ကချင်စစ်ပြေးဒုက္ခသည်များကို နှောင် ကြိုးမဲ့ ကွန်ယက်အဖွဲ့ သွားရောက်ကူညီ

ကချင်စစ်ပြေးဒုက္ခသည်များကို နှောင် ကြိုးမဲ့ ကွန်ယက်အဖွဲ့ သွားရောက်ကူညီ

by admin

သြဂုတ်လ ၁၃ရက်၊ ၂၀၁၂ခုနှစ်။ နန်းယဉ် (ကေအိုင်စီ)

ကချင်ပြည်နယ်၊ မိုင်ဂျာယန်ဒေသရှိ ကချင်စစ်ပြေးဒုက္ခသည်စခန်း ၆ခုတွင် ခိုလှုံနေကြသည့် ဒုက္ခသည်များကို မန္တလေးအခြေစိုက် နှောင်ကြိုးမဲ့လူမှု ဘဝတိုးတက်မှု ကူညီရေးကွန်ယက်အဖွဲ့မှ ယနေ့ သွားရောက်ကူညီခဲ့သည်။
ဒုက္ခသည်စခန်း ၆ခုတွင် ခိုလှုံနေကြသည့် ဒုက္ခသည်များအတွက် ဆေးဝါးကုသမှု အပါအဝင် ငွေသားနှင့် အသုံးအဆောင်ပစ္စည်း စုစုပေါင်း တန်ဖိုးငွေကျပ်သိန်း ၂၀၀ခန့် သွားရောက်ကူညီလှူဒါန်းခဲ့သည်ဟု ၎င်းကွန်ယက်အဖွဲ့က ပြောသည်။
စစ်ပြေးဒုက္ခသည်များသည် ဆေးဝါးနှင့် စားဝတ်နေရေးအတွက် အကူအညီများမှာ လိုအပ်နေဆဲ အခြေအနေ ဖြစ်နေကြောင်း နှောင်ကြိုး မဲ့လူမှုဘဝ တိုးတက်မှုကူညီရေးအဖွဲ့မှ သွားရောက်ကူညီခဲ့သည့် ဒေါက်တာကျော်ဇေယျက ပြောသည်။
“အဓိက ကျနော်တို့ ကျန်းမာရေးစောင့်ရှောက်မှုတွေ လုပ်ပေးတာပေါ့ဗျာ။ ကျနော်တို့ ဆရာဝန် ၄ယောက် သွားတာပေါ့နော်။ အဲဒီမှာ နှစ် ရက်ကို ကျနော်တို့လူနာ ၄၀၀ ကြည့်ပေးတယ်။ စားဝတ်နေရေးကျတော့ သူတို့ လိုအပ်ချက်များနေတာပေါ့နော်။ ဒီမှာဆို အဲန်ဂျီအိုအဖွဲ့အ စည်း တွေ့ရတယ်။ ကေအိုင်အိုကလည်း ကျွေးထားတာရှိတယ်။ သူတို့ပြောတဲ့ပုံစံအရပေါ့”ဟု ပြောဆိုသည်။
သို့သော် နေထိုင်ရေးအတွက် တဲထိုးထားပေးခြင်းကြောင့် အဆင်ပြေမှုရှိသော်လည်း အစားအသောက်အတွက် ဆန်၊ ပဲအစရှိ၍ လုံလောက်မှုမရှိကြောင်း တွေ့ရသည့်အတွက် Nutrition အနေနှင့် လိုအပ်လျှက်ရှိကြောင်းလည်း ဒေါက်တာကျော်ဇေယျက ဆက်ပြော သည်။
၂၀၁၁ခုနှစ်၊ ဇွန်လဆန်းပိုင်းမှစပြီး မြန်မာအစိုးရတပ်နှင့် ကချင်လွတ်မြောက်ရေးတပ်ဖွဲ့များကြား တိုက်ပွဲများဖြစ်ပွားခဲ့ရာ ယခုဆိုလျှင် စစ် ဘေးတိမ်းရှောင်လာသည့် ဒုက္ခသည်စုစုပေါင်းမှာ ၈သောင်းကျော်ရှိနေပြီဖြစ်ကြောင်း ဒုက္ခသည်ကူညီပေးရေးအဖွဲ့များက ပြောသည်။
ထိုဒုက္ခသည်များသည် ကချင်ပြည်နယ်၊ မြစ်ကြီးနားမြို့ အပါအဝင် ကေအိုင်အို ထိန်းချုပ်နယ်မြေဒေသနှင့် တရုတ်-မြန်မာ နယ်စပ်တစ် လျှောက်ရှိ ဒုက္ခသည်စခန်းများတွင် ခိုလှုံနေကြသည်။
မိုင်ဂျာယန်ဒေသတွင် ဒုက္ခသည်ပေါင်း သောင်းနှင့်ချီ၍ရှိနေပြီး တရုတ်ပြည် နောင်တောင်းမြို့နယ်အတွင်း၌ ဒုက္ခသည် ၄ထောင်ကျော် ခိုလှုံလျှက်ရှိကာ ၎င်းတို့အား သြဂုတ်လ ၁၅ရက်နေ့တွင် နေရပ်သို့ပြန်ရန် တရုတ်အာဏာပိုင်တို့က ဖိအားပေးနေသည်ဟု သတင်းများ ထွက်ပေါ်လျှက်ရှိသည်။

မဲဆောက်မြို့ရှိ မြန်မာအလုပ်သမား ၈ဦး အလုပ်ဖြုတ်ခံရ၍ အမှုဖွင့်

မဲဆောက်မြို့ရှိ မြန်မာအလုပ်သမား ၈ဦး အလုပ်ဖြုတ်ခံရ၍ အမှုဖွင့် 

by admin

သြဂုတ်လ ၁၄ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ထိုင်းနိုင်ငံ မဲဆောက်မြို့ မယ့်တော်တိုက်ရပ်ကွက်ရှိ ဒီဒီသိုးမွှေးထည်စက်ရုံ၏ အလုပ်ရှင်သည် ၎င်းစက်ရုံမှ မြန်မာအလုပ်သမား ၈ဦးကို အကြောင်းမဲ့ အလုပ်ဖြုတ်ခဲ့၍ အလုပ်ဖြုတ်ခံရသူ အလုပ်သမားများက အလုပ်သမားများလူမှုဖူလုံရေးနှင့် အလုပ်သမားကာကွယ်ရေးရုံး (ဆ၀ပ်ဒီကန်)သို့ ယနေ့မနက်တွင် အမှုဖွင့်ထားသည်။
ဆ၀ပ်ဒီကန်တွင် နစ်နာကြေးရရှိရန် အမှုဖွင့်ထားသူများမှာ ကိုလင်း ခေါ် ရဲမင်းပိုင်၊ နိုင်လင်း ခေါ် အဖင်း၊ အောင်သူ၊ စိုးသူ၊ မင်းမင်း၊ ကျော် ဟိန်း၊ ဇင်မိုးဦးနှင့် မျိုးလှိုင်တို့ဖြစ်ပြီး လုပ်အားခ တိုးပေးရေး တောင်းဆိုပြီးနောက် သြဂုတ်လ ၁၀ရက်နေ့တွင် ထိုသို့ အလုပ်ဖြုတ်ခံရခြင်း ဖြစ်ကြောင်း ကိုလင်းက ယခုလို ပြောသည်။
“အလုပ်ရှင်က ကျနော်တို့ ၈ယောက်ကို ရွေးထုတ်ပြီး အလုပ်ထုတ်လိုက်တယ်။ ဘာဖြစ်လို့ထုတ်လဲ စာရေးမကို မေးကြည့်တယ်။ နောက် ဆ၀ပ်ဒီကန်ကနေတဆင့် ကျနော်တို့ ခေါ်တယ်။ မလာနိုင်ဘူး။ နောက်ဆုံးစာရေးမက အလုပ်ပြန်ဝင်လို့ မရဘူးလို့ ပြောတဲ့အတွက် ဆ၀ပ် ဒီကန်ကိုလာပြီး ကျနော်တို့ရဲ့ ရပိုင်ခွင့်ကို တောင်းဆိုတာပါ”ဟု အလုပ်ဖြုတ်ခံရသူများထဲမှ ကိုလင်းက ကေအိုင်စီသို့ ပြောသည်။
အလုပ်ရှင်မှ အထည် တစ်ဒါဇင်လျှင် ပုံမှန်လုပ်အားခ ထိုင်းငွေ ၂၀၂ဘတ်ပေးရာမှ ၃၂၀ဘတ်အထိ တိုးပေးရန် သြဂုတ်လ ၈ရက်မတိုင်မီ ဒီဒီစက်ရုံအလုပ်သမားအားလုံးက တောင်းဆိုခဲ့ကြသော်လည်း ၎င်းတို့သာ အလုပ်ဖြုတ်ခံရသည်ကို နားမလည်ကြောင်း သူက ဆက်ပြော သည်။
အလုပ်သမားအရေးကို လိုက်လံဆောင်ရွက်ပေးနေသည့် မြန်မာပြည်သားများအရေး ပူးတွဲလှုပ်ရှားမှုကော်မတီ (JACBA) တာဝန်ခံ ကိုမိုး ကြိုးက “ထိုင်းနိုင်ငံ အလုပ်သမားကာကွယ်ရေးဥပဒေ (BE – 2541)အရ လုပ်သက်အလိုက် နစ်နာကြေးရပိုင်ခွင့်ရှိတယ်။ အခု ဥပဒေနဲ့ ဆုံးဖြတ်မယ်ဆိုရင် ဒီအမှုကို သူတို့(အမှုဖွင့် အလုပ်သမားတွေ)နိုင်လိမ့်မယ်။”ဟု ထောက်ပြသည်။
အလုပ်ဖြုတ်ခံရသူများသည် အလုပ်သမား ၂၀၀ကျော်ရှိသည့် ဒီဒီသိုးမွှေးစက်ရုံ၌ လုပ်သက် ၈လမှ ၁၃နှစ်အထိရှိသူများဖြစ်ပြီး အလုပ်သ မားပတ်စ်ပို့(နိုင်ငံကူးလက်မှတ်) ရှိထားသူများဖြစ်သော်လည်း မိတ္တူကိုသာ ကိုင်ဆောင်ခွင့်ပေးထားကာ ပတ်စ်ပို့မူရင်းကိုမူ အလုပ်ရှင်က သိမ်းထားကြောင်း သိရသည်။
ကိုလင်းက “ကျနော်တို့ကိုထုတ်တုန်းက လုပ်သက်အပေါ် မူတည်ပြီး လစာငွေရှင်းပေးတယ်။ ကျနော်တို့က နားမလည်ဘူးပေါ့။ နောက် အလုပ်က ထွက်မယ်ဆိုရင် လုပ်သက်အပေါ် မူတည်ပြီး အဲဒီပတ်စ်ပို့ကို ပြန်ရွေးရမယ်လို့ အလုပ်ရှင်က ပြောတယ်”ဟု ပြောဆိုသည်။
ဒီဒီသိုးမွှေးစက်ရုံမှ ထုတ်လုပ်သည့် အ၀တ်အထည် ကုန်ကြမ်းများကို ကုန်ချောအဖြစ် ဘန်ကောက်မြို့သို့ ပို့ဆောင်ရသည်ဟု ၎င်းစက် ရုံအလုပ်သမားများက ဆိုသည်။ လက်ရှိ မဲဆောက်မြို့တွင် စက်ရုံအလုပ်ရုံ ၂၀၀ကျော်ရှိသော်လည်း ထိုင်းနိုင်ငံက သတ်မှတ်ထားသည့် တစ်နေ့တာ လုပ်အားခ ထိုင်းငွေ ၂၂၆ဘတ်နှုန်းဖြင့် ရရှိသော အလုပ်ရုံမှာ တီကေဖက်ရှင်း၊ လီဖောင်း၊ တော့ဖောင်းနှင့် အမ်အဲပဲ စက်ရုံ ၄ရုံသာ ရှိသည်။
ပြီးခဲ့သည့် မေလက မဲဆောက်မြို့ S.D Fashion ကုမ္ပဏီလီမိတက် ချန်ပီယံ သိုးမွှေးအထည်စက်ရုံမှ အလုပ်သမားအား ကြီးကြပ်သူ တရုတ်နိုင်ငံသား ယန်ချန်းဝေ(Yan Chang Wai)ကို အလုပ်ရှင်က အကြောင်းမဲ့ အလုပ်ဖြုတ်ခဲ့ရာ ဆ၀ပ်ဒီကန်သို့ အမှုဖွင့်တိုင်ကြားပြီး နောက် နစ်နာကြေးငွေ ၃၃,၁၆၇ဘတ် ရရှိခဲ့သည်။

ရာသီဥတုကြောင့် ဧရာဝတီတိုင်း လယ်သမားများ အကြွေးတင်ကာ ၀မ်းစာခက်ခဲနေ

ရာသီဥတုကြောင့် ဧရာဝတီတိုင်း လယ်သမားများ အကြွေးတင်ကာ ၀မ်းစာခက်ခဲနေ

by admin

သြဂုတ်လ ၁၄ရက်၊ ၂၀၁၂ခုနှစ်။ စဖန်းရှောင်း (ကေအိုင်စီ)

ရာသီဥတုဖောက်ပြန်ခြင်း၊ မိုးအဆက်မပြတ်ရွာသွန်းခြင်း ၊ မြစ်ရေကြီးခြင်းတို့ကြောင့် မြန်မာနိုင်ငံ အရပ်ရပ်တွင် ရေကြီးမှုများ ကြုံတွေ့နေရ သည့်အထဲ ဧရာဝတီတိုင်းဒေသကြီးရှိ တောင်သူလယ်သမားများမှာ အကြွေးဝိုင်းကာ ၀မ်းစာရေး ခက်ခဲနေကြောင်း ၎င်းတို့၏ ပြောပြချက် အရ သိရသည်။
သြဂုတ်လ (၁)ရက်နေ့မှစ၍ မိုးအဆက်မပြတ် ရွာသွန်းမှုကြောင့် ဧရာဝတီ တိုင်းဒေသကြီးရှိ မြို့နယ်တော်တော်များများတွင် ရေကြီး၍ မြို့ ပေါ်ရပ်ကွက်များသာမက မြစ်ချောင်းနှင့်နီးသော ကျေးလက်တောရွာများတွင် ရေဘေးဒဏ် ရင်ဆိုင်ရသည့်အတွက် လယ်မြေများ၊ ခြံမြေ များ ရေနစ်မြုပ်မှုကာ တောင်သူများ စိတ်ပျက်နေကြရသည်။
ယခုလို ရေဘေးခံရသူများတွင် တောင်သူလယ်သမားများသာမက လက်လုပ်လက်စား နေ့စားအလုပ်သမားများပါ ဒုက္ခရောက်ကြရသည့် နည်းတူ ဧရာဝတီတိုင်းဒေသကြီးရှိ စပါး၊ မတ်ပဲ၊ ငှက်ပျော၊ ပီလောပီနံနှင့် ကွမ်း အဓိကထားစိုက်ပျိုးသော ညောင်တုန်း၊ ပန်းတနော်၊ ကျောင်းကုန်း၊ ကျုံပျော်မြို့နယ်များရှိ လယ်မြေများ၊ ခြံမြေများအနက် အချို့မှာ ရေနစ်မြှပ်ကာ ပျက်စီးဆုံးရှုံးမှုများ ရှိနေသည်။
ကျုံပျော်မြို့နယ် ဂဏိမ်းကျေးရွာရှိ လယ်စိုက်တောင်သူတစ်ဦးက “လယ် ၁၀ဧကရှိတယ်။ ၅ဧကတော့ ရေမြုပ်နေပြီ။ ကျန်တဲ့ ၅ဧက က ထွက်တဲ့စပါးကို စိုက်ပျိုးစရိတ် နုတ်လိုက်ရင် ၀မ်းစာတောင် လောက်ပါ့မလား မသိဘူး”ဟု ပြောသည်။
တောင်သူများ စပါးစိုက်ပျိုးရာတွင် ကုန်ကျစရိတ်အဖြစ် ကောက်စိုက်ခ၊ ပျိုးနုတ်ခ၊ စက်သုံးဆီခ၊ ဓာတ်မြေသြဇာနှင့် နေ့စားခတို့ရှိပြီး ယင်း သို့ စိုက်ပျိုးထားသမျှမှာ ရေနှစ်မြုပ်ခြင်း၊ မိုးရွာသွန်းမှုများခြင်းနှင့် ထုတ်ကုန်သီးနှံများ ဈေးနှုန်းကျဆင်းခြင်းတို့ကြောင့် စားဝတ်နေရေးအ တွက် အခက်တွေ့နေရသည်။
တောင်သူများအတွက် စိုက်ပျိုးရေးစရိတ်ကို အစိုးရမှ အတိုးနှုန်းသက်သာစွာဖြင့် ထုတ်ပေးသော်လည်း လောက်ငှမှုမရှိသဖြင့် အပြင်မှအ ကြွေးကို (၁၀)၊ (၁၅)ကျပ် အတိုးနှုန်းဖြင့် ချေးယူနေရကြောင်း၊ ယခုလို သီးနှံများ ပျက်စီးဆုံးရှုံးပြီး ဈေးနှုန်းကျဆင်းမှုကြောင့် မိမိတို့အနေ ဖြင့် များစွာ ဒုက္ခတွေ့နေရကြောင်း အဆိုပါတောင်သူက ဆက်လက်ပြောပြသည်။
မြန်မာနိုင်ငံ အောက်ပိုင်းဒေသများတွင် မိုးများပြီး ရေကြီးမှုများဖြစ်ပေါ်နေသော်လည်း မြန်မာနိုင်ငံအလယ်ပိုင်း ပခုက္ကူဒေသရှိ အချို့နေ ရာများတွင်မူ စိုက်ပျိုးရေးအတွက် မိုးရေလုံလောက်စွာ မရရှိသေးပေ။ ၎င်းအပြင် ဧရာဝတီတိုင်းဒေသကြီးရှိ အဆိုပါမြို့နယ်များတွင် ယခင် ရေကြီးရေလျှံမှုများ ရှိသော်လည်း ပျက်စီးဆုံးရှုံးမှုနည်းပါးပြီး ယခုနှစ်တွင်မှု ပျက်စီးမှု ပိုများကြောင်း သိရသည်။
ထို့အပြင် ဘင်္ဂလားပင်လယ်အော်တွင် မုတ်သုံလေ အားကောင်းနေပြီး တောင်တရုတ်ပင်လယ်တွင် မုန်တိုင်းများ ဆက်တိုက် ဖြစ်ပေါ်နိုင် ခြေရှိသောကြောင့် တတိယရေကြီးကာလ အောက်တိုဘာလအထိ သတိထားရမည်ဖြစ်ကြောင်း မိုးလေ၀သနှင့် ဇလဗေဒပညာရှင် ဒေါက်တာထွန်းလွင်က မြန်မာ့အလင်းသတင်းစာ၌ အသိပေးထားသည်။
ဧရာဝတီမြစ်ရေသည် ယနေ့ မွန်းလွဲ ၁၂နာရီခွဲအချိန် တိုင်းထွာချက်အရ ဟင်္သာတမြို့တွင် ၁၃၅၅စင်တီမီတာသို့ ရောက်ရှိနေပြီး စိုးရိမ်ရေ မှတ်အထက် ၁၃စင်တီမီတာ ကျော်လွန်နေသည်ဟု ယနေ့ထုတ် မြန်မာ့အလင်းသတင်းစာထဲတွင် ဖော်ပြထားသည်။

ကချင်ပြည် အခြေအနေ လူ့အခွင့်အရေး ကော်မရှင် သေချာ စုံစမ်းသင့်ဟု KWAT ပြော

ကချင်ပြည် အခြေအနေ လူ့အခွင့်အရေး ကော်မရှင် သေချာ စုံစမ်းသင့်ဟု KWAT ပြော

by admin

သြဂုတ်လ ၁၄ရက်၊ ၂၀၁၂ခုနှစ်။ နန်းယဉ် (ကေအိုင်စီ)

ကချင်ပြည်နယ်အတွင်း ဖြစ်ပွားနေသည့် တိုက်ပွဲများကြောင့် လူ့အခွင့်အရေး ချိုးဖောက်ခံနေရသည့် အခြေအနေများကို မြန်မာနိုင်ငံ အမျိုးသားလူ့အခွင့် အရေးကော်မရှင် အနေနှင့် သေချာစုံစမ်းသင့်ကြောင်း ကချင်အမျိုးသမီးအစည်းအရုံး(ထိုင်းနိုင်ငံ)-KWAT တာဝန်ခံ မွန်းနေလီက ပြောသည်။
မြန်မာနိုင်ငံ အမျိုးသား လူ့အခွင့်အရေးကော်မရှင်အနေနှင့် ယနေ့ထုတ် မြန်မာ့အလင်းသတင်းစာတွင် ဖော်ပြလိုက်သည့် ကချင်ပြည် ခရီး စဉ်နှင့်ပတ်သက်၍ ၎င်းတို့၏ သတင်းထုတ်ပြန်ချက် ၅/၂၀၁၂ အထဲတွင် ကချင်စစ်ပြေးဒုက္ခသည်များ ၁နှစ်ကျော်ကြာလာသော်လည်း အခြေခံလိုအပ်ချက်များ ပုံမှန်အတိုင်း ထိန်းသိန်းထားနိုင်ကြောင်း၊ ရာသီဥတုကြောင့် ကျန်းမာရေးစောင့်ရှောက်မှု လိုအပ်ကြောင်း ဖော်ပြ ထားသည့်အပေါ် သူမက တုန့်ပြန်ပြောဆိုလိုက်ခြင်း ဖြစ်သည်။
“ဒုက္ခသည်တွေ သူတို့ အခြေခံလိုအပ်ချက်တွေ ပုံမှန်အတိုင်း ဖြစ်နေတာဆိုကလည်း သေချာလေ့လာစေချင်တယ်။ ဘာလို့လဲဆိုတော့ ဒုက္ခသည်တွေက စားရေးသောက်ရေး နောက်ပြီးတော့ ဆေးဝါး စတာတွေကို အရမ်း အကူအညီတွေ လိုအပ်နေတာလေ။ လာကူညီတဲ့ အဖွဲ့အစည်းတွေ ဥပမာ ယူအဲန်က လာကူတာ။ ဒါကို အစိုးရက တားဆီးတယ်။ ပေးကူညီတဲ့နေရာလောက်ပဲ ကူညီခိုင်းတယ်။ တကယ် အကူအညီ လိုအပ်နေတဲ့နေရာတွေ မရောက်ဘူး”ဟု မွန်းနေလီက ပြောဆိုသည်။
ဆက်လက်၍ ဒုက္ခသည်စခန်းနေသူများက ရွာပြန်လို၍ ရွာတစ်ဝိုက်တွင် မိုင်းရှင်းလင်းပေးရန်၊ ဒေသခံများ၏ တင်ပြချက်များအရ လက် နက်ကိုင်အဖွဲ့များ၏ လူ့အခွင့်အရေး ချိုးဖောက်မှုရှိနေသေးသလို ကေအိုင်အိုမှ တပ်သားသစ် စုဆောင်းခြင်းများအတွက် ထိုလုပ်ရပ်များ မပြုလုပ်ရန် တိုက်တွန်းဖော်ပြထားသည့်အပေါ် ကချင်လွတ်မြောက်ရေးတပ်ဖွဲ့(KIO)ကို မေးမြန်းရန် ကြိုးစားရာ အဆက်အသွယ် မရရှိ ခဲ့ပေ။
သို့သော် မွန်းနေလီ “လူထုတွေ နေရပ်မပြန်ရဲကြတာက မိုင်းကြောင့် တစ်ခုထဲမဟုတ်ဘူး။ ဗမာတပ်တွေ ရွာထဲဝင်၊ အိမ်မီးရှို့၊ လူထုတွေ ကို ရိုက် နှက်၊ ပြီးတော့ မသင်္ကာသူတွေဆိုရင် ခေါ်သွား၊ သတ်ဖြတ်။ အဲဒါတွေကို လူထုတွေ ပိုကြောက်နေကြတာ။ ဒေသခံတွေ အခွင့်အ ရေး အမျိုးမျိုး ချိုးဖောက်ခံနေရတာပါ။ ဒါကို လူ့အခွင့်အရေးကော်မရှင်တွေ သေချာလေ့လာစေချင်တယ်”ဟု ပြောသည်။
ထို့အပြင် ကချင်ဒုက္ခသည်စခန်းများအတွင်း ခိုလှုံနေကြသည့် ဒုက္ခသည်များအတွက် ၎င်းတို့၏ အခြေခံလိုအပ်ချက်များမှာလည်း အရေး ပေါ် လိုအပ်နေဆဲဖြစ်ကြောင်းကိုလည်း သူမက ဆက်လက် ပြောဆိုသည်။
မြန်မာနိုင်ငံအမျိုးသားလူ့အခွင့်အရေးကော်မရှင် အတွင်းရေးမှူးနှင့် ကော်မရှင်အဖွဲ့ဝင် ၂ဦးတို့သည် ဇူလိုင်လ ၂၃ရက်မှ ၂၇ရက်နေ့အထိ ကချင်ပြည်နယ်၊ မြစ်ကြီးနားနှင့် ဝိုင်းမော်မြို့များသို့ သွားရောက်ခဲ့သည်။
ယင်းခရီးစဉ်တွင် စောင့်ရှောက်ရေးစခန်း ၁၆ခုသို့ သွားရောက်၍ စခန်းနေလူထုနှင့် တွေ့ဆုံခြင်း၊ ကော်မရှင်ထံ ပေးပို့ခဲ့သည့် လူ့အခွင့်အ ရေးချိုးဖောက်မှု တိုင်ကြားစာများနှင့်ပတ်သက်၍ သက်သေများ ခေါ်ယူစစ်ဆေးခြင်းနှင့် ကချင်ပြည်နယ် အစိုးရအဖွဲ့ဝန်ကြီးချုပ်၊ ၀န်ကြီး များနှင့် လက်ရှိ ကချင်ပြည်နယ် အခြေအနေကို အမြင်ချင်း ဖလှယ်ခဲ့သည်ဟု ယနေ့ထုတ် မြန်မာ့အလင်းသတင်းစာတွင် ဖော်ပြထား သည်။