်မြို့တွင် တွေ့ရစဉ်။

နှစ်ဖက်သဘောတူညီချက် ရရှိတဲ့အချက်များဟာ မနေ့က ဆွေးနွေးခဲ့တဲ့ ယာယီ အပစ်အခတ် ရပ်စဲရေးမှာ နှစ်ဖက်လိုက်နာရမဲ့ စည်းကမ်းများ ဖြစ်ပါတယ်။
ဒါပေမဲ့ KNU အဖွဲ့က တောင်းဆိုထားတဲ့ ၁၉၉၇ ခုနှစ်က အခြေအနေအတိုင်း တပ်များပြန်လည် နေရာချထားရေးကို အစိုးရဘက်က လက်ခံခြင်း မရှိဘူးလို့ သိရပါတယ်။ အစည်းအဝေး တက်ရောက်တဲ့ ငြိမ်းချမ်းရေး အကျိ်ုးဆောင်တစ်ဦးက အခုလိုပြောပါတယ်။

"၁၉၉၇ ခုနှစ်က ရှိနေတဲ့ တပ်တည် အနေအထားပဲပေါ့။ စစ်တပ်ဘက်ကတော့ တိုင်းမှူးက သူရဲ့နယ်မြေ လုံခြုံရေးအရပဲ အဲတာအကြောင်းပြတယ်လေ။ တပ်ပြန်ဆုတ်ပေးဖို့ မရှိဘူး။ မရှိဘူးဆိုတော့ အဲဒီမှာ အခက်အခဲလေးတွေတော့ ဖြစ်သွားတာပေါ့။ ဆွေးနွေး၊ ဆွေးနွေးရင်းနဲ့။ KNU ဘက်ကလည်း သူတို့ရဲ့ နယ်မြေတွေအားလုံးမှာ အားလုံး ၁၀၀ ကျော်တယ်လေ။ သူတို့တောင်းဆိုထားတာ။ အဲတာကို ဆုတ်ခိုင်းတာပေါ့။ ဆုတ်ခိုင်းတော့ သူတို့က နယ်လုံခြုံရေးအရ ဆိုပြီး ပြန်ပြောတာပေါ့။ နောက်ထပ်တခါ ပြန်ဆွေးနွေးကြမယ်နဲ့ တူပါတယ်"

ဒီကနေ့ ပြုလုပ်တဲ့ အစည်းအဝေးဟာ အစိုးရနဲ့ KNU အဖွဲတို့ရဲ့ တတိယအကြိမ်မြောက် တွေ့ဆုံပွဲဖြစ်ပြီး ဖားအံမြို့ ဇွဲကပင်ဟိုတယ်မှာ ပြုလုပ်ခဲ့တာပါ။ အစည်းအဝေးဟာ မနက် ၈ နာရီက စတင်ခဲ့ပြီး မွန်းလွဲ ၂ နာရီခွဲမှာ ပြီးဆုံးသွားပါတယ်။
လက်ရှိ ဘားအံမြို့ ဆွေးနွေးပွဲနဲ့ ပတ်သက်ပြီး ငြိမ်းချမ်းရေး လုပ်ငန်းစဉ်တွေထဲမှာ အဓိကကျတဲ့ အပစ်အခတ် ရပ်စဲရေးကို ရေရှည်တည်တံ့နိုင်ဖို့ နှစ်ဖက်တပ်များ လိုက်နာရမယ့် ကျင့်စဉ်တွေဟာ အရေးကြီးတယ်လို့ အစိုးရ ငြိမ်းချမ်းရေး ဖော်ဆောင်ရေးအဖွဲ့က အဖွဲ့ဝင်တစ်ဦးဖြစ်တဲ့ ပြည်ထောင်စုဝန်ကြီး ဦးခင်ရီက ပြောပါတယ်။
ဒီဆွေးနွေးပွဲမှာ ပါဝင်သူ ၀န်ကြီး ဦးခင်ရီကို မသင်းသီရိက ဆက်သွယ်မေးမြန်းပြီး တင်ပြထားပါတယ်။

Copyright © 1998-2011 Radio Free Asia. All rights reserved.

မြန်မာနိုင်ငံရေးပါတီတွေ အမေရိကန် နိုင်ငံရေးလေ့လာ

မဆုမွန်

04.09.2012

အမေရိကန်နိုင်ငံရဲ့ လက်ရှိသမ္မတရွေးကောက်ပွဲ စည်းရုံးလှုံ့ဆော်ရေး ကမ်ပိန်းတွေ စနေချိန်မှာ အမေရိကန်နိုင်ငံရေးကို လေ့လာနိုင်ဖို့ မြန်မာနိုင်ငံက နိုင်ငံရေးပါတီတွေကို အမေရိကန် နိုင်ငံခြားရေး ၀န်ကြီးက ဖိတ်ကြားခဲ့ပါတယ်။ Managing Media and Public relations  ဆိုတဲ့ သတင်းမီဒီယာ နဲ့ ပြည်သူ့ဆက်ဆံရေး အစီအစဉ်နဲ့ အမေရိကန်နိုင်ငံ၊ ၀ါရှင်တန် ဒီစီကို ပါတီ ကိုယ်စားလှယ်တွေ ရောက်လာကြတာဖြစ်ပါတယ်။
ဒီအကြောင်းကို လေ့လာရေးခရီးရောက်နေတဲ့ မြန်မာနိုင်ငံက နိုင်ငံရေးပါတီ ကိုယ်စားလှယ်တွေကို ဆက်သွယ်မေးမြန်းပြီးတော့ မဆုမွန်က တင်ဆက်ပေးထားပါတယ်။
အမေရိကန် နိုင်ငံခြားရေးဝန်ကြီးဌာနရဲ့ ပထမဆုံးအကြိမ် နိုင်ငံရေးပါတီတွေကို ဖိတ်ကြားတဲ့ သတင်း မီဒီယာနဲ့ ပြည်သူ့ ဆက်ဆံရေးအစီအစဉ်နဲ့ မြန်မာနိုင်ငံက နိုင်ငံရေးပါတီ ၈ ပါတီရဲ့ကိုယ်စားလှယ်တွေ အမေရိကန်နိုင်ငံကို လာရောက်ခဲ့ပါတယ်။
မြန်မာ့နိုင်ငံရေးပါတီစုံက ကိုယ်စားလှယ်တွေအနေနဲ့ အမေရိကန်နိုင်ငံရဲ့ နိုင်ငံရေးနဲ့ ပါလီမန် လွှတ်တော်တွင်းက ဥပဒေပြု အမတ်တွေရဲ့ လွှတ်တော်တွင်း လှုပ်ရှားမှုတွေကို အနီးကပ် လေ့လာခွင့် ရသလို အမေရိကန်နိုင်ငံသမ္မတ ရွေးကောက်ပွဲ မှာ ဒီမိုကရက်တစ်နဲ့ ရီပတ်ဘလီကင် ပါတီကြီးနှစ် ပါတီရဲ့ စည်းရုံး လှုံ့ဆော်ရေးဆင်းတဲ့ ကမ်ပိန်းပွဲတွေကို သွားရောက် လေ့လာခွင့်ရခဲ့ကြပါတယ်။

စည်းရုံးဟောပြောပွဲ ကမ်ပိန်းတွေရဲ့ လှုပ်ရှားမှုတွေကို လေ့လာခွင့်ရခဲ့တဲ့အခါ ဒီမိုကရေစီ နည်းစနစ် ကျကျ လှုပ်ရှား မှုတွေမှာ အခြေခံကအစ ကွာခြားမှု ရှိတာကို တွေ့ခဲ့ရတယ်လို့ ဒီမိုကရက်တစ်ပါတီ (မြန်မာ) က ဗဟိုအလုပ်အမှုဆောင် ကော်မတီဝင် ကိုသန်းဇော်အောင်က ဗွီအိုအေ မြန်မာပိုင်း ကို ပြောပါတယ်။
“ထူးခြားတာက ဒီမှာ အားလုံးက နိုင်ငံရေးနဲ့ပတ်သက်ပြီး awareness ရှိတယ်လေ။ ကျနော်တို့ ကမ်ပိန်းတွေမှာဆိုရင် ကလေးလေးတွေကအစ မိဘတွေက ကလေးတွေကိုခေါ်လာတယ်။ ငါးနှစ်၊ ဆယ်နှစ်လောက်ရှိတဲ့ ကလေးတွေပါ လာပြီး တော့ တက်ပြီးတော့နားထောင်တယ်။ နောက်ပြီးတော့ အဲ့ဒီ့မှာပဲ Mitt Romney ကမ်ပိန်းရှေ့မှာပဲ Mitt Romney ကို ဆန့်ကျင်တဲ့ အုပ်စုတွေက ဆန္ဒပြ တယ်ပေါ့လေ။ ဒီလိုမျိုး လွတ်လပ်တဲ့ဟာတွေ ကျနော်တို့တွေ့ခဲ့ရတယ်။ ကျနော်တို့ ဆီမှာလည်း ဒီလိုမျိုးပေါ့။ ပြည်သူတွေက နိုင်ငံရေး ရေချိန်တွေ အများကြီး တက်လာဖို့လည်း လိုတယ်လေ။
အဲ့လိုဖြစ် အောင် ကျနော်တို့ဘက်ကလည်း ကြိုးစားရမှာပေါ့။ မြန်မာပြည်မှာ ပြန်လုပ်ဖို့ကတော့ ပါတီတွေနဲ့ ပတ်သက်ပြီးတော့ ကိုယ့် ကမ်ပိန်းတွေမှာ ဘယ်လို massage ပေးမယ်။ နောက် ပြည်သူ လူထုနဲ့ ဆက်ဆံတဲ့အခါ ဘာတွေကို ထိရောက်အောင် ဘယ်လို ဆောင်ရွက်မယ်ဆိုတာတွေ သိခွင့်ရတယ်လေ။”
ချင်းအမျိုးသားပါတီက အတွင်းရေးမှူး (၁) Salai Thiang Uk Thang ကိုငယ်ပီးက အမေရိကန်နိုင်ငံရဲ့ ဒီမိုကရေစီစနစ်နဲ့  လက်တွေ့ကျကျ အကောင်အထည် ဖော်နေတာတွေကို လေ့လာမိသလို ပြည်ထောင်စု အစိုးရနဲ့ ပြည်ထောင်စုရဲ့ အုပ်ချုပ်ရေးအာဏာ ခွဲဝေမှုဆိုင်ရာတွေကို လေ့လာခွင့်ရခဲ့တယ်လို့ အခုလို ပြောပါတယ်။
“ဒီမှာ ထွန်းကားပြီးသား Democratic Value နဲ့ Practice တွေ ရှိပြီးသားတွေ ကျနော်တို့ လာ လေ့လာ ခွင့် ရတယ်။ Public ပေါ်လစီနဲ့ ပြည်နယ်အစိုးရနဲ့ ပြည်ထောင်စုရဲ့ အာဏာခွဲဝေမှုတွေအကြောင်း သိရတယ်။ အုပ်ချုပ်ရေးကဏ္ဍနဲ့ Civil Society ကဏ္ဍတွေရဲ့ ချိတ်ဆက်မှုတွေလည်း လေ့လာခွင့် ရတယ်။ ပြီးတော့ သူများတွေက ဘယ်လိုလုပ်ထားတော့ ကိုယ်နဲ့ ဘယ်လိုကိုက်ညီမလဲ ဆိုတဲ့ အဖြေရှာမှုတွေအတွက်လည်း အကျိုးပြုမှာပါ။ အဓိက-ကတော့ အာဏာခွဲဝေမှုပိုင်း ဆိုင်ရာနဲ့ ပတ်သက်ပြီးတော့ ကျနော်တို့နိုင်ငံမှာ ဘယ်ပုံဘယ်နည်းနဲ့ ချဉ်းကပ်ရင် ကောင်းမလဲဆိုတဲ့ အဖြေ ထုတ်နိုင်မယ့် နည်းလမ်းတစ်ခုခုတော့ ပြန်သယ်သွားနိုင်မယ်လို့ မျှော်လင့်ပါတယ်။
ဒီမှာတော့ နိုင်ငံသားတိုင်းရဲ့ ထည့်ဝင်ငွေနဲ့ အစိုးရရဲ့ ဘဏ္ဍာငွေက လည်ပတ်တယ်။ ကျနော်တို့ဆီ မှာတော့ တွင်းထွက်ပစ္စည်းတွေနဲ့ ခရိုနီတွေရဲ့ Tax နဲ့ ပြည်သူအားလုံးရဲ့ ပါဝင်မှုကြောင့်မဟုတ်ဘဲနဲ့ လည်ပတ်နေတဲ့ ငွေရေးကြေးရေးပေါ့။ အစိုးရအသုံးစားရိတ်တွေက အစ ကွဲခြားချက် တွေ့ရပါတယ်။”
ရခိုင်တိုင်းရင်းသားများ တိုးတက်ရေးပါတီ RNDP က ရန်ကုန်တိုင်းဒေသကြီးရဲ့ ဆက်သွယ်ရေးမှူး ကိုမောင်ဝင်းစိုးကတော့ နိုင်ငံရေးပါတီတွေနဲ့ အခြေခံလူမှု အဖွဲ့အစည်းတွေကြား လက်တွဲ လုပ်ဆောင်နေတဲ့ လူပ်ရှားမှုတွေကို လေ့လာနိုင်ခဲ့တယ် လို့ ဆိုပါတယ်။
“အမေရိကန်နိုင်ငံနဲ့ နိုင်ငံရေးပါတီတွေနဲ့ ဒီ Civil Soceity လို့ခေါ်တဲ့ လူ့အရပ်အဖွဲ့အစည်းတွေနဲ့ သူတို့အလုပ်လုပ်တဲ့ ပုံ ပေါ့နော်။ အစိုးရကနေ ပေးတဲ့ မတ်ဆေ့တွေကို ပြည်သူပြည်သားတွေကို ဘယ်လိုပို့ပေးလဲဆိုတဲ့ နည်းစနစ်တွေပေါ့နော်။ အဲဒါကို ကျနော်တို့ အဓိက လေ့လာရပါတယ်။ ကမ်ပိန်းလုပ်နေတဲ့လူကြီးတွေနဲ့ ကျနော်တို့တွေ့ခဲ့ရတယ်။ စကားတွေ ပြောချင်တဲ့ မတ်ဆေ့တွေကို ကျနော်တို့ ပွင့်ပွင့်လင်းလင်းပြောခွင့်ရလို့ အကျိုးရှိပါတယ်။”
အခုလိုမျိုး အမေရိကန်နိုင်ငံရေးလောက-က ပုဂ္ဂိုလ်တွေနဲ့ ပွင့်ပွင့်လင်းလင်း ပြောခွင့် လေ့လာခွင့် ရခဲ့သလို အမေရိကန် နိုင်ငံ သတင်းမီဒီယာ စီမံခန့်ခွဲမှုနဲ့ ပြည်သူ့ဆက်ဆံရေးကဏ္ဍမှာ မိမိတို့ရဲ့ လွတ်လပ်စွာပြောဆိုပိုင်ခွင့်တွေ ရှိနေတာကို တွေ့ရှိခဲ့ရတယ်လို့ အမျိုးသားဖွံ့ဖြိုးတိုးတက်ရေးပါတီက အထွေထွေအတွင်းရေးမှူး Wali Ullah က ပြောပါတယ်။
ရှမ်းတိုင်းရင်းသားများ ဒီမိုကရက်တစ်ပါတီရဲ့ ရှမ်းပြည်နယ်မြောက်ပိုင်း သိန္နီမြို့ နယ်ရဲ့အတွင်းရေးမှူး ကိုစိုင်းဝင်းမြင့်ကတော့ အမေရိကန်ပြည်သူလူထုရဲ့ နိုင်ငံရေး အမြင်၊ မြန် မာပြည်သူလူထုရဲ့ နိုင်ငံရေးအမြင်၊ နိုင်ငံရေးလှုပ်ရှားမှုတွေနဲ့ ပတ်သက်ပြီး သူ့ရဲ့ လေ့လာ သုံးသပ်ချက်ကို အခုလို ပြောပါတယ်။
“ဒီမှာက နိုင်ငံရေး awareness တွေအများကြီးရှိပါတယ်။ ကျနော်တို့ဆီမှာနဲ့ လုံးဝကွာခြားပါတယ်။ ကျနော်တို့ဆီမှာက ပြည်သူလူထု မဲပေးတဲ့စနစ်ကအစ သင်ပေးနေရတဲ့အဆင့်၊ ဒီမှာက နိုင်ငံရေး အားလုံးကို နားလည်ပြီးတော့မှ ကိုယ် ကြိုက်တဲ့ ပါတီကို ရွေးချယ် မဲပေးတဲ့အဆင့်။ ဒီလိုမျိုး ကွာခြား မှုတွေ အများကြီး ရှိပါတယ်။ ကျနော်တို့ မြန်မာနိုင်ငံမှာ ကတော့ ဘယ်ပါတီက လုပ်ဆောင်မှု က ကောင်းတယ်။ ဘယ်ပါတီက လုပ်ဆောင်မှုက မကောင်းဘူးဆိုတာ မရွေးတက်ဘူး။ နိုင်ငံရေး ဆိုတာ ဘာမှန်းကို မသိတဲ့ အခြေအနေမှာပဲ ရှိပါတယ်။ တအား ကွာခြားတဲ့ အချက်ကြီးပေါ့နော်။”
အခုလိုမျိုး မြန်မာ့နိုင်ငံရေးပါတီကြီး ၈ ပါတီက ကိုယ်စားလှယ်တွေအတွက် International Visitors Ledership Programme ဦးဆောင်မှု အစီအစဉ်နဲ့ အမေရိကန်ပြည်ထောင်စု တ၀ှမ်းလုံးကို လိုက်လံ လေ့လာနိုင်ဖို့အတွက် အမေရိကန် နိုင်ငံခြားဝန်ကြီးဌာနက စီစဉ်ပေးနေတာဖြစ်ပါတယ်။
လာရောက်လေ့လာသူတွေထဲမှာ တိုင်းရင်းသား စည်းလုံးညီညွတ်ရေးပါတီက ရန်ကင်း မြို့နယ်ပါတီ အတွင်းရေးမှူး ကိုဇင်မောင်မောင်ဌေး၊ အမျိုးသား ဒီမိုကရေစီအင်အားစုပါတီက ကိုကျော်သူရနဲ့ ချင်းတိုးတက်ရေး ပါတီက အထွေထွေအတွင်းရေးမှူး (၂) ကိုရှိန်းထွန်းတို့လည်း ပါဝင်ပါတယ်။ အခုဆိုရင် လေ့လာရေး အဖွဲ့ဟာ အမေရိကန်သမ္မတ ရွေးကောက်ပွဲကမ်ပိန်း လေ့လာရေးခရီးစဉ်တွေ ထွက်နေပြီး သူတို့ရဲ့ ခရီးစဉ်ဟာ သြဂုတ်လက စတင်ခဲ့တာဖြစ်ပါတယ်။
သြဂုတ်လ ၂၆ ရက်ကနေ စက်တင်ဘာ ၁၅ ရက်နေ့အထိ အမေရိကန်နိုင်ငံမှာ လေ့လာနေတဲ့ ဒီအဖွဲ့ဟာ အခုဆိုရင် ရွေးကောက်ပွဲ မဲဆွယ်လှုပ်ရှားမှုတွေ လေ့လာဖို့အတွက် ဖလော်ရီဒါ ကို ရောက်နေပြီးတော့ မနက်ဖြန်တော့ အိုင်အိုဝါပြည်နယ်ကို ရောက်ရှိကြမှာဖြစ်ပါတယ်။

နိုင်ငံတော်သမ္မတ သ၀ဏ်လွှာ ပြည်ထောင်စုလွှတ်တော် အတည်ပြု

2012-09-04

ပြည်ထောင်စုအစိုးရ ဝန်ကြီးဌာန အရေအတွက် ပြင်ဆင် ဖြည့်စွက်ခြင်း၊ ပြည်ထောင်စုဝန်ကြီး ဦးရေ တိုး-လျော့ခြင်း ကိစ္စတွေနဲ့ ပတ်သက်ပြီး နိုင်ငံတော် သမ္မတက ပေးပို့လာတဲ့ သ၀ဏ်လွှာကို ဒီကနေ့ ပြည်ထောင်စု လွှတ်တော် အစည်းအဝေးမှာ ဆွေးနွေး တင်ပြပြီးနောက် သဘောတူကြောင်း အတည်ပြု ဆုံးဖြတ်လိုက်ပါတယ်။

RFA

၂၀၁၂ ခုနှစ် သြဂုတ်လ ၁၅ ရက်က ပြည်သူ့လွှတ်တော်ကိုယ်စားလှယ်များ လွှတ်တော် အစည်းအဝေး တက်ရောက်နေစဉ်။

သမ္မတရုံး ၀န်ကြီး ဦးလှထွန်းနဲ့ ဦးစိုးမောင်တို့က ပြည်ထောင်စုဝန်ကြီး ဦးရေ အတိုး အလျော့၊ လျှပ်စစ်စွမ်းအား ၀န်ကြီးဌာန ပြင်ဆင်ဖွဲ့စည်းမှု၊ မြန်မာ့စက်မှု ဖွံ့ဖြိုးရေးဌာနကို ဖျက်သိမ်းမှုစတဲ့ ပြင်ဆင် တိုးလျှော့မှုတွေနဲ့ ပတ်သက်ပြီး ရှင်းလင်း ပြောဆိုခဲ့ပါတယ်။
လွှတ်တော်ကိုယ်စားလှယ် ၉ ဦးက ထောက်ခံအကြံပြု ဆွေးနွေးခဲ့ကြသလို ဦးဘရှိန်၊ ဒေါက်တာ မြတ်ဥာဏစိုးနဲ့ ဦးခိုင်မောင်ရည်တို့က သမ္မတရုံးဝန်ကြီး ခြောက်ဦးအထိ တားရှိခြင်းမှာ မလိုအပ်ဘဲ များပြားလှကြောင်း ကန့်ကွက် ဆွေးနွေးခဲ့ကြပေမဲ့ ထောက်ခံမဲ အများစုနဲ့ အတည်ဖြစ်ခဲ့ပါတယ်။
ဒီအတောအတွင်းမှာဘဲ လွှတ်တော်ကရရှိတဲ့ တခြားသတင်းတစ်ပုဒ်အရ နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာခုံရုံး ဥက္ကဋ္ဌနဲ့ အဖွဲ့ဝင်တွေကို စစ်ဆေးရန်အတွက် ပြည်သူ့လွှတ်တော်က ထပ်မံ ဖွဲ့စည်းခဲ့တဲ့ စုံစမ်းစစ်ဆေးရေးအဖွဲ့ ဥက္ကဋ္ဌ ဦးသိန်းဆွေနှင့် အဖွဲ့ဝင်တွေကို နိုင်ငံတော် ဖွဲ့စည်းပုံ အခြေခံဥပဒေဆိုင်ရာ ခုံရုံးက ထပ်မံကန့်ကွက်ခဲ့ကြောင်း သိရပါတယ်။
သြဂုတ်လ ၂၉ ရက်နေ့က ပြည်သူ့လွှတ်တော်မှာ ဖွဲ့စည်းလိုက်တဲ့ ဦးနန္ဒကျော်စွာ ဦးဆောင်တဲ့ စုံစမ်းစစ်ဆေးရေး အဖွဲ့ကို ဖွဲ့စည်းပုံ အခြေခံဥပဒေဆိုင်ရာခုံရုံး ဥက္ကဋ္ဌက လက်မှတ်ရေးထိုးပြီး ကန့်ကွက်ခဲ့ပါတယ်။ အဲဒီလို ကန့်ကွက်တဲ့အတွက် ပြည်သူ့လွှတ်တော် ဥက္ကဋ္ဌက စုံစမ်းစစ်ဆေးရေးအဖွဲ့ ဥက္ကဋ္ဌ နေရာမှာ ဦးနန္ဒကျော်စွာအစား ဦးသိန်းဆွေကို စက်တင်ဘာလ ၃ ရက်နေ့က လွှဲပြောင်း ခန့်အပ်ခဲ့ပေမယ့် ဖွဲ့စည်းပုံခုံရုံးက ထပ်မံ ကန့်ကွက်ခဲ့ပြန်တယ်လို့ ဆိုပါတယ်။
ဖွဲ့စည်းပုံ အခြေခံဥပဒေဆိုင်ရာ ခုံရုံးက တာဝန်ရှိသူတွေ နှုတ်ထွက်ပေးဖို့ လွှတ်တော်အမတ်တွေ တောင်းဆိုထားချိန်မှာ အဲဒီခုံရုံးရဲ့ လုပ်ဆောင်ချက်ကို စစ်ဆေးကြားနာဖို့ စုံစမ်းရေးကော်မရှင် ဖွဲ့နေတာကိုလည်း အခြေခံဥပဒေဆိုင်ရာ ခုံရုံးက ကန့်ကွက်နေပြန်ပါတယ်။
ဒီအခြေနေ တချို့နဲ့ပတ်သက်ပြီး ကိုဥာဏ်ဝင်းအောင်က တင်ပြမှာပါ။

Copyright © 1998-2011 Radio Free Asia. All rights reserved.

KNU-မြန်မာ Code of Conduct သဘောတူလက်မှတ် ရေး

KNU-မြန်မာ Code of Conduct သဘောတူလက်မှတ် ရေးထိုး 

KNU နဲ့ မြန်မာငြိမ်းချမ်းရေးကိုယ်စားလှယ်အဖွဲ့ နှစ်ဘက်တပ်လိုက်နာရမယ့် ကျင့်ဝတ်စည်းကမ်းသဘောတူလက်မှတ်ရေးထိုးအပြီး တွေ့ရစဉ်။ ( ဓာတ်ပုံ/ညိုအုန်းမြင့်။ ၀၉၊၀၄၊၁၂။)

04.09.2012

ကရင်ပြည်နယ်၊ ဖားအံမြို့မှာ နှစ်ရက်ကြာ ကျင်းပခဲ့တဲ့ ကရင်အမျိုးသားအစည်းအရုံး KNU နဲ့ မြန်မာ အစိုးရ ငြိမ်းချမ်းရေးကိုယ်စားလှယ်အဖွဲ့ကြား ဆွေးနွေးပွဲဟာ ငြိမ်းချမ်းရေး ဖော်ဆောင်ရေး လုပ်ငန်းစဉ်အနေနဲ့ဆိုရင် ပထမဆုံးခြေလှမ်းပဲဖြစ်တယ်လို့ KNU က ပြောလိုက်ပါတယ်။ အပစ် အခတ် ရပ်စဲရေးနဲ့ ပြည်သူလူထုရဲ့ အာမခံချက်ရရှိဖို့အတွက် ဒီတခေါက် ထည့်သွင်းဆွေးနွေး ခဲ့ကြတယ်လို့ ဆိုပါတယ်။ ဒီနေ့ပဲ ကျင်းပပြီးစီးသွားတဲ့ ငြိမ်းချမ်းရေးဆွေးနွေးပွဲအပြီး ပြုလုပ်တဲ့ သတင်းစာရှင်းလင်းပွဲကို ကိုယ်တိုင် တက်ရောက် သတင်းယူခဲ့တဲ့ ဗွီအိုအေသတင်းထောက် ကိုသူရစိုးက သတင်းပေးပို့ထားပါတယ်ရှင်။
ကျနော်တို့ ဒီမှာ ပြောသွားတာဆိုရင် အပစ်အခတ်ရပ်စဲရေး သဘောတူညီချက်အရ နှစ်ဘက် တပ်တွေ လိုက်နာ ရမယ့် အချက် ၃၄ ချက်ပါတဲ့ ကျင့်ဝတ်စည်းကမ်း Code of Conduct မူကြမ်းကို သဘောတူ လက်မှတ် ရေးထိုး တာပါ။ အခု ဒီ နှစ်ရက်ကြာ ဆွေးနွေးပွဲအပြီး ကျင်းပတဲ့ သတင်းစာ ရှင်းလင်းပွဲမှာ ဝန်ကြီးဦးအောင်မင်းက အခုလို ရှင်းပြပါတယ်။
“စစ်မြေပြင်မှာ နှစ်ဘက်တပ်များလိုက်နာရမယ့် စည်းကမ်း၊ ပြည်သူလူထုအပေါ်မှာ ထားရှိရမယ့် စည်းကမ်း၊ အဲဒီစည်းကမ်းတွေနဲ့ပတ်သက်ပြီးတော့မှ အသေးစိတ်ဆွေးနွေးတာ။ အဲဒီတော့ ငြိမ်းချမ်းရေးဖော်ဆောင်ရေး လုပ်တဲ့အခါမှာ ဒီစည်းကမ်းချက်တွေ မရှိဘဲနဲ့ လက်တန်း လုပ်မယ်ဆိုလို့ရှိရင် ခရီးလည်းမရောက်ဘူး။ နောက်ကြောင်းလည်း ပြန်လှည့် သွားနိုင်တယ်၊ ဒါကြောင့်မို့လို့ ဒီ စည်းကမ်းတွေကို သတ်မှတ်တာဖြစ်တယ်။
ကမ္ဘာမှာလည်း ဒီ Peace Process တွေမှာ ဆင့်ကဲ ဆင့်ကဲ၊ ဒီလို စည်းကမ်းချက်တွေ သတ်မှတ်ပြီးတော့ကာမှ ဆက်လုပ်ရတာ ဖြစ်တယ်။ ဒီစည်းကမ်းမရှိဘဲနဲ့ ဆက်လုပ်လို့ မရပါဘူး။ ဒါကြောင့်မို့လို့ ဒီနေ့ကတော့ အဲဒီ စည်းကမ်းချက်တွေ Code of Conduct တွေကို ဆွေးနွေး တာ ဖြစ်တယ်။ ဒါကြောင့်မို့လို့ အဲဒီမှာလည်း အပိုင်း နှစ်ပိုင်း တွေ့ရမယ်၊ ပထမပိုင်း ကတော့ နှစ်ဘက်တပ်များ လိုက်နာရမယ့် စည်းကမ်းတွေ ပါသလို ဒုတိယအပိုင်းကတော့ တပ်တွေ ရွှေ့ပြောင်းတာတို့၊ တပ်တွေ နေရာချထားတာတို့ အဲဒီအပိုဒ်တွေ ပါမှာ ဖြစ်တယ်။”
သူက ဒီ KNU ပိုင်တဲ့ နယ်မြေထဲမှာကိုပဲ အစိုးရတပ်ရင်းပေါင်း ၈၀ ကျော် ရှိနေတယ်။ နောက် နယ်ခြားစောင့် တပ် ၁၃ ခု ရှိတယ်။ နောက်ပြီး တပ်စခန်းပေါင်းက ၃၂၀ ရှိတယ်ပေါ့။ အဲဒီမှာ နှစ် ဘက် လိုက်နာရမယ့်ကျင့်ဝတ် စည်းကမ်းတွေ မရှိတဲ့အခါကျတော့ ဒေသခံ ကျေးရွာ သုံးပုံနှစ်ပုံက ကြုံသလို နေနေရတယ်ပေါ့နော်။ လုံခြုံမှု မရှိဘူးဆိုတဲ့အကြောင်း နော်မေဦးက ပြောသွားပါတယ်။
ဦးအောင်မင်းပြောတာကတော့- ဒါတွေဟာ အသေးစိတ်ဆွေးနွေးပြီးရင်တော့ အဆင်ပြေသွားမှာပါ တဲ့။ တဘက် ကလည်း တပ်တွေက နောက်ဆုတ်၊ တဘက်ကလည်း တပ်တွေက ရှေ့တိုးလာ၊ တဘက်ကလည်း  နောက်ဆုတ်တယ်။ စစ်တပ် စည်းကမ်းတွေ သေချာ အသေးစိတ် ပြဌာန်းပြီးတဲ့ အခါကျရင် အခြေအနေ ကောင်းသွားမှာပါ လို့ ပြောသွားတယ်။ ဒီ သုံးကြိမ်မြောက် တွေ့ဆုံပွဲ အပြီး ပြုလုပ်တဲ့ သတင်းစာရှင်းလင်းပွဲမှာ တော့ ဘယ်အဆင့်ရောက်ပြီလဲဆိုတာကို KNU ပြောရေး ဆိုခွင့်ရှိသူ နော်မေဦးကို ကျနော် မေးကြည့်တဲ့အခါ နော်မေဦးက အခုလိုပဲ ဖြေသွားပါတယ်။
“အပစ်အခတ်ရပ်စဲရေးဆိုတာက ငြိမ်းချမ်းရေးဖော်ဆောင်ဖို့အတွက် ပထမဦးဆုံးအဆင့်ပဲ၊ ဒါပေမဲ့ အပစ်အခတ် ရပ်စဲရေးမှာမှ နှစ်ဦးနှစ်ဘက်လိုက်နာရမယ့် ကျင့်ဝတ်စည်းကမ်းတွေနဲ့ တပ် အရွှေ့အပြောင်းတွေ၊ ပြည်သူလူထု ဘဝလုံခြုံဖို့ အာမခံနိုင်ဖို့ အရွှေ့အပြောင်းဆိုတာကို ဆွေးနွေးနေ တယ်။ ဆိုတော့ ငြိမ်းချမ်းရေး ဖော်ဆောင်ရေး လုပ်ငန်းစဉ် တခုလုံးအနေနဲ့ကြည့်ရင် ပထမအဆင့်ပဲ ရှိသေးတာပေါ့။”
KNU ပြောရေးဆိုခွင့်ရှိသူ နော်မေဦး ပြောပြသွားတာပါ။ KNU နဲ့ မြန်မာအစိုးရတို့ သုံးကြိမ်မြောက် တွေ့ဆုံပြီး တိုးတက်အောင်မြင်မှုတွေ ရှိခဲ့ပေမဲ့လည်း ဆုံးခန်းတိုင်အောင် ဆက်လက် ဆွေးနွေးသွားမယ်လို့ KNU အထွေထွေ အတွင်းရေးမှူး နော်စီဖိုးရာစိန်က ပြောပါတယ်။
“ဆွေးနွေးရမယ့် အချက်အလက်တွေက ကျမတို့  ရှေ့ရှုကြည့်ပြီးတော့ တကယ့် စစ်မှန်တဲ့ ငြိမ်းချမ်းရေး ရရှိဖို့အတွက် ပြည်သူလူထုအကျိုး အာမခံရရှိဖို့အတွက် အဲဒါတွေကို ညှိနှိုင်းပြီးတော့ ဆွေးနွေးတာဖြစ်တယ်။ အဲဒီ ညှိနှိုင်းဆွေးနွေးတဲ့အခါမှာ KNU အနေနဲ့ပဲဖြစ်စေ၊ အစိုးရအနေနဲ့ပဲဖြစ်စေ ကျမတို့ လိုလားနေတဲ့၊ စစ်မှန်တဲ့ ငြိမ်းချမ်းရေးရရှိဖို့ တတိယအကြိမ်မြောက် လာဆွေးနွေးတာဖြစ်တယ်။
ဒီဆွေးနွေးချက်မှာ ကျမတို့ ဆက်လက်ဆွေးနွေးပြီးတော့ ဆွေးနွေးတဲ့ agenda တွေ ရှိသေးတယ်။ ဒီမှာ တတိယအကြိမ်မြောက်ပဲ ရှိသေးတယ်။ ဆက်လက်ပြီးတော့ ဆွေးနွေးရမယ့် အချက် အလက်တွေ ရှိသေးတယ်။ စစ်မှန်တဲ့ငြိမ်းချမ်းရေး၊ ပြည်တွင်းငြိမ်းချမ်းရေး ရရှိနိုင်ဖို့အတွက် တဆင့်ပြီးတဆင့်တော့ ဆွေးနွေးရမှာ ဖြစ်ပါတယ်။”
ဒီ ဆယ်ရက်ကြာ အစိုးရငြိမ်းချမ်းရေးဖော်ဆောင်ရေးအဖွဲ့နဲ့ KNU တို့ ဆွေးနွေးပြီးတဲ့အခါကျတော့ စက်တင်ဘာ လ ၄ ရက်နေ့ ညနေမှာ ဆွေးနွေးပွဲ ပြီးဆုံးသွားပါတယ်။ နောက်ထပ် ဆွေးနွေးမှုနဲ့ ပတ်သက်လို့တော့ စက်တင်ဘာလမှာ မိုင်းရှင်းလင်းရေးနဲ့ပတ်သက်လို့ ဆက်လက်ဆွေးနွေးနိုင်ဖို့ တင်ပြသွားပါတယ်။

သျှမ်းပြည်တောင်ပိုင်း ဖယ်ခုံမြို့နယ်တွင် မြေဧက ၁၀၀ ကျော် တက်လမ်းကုမ္ပဏီ အဓမ္မသိမ်းယူနေ

သျှမ်းပြည်တောင်ပိုင်း ဖယ်ခုံမြို့နယ်တွင် မြေဧက ၁၀၀ ကျော် တက်လမ်းကုမ္ပဏီ အဓမ္မသိမ်းယူနေ

by admin

စက်တင်ဘာလ ၄ရက်၊ ၂၀၁၂ခုနှစ်။ နန်းသူးလေ(ကေအိုင်စီ)

 
သျှမ်းပြည်နယ်တောင်ပိုင်း ဖယ်ခုံမြို့နယ်၊ မိုးဗြဲကျေးရွာအုပ်စုအတွင်းရှိ ခေါင်းမိုင်းကျေးရွာ၏ ဘိုးဘွားပိုင်ယာမြေဧကပေါင်း ၁၂၀ကို တက်လမ်းကုမ္ပဏီမှ အတင်းအဓမ္မသိမ်းယူနေကြောင်း ထိုဒေသမှလာသည့် သတင်းများအရ သိရသည်။
ယခုနှစ်ဆန်းပိုင်းမှစတင်၍ တက်လမ်းကုမ္ပဏီသည် ခေါင်းမိုင်းကျေးရွာရှိ ယာမြေဧက ၃၀၀ သိမ်းယူရန် သျှမ်းပြည်နယ် သစ်တောဦးစီးဌာနသို့ စာတင်ထားခဲ့ရာ ဇွန်လအတွင်းမှ သိမ်းယူခွင့်ရရှိခဲ့ပြီး မြေစာရင်းဦးစီးဌာနနှင့်ပူးပေါင်းကာ စတင် သိမ်းယူခဲ့ခြင်းသည်ဟု ဖယ်ခုံမြို့နယ်ရှိ လယ်ယာမြေအရေး လိုက်လံဆောင်ရွက်ပေးနေသူ ကယန်းမျိုးဆက်သစ်လူငယ် (KNGY)မှ အတွင်းရေးမှူး ခွန်းဘီထူးက ပြောသည်။
ခွန်းဘီထူးက “သူတို့(တက်လမ်းကုမ္ပဏီ)က သစ်မာပင်စိုက်မယ်ဆိုပြီး အဲဒီမြေတွေကို ခွင့်ပြုချက်ရပြီးကတည်းက စသိမ်း နေတာ။ ပြီးခဲ့တဲ့လ ၂၁ရက်တုန်းက သက်ဆိုင်ရာက တာဝန်ရှိသူတွေကော ကုမ္ပဏီက လူတွေနဲ့ ဒေသခံတွေပါ ဆွေးနွေး ကြတယ်။ ဒေသခံတွေက မပေးနိုင်တဲ့အတွက် ကယန်းတိုင်းရင်းသားဝန်ကြီးလည်း မသိမ်းဖို့ တားတယ်။ ဂရုမစိုက်ဘဲ သိမ်းယူနေကြပြီ”ဟု ကေအိုင်စီသို့ ပြောသည်။
ယာမြေများသိမ်းယူရန် သက်ဆိုင်ရာအစိုးရမှ ဒေသခံပြည်သူလူထုထံ တစ်စုံတစ်ရာအကြောင်းကြားခြင်းမျိုးမရှိသည့် အပြင် ထိုဒေသရှိ ယာမြေတစ်ဧကလျှင် ကာလပေါက်ဈေးအရ မြန်မာကျပ်ငွေ သုံးသိန်းဝန်းကျင်ရှိသော်လည်း ယခု သိမ်းယူမှုတွင် လျှော်ကြေးပေးဆောင်သည့် သဘောမျိုးမဟုတ်ကြောင်း ဒေသခံများက ပြောသည်။
ယခင် မိုးဗြဲရေကာတာစီမံကိန်းကြောင့် ဖယ်ခုံမြို့နယ်အနီးရှိ ကျေးရွာများမှ ယာမြေနှင့်လယ်မြေများကို သိမ်းယူခံရပြီး နောက် လယ်မြေများရှားပါးလာသကဲ့သို့ ဒေသခံများ လုပ်ကိုင်စားသောက်ရန် အခက်အခဲများရှိလာသည့်အပြင် ယခုလို အတင်းအဓမ္မ ယာမြေသိမ်းယူမှုအပေါ် ဒေသခံများကလည်း မကျေမနပ်ကြကြောင်း KNGY က ဆိုသည်။

ခွန်းဘီထူးက “၁၉၆၀၀န်းကျင်လောက်ကလည်း ဖယ်ခုံမြို့မှာ ရေအားလျှပ်စစ်ရဖို့ဆိုပြီး မိုးဗြဲရေကာတာကြီးကို ကာ လိုက်တယ်။ မြို့နယ်မှာရှိတဲ့ လယ်မြေတွေက ဖယ်ပေးပြီးပြီ။ အခုတက်လာတဲ့ အစိုးရလက်ထက်မှာလည်း ဒီမြေတွေကို သိမ်း ခွင့်ပေးတယ်ဆိုတာ ရွာခံတွေ၊ မြို့ခံတွေ ဘာနဲ့ လုပ်ကိုင်စားသောက်ရတော့မလဲ”ဟု ဆက်ပြောသည်။
တက်လမ်းကုမ္ပဏီ၏ ယာမြေအတင်းအဓမ္မ သိမ်းယူမှုများကို ဒေသခံများက လွှတ်တော်အမတ်များ၊ ကယန်းတိုင်းရင်းသား ၀န်ကြီးများအပါအ၀င် ဗဟိုအစိုးရတာဝန်ရှိသူများကလည်း မသိရှိကြပဲ ယာမြေသိမ်းယူခွင့်ကို သျှမ်းပြည်နယ် သစ်တော ဦးစီးဌာနက ကုမ္ပဏီနှင့် တိုက်ရိုက်လုပ်ဆောင်ခြင်းမျိုးသာ ဖြစ်ကြောင်း သိရသည်။
လက်ရှိ ဒေသခံယာမြေပိုင်ရှင်များက တက်လမ်းကုမ္ပဏီကို တားဆီး၍ မရပါက ဆန္ဒပြကြတော့မည် ဖြစ်ကြောင်း၊ ထိုမှ တဆင့် ဥပဒေအရ တရားစွဲ ဆက်လက် စွဲဆိုသွားကြမည်ဖြစ်ကြောင်း KNGY က ဆိုသည်။ ခေါင်းမိုင်ဒေသခံများသည် အဓိကအားဖြင့် ပဲ၊ ပြောင်းနှင့် နှစ်ရှည်သီးနှံအဖြစ် ငှက်ပျောအမျိုးမျိုးကို စိုက်ပျိုးကာ အသက် မွေးဝမ်းကြောင်းပြုကြသည်။