မြန်မာနိုင်ငံ၏ ဘိန်းထုတ်လုပ်မှု တိုးပွား များပြားလာနေဆဲဟု သံသယ ပွားစေသည့် အစီရင်ခံစာ တစ်ရပ်ကို ကုလသမဂ္ဂ ထုတ်ပြန်

မြန်မာနိုင်ငံ၏ ဘိန်းထုတ်လုပ်မှု တိုးပွား များပြားလာနေဆဲဟု သံသယ ပွားစေသည့် အစီရင်ခံစာ တစ်ရပ်ကို ကုလသမဂ္ဂ ထုတ်ပြန် 

by Htut Htut

၂ဝ၁၄ ခုနှစ်တွင် ဘိန်းစိုက်ပျိုး မှုလုံးဝပပျောက်စေရမည်ဟု မြန်မာ အစိုးရက ခိုင်မာစွာ ပြောကြားထားသော် လည်း မြန်မာနိုင်ငံအတွင်း ဘိန်းစိုက်ပျိုးမှု မှာ ခြောက်နှစ် ဆက်တိုက်၊ တိုးတက် များပြား လာနေသဖြင့် အစိုးရ ၏ ပြောကြား ချက်အပေါ် သံသယပွားစေသည့် အစီရင်ခံစာ တစ်ရပ်ကို ကုလသမဂ္ဂက အောက်တိုဘာ ၃၁ ရက် တွင် ထုတ်ပြန်ခဲ့သည်။

ဘိန်းစိုက်ခင်းတစ်နေရာမြန်မာနိုင်ငံအစိုးရသည်ယမန် နှစ်ဆောင်းဦးပေါက်ရာသီမှယခုနှစ် နွေရာသီ အစောပိုင်းကာလအတွင်းမကြုံစဖူးထူးကဲသည့်ဘိန်းစိုက်ပျိုးမှုတိုက်ဖျက်ရေး ဆောင်ရွက် ချက်များကိုအရှိန်အဟုန်ဖြင့် ဆောင်ရွက်ခဲ့ရာဘိန်းစိုက်ခင်းဧကပေါင်း၅၉၂၈ဝခန့် ဖျက်ဆီးနိုင်ခဲ့သည်။

ယခင်နှစ် ဘိန်းဖျက်ဆီးမှုအရေအတွက် သုံးဆခန့် ကျော်တိုး၍ ဖျက်ဆီးနိုင်ခဲ့ခြင်း လည်းဖြစ်သည်။
သို့ရာတွင် ကုလသမဂ္ဂမူးယစ် ဆေးဝါးနှင့် ရာဇဝတ်မှုဆိုင်ရာရုံး အဖွဲ့ (UNODC) က ကမ္ဘာ့ဘိန်း ထုတ်လုပ်မှု တွင် အာဖဂန်နစ္စတန် နိုင်ငံနောက်မှ ဒုတိယလိုက် သည့် မြန်မာနိုင်ငံအတွင်း ဘိန်းစိုက်ခင်း မြေဧကတိုးပွားမှုမှာ ၁၇% အထိ ရှိလာခဲ့ပြီး ရှစ်နှစ်တာ ကာလ တစ်လျှောက် အများဆုံး တိုးပွားမှုနှုန်းထား ဖြစ်သည်ဟု ဆိုသည်။
UNODC ၏ အစီရင်ခံစာအရ ၂ဝ၁၁-၁၂ ခုနှစ်အတွင်း မြန်မာ နိုင်ငံ၏ဘိန်းထုတ်လုပ်မှုကို တန်ချိန် ၆၉ဝ ခန့် ရှိမည် ဟု ခန့်မှန်းထားပြီး ယမန်နှစ် ထုတ်လုပ်မှုဖြစ်သော တန်ချိန် ၆၁ဝ နှင့်နှိုင်းယှဉ်ပါက ၁၃% ခန့်တိုးလာ ခဲ့သည်ဟု သိရှိရပေသည်။ အဆိုပါ အရေအတွက်မှာ ကမ္ဘာ့ဘိန်း ထုတ်လုပ်မှု၏ ၁ဝ%ခန့် ရှိပြီး ကျန် ၉ဝ% နီးပါးကို အာဖဂန် နစ္စတန်နိုင်ငံမှ ထွက်ရှိကြောင်း သိရှိရသည်။
ထိုင်း၊ လာအိုနှင့် မြန်မာနိုင်ငံ၏ ဥပဒေ စိုးမိုးမှု မရှိသော ဒေသများ ထိစပ်လျက်ရှိသည့် ရွှေတြိဂံဒေသ အတွင်းမှ မြန်မာနိုင်ငံ ပိုင်နက်ဒေသများတွင် စိုက်ပျိုးရေး လုပ်ကိုင်ကြသူတို့က လယ်မြေ တစ်ဟက်တာ ပေါ်၌ ဆန်စပါး စိုက်ပျိုးသည်ထက် ၁၉ ဆမျှပို၍ အကျိုးအမြတ် ဖြစ်ထွန်းသော ဘိန်းကိုသာ စိုက်ပျိုးရန် ရွေးချယ် တတ်ကြ ကြောင်း UN အစီအရင်ခံစာတွင် ဖော်ပြပါရှိခဲ့သည်။
ဘိန်းစိုက်ဒေသ အတွင်းမှ အိမ်ထောင်စု ဆယ်စုလျှင် လေးစုမှာ ဘိန်းစိုက်ပျိုးရေးကို ကိုယ်တိုင် လုပ်ကိုင်ကြပြီး ကျန်အိမ်ထောင်စုများက ယင်းတို့လုပ်ငန်းတွင် ပါဝင်ဆောင်ရွက် ကြခြင်းဖြင့် ဒေသခံ အသိုင်းအဝိုင်း တစ်ရပ် လုံး၏ အရေးပါသော စီးပွားရေး လုပ်ငန်းများ ဖြစ်လာခဲ့ရသည်။
ဘိန်းထုတ်လုပ်မှုသည် မြန်မာနိုင်ငံအတွင်း တိုင်းရင်းသား လူမျိုးစုများ၏ လက်နက်ကိုင် ထကြွမှုများ နှင့်လည်း ဆက်စပ်လျက် ရှိသည်ဟု UNODC မှ ဒေသ ကိုယ်စားလှယ် Gary Lewis က ဆိုသည်။
“နိုင်ငံအတွင်း လက်နက်ကိုင် ပဋိပက္ခတွေနဲ့ လက်နက် ဝယ်ယူဖို့ ဝင်ငွေ ကောင်းကောင်း ရနိုင်တဲ့အရင်း အမြစ်တွေကြားမှာ အားကောင်းတဲ့ ဆက်နွယ်ချက် တစ်ရပ်ရှိနေတယ်ဆို တာ မေးခွန်းတောင်ထုတ်နေစရာ မလိုပါဘူး။ ဘိန်းနဲ့ဟီးရိုးအင်းနှစ် မျိုးစလုံးမှာသာမက စိတ်ကြွဆေးပြား ကိစ္စတွေမှာပါ ဥပမာအမြောက် အမြားရှိနေပါတယ်”ဟု  Lewis က Reuters သတင်းဌာနသို့ ပြောကြား သွားခဲ့သည်။
“ဘိန်းစိုက်ခင်း အထူထပ်ဆုံး ဒေသတွေဟာ ပဋိပက္ခဖြစ်ပွားဆဲ ဒါမှမဟုတ် ယာယီရပ်စဲထားတဲ့ ဒေသတွေပဲ ဖြစ်တယ်။ အဲဒါကြောင့် ဒေသတွင်း ငြိမ်းချမ်းရေးနဲ့ လုံခြုံရေး ပေါ်ထွက်ဖို့ ဆိုရာမှာ ဘိန်းစိုက်ပျိုးမှု တိုက်ဖျက် ရေးက အခရာ ကျပါတယ်”ဟု Lewis က ဆိုသည်။
၂ဝ၁၁ ခု မတ်လတွင် တာဝန်စယူခဲ့သော ဦးသိန်းစိန် အစိုးရအဖွဲ့သည် ဗဟိုအစိုးရကို ဆယ်စုနှစ် ပေါင်းများစွာ တိုက်ခိုက်လာခဲ့သော တိုင်းရင်းသား လူနည်းစု အဖွဲ့များနှင့် အပစ်အခတ် ရပ်စဲရေး သဘောတူညီချက်များကို ဆောင်ကြဉ်းနိုင်ခဲ့သော် လည်း ပဋိပက္ခများကို အပြည့်အဝ ဖြေရှင်းနိုင်ရေးမှာမူအလှမ်း ကွာနေ ပေသေးသည်။
သမ္မတဦးသိန်းစိန်၏ အကြံပေး တစ်ဦးဖြစ်သူ ဦးစစ်အေးက အစိုးရ အနေဖြင့် ဘိန်းပြဿနာကို ၂ဝ၁၄ ခုနှစ်တွင် အပြီးအပြတ်ဖယ်ရှားရှင်း လင်းလိုကြောင်း Reuters သတင်းဌာနသို့ ယခုနှစ် ဖေဖော်ဝါရီလ အတွင်းက ထုတ်ဖော် ပြောကြားခဲ့ သည်။
အိမ်နီးချင်း လာအိုနိုင်ငံသည်လည်း ဘိန်းစိုက်ပျိုးမှု တိုးလာခဲ့သည်ကို တွေ့ရသည်။ UNODC အစီရင်ခံစာအရ လာအိုနိုင်ငံ၏ ဘိန်းစိုက်ဧကသည် ၂ဝ၁၁ ခုနှစ် ရာသီကထက် ၆၆% တိုးပွားလာခဲ့သည်ဟု သိရှိရသည်။
သို့ရာတွင် လာအိုတို့၏ ထုတ်ကုန် ပမာဏမှာ ၄၁ တန်မျှသာရှိမည် ဟု ခန့်မှန်းရရာ မြန်မာနိုင်ငံနှင့် နှိုင်းယှဉ် ပါက နည်းပါးလှပေသည်။ လာအိုတို့၏ ဘိန်းထုတ်လုပ်မှု သည် ပြည်တွင်း သုံးစွဲမှုအတွက်မျှသာ ရည်ရွယ်သည် ဟု ယုံကြည်ရကြောင်း UNODC က ဖော်ပြခဲ့သည်။
ဒေသတွင်း ဝယ်လိုအား အများစုမှာ တရုတ်နိုင်ငံ အနောက်တောင်ပိုင်း၊ နယ်စပ်ဒေသများ တစ်လျှောက်မှ စိမ့်ထွက် လာခြင်းဖြစ်သည်။
အရှေ့အာရှနှင့် ပစိဖိတ်ဒေသအတွင်း ဟီးရိုးအင်း သုံးစွဲမှုပမာဏ ၏ ၇ဝ%ကျော်မှာ တရုတ်နိုင်ငံမှ ဖြစ်သည်။ UNODC ၏ မှတ်တမ်းများအရ ၂ဝ၁ဝ ခုနှစ်အတွင်း မှတ်ပုံတင် ဘိန်းသုံးစွဲသူ ဦးရေ ၁.၁ သန်း ရှိခဲ့ရာမှ အနည်းဆုံး ၂၂% တိုးပွားလာခဲ့ကြောင်း သိရှိရသည်။
တရုတ်နိုင်ငံ၏ ဘိန်းသုံးစွဲမှု တိုးပွားလာခြင်းက အရှေ့တောင် အာရှဒေသ၏ ဘိန်းထုတ်လုပ်မှုတိုး လာရန် တွန်းအားပေး မောင်းနှင်လျက် ရှိသည်ဖြစ်ရာ ဒေသအစိုးရများ အနေဖြင့် ဘိန်းစိုက်ပျိုးမှု ထိန်းချုပ်ရေးနှင့် ဒေသခံ လယ်ယာလုပ်သားများ ဆင်းရဲမွဲတေမှု ပပျောက်ရေးတို့ကို ဆောင်ရွက်ရာ၌ လက်တွေ့ကျသော နည်းလမ်းများ ရှာဖွေ ဆောင်ရွက်ကြရန် ပိုမိုအရေးကြီးလာသည် ဖြစ်ကြောင်းလည်း Lewis က ပြောကြား သွားခဲ့သည်။
“ဘိန်းခင်းတွေ ဖျက်တာ တစ်ခုတည်းက အဖြေမဟုတ်သေးဘူး၊ တကယ့်အဖြေမှန်က ရေရှည်တည် တံ့မယ့် ဝင်ငွေရလမ်း အပြောင်းအလဲတွေ အထောက်အပံ့ ပေးဖို့ပဲ” ဟု Lewis က မှတ်ချက်ပြု ပြောကြားသွားခဲ့သည်။
Ref: Myanmar Opium Output Rises Despite Eradication Efforts by Paul Carsten
Reuters, October 31, 2012 မြန်မာအင်ဒီပဲန်ဒင့် ဂျာနယ်