ကချင်အာဇာနည်နေ့ လိုင်ဇာတွင် ကျင်းပ

ကချင်အာဇာနည်နေ့ လိုင်ဇာတွင် ကျင်းပ

by bniwebmaster@yahoo.com (မဇ္စျိမ)

ကချင်တော်လှန်ရေးအတွင်း ကျဆုံးသွားသော ကချင်လွတ်လပ်ရေး အဖွဲ့ KIO ခေါင်းဆောင် များနှင့် ရဲဘော်များအား ဂုဏ်ပြုသောအားဖြင့် သြဂုတ်လ ၁ဝ ရက်နေ့တွင် ကျရောက်သော ၃၇ နှစ်မြောက် ကချင် အာဇာနည်နေ့တွင် ကချင်အားလုံး စည်းလုံးကြရန် KIO ဥက္ကဋ္ဌ ဦးဇောင်းဟရား က တိုက်တွန်းပြောဆိုလိုက် သည်။

ကချင်ဘာသာဖြင့် ‘Share shagan Nhtoi’ ဟု ခေါ်ဆိုသည့် အာဇာနည်နေ့ကို  အခမ်းအနားကို လိုင်ဇာမြို့ KIO ဌာနချုပ်တွင် ကျင်းပရာ KIO ခေါင်းဆောင်များနှင့် KIO ဌာနဆိုင်ရာ ဝန်ထမ်းများ ၇၄ဝ ကျော် တက်ရောက်ရာ ဥက္ကဋ္ဌက မိန့်ခွန်းပြောဆိုခဲ့သည်ဟု အရပ်ဘက်အရာရှိ ဦးဒွဲပီဆား က ပြောသည်။
“အစိုးရနဲ့ ဆွေးနွေးမှုမှာ ကျနော်တို့ KIO ဘက်က တောင်းဆိုနေပေမယ့် သူတို့ အရေးမယူပေးတဲ့အတွက် အခုအချိန်ထိ ဘာသဘောတူညီချက်မှ မရသေးဘူး။ ခုချိန်မှာ စည်းလုံးညီညွှတ်ပြီးတော့ ကိုယ့်တာ ဝန်ထမ်းဆောင် သွားကြဖို့ ကြိုးစားအားထုတ်မှုပေါ် မူတည်ပြီး အောင်မြင်တဲ့ ပန်းတိုင်ကို ရောက်နိုင်မယ်လို့ ပြောဆိုသွားတယ်” ဟု ဦးဒွဲပီဆား က မဇ္ဈိမကို ပြောပြသည်။
၁၉၇၅ ခုနှစ်က KIO ဥက္ကဋ္ဌ လထော်ဇော်ဆိုင်း အပါအဝင် ထိပ်တန်း ခေါင်းဆောင် သုံးဦး လုပ်ကြံခံရသည့်နေ့ကို အစွဲပြု၍ ကျဆုံးသွားသော သူရဲကောင်းများကို ရည်စူးကာ ကချင်အာဇာနည်နေ့အဖြစ် သတ်မှတ်ကျင်းပခဲ့ခြင်း
ဖြစ်သည်။
အဆိုပါ ကချင်အာဇာနည်နေ့အခမ်းအနားများကို လိုင်ဇာမြို့အနီးရှိ အလန်းဘွမ် တောင်တွင် KIO ဌာနချုပ် အပါအဝင် လိုင်ဇာ အထက်တန်းကျောင်း၊ ကျန်းမာရေးဌာန၊ စစ်ပြေးဒုက္ခသည်စခန်း၊ စစ်ရေး လေ့ကျင်းရေးစခန်း စသည့် KIO ဌာနဆိုင်ရာ နေရာအသီးသီးတွင် အာဇာနည် ခေါင်းဆောင်များကို ဂုဏ်ပြု အလေးပြုခဲ့ကြပြီး တော်လှန်ရေး ခေါင်းဆောင်များ၏ လုပ်ဆောင်ချက် သမိုင်းကို ရှင်းလင်း ဟောပြော ခဲ့သည်ဟု သိရသည်။
ဤနေ့တွင် KIO ၏ အမျိုးသားအလံကို တဝက်သာ လွင့်ထူထားပြီး KIO ဌာနဆိုင်ရာ အသီးသီးက ရုံးပိတ်ရက်အဖြစ် သတ်မှတ်ထားသော်လည်း ရှေ့တန်းတပ်ဖွဲ့များကမူ တာဝန် ရပ်ဆိုင်းခြင်းမရှိဘဲ တိုက်ပွဲဝင်နေကြသည်ဟု သိရသည်။
၁၉၇၅ ခုနှစ် သြဂုတ်လ ၁ဝ ရက်နေ့တွင် KIO ပထမဆုံး ဥက္ကဋ္ဌ ဗိုလ်ချုပ် လထော် ဇော်ဆိုင်း(Lahtaw Zau Seng)နှင့် အတူ ညီဖြစ်သူ ဒု-ဦးစီးချုပ် ဗိုလ်ချုပ် လထော် ဇော်တူး (lahtawZau Tu)နှင့် အထွေထွေ အတွင်းရေးမှူး ဆလန်ကဘား ဖုန်ရွှေ ဇော်ဆိုင်း (Pungshwe ZauSeng) တို့ မြန်မာအစိုးရက စေလွှတ်ထားသူ တစုက ထိုင်း-မြန်မာ နယ်စပ် Thang Ngawk တောင် တနေရာတွင် လုပ်ကြံသတ်ဖြတ်ခံခဲ့ရသည်ဟု KIO သမိုင်းမှတ်တမ်းများက ဆိုသည်။
၁၉၆၁ ခုနှစ်၊ ဖေဖော်ဝါရီလ ၅ ရက်နေ့က တိုင်းရင်းသားတန်းတူရေးနှင့် ကိုယ်ပိုင် ပြဋ္ဌာန်းခွင့် ရရှိနေရးအတွက် လက်နက်ကိုင် တော်လှန်ရေး စတင်ခဲ့သော ကချင်ကျောင်းသား ၇ ဦးထဲမှ ၃ ဦး ကျဆုံးခဲ့သောနေ့လည်း ဖြစ်သည်။
ကချင်အာဇာနည်နေ့ကို မလေးရှား၊ ဂျပန်၊ အမေရိကန်၊ ထိုင်း စသည့် နိုင်ငံများ အပါအဝင် ပြည်ပရောက် ကချင်လူမျိုး များက အထိမ်းအမှတ် အခမ်းအနားများ ပြုလုပ်ကျင်းပကြသည်။
KIO နှင့် အစိုးရအကြား တိုက်ပွဲများ နေ့စဉ် ဖြစ်ပွားလျက်ရှိရာ ကြာသပတေးနေ့က KIO တပ်မဟာ ၅ နယ်မြေ ဂန်ဒေါင်ယန်ကျေးရွာနှင့် ဒဘတ်ကျေးရွာ အနီး ဗုံးကွဲတိုက်ခိုက်မှု ရှိခဲ့ရာ အစိုးရဘက်မှ ထိခိုက်ကျဆုံးမှုရှိသည်ဟု ဦးဒွဲပီဆားက ပြောသည်။
ငြိမ်းချမ်းရေး ဆွေးနွေးပွဲကို တရုတ်နိုင်ငံ၊ ရွှေလီမြို့တွင် ထပ်မံတွေ့ဆုံရန် KIO ဘက်မှ အစိုးရထံ ကမ်းလှမ်းချက်နှင့် ပတ်သက်၍ ထပ်မံ စုံစမ်းမေးမြန်းခဲ့ကြောင်း ကချင် ငြိမ်းချမ်းရေး အကျိုးဆောင် တဦးဖြစ်သူ ဦးဆန့်အောင် က ပြောသည်။
“နေရာ သတ်မှတ်နိုင်ခြင်း မရှိသေးဘူး။ KIO က ဇူလိုင် ၁၇ ရက်နေ့က စာပို့ထားတယ်။ အစိုးရက စာမပြန်သေးဘူး။ ခု ၂ဝ ရက်နေကျော်သွားပြီ။ ဝန်ကြီး ဦးအောင်မင်း ရုံးကို ဖုန်းဆက်တော့ သူတို့ စာပြန်ပို့မယ်ဆိုပြီး မနေ့က ဖုန်းဆက်လာ တယ်။ အဲဒါ ဘယ်တော့ပို့မလဲ မသိသေးဘူး” ဟု မဇ္စျိမကို ပြောသည်။
ယခုတကြိမ် KIO နှင့် ပြန်လည်တွေ့ဆုံရာတွင် ဒုတိယ တပ်မတော် ကာကွယ်ရေးဦးစီးချုပ် ဗိုလ်ချုပ်ကြီးစိုးဝင်း အပါအဝင် ထိပ်တန်း စစ်ဘက်ခေါင်းဆောင်များ ပါဝင်မည်ဖြစ်သည်။
ထိုသို့ တပ်မတော်ခေါင်းဆောင်များ ပါဝင်မည်ဖြစ်၍ တဖက်နိုင်ငံတွင် သွားရောက် တွေ့ဆုံရန် မသင့်တော်ဘဲ အခြား တနေရာတွင်သာ တွေ့ဆုံရန် ညှိနှိုင်းနေဆဲဖြစ်သည်ဟု ငြိမ်းချမ်းရေးအကျိုးဆောင်တဦးဖြစ်သည့် ဦးလှမောင်ရွှေ က မဇ္ဈိမကို ပြောဆိုခဲ့သည်။

ရခိုင်ပြည်နယ် ပဋိပက္ခ တိုင်းရင်းသားချင်း ပြောရန် သမ္မတ တိုက်တွန်း

ရခိုင်ပြည်နယ် ပဋိပက္ခ တိုင်းရင်းသားချင်း ပြောရန် သမ္မတ တိုက်တွန်း

by bniwebmaster@yahoo.com (မဇ္စျိမ)

ရခိုင်ပြည်နယ်တွင် လတ်တလောဖြစ်ပွားနေသည့် ပဋိပက္ခများ ရပ်တန့်စေရန်နှင့် ရခိုင်ပြည်သူလူထုကို တိုင်းရင်းသားအချင်းချင်း စည်းရုံးဖြောင်းဖြရန် သမ္မတဦးသိန်းစိန်က ရခိုင်ပါတီနှစ်ခုကို တိုက်တွန်းလိုက်ကြောင်း အဆိုပါ ပါတီများ၏ ခေါင်းဆောင်များက ပြောသည်။
ရခိုင်ဒီမိုကရေစီအဖွဲ့ချုပ် ALD နှင့် ရခိုင်တိုင်းရင်းသားများ တိုးတက်ရေးပါတီ RNDP တို့အား ဗုဒ္ဓဟူးနေ့ တွေ့ဆုံရာတွင် သမ္မတ က ပြောကြားခဲ့ခြင်းဖြစ်သည်ဟု ALD ဥက္ကဋ္ဌ ဦးအေးသာအောင် က မဇ္ဈိမကို ပြောသည်။
“ရခိုင်ပြည်နယ်မှာ ဖြစ်ပျက်နေတဲ့ ကိစ္စတွေနဲ့ ပတ်သက်ပြီးတော့ အဓိက ပြောဖြစ်တာပေါ့။ သမ္မတ က ပြောတယ်၊ တိုင်းရင်းသားကိစ္စတွေကို ဗမာတွေ ပြောတာထက်စာရင် တိုင်းရင်းသားအချင်းချင်း ပြောတာက ပိုအဆင်ပြေမယ်တဲ့။ ရခိုင်ပြည်သူတွေက ရခိုင်ပါတီတွေနဲ့ ပိုနီးစပ်တယ်လေ” ဟု ပြောသည်။
သမ္မတနှင့် တွေ့ဆုံမှုအတွင်း ရခိုင်ပြည်နယ် တည်ငြိမ်အေးချမ်းရေးကို အဓိကထား ပြောဆိုသွားသည်ဟုလည်း RNDP ဥက္ကဋ္ဌ ဒေါက်တာအေးမောင် က မဇ္ဈိမကို ပြောသည်။
“တည်ငြိမ်အေးချမ်းရေး အခြေအနေတွေကိုပဲ ပြောဖြစ်ကြတယ်။ လက်ရှိဖြစ်နေတဲ့ ကိစ္စတွေမှာ ကျနော်တို့ပါတီတွေက ပူးပေါင်းပါဝင်ပေးဖို့ပေါ့။ ပါတီတွေရဲ့ အကြံဉာဏ်တွေလည်း တောင်းတာပေါ့” ဟု ပြောသည်။
တွေဆုံပွဲသို့ ALD ပါတီမှ ဦးအေးသာအောင်၊ ဒု-ဥက္ကဋ္ဌ ဦးကျော်မြင့်၊ ဦးသန်းဝင်း၊ ဦးညိုထွန်း၊ ဦးမျိုးကျော်တို့ ပါဝင်ပြီး RNDP မှ ဒေါက်တာအေးမောင်၊ ဦးဘရှင်၊ ဦးထွန်းအောင်ကျော်နှင့် ဦးဖေသန်းတို့ ပါဝင်ခဲ့ကြောင်း ကျောက်ဖြူမြို့နယ် လွှတ်တော် ကိုယ်စားလှယ် ဦးဘရှိန် က ပြောသည်။
ဇွန်လဆန်းပိုင်း ကတည်းက စတင်ဖြစ်ပွားသည့် ရခိုင်ပြည်နယ်အတွင်း ပဋိပက္ခများ ကိုင်တွယ် ဖြေရှင်းရာတွင် မြန်မာ အစိုးရအနေနှင့် အချိန်မီ တားဆီးခွင့်ရှိပါလျက်နှင့် တားဆီးဖြေရှင်းပေးနိုင်ခဲ့ခြင်း မရှိဟု လူ့အခွင့်အရေး စောင့်ကြည့်ရေး အဖွဲ့ (HRW) က ယခုလ ၁ ရက်က ထုတ်ပြန်ခဲ့သည့် အစီရင်ခံစာတခုတွင် ဖော်ပြခဲ့သည်။
အာရှမှ ပါကစ္စတန်၊ အင်ဒိုနီးရှား၊ မလေးရှားနိုင်ငံတို့အပါအဝင် အခြား မူဆလင်နိုင်ငံများမှ ဘာသာရေး အခြေခံ အဖွဲ့များနှင့် NGO အချို့က ရခိုင်ပြည်နယ်အတွင်း ရိုဟင်ဂျာ မူဆလင်များ ထောင်နှင့်ချီ၍ သတ်ဖြတ်ခံနေရကာ လုံခြုံရေးတပ်ဖွဲ့ဝင်များကလည်း ၎င်းတို့အပေါ် တရားလက်လွတ် ပြုကျင့်နေကြကြောင်း စွပ်စွဲမှုများ ရှိနေသည်။
ထိုကဲ့သို့ စွပ်စွဲပြောဆိုမှုများမှာ မှားယွင်းနေပြီး လုံခြုံရေး လျှော့ချရန်လည်း မဖြစ်နိုင်သေးကြောင်း ဦးဘရှိန် က ပြောသည်။

“ရခိုင်ပြည်နယ် တည်ငြိမ်ရေးအတွက် လုပ်စရာတွေအများကြီး လုပ်ရမယ်။ ပြင်ပက လူတွေက ရခိုင်ပြည်နယ်အတွင်း ဥပဒေချိုးဖောက်ပြီး ဝင်ရောက်လာတယ်။ တခါတည်း ရောက်ပြီးသားဆိုပြီး တိုင်းရင်းသား အခွင့်အရေး တန်းပေးလိုက် ရမလို၊ ရခိုင်တွေအဖို့ ကိုယ့်နိုင်ငံမှာ ကိုယ်ပိုင် အခွင့်အရေးတောင် မရှိရတော့သလို၊ ကျနော်ကတော့ လက်မခံနိုင်ဘူး။ ရခိုင်ကို အစ္စရေး၊ ကွန်ဂို၊ ကိုဆိုဗို အဖြစ်မခံနိုင်ဘူး။ လုံခြုံရေးကို လျှော့ချလိုက်ရင် ထိခိုက်မှုတွေ အများကြီး ဖြစ်လာ
နိုင်တယ်” ဟု မဇ္စျိမကို ပြောသည်။
ရှမ်းပြည်နယ် အကျယ်အဝန်းခန့်သာရှိသည့် ဘင်္ဂလားဒေ့ရ်ှနိုင်ငံသည် လွတ်လပ်ရေး ရပြီးကာစ (၁၉၆၂)က လူဦးရေ သန်း ၆ဝ ခန့်သာရှိခဲ့ရာမှ ယခုအခါ သန်း ၁၆ဝ ခန့် ရှိလာခဲ့ပြီး ထိုနိုင်ငံမှ ဝင်ရောက်လာသူများသည် အိမ်ရှင်ယဉ်ကျေးမှု၊ ဓလေ့ ထုံတမ်းများကို လေးစား လိုက်နာရမည်ဟု ဦးဘရှိန် က ပြောသည်။
ထို့ပြင် မြန်မာအစိုးရ အဆက်ဆက်ကလည်း ရခိုင်တိုင်းရင်းသားများအပေါ် စောင့်ရှောက်မှု အားနည်းခဲ့၍ ရခိုင်ဒေသ မလုံခြုံဖြစ်ခဲ့ရသည်ဟုလည်း ၎င်းက ဆိုသည်။
ဘူးသီးတောင်၊ မောင်းတော၊ ရသေ့တောင်ဒေသများတွင် ရခိုင်တိုင်းရင်းသား ၂ ရာခိုင်နှုန်းသာရှိပြီး ဘင်္ဂါလီလူမျိုး ၉၈ ရာခိုင်နှုန်း ရှိနေသည်။
မြန်မာနိုင်ငံတွင် ရိုဟင်ဂျာ အရေအတွက် ရှစ်သိန်းကျော်ရှိမည် ဟု ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မှ ခန့်မှန်းထားသည်။
ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ ကွင်တားနားသည် ဇူလိုင်လ
နောက်ဆုံးပတ်က ရခိုင်ပြည်နယ်သို့ သွားရောက် လေ့လာခဲ့ပြီး ကမ္ဘာ့အစ္စလာမ်အဖွဲ့ကြီးဖြစ်သည့် OIC မှ ကိုယ်စားလှယ်အဖြစ် တူရကီ နိုင်ငံခြားရေးဝန်ကြီးသည်လည်း သြဂုတ်လ ၁ဝ ရက်နေ့တွင် ရခိုင်ပြည်နယ်သို့ ကိုယ်တိုင်သွားရောက် လေ့လာသည်။

ကချင် ဒုက္ခသည်များ အရေး တရုတ်မြန်မာ ညှိနှိုင်းပြီး ဆောင်ရွက်ဖွယ်ရှိ

ကချင် ဒုက္ခသည်များ အရေး တရုတ်မြန်မာ ညှိနှိုင်းပြီး ဆောင်ရွက်ဖွယ်ရှိ

by bniwebmaster@yahoo.com (ရွှေဟင်္သာ)

မြန်မာနိုင်ငံ ရှမ်းပြည်နယ်၊ မူဆယ်ခရိုင်၊ နမ်ခမ်းမြို့ နယ်စပ်တဖက်ခြမ်း တရုတ်နိုင်ငံ ယူနန်ပြည်နယ် နောင်တောင်းခရိုင် ၊(ရွှေလီနယ်စပ်) ၌ ၀င်ရောက်ခိုလှုံနေသော ကချင်စစ်ပြေးဒုက္ခသည် တသောင်းခန့်များ အား ယခုသြဂုတ်လအကုန်ပိုင်းတွင် မြန်မာနိုင်ငံဖက်ခြမ်းသို့ အပြီး ပြောင်းရွေ့ပေးရမည်ဟု တရုတ်အာဏာ ပိုင်များက ဖိအားပေးလျှက်ရှိကြောင်း ဒုက္ခသည် စ ခန်းတာဝန်ခံ တစ်ဦးကပြောပါသည်။
“ပြောင်းရွေ့ဖို့အတွက် ပြီးခဲ့တဲ့ ဇူလိုင်လ (၉) ရက်နေ့မှာ တကြိမ်၊ ပြီးတော့ ဇူလိုင်လ (၂၀) ရက်နေ့မှာတကြိမ် နှစ်ကြိမ်တိုင် သူတို့ လာပြောခဲ့ပြီးပြီး။ ကျနော်တို့ကလည်း ကချင်ပြည်နယ်ဖက်မှာ တိုက်ပွဲတွေ ပြင်းထန်လာနေတယ်။ စိုးရိမ်စရာ အခြေအနေ လည်းရှိနေတယ်။ ဒါကြောင့် တရုတ်ကအတင်းဖိအားပေး ရွှေ့ခိုင်းရင်တောင် ကျမတို့ ရွှေ့မှာမဟုတ်ဘူး။ ဒါကတော့ တရုတ် အာဏာပိုင်တွေကို မလေးစားလို့ မဟုတ်ပါဘူး။ တကယ့်အခြေအနေက မပေးလို့ပါ”ဟု ဆိုပါသည်။

ကချင်ပြည်လွတ်မြောက်ရေးအဖွဲ့ (KIO) သည် ထိုဒုက္ခသည်များကို ပြောင်းရွှေရန် လိုလားသော်လည်း လက်တွေ့၌အစိုး ရ တပ်ဖွဲ့များသည် လိုင်ဇာ ရှေ့တန်းဌာနချုပ် စခန်းကို ပြင်းထန်စွာ စစ်ဆင်နေသည့်အတွက် လောလောဆယ်၌ တာဝန်မယူ နိုင်သေးဟုဆိုပါသည်။ တိုက်ပွဲများသည် ဇူလိုင်လ (၇၊၈၊၉) ရက်နေ့ သုံးရက်အတွင်း၌ တိုက်ပွဲပေါင်း (၁၂) ကြိမ် ပြင်းထန်စွာ ဖြစ်ပွားခဲ့ပါသည်။ ဤသို့ ကြောင့် KIO အနေဖြင့် ဒုက္ခသည်အရေးကို မစဉ်းစားနိုင်ခြင်းဖြစ်ပါသည်။
ကချင်ဒုက္ခသည်များကို နေရပ်ရင်းပြန်ပို့ရန် တရုတ်အာဏာပိုင်များက လိုလားနေဟန် ရှိပါသည်။ အစိုးရတပ်ဖွဲ့များ၏ စစ် ဆင်မှုသည်လည်း ဤလအကုန်ပိုင်း၌ ကချင်ပြည် လွတ်မြောက်ရေးအဖွဲ့ (KIO) ဗဟိုစခန်းကို သိမ်းပိုက်နိုင်လိမ့်မည်ဟု တရုတ်ဖက်က တွက်ဆဖွယ် ရှိပါသည်။  ဤကဲ့သို့ သိမ်းပိုက် နိုင်ခဲ့လျှင် ဒုက္ခသည်များအား နေရပ်ရင်းပြန်ရေး အစီစဉ်ကို အချိန်တိုအတွင်း အကောင်အထည်ဖေါ်နိုင်ရန်  ဒုက္ခသည်များအား အဆင်သင့်ဖြစ်နေစေရေးကို ရည်ရွယ်ပြီး ကြိုတင်ဖိအား ပေးထားဟန်ရှိနေကြောင်း ဒုက္ခသည်စခန်း တာဝန်ခံများက ယူဆပါသည်။
“ ဒါကတော့ မြန်မာအစိုးရနဲ့ တရုတ်အစိုးရက ညှိနှိုင်းထားပုံ ရပါတယ်။ ဘာဖြစ်လို့လည်း ဆိုတော့ ဒုက္ခသည်ရှိနေရင် အမေ ရိကန်နဲ့ UNHCR က ၀င်လာမယ်လေ။ ဒါကိုနှစ်နိုင်ငံစလုံးက လိုလားပုံ မရှိပါဘူး။ ဒီတော့ KIO ဗဟိုအမြန်ပြုတ်အောင် ဗမာ ဖက်က စစ်ဆင်နေပုံရပါတယ်” ဟု ဆိုပါသည်။
အစိုးရသည် ပြီးခဲ့သည့် ၂၀၁၁ခုနှစ် ဇွန်လကတည်းက KIO ကို စစ်ဆင်လာခဲ့ပါသည်။  စစ်ရေးအခြေအနေ ကြောင့် ကချင် လူထုများသည် စစ်ဘေးကိုရှောင်တိန်းရင်း ဒုက္ခသည် (၇) သောင်း ခန့်ဖြစ်သွားခဲ့ပါသည်။ UNHCR သည်လည်း ကချင်ဒုက္ခသည်များကို ကူညီမည်ဟု ညှိနှိုင်းခဲ့သော်လည်း ယနေ့အထိ အကောင်အထည် မတွေ့ရ သေးပေ။

မန်တုံမြို့ ရဲ စခန်း နှင့် တယ်လီဖုန်းရုံးတိုက်ခိုက်ခံရ တိုက်ပွဲများဆက်တိုက်ဖြစ်ပွား

မန်တုံမြို့ ရဲ စခန်း နှင့် တယ်လီဖုန်းရုံးတိုက်ခိုက်ခံရ တိုက်ပွဲများဆက်တိုက်ဖြစ်ပွား

by bniwebmaster@yahoo.com (သျှမ်းသံတော်ဆင့်)

သျှမ်းပြည်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ မန်တုံမြို့နယ်ရှိ မြန်မာနိုင်ငံပြည်သူ့ရဲတပ်ဖွဲ့ ရဲစခန်းအား လက်နက်ကိုင်တပ်ဖွဲ့တဖွဲ့က ၀င်ရောက်တိုက်ခိုက်ရာ  အနီးရှိတယ်လီဖုန်းရုံးပါ တိုက်ခိုက်ခံရ ကြောင်းဒေသခံများက ပြောပါသည်။

“၇ ရက်နေ့ မနက် ၄ နာရီလောက်က ရဲစခန်းကိုလာတိုက်တာ။ ကျနော်တို့ ကြားရတာက မိုးမိတ် ဘက်လှုပ် ရှားတဲ့ ကချင်တပ်ဖွဲ့ တပ်ရင်း ၃၄ က လို့ပြောတယ်။ ရဲ စခန်းကကော ကချင်ဘက်ကကော သေကျေဒဏ်ရာ ရတယ်လို့မကြားမိဘူး၊ တယ်လီဖုန်းရုံးတော့ လက်ပစ်ဗုံး၊ လက်နက်ကြီးကျည်ထိလို့ တော်တော် ပျက်စီးသွား တယ်” - ဟု မန်တုံမြို့ခံတဦးက ပြောပါသည်။

ဩဂတ်စ် ၇ ရက် ည ၈ နာရီ၌ မန်တုံရှိ ခလရ ၁၃၀ က ကချင်လွတ်မြောက်ရေး တပ်မတော်(KIA) ရှိသည် ထင်သည့် ဘက် အား လိုက်လံ၍ လက်နက်ကြီး ၁၀ ကြိမ်ထက်မနည်း ပစ်ခတ်ခဲ့ကြောင်း၊ သေကျေဒဏ်ရာရ စာရင်းမသိရ သော်လည်း ဩဂတ်စ် ၈ နံနက် ၈ နာရီ အချိန် နမ့်ဟိုင်းကျေးရွာအုပ်စုဈေး၌ အစိုးရ၏ ခမရ ၃၂၄ အား ထပ်မံ တိုက်ပွဲဖြစ်ရာ အစိုးရဘက် ၂ ယောက်သေ တစ်ယောက်ဒဏ်ရာရရှိကြောင်း၊ ထို့အတူ ကချင်လွတ်မြောက်ရေး တပ်ဘက်ကလည်း တယောက်သေဆုံးကြောင်း နမ့်ဟိုင်း ဒေသခံတဦးများက ပြောပါသည်။
“ကျနော်တို့ ဒေဘက်ကနေလို့မကောင်းတော့ဘူး၊ လက်နက်ကိုင်တပ်ဖွဲ့တွေကများတော့ မြန်မာတပ်က တော နင်းလိုက်ရှာတယ်။ တိုက်ပွဲမကြာခဏ ဖြစ်တယ်။ ကချင်ကော သျှမ်းကော ပလောင် (တအာင်း) ကော ရှိတယ်။ တခြားမသိတဲ့ ဘာသာစကားတောင် ပြောသေးတယ်၊ အသံက ဝ စကားလိုလိုဘဲ၊ တခါတလေ တရုတ်လိုလဲ ပြောသံကြားတယ်” - ဟု မိုးမိတ်၊ ကျောက်မဲ၊ မန်တုံ၊ နမ္မတူဒေသဘက် သွားလာသည့်ူဒေသခံတဦးကပြောပါ သည်။
ထို့အတူ ပြီးခဲ့သည့် အပတ်တွင်းကလည်း လားရှိုးမြို့အထွက် ဟိုပိတ် ကျေးရွာအုပ်စုအလွန် သိန္နီမြို့ဘက်ဦး တည်သွားသည့် မြန်မာအစိုးရတပ် ခမရ ၅၀၆ ယာဉ်တန်းအား ကချင်လွတ်မြောက်ရေးတပ်နှင့် တခြား ပူးပေါင်း လက်နက်ကိုင်တပ်ဖွဲ့တဖွဲ့က ပူးပေါင်းတိုက်ခိုက်ခဲ့သောကြောင့် မြန်မာစစ်တပ်ဘက် စစ်ဗိုလ်တဦး အပါအဝင် သုံးဦးသေဆုံးသွားသည်ဟု လားရှိုးမြို့ပေါ်ရောက် ဒေသခံ တဦးကပြောပါသည်။