တစ်ခန်းတည်းနေ သူငယ်ချင်းနှစ်ဦး စကားများရန်ဖြစ်ရာမှ လူသတ်မှုဖြစ်ပွား

တစ်ခန်းတည်းနေ သူငယ်ချင်းနှစ်ဦး စကားများရန်ဖြစ်ရာမှ လူသတ်မှုဖြစ်ပွား

Sunday, 30 September 2012 18:48

တစ်ခန်းတည်းနေ သူငယ်ချင်းနှစ်ဦး စကားများရန်ဖြစ်ရာမှ လူသတ်မှုတစ်ခု တာမွေမြို့နယ်တွင် ဖြစ်ပွားခဲ့ကြောင်း စုံစမ်းသိရှိရသည်။ ၂၀၁၂ခုနှစ်၊ စက်တင်ဘာ လ ၂၉ရက်နေ့၊ နံနက် ၃နာရီ ၂၀မိနစ်အချိန်တွင် အမှတ် ၁၅၈၊ ၅လွှာ(ခ)၊ ကျိုက္ကဆံလမ်း၊ ပျားရည်ကုန်းရပ်ကွက်၊ တာမွေမြို့နယ်တွင် လူသတ်မှုတစ်ခု ဖြစ်ပွားခဲ့ကြောင်း သတင်းအရ တာဝန်ရှိသူများမှ သွားရောက်စစ်ဆေးရာ သေဆုံးသူမှာ ရန်နိုင်ဝင်း၊ ၂၅နှစ်၊ Golden Hill Tower  အ၀တ်လျော်ခန်းဝန်ထမ်း၊ အမှတ် ၁၅၈၊ ၅လွှာ(ခ)၊ ကျိုက္ကဆံလမ်း၊ ပျားရည်ကုန်းရပ်ကွက်၊ တာမွေမြို့နယ် နေသူဖြစ်ကြောင်း သိရှိရသည်။ သေဆုံးသူ ရန်နိုင်ဝင်း၊ ၂၅ နှစ်၊ Golden Hill Tower  အ၀တ်လျော်ဝန်ထမ်းသည် သူငယ်ချင်းများနှင့်အတူ အဆိုပါတိုက်ခန်းတွင် အတူငှားရမ်း နေထိုင်သူများဖြစ်ပြီး Golden Hill Tower တွင် ၀န်ထမ်းများအဖြစ် လုပ်ကိုင်ကြသူများဖြစ်ကြောင်း၊ ကျူးလွန်သူ စည်သူအောင်၊ Golden Hill Tower  စားဖိုဆောင် ၀န်ထမ်းအဖြစ်လုပ်ကိုင်သူနှင့် ခင်မင်သူများဖြစ်သဖြင့် မကြာခဏ လာရောက်အိပ်လေ့ရှိကြောင်း၊ အခင်းဖြစ်ပွားခဲ့သည့် ၂၀၁၂ခုနှစ်၊ စက်တင်ဘာလ ၂၉ ရက်နေ့၊ နံနက် ၃နာရီ ၂၀မိနစ်အချိန်ခန့်တွင် ဦးဝဏ္ဏစိုး၊ ၄၀နှစ်၊ Golden Hill Tower လုံခြုံရေးဝန်ထမ်းသည် နေအိမ်တိုက်ခန်းတွင် သူငယ်ချင်းဖြစ်သူ ကျော်ဇင်နှင့် အတူရှိနေစဉ် သူငယ်ချင်းဖြစ်သူ ရန်နိုင်ဝင်း၊ ၂၅နှစ်၊ Golden Hill Tower  အ၀တ်လျော်ဝန်ထမ်း၊ ရောက် ရှိလာပြီး အကျီချွတ်လျက် ဘောင်းဘီတိုဖြင့်အိပ်နေသည် ကိုတွေ့ပြီး ခဏအကြာ စည်သူအောင်၊ Golden Hill Tower  စားဖိုဆောင်ဝန်ထမ်း ရောက်လာ၍ ဦးဝဏ္ဏစိုးမှ တံခါးဖွင့်ပေးခဲ့ပြီး  စည်သူအောင်မှာ ခေတ္တအိပ်နေခဲ့ကာ မိနစ်အနည်းငယ်အကြာတွင် စည်သူအောင်မှ ''မင်းလူပါးဝနေတာ ကြာပြီ'' ဟုပြောဆိုကာ ပက်လက်အိပ်နေသည့် ရန်နိုင်ဝင်း အား အပေါ်မှခွကာ ဓားဖြင့် တစ်ချက်ထိုးလိုက်သည်ကို မြင်သဖြင့် ဦးဝဏ္ဏစိုးမှ ၀င်ရောက်ဟန့်တားရာ စည်သူအောင်သည် ထပ်မံမထိုးဖြစ်တော့ဘဲ ဓားချကာ မီးဖိုခန်းဘက်သို့ပြေးသွားပြီး ပုလင်း အား ယူရန်ပြုလုပ်သဖြင့် ဦးဝဏ္ဏစိုးမှ ၀င်ရောက်ဟန့်တားရာ စည်သူအောင်သည် အ၀တ် အိတ်အားယူကာ အိမ်ပေါ်မှ ပြေးဆင်းသွားကြောင်း၊ ဦးဝဏ္ဏစိုးမှ ရန်နိုင်ဝင်းအားကြည့်ရာ ၀ဲဘက်ရင်အုံတွင် ထိုးသွင်းဒဏ် ရာတစ်ချက်ရရှိကာ သွေးထွက်နေပြီး ခဏအကြာတွင် ရန်နိုင်ဝင်းမှာ သေဆုံးသွားကြောင်း သိရှိရသည်။ အဆိုပါ လူသတ်မှုကျူးလွန်ခဲ့သူ စည်သူအောင်အား ၂၀၁၂ခုနှစ်၊ စက်တင်ဘာလ ၂၉ ရက်နေ့၊ ည ၇နာရီ ၃၀မိနစ် အချိန်တွင် ဒဂုံမြို့သစ်မြောက်ပိုင်းမြို့နယ်ရှိ ၄င်းနေထိုင်သည့် နေအိမ်မှ ဖမ်းဆီးရမိခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သိရသည်။ ယင်းကဲ့သို့ စကားများရာ မှ လူသတ်မှုကျူးလွန်ခဲ့သည့် ဖြစ်စဉ်နှင့်ပတ်သက်၍ တိုင်တန်းမှုအား တာမွေရဲစခန်း(ပ)၁၁၅၉ /၂၀၁၂ ပြစ်မှုဆိုင်ရာ ဥပဒေပုဒ်မ ၃၀၂ဖြင့် အမှုဖွင့်ပြီး အမှုစစ်မှ စစ်ဆေးဆောင်ရွက်လျက်ရှိကြောင်း သိရှိရသည်။

ကချင်အဖွဲ့ ၂၃ဖွဲ့မှ ဒုက္ခသည်များအရေး ဒေါ်အောင် ဆန်းစုကြည်ထံ အိတ်ဖွင့်ပေးစာပို့

ကချင်အဖွဲ့ ၂၃ဖွဲ့မှ ဒုက္ခသည်များအရေး ဒေါ်အောင် ဆန်းစုကြည်ထံ အိတ်ဖွင့်ပေးစာပို့ 

by admin

စက်တင်ဘာလ ၂၈ရက်၊ ၂၀၁၂ခုနှစ်။ စဖန်းရှောင်း (ကေအိုင်စီ)

ပြည်ပအခြေစိုက် ကချင်အဖွဲ့အစည်း (၂၃)ဖွဲ့မှ ကချင်ပြည်နယ်ရှိ စစ်ပြေးဒုက္ခသည်များအတွက် ရည်ရွယ်၍ စက်တင်ဘာလ ၂၆ ရက်နေ့က အမေရိကန်နိုင်ငံသို့ ရောက်ရှိနေသော ဒေါ်အောင်ဆန်း စုကြည်အား အိတ်ဖွင့်ပေးစာတစ်စောင် ပေးအပ်ခဲ့သည်။
ပြည်တွင်းစစ်ကြောင့် ထွက်ပြေးလာရသော တရုတ်ပြည်နယ်စပ် မိုင်ဂျာယန်ရှိ ဒုက္ခသည်များ၏ အခြေအနေမှန်ကို ဒေါ်အောင် ဆန်းစုကြည်အနေဖြင့် ကိုယ်တိုင်ကိုယ်ကျ သွားရောက်လေ့လာခြင်းအားဖြင့် ဒုက္ခသည်များ၏အရေးနှင့် ငြိမ်းချမ်းရေးအတွက် မျှော်လင့်ကာ ယခုလို အိတ်ဖွင့်ပေးစာ ပေးအပ်ခြင်းဖြစ်ကြောင်း ကချင်ကျောင်းသားလူငယ်များသမဂ္ဂမှ အထွေထွေအတွင်းရေး မှူးဖြစ်သူ ကိုနော်ဆန်းက ပြောသည်။
“ဒေါ်စုအနေနဲ့ ကမ္ဘာ့ငြိမ်းချမ်းရေး နိုဘယ်လ်ဆုရှင်လည်းဖြစ်၊ အများက လေးစားရတဲ့ အထင်ကရပုဂ္ဂိုလ်လည်းဖြစ်တယ်။ ပြီး တော့ ဒုက္ခသည်အရေးကို ကိုယ်တိုင်တွေ့မြင်ခြင်းအားဖြင့် သူတို့အရေးအတွက် တစ်စုံတစ်ခု ဖြစ်လာဖို့ မျှော်လင့်မိပါတယ်”ဟု ကေအိုင်စီသို့ ပြောသည်။
မြန်မာအစိုးရစစ်တပ်နှင့် KIA တို့ကြားဖြစ်ပွားသော တိုက်ပွဲများကြောင့် စစ်ပြေးဒုက္ခသည်ပေါင်း ၁သိန်းဝန်းကျင်ခန့်ရှိလာပြီး ဒုက္ခ သည်များမှာ လူ့အခွင့်အရေးများ ချိုးဖောက်ခံနေရဆဲဖြစ်ကြောင်း သိရသည်။
“မြန်မာအစိုးရစစ်တပ်အနေနဲ့ ရှေ့တန်းမှာ တပ်ရင်းပေါင်း တစ်ရာကျော်နဲ့ ထိုးစစ်ဆင်နေတယ်။ နောက်ပြီး ဒေသခံရွာသူရွာသား တွေအပေါ် လူ့အခွင့်အရေး ချိုးဖောက်မှုတွေ ရှိတဲ့အခါကျတော့ ဒုက္ခသည်ဦးရေ တိုးလာတာပေါ့”ဟု ကိုနော်ဆန်းက ဆက်လက် ပြောဆိုသည်။
ဒုက္ခသည်စခန်းများတွင် သွားရောက်ခိုလှုံနေကြရသော ဒုက္ခသည်များသည် အစားအသောက်၊ နေထိုင်ရေး၊ ကျန်းမာရေး အခြေ အနေများ ဆိုးဝါးလျှက်ရှိပြီး အကူအညီများစွာ လိုအပ်လျှက်ရှိကြောင်း ကချင်အမျိုးသမီးအစည်းအရုံး-ထိုင်းနိုင်ငံ (KWAT) မှ မွန်းနေလီက ပြောသည်။
မိုင်ဂျာယန်သို့ လာရောက်မည်ဆိုပါက KIA/KIO တို့၏ ထိန်းချုပ်နယ်မြေအတွင်းဖြစ်သဖြင့် ဒေါ်အောင်ဆန်းစုကြည်အား လုံခြုံ ရေးအရ ကာကွယ်စောင့်ရှောက်မှုပေးနိုင်ရန် KIA တာဝန်ရှိသူများနှင့် သွားရောက်ညှိနှိုင်းမှုများ ပြုလုပ်ပြီးဖြစ်ကြောင်း ကချင်အဖွဲ့ အစည်းများက ဆိုသည်။
ထို့အပြင် ယခုလက်ရှိ အမေရိကန်နိုင်ငံသို့ ရောက်ရှိနေသော သမ္မတ ဦးသိန်းစိန်အား အမေရိကန်နိုင်ငံရောက် ကချင်လူမျိုး ၄၀ ကျော်က သမ္မတကြီးထံ စာတစ်စောင် ပေးအပ်ခဲ့ပြီး စစ်ရပ်ဆိုင်းရေး၊ စစ်မှန်သော တွေ့ဆုံဆွေးနွေးရေးနှင့် လူ့အခွင့်အရေး ချိုးဖောက်မှုရပ်ဆိုင်းရေးအတွက် တောင်းဆိုဆန္ဒပြကြသည်။
ယခုလို အိတ်ဖွင့်ပေးစာ တောင်းဆိုမှုတွင် ထိုင်း၊ မလေးရှား၊ ဂျပန်၊ အမေရိကန်၊ ဒိန်းမတ်၊ နယ်သာလန် စသည့်နိုင်ငံ (၂၃)ရှိ ကချင်အဖွဲ့အစည်းများ ပါဝင်ကြပြီး မြန်မာပြည်တွင်းရှိ ကချင်အဖွဲ့အစည်းများမှာမှု စိုးရိမ်စရာ အခြေအနေများကြောင့် ပါဝင်နိုင် ခြင်း မရှိဘူးဟု သိရှိရသည်။
ကချင်အဖွဲ့အစည်းများမှ စုပေါင်း၍ ဒေါ်အောင်ဆန်းစုကြည်အပေါ် အိတ်ဖွင့်ပေးစာပေး၍ တောင်းဆိုမှုမှာ ပထမဆုံးအကြိမ်ဖြစ်ပြီး အကြောင်းပြန်ကြားခြင်း တစုံတရာ မရှိသေးကြောင်း သိရသည်။

ဖားအံမြို့တွင် ဖွင့်လှစ်မည့် ဆက်ဆံရေးရုံးမှာ ဗဟိုဌာနချုပ်၏ အစီအစဉ်မဟုတ်ဟု KNU ကြေညာချက်ထုတ်

ဖားအံမြို့တွင် ဖွင့်လှစ်မည့် ဆက်ဆံရေးရုံးမှာ ဗဟိုဌာနချုပ်၏ အစီအစဉ်မဟုတ်ဟု KNU ကြေညာချက်ထုတ် 

by admin

စက်တင်ဘာလ ၂၇ရက်၊ ၂၀၁၂ခုနှစ်။ (ကေအိုင်စီ)

မြန်မာအစိုးရနှင့် တွေ့ဆုံရန် ခရိုင်၊ တပ်မဟာ ခေါင်းဆောင်အချို့ အပါအ၀င် အဖွဲ့ဝင် ၃၁ဦးနှင့်အတူ ကရင်ပြည်နယ်၊ ဖားအံမြို့သို့ ထွက်ခွာသွားသည့် ဗိုလ်ချုပ်ကြီးမူတူးစေးဖိုး၏ ခရီးစဉ်နှင့် ပတ်သက်၍ တစုံတရာ မသိရှိကြောင်း ကေအဲန်ယူ ဗဟိုဌာနချုပ်က စက်တင် ဘာလ ၂၇ရက်နေ့စွဲဖြင့် ကြေညာချက် ထုတ်ပြန်လိုက်သည်။
၎င်းသည် ဖားအံမြို့တွင် စက်တင်ဘာလ ၂၉ရက်နေ့၌ ဗဟိုအဆင့် ဆက်သွယ်ရေးရုံး ဖွင့်လှစ်ရန် စီစဉ်ထားပြီး ယခုလို သွားရောက်သည့် ခရီးစဉ်မှာ KNU-ကရင်အမျိုးသားအစည်းအရုံးမှ စီစဉ်ဆောင်ရွက်သည့် ခရီးစဉ်မဟုတ်သည့်အပြင် KNLA-ကရင်အမျိုးသားလွတ်မြောက် ရေးတပ်မတော် ဗဟိုစစ်ဌာနချုပ်၏ အစီအစဉ်မဟုတ်ဟု ကြေညာချက်က ဆိုသည်။
KNU တွဲဖက်အတွင်းရေးမှူး(၁) ဗိုလ်မှူးစောလှငွေက “ဖားအံမှာ အခုသွားဖွင့်မဲ့ ဆက်ဆံရေးရုံး ကိစ္စဟာ လက်ရှိ ဗဟိုဌာနချုပ်နဲ့ တိုင်ပင် တာ မရှိသလို စစ်ရေးအရ ကြီးငါးကြီးနဲ့လည်း တိုင်ပင်တာ မရှိတဲ့အပေါ် ဖြစ်လာသမျှတွေကို တာဝန်ယူသွားမှာ မဟုတ်ဘူးဆိုတဲ့သဘော နဲ့ ကြေညာချက်ကို ထုတ်လိုက်တာပဲ”ဟု ကေအိုင်စီသို့ ပြောသည်။
ကြေညာချက်တွင် မြန်မာအစိုးရနှင့် တွေ့ဆုံဆွေးနွေးရာ၌ နှစ်ဦးနှစ်ဖက် သဘောတူညီမှု လက်မှတ်ရေးထိုးသည့်အကြိမ်တိုင်း KNU အနေ ဖြင့်သာ ဆောင်ရွက်ခဲ့ကြပြီး KNLA နှင့် မြန်မာအစိုးရတို့အကြား လက်မှတ်ရေးထိုးသည့် အထူးသီးသန့် သဘောတူညီမှု မဟုတ်ကြောင်း၊ KNLA သည် KNU ၏ ဌာန ၁၄ခုအနက်တခုဖြစ်သည့် ကရင်အမျိုးသားကာကွယ်ရေးဌာန၏ အုပ်ချုပ်မှုနှင့် ဦးဆောင်မှုအောက်တွင်ရှိ ကြောင်း ဖော်ပြထားသည်။
သို့သော် ယခင် ဖွင့်လှစ်ပြီးစီးခဲ့သည့် ဆက်ဆံရေးရုံးများမှာ အဖွဲ့အစည်း၏ စည်းမျဉ်းစည်းကမ်းအရ အသိပေး၊ တိုင်ပင်၊ လက်ခံ သဘော တူမှုများနှင့် လုပ်ဆောင်ခဲ့ခြင်းဖြစ်သည်ဟုလည်း ဗိုလ်မှူးစောလှငွေက ဆက်လက် ပြောဆိုသည်။
“အရင် ဖွင့်သွားခဲ့တဲ့ ရုံးတွေက သက်ဆိုင်ရာ ခရိုင်၊ တပ်မဟာတွေရဲ့ တင်ပြ တိုင်ပင်လာမှုတွေ ရှိတယ်။ ဒီအပေါ်မှာ အလုပ်အမှုဆောင် တွေက စည်းဝေးဆွေးနွေးကြပြီး လက်ခံလို့ လုပ်ခဲ့ကြတာပဲ။ အခု ကြေညာချက်က EC ၇ဦးအပြင် ခရီးလွန်နေတဲ့ ဒုဥက္ကဌကလည်း အစည်းအဝေးဆုံးဖြတ်ချက်ကို သူလက်ခံပါတယ်လို့ ဆိုထားတော့ ၈ဦးရဲ့ သဘောထားလို့ပြောရမှာပေါ့”ဟု သူက ပြောသည်။
ယမန်နေ့က KNU ဗဟိုအလုပ်အမှုဆောင်(EC)များ၏ အရေးပေါ် အစည်းအဝေး ပြုလုပ်ခဲ့ရာ၌ ဖားအံတွင် ဖွင့်လှစ်မည့် ဆက်ဆံရေးရုံး ကိစ္စနှင့် လက်ရှိ စစ်ဦးစီးချုပ်၏ လုပ်ပိုင်ခွင့်၊ လုပ်ထုံးလုပ်နည်းနှင့် မညီသော လုပ်ရပ်များကို ဆွေးနွေးခဲ့ကြပြီး လိုအပ်ပါက အရေးယူ ဆောင်ရွက်မှုများကို လုပ်ဆောင်သွားရန်နှင့် လာမည့် ၁၅ကြိမ်မြောက် ကွန်ဂရက်အတွက် ဆွေးနွေးသွားရန်အတွက် ဗဟိုအလုပ်အမှု ဆောင်များမှ ယနေ့ အစည်းအဝေး ဆက်လက် ပြုလုပ်သွားမည်ဟု သိရသည်။
KNU သည် ၂၀၀၈ခုနှစ်က ကျင်းပပြုလုပ်ခဲ့သည့် ၁၄ကြိမ်မြောက် ကွန်ဂရက်ဆုံးဖြတ်ချက်အရ နိုင်ငံရေးပြဿနာများကို နိုင်ငံရေးနည်းဖြင့် ဖြေရှင်းပြီး စစ်မှန်သော ငြိမ်းချမ်းရေးရရှိရန် ခိုင်မာစွာ ဆုံးဖြတ်ချက်ချထားပြီး တွေ့ဆုံဆွေးနွေးရေး အစီအစဉ်များကို တဆင့်ပြီးတဆင့် လုပ်ဆောင်သွားရန်ကိုလည်း ချမှတ်ထားပြီးဖြစ်သည်ဟု KNU ၏ ထုတ်ပြန်ချက်တွင် ထည့်သွင်းဖော်ပြထားသည်။

ဖားအံဆက်ဆံရေးရုံး ကေအဲန် အယ်လ်အေ အနေဖြင့် ဖွင့်လှစ်မည်

ဖားအံဆက်ဆံရေးရုံး ကေအဲန် အယ်လ်အေ အနေဖြင့် ဖွင့်လှစ်မည် 

by admin

စက်တင်ဘာလ ၂၇ရက်၊ ၂၀၁၂ခုနှစ်။ (ကေအိုင်စီ)

ကရင်ပြည်နယ် မြို့တော်ဖားအံ၌ စက်တင်ဘာလ ၂၉ရက်နေ့တွင် ဖွင့်လှစ်သွားမည့် ဆက်ဆံရေးရုံးမှာ ကရင်အမျိုးသားလွတ်မြောက်ရေး တပ်မတော် (KNLA) အနေဖြင့်သာဖြစ်ကြောင်း တပ်ဖက်ခေါင်းဆောင် တစ်ဦးက ကေအိုင်စီသို့ ယမန်နေ့က ပြောသည်။
“ဖားအံမှာဖွင့်မဲ့ ရုံးက ကေအဲန်ယူ ဗဟိုအနေနဲ့ မဟုတ်ပါဘူး။ စစ်ဦးစီးချုပ်က သွားဖွင့်မှာမို့ KNLA အနေနဲ့ဖွင့်တဲ့ ဆက်ဆံရေးရုံးပါ။ အခု ချိန်ဟာ အပစ်အခတ်ရပ်စဲရေးအတွက် ယုံကြည်မှု တည်ဆောက်နေတဲ့ကာလမို့ အပြန်အလှန် ယုံကြည်ပြီးမှသာ နိုင်ငံရေးစကားကို စားပွဲ ပေါ်မှာ ဆွေးနွေးသွားမယ် ဆိုတဲ့သဘောပါ”ဟု ရုံးဖွင့်ပွဲကို ကိုယ်တိုင်သွားရောက်ခဲ့သူ အဆိုပါ တပ်ဖက်ခေါင်းဆောင်က ပြောသည်။
အဆိုပါရုံးဖွင့်လှစ်ရန် သွားရောက်သူများထဲတွင် ကရင်အမျိုးသားအစည်းအရုံး၏ ဗဟိုအလုပ်အမှုဆောင်များအဖြစ် KNLA စစ်ဦးစီးချုပ် ဗိုလ်ချုပ်ကြီးမူတူးစေးဖိုး၊ ပဒိုစောဒေးဗစ်ထောနှင့် ပဒိုစောရောဂျာခင်တို့ ပါဝင်ကြပြီး ပဒိုစောကွယ်ထူးဝင်း၊ ပဒိုစောရွှေမောင်း၊ ဗိုလ်မှူးချုပ် ဂျော်နီတို့နှင့်အတူ အခြားအရပ်ဖက်၊ တပ်ဖက်ခေါင်းဆောင် ၃၁ဦးမှာ ယနေ့မနက်တွင် မြ၀တီမြို့မှ ဖားအံမြို့သို့ ထွက်ခွာသွားပြီဖြစ်သည်။
မြ၀တီရှိ စစ်ဖက်ရေးရာ လုံခြုံရေးအဖွဲ့(စရဖ) အဖွဲ့ဝင်တစ်ဦးက “ဒီမနက်စောစောပဲ ကေအဲန်ယူ လူကြီးတွေ အတော်များများ ဖားအံကို ဆင်းသွားပါတယ်။ လူဦးရေနဲ့ အမည် အတိအကျကို ကျနော်တို့ မေးမြန်းညှိနှိုင်းနေဆဲမို့ လောလောဆယ် မပြောနိုင်သေးပါဘူး”ဟု ယနေ့ နေ့လည်က ကေအိုင်စီသို့ ပြောဆိုသည်။
ဖားအံမြို့ ဇွဲကပင်ဟိုတယ်တွင် ယခုလ ၃ရက်နှင့် ၄ရက်နေ့များက ကေအဲန်ယူ အတွင်းရေးမှူး နော်စီဖိုးရာစိန်နှင့် အစိုးရ သမ္မတရုံးဝန်ကြီး ဦးအောင်မင်းတို့ ဦးဆောင်သော အစိုးရ ငြိမ်းချမ်းရေးကိုယ်စားလှယ်အဖွဲ့တို့ အပစ်အခတ်ရပ်စဲရေးဆိုင်ရာ နှစ်ဖက် လိုက်နာရမည့် ကျင့် ၀တ်စည်းကမ်းများကို မူအားဖြင့် ဆွေးနွေးသဘောတူခဲ့ကြသည်။
သို့သော်လည်း ဆက်ဆံရေးရုံးဖွင့်လှစ်မည့် ကေအဲန်ယူ အရပ်ဖက်၊ တပ်ဖက်ခေါင်းဆောင်အချို့က နှစ်ဖက် လိုက်နာရမည့်ကျင့်ဝတ်ဆိုင် ရာများ၊ နိုင်ငံရေးစကားဝိုင်းများကို နောက်ပိုင်းမှသာ ဆွေးနွေးသင့်ကြောင်း အမြင်ရှိကြသည်ဟု နီးစပ်သူများက ပြောသည်။
ဖားအံမြို့သို့ ထွက်ခွာသွားသူများအနက် ကေအဲန်ယူ ဗဟိုအလုပ်အမှုဆောင်အချို့ ပါဝင်သွားခဲ့သလို ကရင်ဒုက္ခသည်ကော်မတီနှင့် ဒုက္ခ သည်စခန်းကော်မတီဝင် အချို့လည်း ရုံးဖွင့်ပွဲကို သွားရောက်ခဲ့သည်ဟု သိရသည်။
ထို့အတွက် ယနေ့ပြုလုပ်သည့် ကေအဲန်ယူ ဗဟိုအလုပ်အမှုဆောင်များ အစည်းအဝေးတွင် လူစုံတက်ရောက်နိုင်မည် မဟုတ်သော်လည်း လုပ်ထုံးလုပ်နည်းအရ လူဦးရေ ထက်ဝက်ကျော်လျှင် အစည်းအဝေးဖြစ်မြောက်နိုင်ကြောင်း အမည်မဖော်လိုသူ KNLA တပ်မှူးတစ်ဦးက ပြောသည်။
“အခု ဖားအံဆင်းသွားတဲ့အထဲမှာ အီးစီ(ဗဟိုအလုပ်အမှုဆောင်)က သုံးဦးပါနေတာတော့ ဟုတ်ပါတယ်။ အီးစီအားလုံးက ၁၁ဦးရှိတယ်ဆို တော့ ၆ဦးပြည့်ရင်ပဲ အစည်းအဝေးက အထမြောက်ပါတယ်”ဟု အဆိုပါ KNLA တပ်မှူးက ဆိုသည်။
ကရင်အမျိုးသားအစည်းအရုံးသည် ယခုနှစ် ဇန်န၀ါရီလ ၁၂ရက်နေ့က အစိုးရနှင့် လက်မှတ်ရေးထိုးခဲ့သည့် ပြည်နယ်အဆင့် အပစ်အခတ် ရပ်စဲရေး သဘောတူညီချက်များထဲတွင် ဆက်ဆံရေးရုံး ဖွင့်လှစ်သွားရန်ပါရှိပြီး ဧပြီလမှစ၍ ယခုအချိန်ထိ ကျောက်ကြီး၊ ထားဝယ်၊ ဘုရား သုံးဆူ၊ မြ၀တီမြို့များတွင် ဆက်ဆံရေးရုံးများ ဖွင့်လှစ်ပြီးစီးခဲ့ရာ ယခု ဖွင့်လှစ်မည့် ဖားအံမြို့ ဆက်ဆံရေးရုံးမှာ ပဉ္စမမြောက် ဖြစ်သည်။
ဖားအံမြို့တွင် ဖွင့်လှစ်မည့် KNLA ဆက်ဆံရေးရုံးသို့ အစိုးရဘက်မှ ပြည်ထောင်စုအဆင့် မည်သူတက်ရောက်မည်ကိုသိရန် ပြည်နယ်ဝန် ကြီးချုပ်၊ နယ်စပ်ရေးရာ လုံခြုံရေးဝန်ကြီးများထံ ယနေ့ ဆက်သွယ်ရာ ဖုန်းလိုင်းမကောင်း၍ ဖြေကြားချက် မရရှိခဲ့ပေ။

သောက်ရေခပ်ရေလှောင်တမံ၏ ဆိုးကျိုးများကို စိုးရိမ်ကြောင်း ကျေးရွာလူထု ၂၀၀နီးပါး ဆန္ဒဖော်ထုတ်ခဲ့

သောက်ရေခပ်ရေလှောင်တမံ၏ ဆိုးကျိုးများကို စိုးရိမ်ကြောင်း ကျေးရွာလူထု ၂၀၀နီးပါး ဆန္ဒဖော်ထုတ်ခဲ့ 

by admin

စက်တင်ဘာလ ၂၇ရက်၊ ၂၀၁၂ခုနှစ်။ (ကေအိုင်စီ)

ပဲခူးတိုင်း၊ တောင်ငူမြို့နယ်အတွင်း ရွှေစွမ်းအင်(အေးရှားဝေါလ်) ကုမ္ပဏီမှတာဝန်ယူ တည်ဆောက်နေသည့် သောက်ရေခပ်ရေလှောင်တ မံနှင့် ပတ်သက်၍ စိုးရိမ်မှုရှိကြောင်း ဒေသခံ ကျေးရွာလူထု ၂၀၀ဦးခန့်က ဆန္ဒထုတ်ဖော်ပွဲတခုကို တောင်ငူခရိုင်ရှိ ကရင်အမျိုးသားအ စည်းအရုံး(KNU) ထိန်းချုပ်နယ်မြေ၌ စက်တင်ဘာလ ၂၅ရက်နေ့က ပြုလုပ်ခဲ့ကြသည်။
ဆန္ဒဖော်ထုတ်သူ ဒေသခံ အမျိုးသမီးတစ်ဦးက “ဒီရေလှောင်တမံကြီးဆောက်ပြီးသွားရင် ကျမတို့ရဲ့ သွားလာရေး၊ လမ်းပန်းဆက်သွယ် ရေးတွေအပြင် ဒေသထွက် သီးနှံထွက်ကုန်စိမ်းတွေ မြို့ပေါ်ကို အချိန်မီ သွားမရောင်းနိုင်ရင် အလဟဿ ပျက်စီးမယ်။ အဲလိုဖြစ်တော့ ကျမတို့အတွက် ရိက္ခာ ဆန်အပြင် အိမ်သုံးပစ္စည်း စတာတွေက အဆမတန် ဈေးကြီးသွားမှာမို့ ဒါကို စိုးရိမ်ပြီး အခုလို စုပေါင်းဆန္ဒဖော် ထုတ်ရတာ ဖြစ်တယ်”ဟု ပြောဆိုခဲ့သည်။
ယင်းသို့ ဆန္ဒထုတ်ဖော်ကြသူများမှာ မြစ်ငန်းချောင်း၊ ကျီးချောင်းဒေသရှိ ရွာ ၁၃ရွာမှ ဒေသခံများဖြစ်ကြပြီး သောက်ရေခပ် ရေလှောင်တမံ တည်ဆောက်မှုကို အလိုမရှိ – ချက်ချင်းရပ်ပေးရန်၊ သဘာဝအတိုင်း မြစ်ချောင်းများ ဒေသတွင်း စီးဆင်းခွင့်ပေးရန်၊ ရေလှောင်တမံကို တာဝန်ယူ တည်ဆောက်ပေးနေသော ရွှေစွမ်းအင်ကုမ္ပဏီအား မိမိတို့နယ်မြေတွင်းမှ ချက်ချင်း ထွက်ခွာသွားရန်တို့ကို တောင်းဆိုခဲ့ကြ သည်။
ထိုနေ့ မနက် ၈နာရီမှ ၁၀နာရီအထိ နှစ်နာရီကြာ ပြုလုပ်ခဲ့သည့် ဆန္ဒဖော်ထုတ်ပွဲကို ဒေသခံများနှင့်အတူ နယ်စပ်ရှိ ကရင်လူထုအခြေပြု အဖွဲ့များဖြစ်သော KYO, KWO, KORD, CIDKP, KHRG, FBR များမှ ဒေသဆိုင်ရာ ကိုယ်စားလှယ်များက ပါဝင်ခဲ့ကြသည်ဟု သိရသည်။
တောင်ငူခရိုင်၊ ကရင်လူငယ်အစည်းအရုံး-KYO မှ စောရောဆယ်က “ဆည်(ရေလှောင်တမံ) တည်ဆောက်မှုရဲ့ အကျိုးဆက်ကတော့ ဆည်အထက်ပိုင်းမှာ ရှိနေတဲ့ ကျီးချောင်း၊ မြစ်ငန်းချောင်းနဲ့ သောက်ရေခပ်ချောင်းတ၀ိုက်က ဥယျာဉ်ခြံမြေတွေအားလုံး ရေအောက် လုံးဝ ရောက်သွားမယ်။ အဓိက ကားလမ်းတွေ ပျက်စီးမယ်။ ဒီနောက်ဆက်တွဲ ပြဿနာတွေကို ကုမ္ပဏီက ဘာတွေတာဝန်ယူမယ်ဆိုတာ ပြည် သူတွေကို ဘာမှ အာမ မခံပေးဘူး”ဟု ဆိုသည်။
ယခုနှစ်၊ နိုဝင်ဘာလတွင် လျှပ်စစ်ဓာတ်အား ၄၀မဂ္ဂါဝပ် စတင် ထုတ်လုပ်နိုင်ရန် ထိုရေလှောင်တမံကို တည်ဆောက်လျှက်ရှိသည့် ရွှေစွမ်း အင်ကုမ္ပဏီမှ တာဝန်ရှိသူများက ၎င်းတို့တိုင်းတာချက်အရ ရေ၀ပ်ဧရိယာတွင် ဥယျာဉ်ခြံဧကပေါင်း ၅၆ဧကအတွက် မြန်မာကျပ်ငွေသိန်း နှစ်ထောင်နီးပါးကိုသာ ဒေသခံများထံ စက်တင်ဘာလ ဒုတိယပတ်က လျော်ကြေးပေးဆောင်ခဲ့သော်လည်း အမှန်တကယ် ပျက်စီးနိုင် သည့် သစ်တောထွက်၊ ရေထွက်ပစ္စည်းများ၏ ပမာဏတန်ဘိုးကို ကာမိခြင်း မရှိကြောင်း ဒေသခံများက ပြောသည်။
ထို့အပြင် ရေလှောင်တမံမှ ထွက်ရှိလာမည့် လျှပ်စစ်ဓါတ်အားများကို ဒေသခံများ သုံးစွဲခွင့်ရမည်မဟုတ်ဘဲ နောက်ပိုင်းတွင် တောင်ငူနှင့် ထန်းတပင်မြို့နယ်များ၌ မိုးကာလ ဆည်ရေဖောက်ချပါက ဒေသခံလယ်သမားများ၏ စပါးခင်းများ ရေလွှမ်းကာ ပျက်စီးမှု ပိုများလာနိုင် မည်ကိုလည်း ဒေသခံများက စိုးရိမ်သည့်အပေါ် ဆန္ဒဖော်ထုတ်ကာ တောင်းဆိုကန့်ကွက်နေကြခြင်း ဖြစ်သည်။
ယခုဆန္ဒထုတ်ဖော်သူများအနေဖြင့် ၎င်းတို့၏ တောင်းဆိုချက်များကို နိုင်ငံတော် သမ္မတ ဦးသိန်းစိန်နှင့်တကွ ငြိမ်းချမ်းရေးတည်ဆောက်မှု တွင် ပါဝင်နေကြသည့် အစိုးရနှင့် KNU တာဝန်ရှိသူများထံသို့လည်း တင်ပြတောင်းဆိုခဲ့ကြသည်။
KNU အထွေထွေ အတွင်းရေးမှူး နော်စီဖိုးရာစိန်က “KNU ရဲ့မူထဲမှာ ဘယ်ဖွံ့ဖြိုးရေးစီမံကိန်းမဆို ဒေသခံလူထု အသက်ရှင်ရေးနဲ့ ဘ၀လုံ ခြုံရေး၊ သဘာဝပတ်ဝန်းကျင်အကျိုးဆက်နဲ့ ဒေသခံတွေရဲ့ ပူးပေါင်းပါဝင်မှုကို အားပေးပါတယ်။ လူထုရဲ့ လိုလားမှုဟာ အရမ်း အရေးကြီး ပါတယ်။ ဒေသခံတွေအတွက် အကျိုးအမြတ်ဟာလည်း ရေတိုအတွက် မဟုတ်ဘဲ ရေရှည်အတွက်သာ ဖြစ်သင့်ပါတယ်”ဟု ဆိုသည်။
အဆိုပါ သောက်ရေခပ် ရေလှောင်တမံစီမံကိန်းကြောင့် ရွှေ့ပြောင်းရသည့် တောင်ငူမြို့နှင့် ၁၄မိုင်ကွာဝေးသော ထုံးဘိုရွာအား စံပြကျေး ရွာအဖြစ် ကုမ္ပဏီမှ တည်ဆောက်ပေးသွားမည်ဟု ယမန်နှစ်၊ နိုဝင်ဘာလက ပြောဆိုထားခဲ့သလို ရန်ကုန်ရှိ မြန်မာအီးဂရက်စ်မှ တာဝန်ရှိ သူများက လက်ရှိအခြေအနေကို သွားရောက်လေ့လာရန် စုံစမ်းလျှက်ရှိသည်ဟု နီးစပ်သူများက ပြောဆိုနေကြသည်။